USA

Rashani drejt Amerikës, klubi i “MLS” shfaq interes

Sport Ekspres — Thu, 01 Aug 2019 14:26:05 +0000

E ardhmja e Elbasan Rashanit mund të jetë në kampionatin amerikan “MLS”. Sipas medies norvegjeze “telemarksavisa” për 26-vjeçarin ka shfaqur interes klubi i njohur DC United, pjesë e të cilit është dhe futbollisti me famë botërore Uejn Runi.

Klubet amerikane skautojnë prej shumë vitesh në kampionatit skadinave, ku marrin çdo sezon lojtarë që bëjnë diferencën. Kontrata e Rashanit me klubin Ods mbaron pas një viti e gjysmë, çka do të thotë se për kalimin e sulmuesit në SHBA duhet të gjendet akordi me drejtuesit e skuadrës norvegjeze.

Rashani ka tentuar të luajë dhe më parë jashtë kampionatit norvegjez. 26-vjeçari ka qenë pjesë e danezëve të Brondbit për dy sezone, por aventura daneze nuk rezultoi e frytshme për sulmuesin e krahut.

VIDEO | Bajerni e nis me humbje në SHBA, fitorja i takon Arsenalit

Sport Ekspres — Thu, 18 Jul 2019 07:17:29 +0000

Bajerni i Mynihut ka humbur takimin e parë të turneut miqësor “International Champions Cup” që zhvillohet në mënyrë të përvitshme në Shtetet e Bashkuara të Amerikës. Skuadra e Niko Kovaç është mundur nga Arsenal me rezultatin 2 – 1.

Një autogol i të riut Poznanski dhe goli i sulmuesit ganez Nketia i dhanë fitoren ekipit londinez. Golin e vetëm të Bajernit në këtë takim e shënoi polaku Robert Levandovski.

Një lajm i mirë për Bajernin në këtë takim ishte rikthimi i mesfushorit francez Korentin Toliso. Futbollisti shtatlartë veshi sërish fanellën e kampionëve të Gjermanisë pas më shumë se 9 muajsh nga dëmtim i rëndë që pësoi në gju.

Bajern Mynih 1 – 2 Arsenal
Shënues: Levandovski 71′ / Poznanski 49′ (aut), Nketia 88′

VIDEO | Shkelën flamurin gjatë festimeve, në Amerikë nuk u mbajnë nervat

Sport Ekspres — Mon, 08 Jul 2019 15:56:47 +0000

Kombëtarja amerikane e femrave u shpall për të dytën herë radhazi kampione e bote duke mundur në finale 2 – 0 Holandën. Megjithatë, krahas festës nuk munguan polemikat e shumta në rrjetet socialë për shkak të një veprimi të Megan Rapinoe dhe futbollistes tjetër Allie Long.

Gjatë festimeve Long hodhi përtokë një flamur që po mbante dhe që më pas u shkel nga Rapinoe, një ndër lojtaret pikasi menjëherë këtë veprim dhe e ngriti flamurin, por ishte tepër vonë pasi në rrjetet sociale debatet morën dhenë.

@ALLIE_LONG I understand the excitement of the moment, but please NEVER disrespect the ?? flag by dropping it on the ground! pic.twitter.com/OdPJqAP6r4

— Poetic Spaniard (@PoeticSpaniard) July 7, 2019

Lojtaret e përfaqësueses amerikane shpesh kanë hapur tema debati, duke akuzuar federatën për diskriminim ligjor, diçka kjo për të cilën po zhvillohet një proces gjyqësor, ndërsa lojtare të tjera kanë kritikuar hapur presidentin Donald Trump, duke deklaruar se do të refuzojnë të shkojnë në Shtëpinë e Bardhë në rast ftese nga presidenti i SHBA.

VIDEO | Dominim amerikan, SHBA shpallen kampione bote

Sport Ekspres — Sun, 07 Jul 2019 16:51:31 +0000

Amerika vazhdon të mbajë statusin si “superfuqia” e futbollit të femrave. Përfaqësuesja e SHBA-së është shpallur kampione botë për të katërtën herë në historinë e saj. Amerikanet mundën Holandën në finalen e Botërorit të zhvilluar në Francë me rezultatin 2 – 0.

W ?? O ?? R ??L ?? D
C H A M P I O N S
#OneNationOneTeam pic.twitter.com/6JMJRTJ69b

— U.S. Women's National Soccer Team (@USWNT) July 7, 2019

Amerikanet dominuan përgjatë të gjithë takimit, madje rezultati 2 – 0 mund të duket disi i gënjeshtërt pasi rastet e shpërdoruara nga kampionet e botës ishin të shumta. Megjithatë, dy gola të shpejtë në minutën e 63-të dhe 66-të siguruan trofeun e dytë radhazi për SHBA-në.

Ky është trofeu i dytë radhazi për SHBA-në që konfirmojnë sërish që në futbollin e femrave përfaqësuesja e tyre është krejt e kundërta me atë të meshkujve.

FINALJA E KUPËS SË BOTËS

SHBA 2 – 0 Holandë
Shënues: Rapinoe 63’, Lavelle 66’

VIDEO | Holanda eliminon në Suedinë, në finale e pret superfuqia amerikane

Sport Ekspres — Wed, 03 Jul 2019 21:39:51 +0000

Holanda ka mundur 1 – 0 Suedinë në gjysmëfinalen e Botërorit të femrave. Zonjat e Holandës kalojnë kështu në finale ku do të përballen me superfuqinë e këtij sporti gjatë viteve të të fundit: Shtetet e Bashkuara të Amerikës.

Holanda e fillonte lojën paksa më favorite, por përfaqësuesja nordike arriti të neutralizonte sulmueset cilësore të Holandës. 90 minutat e rregullta nuk prodhuan shumë raste për shënim dhe verdikti final u dha në kohën shtesë. Një goditje e Groenen në minutën e 99-të nuk ndalet dot nga portieria e Suedisë dhe në 20 minutat e mbetura, Holanda ia del të mbrojë avantazhin.

Holandë 1 – 0 Suedi
Shënues: Groenen 99’

Çudira e amerikano-jugore, Kilit i hiqet trofeu i fituar tri vite më parë

Sport Ekspres — Fri, 28 Jun 2019 14:54:02 +0000

Futbolli amerikano-jugor nuk ndal së çudituri. Trupi qeverisës “CONMEBOL” ka vendosur që t’i heqë kombëtares së Kilit statusin si fitues i “Copa Amerika” për edicionin e vitit 2016, që u zhvillua në Shtetet e Bashkuara të Amerikës.

Kili fitoi turneun në fjalë duke mundur në finale Argjentinën pas goditjeve të 11-metërshave. Kombëtarja amerikano-jugore fitoi për herë të dytë radhazi këtë trofe. Vetëm një vit para këtij triumfi ata u shpallën fitues të turneut ku ishin dhe vendi organizator.

Pjesa më e çuditshme në këtë histori është fakti se zyrtarët e “CONMEBOL” janë kujtuar pas tri vitesh për të marrë këtë vendim. Me siguri që te Kili nuk e kanë pritur mirë lajmin, sidomos për faktin se kombëtarja kiliane do të ndeshjet me Kolumbinë pas pak orësh në kuadër të fazës çerekfinale të “Copa America”.

Arsyetimi nga zyrtarët e “CONMEBOL” është se turneu në fjalë ka qenë një format i veçantë ndryshte nga “Copa America”. Evenimenti në fjalë u bë për nder të 100-vjetorit të themelimit të “CONMEBOL”.

Bekam e nis vrullshëm, nënshkruan me të ardhmen e Argjentinës!

Sport Ekspres — Wed, 26 Jun 2019 10:52:04 +0000

Inter Miami është ekipi më i ri që do t’i bashkohet MLS-së, sepse duke nisur nga sezoni i ardhshëm do të jetë pjesë e elitës së futbollit në SHBA.

Presidenti i klubit më të ri në SHBA, siç dihet nga të gjithë është Dejvid Bekam, me legjendën angleze që ka premtuar që në fillim të projektit që do të ndërtojë një ekip dinjitoz.

Bekam duket se e ka mbajtur fjalën dhe së fundmi Inter Miami ka bërë një goditje të madhe në merkato, pasi ka arritur marrëveshjen me Estudiantes për transferimin e Matias Pelegrinit.

Inter Miami are reportedly set to sign 19-year old Estudiantes winger Matías Pellegrini for $10 million.

Pellegrini is considered one of the top teenage talents in Argentina. pic.twitter.com/LMoSVO8D4g

— MLS Buzz (@MLS_Buzz) 25 juin 2019

Ky i fundit konsiderohet si një ndër talentet më të mëdha në Argjentinë, me Inter Miamin që do të paguajë plot 10 milionë dollarë për shërbimet e 19-vjeçarit. Pelegrini shihet si një ndër lojtarët më premtues dhe si e ardhmja e Argjentinës.

Mici kërkon largimin, dy oferta nga “atdheu i dytë” e tundojnë

Sport Ekspres — Sat, 15 Jun 2019 18:34:12 +0000

Gledi Mici mund të largohet nga Shkëndija në javët në vazhdim. Sipas “infOSport.mk”, mbrojtësi i kampionëve të Maqedonisë ka kërkuar largimin për shkak se në drejtim të tij kanë ardhur dy oferta nga skuadra amerikane.

Mici, i cili krahas shtetësisë shqiptare ka dhe atë amerikane kërkohet nga Orlando City dhe Phoenix Rising. Orlando City është klubi më prestigjioz. Ky ekip militon prej katër vitesh në elitën e futbollit amerikan, “MLS”, dhe ka në përbërje disa lojtarë me emër ku më së shumti bie në sy futbollisti portugez Nani.

Klubi tjetër, Phoenix Rising, është pjesë e divizionit të dytë për nga rëndësia: “USL”. Në vitet e fundit Phoenix Rising ka qenë ndër klubet më të suksesshme në këtë divizion. Aksioneri maxhoritar në këtë projekt është ish-futbollisti i njohur Didier Drogba.

Futboll dhe Kanabis, një klub në Las Vegas i bashkon të dyja

Sport Ekspres — Sat, 09 Mar 2019 20:50:45 +0000

Las Vegas Lajts është një klub futbolli, i cili është krijuar vetëm një vit e gjysmë më parë. Ekipi luan në “USL Championship” në Amerikë, që është një ligë që është krijuar që në vitin 2011. Deri këtu është çdo gjë korrekte dhe e zakonshme.

Në rast se gërmojmë më shumë për klubin e Las Vegasit, atëherë do të zbulojmë se nga lajmet e fundit, ky klub ka bërë diçka të pazakontë dhe të rrallë për botën e futbollit dhe jo vetëm. Siç dihet, çdo klub futbolli ka një sponsor, dhe Las Vegas Lajts, ashtu si të gjithë ka një sponsor, që quhet “Two Roots Brewing Co.”.

Kjo e fundit është një birrari, që bazën e saj e ka në San Diego dhe njihet shumë për prodhimin e birrës së mbushur me kanabis. Po, e dëgjuat mirë, birrë e mbushur me kanabis. Kjo birrë nuk lejohet nga ligjet e shtetit të Nevadës dhe për këtë arsye një version pak më ndryshe i birrës me kanabis do të lejohet të shitet në afërsi të stadiumit, kur Las Vegas Lajts të luajnë në shtëpi.

Birra e mbushur me kanabis që prodhohet në San Diego.

Vërtet diçka e pazakontë dhe shumë e çuditshme, sidomos për botën e futbollit…

“Bashkimi bën fuqinë”, Meksika dhe SHBA-ja drejt shkrirjes së kampionateve

Sport Ekspres — Wed, 10 Oct 2018 19:10:52 +0000

Meksika dhe Shtetet e Bashkuara të Amerikës nuk po gëzojnë një klimë të mirë politike, por në aspektin e futbollit, situata paraqitet krejt e kundërt. Marrëdhëniet midis dy federatave janë të shkëlqyera dhe pritet që në të ardhmen kjo lidhje të forcohet akoma dhe më shumë.

Sipas raportimeve nga mediet amerikane, drejtuesit e federatave të dy vendeve janë duke punuar për bashkimin e kampionateve “Liga MX” dhe “MLS”, një nisme kjo unike në mbarë botën e futbollit.

Bashkimi i kampionateve është një ide e njohur edhe për publikun shqiptar, pasi vitet më parë ishte shumë e përfolur tema për bashkimin e kampionate të Shqipërisë dhe Kosovës.

Vazhdon hegjemonia e SHBA-ve, kampione bote për të tretën herë radhazi

Sport Ekspres — Sun, 30 Sep 2018 23:02:32 +0000

Përfaqësuesja e Shteteve të Bashkuara të Amerikës në basketbollin e femrave ka arritur një tjetër triumf historik. Vajzat amerikane janë shpallur për të dhjetën fitues të Botërorit të basketbollit, duke mundur Australinë me rezultatin 73 – 56.

Një dominim ky absolut i SHBA-ve, që e fitojnë për të tretin edicion radhazi këtë turne dhe nuk njohin humbje që prej vitit 2006, ku në 12 vite kanë fituar 22 ndeshje. Lojtarja më e dalluar e takimit ishte Britni Grinër me 15 pikë.

Bekam tashmë pronar klubi, shpenzon 150 milionë dollarë

Sport Ekspres — Wed, 05 Sep 2018 18:05:01 +0000

Dejvid Bekam ka vendosur t’i rikthehet futbollit, jo si lojtar ose trajner, por si pronar i një klubi. Ish-futbollisti anglez, i cili ka grumbulluar një pasuri prej qindra miliona dollarësh ka vënë në jetë projektin e tij më të ri, një klub futbolli që do të militoj në kampionatin amerikan “MLS”, duke filluar nga sezoni 2020.

Projekti i Stadiumit

Klubi i ri i Bekam ndodhet në shtetin e Floridas, në qytetin turistik të Majemit, dhe do të quhet “Inter Majemi”. Në planet e Bekam është dhe një stadium i ri, ndërtimi i të cilit pritet të fillojnë në muajin nëntor. Investimi fillestar i Bekam për klubin e ri pritet të kapë 150 milionë dollarë.

This is our story. This is our crest.#InterMiamiCF #ThisIsMiami #MLS pic.twitter.com/p3yCkFiO0S

— Inter Miami CF (@InterMiamiCF) September 5, 2018

Dempsei i jep fund, sulmuesi amerikan var këpucët

Sport Ekspres — Wed, 29 Aug 2018 17:26:19 +0000

Klint Dempsei ka njoftuar ditën e sotme dorëheqjen nga futbolli. Ish-sulmuesi i Fulhemit, Totenhemit dhe i disa skuadrave të tjera ka vendosur t’i thotë stop në moshën 35-vjeçare par një karriere 15-vjeçare si futbollist profesionist.

Dempsei lë pas një karrierë të pasur, ku kulmin më të madhe e ka pasur në Premier League me skuadrën e Fulhemit, ku në sezonin 2011/2012 shënoi 17 gola. Gjithashtu Dempsei ngelet në histori si një ndër 2 golashënuesit rekordmen të kombëtares amerikane, pasi ndan vendin e parë me ish-sulmuesin e Evertonit, Lendon Donovan me 57 gola në 141 aktivizime.

After prolific 15-year career, Seattle Sounders forward and @ussoccer_mnt legend @Clint_Dempsey announces his retirement. #ThankYouDeuce ??

?? https://t.co/1ykMlTRGqj pic.twitter.com/iERzvwmxjU

— Seattle Sounders FC (@SoundersFC) August 29, 2018