Duhet të ishte lajm dite fakti që një vajzë 20-vjeçare mbërriti për herë të parë në finale dhe fitoi, por suksesi historik i japonezes Naomi Osaka u mjegullua nga sherri i Serena Uilliams me gjyqtarin e ndeshjes Karlos Ramos.

Ky i fundit ndëshkoi disa herë amerikanen për faktin se trajneri i saj foli gjatë ndeshjes dhe me pas Serena shpërtheu në akuza, duke e quajtur “hajdut” gjyqtarin e takimit.

Pas ndeshjes Uilliams nuk i ndali akuzat, duke folur për seksizëm në tenis dhe trajtim jo të barabartë, pasi në tenisin e meshkujve shpesh kalohen pa ndëshkime shumë sjellje të konsideruara të gabuara.

Ngjarja në US Open i ka kushtuar një gjobë të rëndë Serenas, e cila duhet të paguajë 17.000 dollarë, shifër simbolike gjithsesi, për një ndër sportistet më të pasura në planet.

Fitorja e japonezes, mëse e merituar, u njollos nga skenat e shëmtuara gjatë ndeshjes, me Serena Uilliams që pati një debat të ashpër dhe ofendoi gjyqtarin e takimit, Karlos Ramos.

Ky i fundit paralajmëroi disa herë në setin e dytë Serenën për shkak se trajneri i saj po e udhëzonte nga tribuna, gjë që nuk lejohet, derisa i dha një penalizim me një pikë më pak amerikanes, e cila nuk u përmbajt: “Më vodhe një pikë. Më kërko falje, sepse je një gënjeshtar. Nuk do të drejtosh më kurrë një ndeshje timen”.

Nervat në kulm për Serenën, qetësi e paparë për 20-vjeçaren Osaka, e cila triumfoi dhe e përlotur ngriti trofeun.

Ndërkaq, tifozët amerikanë fishkëllenin arbitrin, por Serena tregoi klas, duke kërkuar qetësi, për të mos ia prishur festën rivales.

.@serenawilliams instructs crowd to stop booing and celebrate @Naomi_Osaka_'s moment of winning her first grand slam. #USOpen pic.twitter.com/LOAyB42OmQ

— Jeff Eisenband (@JeffEisenband) September 8, 2018

Seti i parë u mbylle 6-3 me “game” për amerikanen, ndërkohë që në setin e dytë Sevastova u shfaq krejtësisht e dorëzuar përballë Uilliams, që nuk i la asnjë shans dhe e mbylli 6-0 me “game”. Kështu tenistja 36-vjeçare do kërkojë të fitojë këtë “Grand Slam”, por për këtë duhet të kalojë japonezen Naomi Osaka.

Mund të ishte një finale amerikane e tëra amerikane, por Osaka ka thyer 2-0 Madison Kejs. Gjithsesi edhe Osaka është amerikano-japoneze. E renditur e 19-ta në renditjen e përgjithshme, tenistja 21-vjeçare ka fituar 6-2, 6-4, duke u kualifikuar për herë të parë në finalen e një “Grand Slam”-i. Tani nuk ka çfarë humbet dhe do tentojë të shfrytëzojë freskinë e moshës kundrejt Serena Uillimas.

Mbreti Roxher largohet bujshëm nga Xhon Millman, numri 55 në renditjen botërore, që kurrë në karrierë nuk kishte pasur një ecuri të tillë. Australiani 29-vjeçar triumfoi në 4 sete, 3-6, 7-5, 7-6, 7-6, me një përmbysje të bujshme, sepse seti i parë ishte i tëri për Federer.

Absolutely stunning upset as @johnhmillman defeats Federer 3-6, 7-5, 7-6, 7-6 under the lights in Arthur Ashe Stadium!

Millman's first top ten victory lands him a spot in the QF against Djokovic…#USOpen pic.twitter.com/4DPEOJpJw7

— US Open Tennis (@usopen) September 4, 2018

Gjithsesi, më pas Federer e humbi ritmin dhe bëri shumë gabime, duke shpërdoruar edhe dy set point në dy setet e radhës. pas 3 orësh e 34 minutash, zvicerani i ka dhënë lamtumirën turneut amerikan, aty ku në fakt pritej një supersfidë mes tij dhe Novak Xhokoviç. Për herë të parë në 14 vitet e fundit Federer nuk kap çerekfinalet në US Open dhe rënia është e qartë, sepse këtë vit erdhi edhe eliminimi që në çerekfinale në Uimbëlldon, me statistikat që nuk gënjejnë, sepse shifrat janë ndër më të këqijat në karrierën e tij madhështore.

Ndërkaq, është eliminuar te femrat Maria Sharapova, kampione në vitin 2006. Rusja u mund nga spanjollja Karla Suarez Navarro, e cila e festoi ditëlindjen e 30-të me një fitore impresionuese 6-4, 6-3.

“Olimpia nuk do të festojë ditëlindjen. Ne jemi pjesë e Dëshmitarëve të Jehovait dhe festimi i ditëlindjes nuk bën pjesë në zakonet tona”, shpjegoi 36-vjeçarja për “metro.co.uk”.

Ishte përfolur se burri i tenistes, Aleksis Ohanian, ishte ndjekës i këtij kulti dhe konfirmimi ka ardhur nga vetë Uilliams, e cila ka nisur të praktikojë dhe vetë. Përveç mos festimit të ditëlindjeve, Dëshmitarët e Jehovait nuk festojnë as Krishtlindjen dhe Pashkën, ndërsa refuzojnë të marrin pjesë në festa të ceremoni të ndryshme.

2017 US OPEN CHAMPION, 16TH TIME GRAND SLAM CHAMPION, RAFAEL NADAL! #USOpen #RafaelNadal #VAMOSRAFA pic.twitter.com/8edK1lSr0x

— Zain ? (@Celtics_Cowboys) September 10, 2017

Kthim në majë, pikërisht kur nuk pritej, sepse deri para pak kohësh Nadal vuante nga dëmtimet dhe dukej në fundin e karrierës. Pas triumfit të sotëm, Nadal është vetëm 3 turne madhorë larg gjigantit tjetër Roxher Federer, por nuk mendon shumë për rekordet: “Ai ka stilin e vet, unë timin, nuk mendoj shumë për rekordet. Megjithatë, ju garantoj se do të jem në lojë edhe për disa vite”.

Për herë të shtatë në histori një finale në Grand Slam vinte përballë dy tenistë mbi 30 vjeç, ndërsa për të katërtën herë në karrierë Nadal fitoi të paktën dy turne madhorë brenda vitit.