Uruguai

“Në Angli më merr malli për diellin, Italia më mirë për të jetuar”

Sport Ekspres — Wed, 12 Jun 2019 17:44:43 +0000

Lukas Torreira është një nga futbollistët më të spikatur të Arsenalit të këtij viti. Uruguajani ka zënë një vend titullari në ekipin e Unai Emeri. Ka një shpirt luftëtari dhe aftësi të mira teknike dhe finalizuese. 23-vjeçari duket sikur ka një jetë që luan në Angli sepse është përshtatur përsosmërisht me dinamikën e futbollit në ishull.
Gjithsesi, përtej fushës së blertë Torreira nuk e ka aspak të lehtë të ambjentohet. Në një intervistë për mediet e atdheut të tij ai është shprehur se nuk po arrin të gjejë rehatinë që kërkon në Londër. Për të Italia është një vend më i mirë për të jetuar. Në shumë raste e merr malli për të parë diellin. Gjuhën do ende kohë për ta mësuar.

“Nuk e di nëse po shijoj shumë gjëra këtu. Mendoj se Italia është një vend më i mirë për të jetuar. Londra është komplet një botë ndryshe. Anglia është një vend shumë i madh. Kam probleme me gjuhën dhe has vështirësi në komunikimin me shokët dhe të tjerët.”

“Moti është një tjetër vështirësi. Dal në mëngjes dhe ka shumë re, kthehesh pas stërvitjes dhe përsëri ka shumë re. Më merr malli për diellin. Në Amerikën e Jugut kemi shumë ditë me diell dhe jemi mësuar me atë klimë. Mendoj se do të mësohem me kalimin e viteve”, u shpreh mesfushori uruguajan.

Përplasja me Kavanin? Nejmar thyen heshtjen

Sport Ekspres — Mon, 19 Nov 2018 15:45:14 +0000

Nejmar i ka dhënë fund heshtjes dhe ka folur për përplasjen me Edinson Kavanin, shokun e tij te PSG, gjatë ndeshjes miqësore, Brazil-Uruguai. Braziliani pësoi një ndërhyrje të ashpër nga ana e qendërsulmuesit dhe refuzoi faljen e tij.

Por, ajo që ndodh në fushë mbetet aty dhe, pas prononcimit të Mbape, i cili tentoi të qetësonte palët, tashmë ka ardhur dhe reagimi i Nejmarit.

“Disa njerëz përpiqen të krijojnë polemika nga hiçi. Ishte një përplasje fushe dhe mbaroi aty. Ne jemi kolegë dhe duhet të mos flasim për problem që nuk ekzistojnë”, sqaron Nejmar, duke i dhënë përfundimisht fund këtij episodi.

VIDEO | Plas mes Nejmarit dhe Kavanit, uruguaiani: Nuk ka miqësore!

Sport Ekspres — Sat, 17 Nov 2018 13:23:56 +0000

Edhe pse miqësore, Brazil-Uruguai mbetet gjithmonë një ndeshje e fortë dhe e luftuar. Ekipi i Tites fitoi me një gol të Nejmarit me penallti, por një episod i veçantë ka ndodhur gjatë miqësores së mbrëmshme.

Protagonistët kanë qenë Edinson Kavani dhe Nejmar. Të dy janë shokë skuadre te PSG, por ndryshon situata kur ata veshin bluzën e kombëtares. Lojtarët kanë patur dhe më parë shkëndija mes tyre, si në rastin e përplasjeve për një penallti.

LONDON, ENGLAND – NOVEMBER 16: Neymar of Brazil is challenged by Edinson Cavani of Uruguay during the match between Brazil and Uruguay at Emirates Stadium on November 16, 2018 in London, England. (Photo by David Price/Arsenal FC via Getty Images)

Por edhe sivjet në Champions Nejmar u pa i tërbuar, teksa Kavani në ndeshjen me Napolin i ndërhyri gabimisht brazilianit. Ndërhyrja që uruguaiani i bëri shokut të tij të skuadrës te PSG-ja, është komentuar pas ndeshjes. Kavani shkoi t’i jepte dorën kundërshtarit, të cilin e ndihmonte të çohej dhe më pas u pa një tërheqje e Nejmar.

Cavani takes out Neymar

And Neymar acts like it was the hardest tackle ever

Neymar is such a cry baby

pic.twitter.com/z3mGU1TY6k

— SCARFACE (@LFC_LION) November 17, 2018

Në lidhje me takimin dhe episodin që ndodhi, Kavani është shprehur: “Askujt nuk i pëlqen të humbasë, askush nuk dëshiron të luajë pa nxjerrë kthetrat. Kjo nuk është ndeshje miqësore. Për këtë arsye, disa lojtarë ishin të zemëruar, por kur përfundoi ndeshja të gjithë u qetësuan. Më ka ndodhur edhe mua me Nejmarin”.

Mesfushori dëmtohet para derbit, Spaleti me dhimbje koke

Sport Ekspres — Tue, 16 Oct 2018 14:02:58 +0000

Para miqësores që Uruguai zhvilloi sot përballë Japonisë, Federata Urguaiane e Futbollit komentoi në rrjetet sociale për mungesën e një prej lojtarëve të Tabarez.

“Matias Vesino nuk mund të zbresë në fushën e blertë në miqësoren kundër Japonisë për një dhimbje në pjesën e pasme të kofshës së tij të djathtë”. Një lajm i hidhur për Luçiano Spaletin dhe trajnerët e Interit. Të dielën zhvillohet derbi i qytetit. Milan, Barcelona dhe Lacio. Tetë ditë “ferri” për Interin, që tashmë humbet dhe shërbimet e mesfushorit 27-vjeçar.

#JAPURU | Matías Vecino no podrá disputar el amistoso ante Japón debido a una molestia en posterior de muslo derecho.

— Selección Uruguaya (@Uruguay) October 16, 2018

Prania e tij në derbin kundër Milanit është në dyshim, ndërsa mjekët do të bëjnë të pamundurën ta rikuperojnë lojtarin për sfidat pasardhëse. Vesino po gëzonte një formë të mirë dhe ky dëmtim vjen në një moment delikat për skuadrën.

Nga ana tjetër, Japonia e fitoi miqësoren kundër kombëtares latine. Aziatikët triumfuan me rezultatin 4-3 në një sfidë që dhuroi spektakël. Minamino (dygolësh), Osako dhe Doan ishin autorët e golave të Japonisë, ndërsa për Uruguain shënuan Pereiro, Kavani dhe Rodrigez.

Oskar Tabarez pjesë e librit “Guinness”, askush si mjeshtri uruguaian!

Sport Ekspres — Thu, 04 Oct 2018 13:49:40 +0000

Oskar Tabarez është një legjendë e gjallë dhe një idhull në Uruguai, por jo vetëm. 71-vjeçari emocionoi të gjithë tifozët gjatë Botërorit të Rusisë me insistimin dhe kurajën e tij për të drejtuar kombëtaren nga stoli, pavarësisht se vuante nga sindroma “Guillain-Barrè”, që i kufizon lëvizshmërinë dhe nuk i lejonte të qëndronte në këmbë.

Tabarez, i cili drejton Uruguain që nga viti 2006, fitoi Kupën e Amerikës në vitin 2011, ndërsa një vit më parë dërgonte Uruguain në gjysmëfinalet e Botërorit të Afrikës së Jugut. 71-vjeçari ka fituar më parë Kupën Libertadores me Penarolin, disa trofe me Boka Zhuniors, ndërsa ka provuar dhe eksperiencën e futbollit italian, ku ka drejtuar ekipet e Kaljarit dhe Milanit.

Së fundmi “mjeshtri” ka rinovuar me katër vite kontratën e tij me Uruguain dhe qëllimi i tij është marrja pjesë në Botërorin e Katarit 2022, ndërsa ëndrra mbetet fitimi i kompeticionit. Për të “certifikuar” dashurinë e pakushtëzuar të popullit uruguaian për kreun e stolit ka menduar “Guinness World Records”.

Tabarez është futur në librin e rekordeve falë numrit të ndeshjeve me kombëtaren e Uruguait, të cilët i drejton nga viti 2006, ndërkohë që i ka drejtuar dhe në vitet 1988-1990. Tabarez numëron 185 ndeshje në drejtimin e kombëtares dhe katër paraqitje në Botërore, numra që nuk i ka arritur asnjë trajner tjetër në historinë e futbollit.

Me 185 ndeshje në stolin e kombëtares “Celeste”, Tabarez ka kaluar gjermanët Sep Herberger dhe Hoakim Lëv, me nga 167 ndeshje në drejtimin e “Pancerave”. Me 4 pjesëmarrjet në Botërore, duke nisur nga: Itali 1990, Afrika e Jugut 2010, Brazil 2014 dhe Rusi 2018, Tabarez ka barazuar gjermanin Helmut Shon dhe anglezin Valter Uinterbotom, ndërsa nëse pjesëmarrja në Katar 2022 do e bënte Tabarezin numrin një në histori me 5 Botërore në krye të një kombëtareje.

Rreth 30 vite pas ndeshjes së parë në stolin e Uruguait (27 shtator 1988), trajneri i famshëm ka dashur t’ia dedikojë tifozëve rekordin e dyfishtë.

“Asnjëherë nuk e kisha imagjinuar se do të arrija një objektiv të tillë dhe mendoj se kjo është e mundur falë dashurisë së njerëzve dhe mbështetjes së familjes time. Besimi i tifozëve dhe përfshirja e plotë në një projekt të përbashkët i kanë lejuar futbollit uruguaian dhe ekipit kombëtar të gjenerojnë një ndjenjë shumë të fortë të bashkimit dhe rritjes, që ka hedhur themelet për brezat e ardhshëm. Kjo është ajo që vlen më shumë se rezultatet sportive”, përfundon mjeshtri i Uruguait.

Modest në maksimum, Tabarez refuzon ndërtimin e statujës në Uruguai

Sport Ekspres — Tue, 25 Sep 2018 19:03:05 +0000

Trajneri i Uruguait, Oskar Tabarez, ka fituar statusin e një heroi për popullin uruguaian falë punës së shkëlqëyer që ai ka kryer më përfaqësueses amerikano-jugore gjatë 12 viteve të fundit. “Mjeshtri” siç e thërrasin të gjithë sapo ka nënshkruar një kontratë që do e mbajë atë të lidhur me kombëtaren e Uruguait deri në Botërorin “Katar 2022”, vit në të cilin Tabarez do të ketë mbushur 75-vjeç.

Për të vlerësuar punën e madhe të trajnerit, këshilli bashkiak i kryeqytetit të Uruguait, Montevideos kishte propozuar ngritjen e një statuje në nderim të tij. Por, kjo ide nuk është pranuar nga 71-vjeçari, i cili ka thënë se ai nuk ishte kurrsesi më i rëndësishëm se lojtarët e tij.

Gjithsesi në të ardhmen është mëse e sigurt që Tabarez do të ketë një statujë në vendlindjen. Rekordet e teknikut uruguaian janë me të vërtetë shumë të veçanta. Ai është vetmi trajner që ka drejtuar një përfaqësuese në katër edicione të ndryshme (1990, 2010, 2014, 2018), si dhe mban rekordin si trajneri me numrin më të madh të ndeshjeve me një skuadër kombëtare, momentalisht 185.

Tabarez rinovon, katër vite të tjera me Uruguain

Sport Ekspres — Fri, 21 Sep 2018 14:42:53 +0000

Oskar Tabarez është një njëri që nuk dorëzohet kurrë. Trajneri i Uruguait dhuroi emocione të mëdha në Botërorin e Rusisë, duke insistuar të drejtojë djemtë e tij nga pankina, pavarësisht se vuante nga sindroma “Guillain-Barrè”, që i kufizon lëvizshmërinë dhe nuk i lejonte të qëndronte në këmbë.

I paharrueshëm momenti kur Himenez shënoi në minutat e fundit përballë Egjiptit dhe Tabarez gjeti forcën për t’u ngritur në këmbë dhe për të festuar golin e fitores, një skenë që emocionoi dhe preku shumë tifozë. Ai dhe djemtë e tij zhvilluan një Botëror shumë të mirë dhe u ndalen në çerekfinale nga Kampionët e Francës.

Uruguai ka zyrtarizuar rinovimin e kontratës me trajnerin Oskar Uashington Tabarez. 71-vjeçari ka firmosur kontratën e re dhe do të jetë trajner i kombëtares dhe për katër vitet e ardhshme.

Kaos në futbollin uruguaian, FIFA shkrin federatën

Sport Ekspres — Wed, 22 Aug 2018 11:22:38 +0000

Futbolli në Uruguai po kalon një moment krejt të pazakontë. Dorëheqja a papritur e presidentit Uilmar Valdez bëri që institucioni të bie në kaos dhe tani është radha e FIFA-s për ta kthyer situatën në normalitet.

Një komision i posaçëm i ngritur nga FIFA do të merret përkohësisht me mbarëvajtjen e kampionateve dhe me menaxhimin e kombëtares. Ka dyshime të forta se dorëheqja e ish-presidentit Uilmar Valdez ndodhi si pasojë e një skandali korrupsioni, dhe kompromisi ka qenë dorëheqja, që problemi të mos dilte në dritë.

FIFA ka të drejtë të marrë kontrollin e federatave nëse shikon parregullsi në administrimin e institucioneve. Një tjetër federatë e madhe që rrezikon të shkrihet është ajo e Australisë, pasi FIFA ka dyshime mbi marrëveshjet e biznesit që federata e atij vendi ka lidhur me kompani të ndryshme biznesi.

Uruguai me trajner të ri, ja kleçka që pengon rinovimin e Tabarez

Sport Ekspres — Sat, 18 Aug 2018 07:28:19 +0000

Uruguai përballet me Meksikën në miqësoren që do të zhvillohet në shtator në Amerikë, por në stolin e ekipit nuk do të jetë Oskar Tabarez. Trajneri i famshëm, i cili drejton ekipin latin prej 12 vitesh, akoma nuk ka rinovuar kontratën me federatën uruguaiane të futbollit.

Në sfidën e ardhshme do të jetë Fabian Koito, trajneri i U-20, ai që do të ulet në stolin e ekipit “Çeleste”.

Federata nuk po nxiton dhe ata besojnë që do të arrijnë të bindin teknikun 71-vjeçar për të vazhduar të jetë në krye të Uruguait. Për momentin, presidentët e klubeve që marrin pjesë në elitën e futbollit uruguain, kanë frenuar nënshkrimin e kontratës së re prej katër vitesh me Tabarezin.

Kjo ndodh, sepse presidenti i mëparshëm, Vilmar Valdez, dha dorëheqjen dhe zgjedhjet e reja bëhen me datë 21 gusht. Sipas presidentëve të klubeve, duhet zgjedhur në fillim presidenti i ri i federatës dhe pastaj mund të vijë rinovimi për mjeshtrin Tabarez.

Itali fantastike, por Uruguai shënon autogolin e vitit

Sport Ekspres — Wed, 07 Jun 2017 20:51:26 +0000

Italia që shpresonim ta mundnim ne nuk qenka aq e dobët sa mendonim. Nuk është një Itali yjesh, por nëse mbrapa ka një bllok mbrojtës perfekt, pjesa tjetër e skuadrës po funksionon për mrekulli, me një si Beloti që mjafton e tepron për të futur në siklet gjithë mbrojtjet kundërshtare.

Sot Italia mundi 3-0 Uruguain në Nicë të Francës, duke shkëlqyer në lojë e rezultat, por duke u ndihmuar edhe nga fakti se Uruguai luajti pa lojtarë si Suarez e Kavani.

Në fakt, ishte pikërisht Uruguai skuadra që shënoi e para, por në portën e vet, me Gimenez që shënoi një autogol spektakolar, nga ata që rrallë i shohim, kur Beloti ndali një top në zonë dhe mbrojtësi kundërshtar e çoi në rrjetë me një goditje spektakolare, duke u munduar ta largonte.

Më pas Italia krijoi edhe raste të tjera, ndërsa Uruguai bëri shumë pak në sulm. Edhe pjesa e dytë ishte me ritëm të ulët dhe një Itali që kontrolloi pa shumë probleme, derisa Eder siguroi fitoren në minutën e 83-të dhe De Rosi nga pika e bardhë vulosi suksesin 3-0 në shtesë.

ITALI – URUGUAI 3-0

Golat: Gimenez 7′ aut., Eder 83′, De Rosi 90’+1 pen.

ITALIA: Donaruma, Darmian, Barzali (Kielini 78’), Bonuçi, Spinacola, Markizio (Montolivo 18’), De Rosi, Kandreva (Bernardeski 58’), Beloti (Eder 46’), Imobile (Gabiadini 82’), Insinje (El Sharaui 64’).

URUGUAI: Muslera, M. Pereira (Koruho 82’), Giménez, Koates, Kaseres, Sançez (Stuani 46’), Nandez, Vesino, A Gonzalez, Urretaviskaja, Rolan (Silva 73’)

Kartonë të verdhë: Markizio 4’, Imobile 39’ / Nandez 62’

Gjyqtar: C. Turpin (Francë)

E’ davvero clamoroso l’autogol di #Gimenez che porta l’#Italia in vantaggio 1-0 sull’#Uruguay #ItaliaUruguay pic.twitter.com/G0GzFsIuY6

— RaiSport (@RaiSport) June 7, 2017