Uotford

VIDEO | Një fenomen 17-vjeçar shtang Brazilin, Liverpuli hidhet në sulm

Sport Ekspres — Sat, 25 May 2019 17:22:22 +0000

Brazili nuk ka resht së prodhuari talent të rrallë. “Diamanti” më i fundit që po përpunohet në vendin e Sambës është 17-vjeçari i Fluminenses, Zhoao Pedro. Në tri ndeshjet e fundit sulmuesi i talentuar ka shënuar gjashtë gola, ku spikat takimi i djeshëm ndaj Atletiko Nasional ku realizoi tripletën e parë si profesionist.

Ky “shpërthim” i papritur i 17-vjeçarit ka sjellë interesin e shumë klubeve të mëdha në Europë. Sipas medies së njohur braziliane “Globo”, Liverpuli është kthyer në favoritin kryesor për të siguruar shërbimet e sulmuesit.

https://www.youtube.com/watch?v=ZzmgupSFgA4

Megjithatë, ky transferim është tejet i komplikuar për shkak se në mes futet një palë e tretë. Bëhet fjalë për ekipin e Uotfordit. Skuadra nga qyteti në veri të Londrës ka arritur një marrëveshje paraprake për të blerë kartonin e Pedros, por Liverpuli mund të shfrytëzojë një klauzolë të kësaj marrëveshjeje për t’i rrëmbyer talentin Uotfordit.

Në këtë skenar, skuadra e Jurgen Klop duhet t’i paguajë një shumë parash të dyja klubeve, operacion ky që përflitet se mund të shkojë deri në 40 milionë euro, shumë e konsiderueshme për një 17-vjeçar.

Olsen një zhgënjim total te Roma, destinacioni i ri është në Angli

Sport Ekspres — Wed, 24 Apr 2019 15:40:38 +0000

Blofet e Romës në merkaton e verës që lamë pas ishin të shumta. Krahas lojtarëve si Pastore, Klajvert dhe Nzonzi, një ndër lojtarët që kanë zhgënjyer më së shumti është portieri Robin Olsen.

“Gardiani” suedez u ble nga Kopenhageni për 9 milionë euro. Në Romë prisnin që 29-vjeçari të ishte i denjë për të zëvendësuar një portieri te kalibrit të Alison, por në praktikë nuk ndodhi kështu.

Së fundmi Olsen ka humbur vendin e titullarit ndaj 35-vjeçarit Antonio Mirante. Është e qartë që bashkëpunimi mes palëve po vjen drejt fundit. Sipas “Gazzeta Dello Sport”, destinacioni i ardhshëm i suedezit është kampionati anglez ku klubi i Uotford është i gatshëm të paguajë tetë milionë euro për portierin e kombëtares suedeze.

VIDEO | Rrëzoi anësorin dhe nuk i kërkoi falje, ky lojtar është më i urryeri në Angli!

Sport Ekspres — Mon, 07 Jan 2019 09:39:15 +0000

Sulmuesi i skuadrës së Uotfordit, Isak Sukses, është vënë në qendë të kritikave në rrjetet sociale, por edhe në shtypin britanik, për shkak të një episodi të ndodhur në takimin e djeshëm të “FA Cup”, midis Uotfordit dhe skuadrës amatore të Uoking, që militon në kategorinë e gjashtë të të futbollit anglez.

Në dyluftim për një top, Sukses, filloi të dilte jashtë vijës anësore të fushës dhe për t’i shpëtuar kontaktit me rreshtat e reklamave që ndodheshin fare pranë, 23-vjeçari shtyu arbitrin anësor që për rastësi u gjend pranë tij.

It hasn't been a good day to be an assistant referee… ???? pic.twitter.com/a8SzJGd52b

— Emirates FA Cup (@EmiratesFACup) January 6, 2019

Arbitri më pas u rrëzua, por fatmirësisht ai nuk pësoi ndonjë lëndim, madje u duk se e mori me humor, pasi as vetë nuk po i mbante do të qeshurat e këtij incidenti komik. Sukses, i cili ishte shkaktari i këtij incidenti, as nuk e vrau mendjen fare për t’i kërkuar të falur arbitrit, dhe kjo ka sjellë një “stuhi” kritikash në rrjetet sociale.

VIDEO | Mitroviç i mohon fitoren Uotfordit

Sport Ekspres — Sat, 22 Sep 2018 13:30:57 +0000

Ka përfunduar ndeshja e parë e javës së gjashtë të Premier Ligës. Fulhemi ka barazuar me Uotfordin me rezultatin 1-1. Ndeshja nisi me gol dhe sulmuesi Andre Grei kaloi miqtë në avantazh në minutën e dytë të takimit.

27-vjeçari shfrytëzoi një pasim të Hjuxhs, goditi nga brenda zonës dhe kaloi Uotfordin përpara. Pjesa e parë nuk solli gola të tjerë, ndërsa Fulhem gjeti barazimin në pjesën e dytë.

Serbi Mitroviç barazoi takimin në minutën e 78-të, pas pasimit të Vietos, duke u ngjitur në kuotën e pesë golave në krye të tabelës së golashëneueve, së bashku me Hazardin e Çelsit. Sfida nuk pati më gola dhe gjithçka u mbyll në barazim.

Me pikën e marrë, Fulhemi ngjitet në kuotën e pesë pikëve, ndërsa Uotfordi reagoi pas humbjes në shtëpi me Mançester Junajtid, duke u ngjitur momentalisht në vendin e katërt, në kuotën e 13 pikëve.

Fulhem – Uotford 1-1
(Mitroviç 78’/Grei 2’)