Një barazim 0-0 ndaj Shtutgartit u mjaftoi kryeqytetasve (takimi i parë përfundoi 2-2) për të siguruar biletën për në Bundesligë. Një ndeshje e dominuar nga Shtutgarti për pjesën më të madhe të tij, por edhe një gol që u shënua, u anulua për një pozicion jashtë loje të një futbollisti të Shtutgartit, në pjesën e parë. Në pjesën e dytë Union Berlini mori zemër, goditi dy herë shtyllën dhe pati raste të arta, por rëndësi kishte të mos pësonte gol.

Një dështim kolosal për Shtutgartin, një ndër klubet më të mëdhenj në Gjermani, që ka një ndër stadiumet me më shumë tifozë në Europë. Një dështim i gatuar prej kohësh, por javën e shkuar në Shtutgart mbi të gjitha, me avantazhin e shpërdoruar dy herë.

WE ARE FUCKING UP! pic.twitter.com/IpRZjQgarH

— 1. FC Union Berlin (English) (@fcunion_en) May 27, 2019

Në këtë moment nuk kishte si të mungonte një pushtim fushe nga tifozët besnikë të Unionit, që e prisnin prej dekadash këtë moment. Skenat në fund të takimit janë tepër mallëngjyese, lojtarë dhe tifozë të përqafuar së bashkë, të gjithë me lot gëzimi në sytë e tyre.

Në një stadium të tejmbushur, me më shumë se 58.000 tifozë, 4000 prej të cilëve nga Berlini, Shtutgarti kishte në kështu e vet traditën, sepse qr kur është futur playoff-i kanë triumfuar gjithnjë ekipet e Bundesligës 1.

Një rregullore e padrejtë, që favorizon ekipet e elitës, por Union Berlini shkoi në Shtutgarti pa frikë dhe luajti një ndeshje të madhe.

Në minutën e 42-të Gentner shënoi për Shtutgartin, por u përgjigj një minutë më vonë Abdullahi.

Në pjesën e dytë u fut veterani Mario Gomez dhe shënoi që në minutën e 52-të, por në minutën e 68-të Marvin Fridrih barazoi sërish për miqtë, që kontrolluan mirë deri në fund.

Kthimi pas pak ditësh në Berlin do të jetë i zjarrtë, Unioni e ka seriozisht dhe tani që dogji Hamburgun, nuk ka më frikë asnjë rival. Këtë sezon Union ka humbur vetëm një herë në shtëpi, Shtutgarti nuk luan dot për barazim.