Under

“Të marrosur” pas Ynder, anglezët mbulojnë Romën me ar

Sport Ekspres — Wed, 05 Dec 2018 17:56:29 +0000

Xhengiz Ynder është njeriu i momentin në kryeqytetin e Italisë. Talenti turk po bën një sezon impresionues me fanellën e Romës, ku pavarësisht se verdhekuqtë duken në vështirësi në këtë fillim sezoni, 21-vjeçari ka qenë një ndër të vetmit që ka shpëtuar nga kritikat.

Në fundjavën që lamë pas, Ynder shënoi një perlë të vërtetë në sfidën e luajtur ndaj Interit. Pikërisht në atë ndeshje kishin ardhur shumë skautë për të vëzhguar nga afër turkun, i cili nuk zhgënjeu dhe tashmë duket se ankandi ka nisur dhe klubi i parë që është shfaqur është Totenhemi.

“Gjelat” e Londrës duket se kanë bërë gati ofertën e dytë për Romën, pasi e para u refuzua nga kryeqytetasit në merkaton e verës. Siç raportohet nga mediat, Spërsat kanë gati 52 milionë euro për mëngjarashin turk. Tashmë “topi” kalon në anën e klubit verdhekuq, të cilët mund të tundohen jo pak nga kjo ofertë.

Skautë nga Anglia për talentin 21-vjeçar, Roma kërkon 50 milionë euro

Sport Ekspres — Sun, 02 Dec 2018 20:26:54 +0000

Roma nuk po bën një sezon të mirë aktualisht, teksa rezultatet e verdhekuqve kanë lënë disi për të dëshiruar. Gjithsesi, një ndër lojtarët që ka rënë më shumë në sy te kryeqytetasit është Xhengiz Ynder.

Pikërisht, për talentin turk, mbrëmjen e sotme kanë ardhur skautë nga ekipi i Arsenalit për ta vëzhguar në përballjen që Roma do të ketë ndaj Interit. Drejtuesit verdhekuq e kanë thënë dhe më parë që nuk ulen të bisedojnë për turkun në rast se nuk ka një ofertë të paktën 50 milionë euro.

Roma e bleu 21-vjeçarin për 13 milionë euro nga ekipi i Bashakshehir verën e vitit të kaluar. Ynder ka shënuar 11 gola dhe ka dhënë 7 asist në 48 ndeshje të zhvilluara me kryeqytetasit.

VIDEO: Talenti turk i Romës habit të gjithë, a humbet rasti më i lehtë në histori?

Sport Ekspres — Tue, 27 Nov 2018 22:31:42 +0000

Roma u mund 2-0 nga Reali i Madridit sot në mbrëmje dhe për fat ishte një disfatë pa ndonjë pasojë, sepse të dyja palët ishin kualifikuar para kohe, falë humbjes së CSKA Moskës më herët, ndaj Pëlzenit.

Megjithatë, në fundin e pjesës së parë, me rezultatin 0-0, turku Xhengiz Ynder u bë protagonist fatkeq, sepse humbi rastin më të pabesueshëm të sezonit, për të mos thënë të historisë, të paktën në Champions League.

Miss of the century by Cengiz Under pic.twitter.com/iFKxxSvzN9

— Matias Wodner, First of His Name (@matiwod) November 27, 2018

Talenti turk, i cili konsiderohet një ndër yjet e rinj të futbollit botëror, mori një pasim afër vijës fatale dhe… e katranosi!

Nëse shpresonte t’i binte në sy Real Madridit, ia doli mbanë!