unai emery

VIDEO | Arsenalin e nderojnë talentet, Nketia befason me dopietë

Sport Ekspres — Sun, 21 Jul 2019 07:32:16 +0000

Arsenali ka mundur Fiorentinën 3 – 0 në miqësoren e zhvilluar sot në SHBA. Protagonist i kësaj sfide ishte sulmuesi me origjinë ganeze Edi Nketia. 20-vjeçari shënoi dy gola në këtë 90 minutësh, ku në fund mori dhe lëvdata nga trajneri Unai Emeri.

“Këto janë shanse që unë po i jap të rinjve të tregojnë veten. Sezonin e kaluar nuk pati shumë minuta dhe në menduam ta huazojmë në Gjermani, por kjo nuk ndodhi. Ai opsion është ende i mundhshëm, por me paraqitje si kjo e sotmja Edi (Nketia) po më bind që ta mbaj këtu edhe për sezonin tjetër”, the Emeri në fund të ndeshjes.

Arsenal 3 – 0 Fiorentina
Shënues: Nketia 15’, 65’, Uillok 89’

https://www.youtube.com/watch?v=vSgn3gb4Orc

Nuk ka para Champions-i, Arsenali hedh sytë nga lojtarët e lirë

Sport Ekspres — Fri, 31 May 2019 16:43:03 +0000

Skuadra e Arsenalit kishte mundësi shumë të mëdha që në këtë sezon të rikthehej në Champions League, por “Topçinjtë” sërish nuk ia dolën. Në kampionat, Arsenali e mbylli sezonin në vend të pestë, me 2 pikë më pak se Çelsi në vend të tretë dhe vetëm një pikë më pak se Totenhemi në vend të katërt.

Edhe me anë të Europa League, të besuarit e Unai Emeri ishin shumë pranë, pasi arritën finalen, por u mposhtën nga Çelsi. Si pasojë, buxheti i “Topçinjve” është ulur ndjeshëm nga mungesa në Champions League. Kjo gjë ka bërë që Emeri të heqë dorë nga dëshirat e shtrenjta dhe të rikthejë fokusin te lojtarët e lirë.

Futbollisti që trajneri spanjoll kërkon me çdo kusht është ish-lojtari i tij te PSG, Adrien Rabiot. I vetmi problem, është rroga e mesfushorit francez, i cili kërkon 300 mijë paundë në javë. Mbetet për t’u parë nëse kushtet e 24-vjeçarit do të plotësohen, që shihet si zëvendësuesi i Aron Ramsejt.

Makth për Emeri, shorti i vuri përballë ekipin që e turpëroi

Sport Ekspres — Sat, 23 Feb 2019 08:32:47 +0000

Skuadra e Arsenalit do të përballet me francezët e Stadë Rene në “Europa League”, me londinezët që shihen si një prej skuadrave favorite për t’i shkuar deri në fund këtij kompeticioni. Edhe pse në letër pritet një fitore e lehtë e Arsenalit, historia nuk është në favor të trajnerit Unai Emeri.

Spanjolli mori drejtimin e “Topçinjve” në verë dhe deri më tani po bën mirë. Shumë presin që Emeri ta fitojë “Europa League”, pasi cilësohet si eksperti i këtij kompeticioni, të cilin e ka fituar tri sezone radhazi në krye të Sevijas.

Stadë Rene është një skuadër “makth” për Emeri. Gjatë kohës kur drejtonte PSG-në, Rene e ka mposhtur 0-2 në “Parc de Prince”, humbja e fundit e PSG-së në shtëpi. Ky rekord negativ është ende nën përgjegjësinë e Unai Emeri, i cili do të mundohet të marrë hak ndaj skuadrës që e turpëroi një vit më parë.