Ulvs

Gjenialitet i Igli Tares, akordi me Ulvs pasuron Lacion

Sport Ekspres — Sat, 03 Aug 2019 09:19:31 +0000

Ulvs ka është i vendosur për ndërtuar një ekip të fortë dhe vazhdon me blerje të njëpasnjëshme. Ujqërit kanë siguruar nënshkrimin e dyfishtë të të rinjve Pedro Neto dhe Bruno Jordao. Dyshja premtuese ishin pjesë e Lacios së Igli Tares dhe kanë vendosur të ndërrojnë ambient.

Të dy kanë firmosur marrëveshje 5-vjeçare, që i mban në “Molineux Stadium” deri në verën e vitit 2024. Marrëveshja është kryer për shumën e 20 milionë eurove për të dy talentet.

Jardao luan si mesfushor dhe është vetëm 20 vjeç. Pedro Neto është sulmues anësor. Dyshja më parë ishin të lidhur me një kalim te Benfika.

Ulvs “bastis” Milanin, pas Kutrones synon një mesfushor

Sport Ekspres — Fri, 02 Aug 2019 19:15:32 +0000

Ulvs dëshiron të krijojë një skuadër sa më konkurruese. Për ta bërë këtë ata kanë zgjedhur të “bastisin” Milanin. Patrik Kutrone u largua vetëm para pak ditësh te klubi anglez në këmbim të 22 milionë eurove. Horge Mendesh nuk ndalet me kaq, por synon një tjetër talent kuqezi.

Mediet angleze raportojnë se “Ujqërit” interesohen për Frenk Kesi. 22-vjeçari ka treguar aftësi shumë të mira, por nevoja e Milanit për të shitur i jep atij shumë premisa për t’u larguar. Mendesh ka gati valixhen me 30 milionë euro. Në fakt aq është edhe vlera e lojtarit në merkato. Mbetet për t’u parë reagimi i Milanit.

Ulvs nuk mbahet në merkato, shumë pranë juventinit

Sport Ekspres — Thu, 01 Aug 2019 17:42:21 +0000

Ulvërhempton po bën një merkato tepër interesante, duke sjellë emra të mëdha në ekip. Sami Kedira pritet të jetë emri i radhës që do të zbarkojë në klubin e Mendesh. 32-vjeçari nuk ka hapësira në Torino dhe Sarri ja ka bërë gjërat të qarta, duke i treguar derën.

Ulvs janë në bisedime të avancuara me Juventusin për të mbyllur një marrëveshje. Nedved nuk dëshiron të dalë pa arketuar asnjë para nga shitja e mesfushorit. Anglezët janë gati të negociojnë. Për Kediran interesohet edhe Arsenali. Megjithatë, londinezët nuk kanë financa për të hyrë në garë për gjermanin.

Kutrone flet si “ujk”: Do të kapërcej çdo sfidë në Premier!

Sport Ekspres — Tue, 30 Jul 2019 19:18:09 +0000

Sulmuesi italian, Patrik Kutrone, u largua nga Milani dhe firmosi për katër vite me Ulvs. Pas firmës, 21-vjeçari tha për faqen zyrtare të klubit anglez:

“Jam shumë i lumtur që jam këtu, klubi më kërkoi me ngulm. Tani dua të jap gjithçka për këtë skuadër. Më vjen mirë kur një skuadër si Ulvs më kërkon me doemos dhe tani mezi po pres të zbres në fushë dhe të luaj në Premier League.

Kam ardhur këtu të luaj, të fitoj eksperiencë dhe të jem një pjesë e rëndësishme e projektit që ka kjo skuadër. Nuk është e lehtë të ambientohesh në një skuadër të re, për më tepër në një kampionat të ri, por jam gati të kapërcej çdo sfidë. Mezi po pres të zbres në fushë dhe të ndjej mbështetjen e tifozëve”, u shpreh Kutrone.

Zyrtare | Milani bën shitjen e parë, sulmuesi kthehet në “ujk”

Sport Ekspres — Tue, 30 Jul 2019 17:33:23 +0000

Milani më në fund ka arritur të bëjë shitjen e parë të kësaj merkatoje. Patrik Kutrone është lojtari më i ri i Ulvërhempton. “Ujqërit” ishin të interesuar prej kohësh për sulmuesin dhe sot kanë mbyllur çdo detaj të kontratës së re.
Blerjen e tij e ka zyrtarizuar vetë klubi anglez në rrjetet sociale. Nuk bëhen ende të ditura detajet e këtij operacioni, megjithatë disa informacione kanë rrjedhur. Milani do të arketoje 22 milionë euro nga shitja e tij, ndërkohë që lojtari pritet të firmosë kontratë 5-vjeçare.

Kutrone është një prej sulmuesve më të talentuar në Itali, megjithatë Milani kurrë nuk besoi kurrë në aftësitë e tij. Vitin e fundit vuajti praninë e Higuain dhe Piatek, që e lanë në stolin e rezervave në shumicën dërrmuese të kohës.

We’re delighted to announce that Patrick Cutrone has become our latest summer signing! #WelcomeCutrone

??? pic.twitter.com/jq1kTQf9v5

— Wolves (@Wolves) July 30, 2019

Zyrtare | “Ulvs” është super, zyrtarizon një madrilen

Sport Ekspres — Sat, 27 Jul 2019 12:33:20 +0000

Reali i Madridit ka shumë talente në gjirin e tij, po do i duhet t’i sistemojë nëpër klube të tjerë për të pasur minuta në dispozicion. Hezus Vajeho është largimi i radhës nga klubi i bardhë. Ulvërhempton ka arritur marrëveshjen e drejtuesit spanjoll për të sjellë në huazim Hezus Vajeho.
Mbrojtësi do të kalojë gjithë sezonin e ardhshëm te “Ujqërit”, për t’u kthyer verën e ardhshme në kryeqytet. Mbrojtësi ka treguar cilësi shumë të mira sa herë është futur, por prania e Varane, Ramos dhe Naço e bën gati të pamundur aktivizimin e rregullt të tij.

Sezonin e kaluar startoi vetëm katër ndeshje në La Liga, ku shënoi edhe një gol. Shkëlqeu me të rinjtë e Spanjës në Kampionatin Evropian U21. Më parë është huazuar te Ajntrahti dhe Real Zaragoza.

Introducing our first new face of the summer! #WelcomeVallejo

??? pic.twitter.com/By2dyeF0R7

— Wolves (@Wolves) July 27, 2019

E kryer | Kutrone niset drejt Anglisë, arrihet marrëveshja me “Ujqërit”

Sport Ekspres — Sat, 27 Jul 2019 07:32:57 +0000

Pas dështimit të operacionit të Andre Silva duket se Milani do arrijë të bëjë shitjen e parë. “Sky Sport” raporton se drejtuesit kuqezinj janë dakortësuar me Ulvs për transferimin e Patrik Kutrones.
Sulmuesi ka lënë Bostonin, ku Milani ndodhet për të kryer fazën pregatitore dhe është nisur drejt Anglisë për të mbyllur detajet e fundit kontraktuale. Klubi italian pritet të arketojë rreth 20 milionë euro nga shitja e 21-vjeçarit.

Italiani e pati të pamundur të bindte Milanin. Ai gjithmonë mbajti “nofkën” e sulmuesit rezervë, pas ardhjeve të Higuain e Piatek. Sezonin e fundit minutat ishin të rralla dhe një destinacion i ri ishte i domosdoshëm.

Ulvs të papërmbajtshëm, pranë dy yjeve bardhezinj

Sport Ekspres — Fri, 26 Jul 2019 15:55:57 +0000

Premier Liga është një kampionat që gjeneron të ardhura pafund dhe i jep mundësi çdo klubi të blejë lojtarë cilësorë. Ulvërhempton janë një nga ekipet më aktivë në merkato. Siç raporton “Sky Sport”, “Ujqërit” janë në kërkim të Sami Kediras dhe Moise Ken.
Mesfushori gjerman është e sigurt se do largohet. Mesfusha tashmë është mbipopulluar me yje dhe për të nuk ka vend në formacionin e Sarrit. Juventusi e ka nxjerrë në shitje dhe Horge Mendesh do të bëjë maksimumin për të sjellë gjermanin në “Molineux Stadium”.

Moise Kan ka shpërthyer në gjysmën e dytë të sezonit me bardhezinjtë dhe këta të funsit nuk duan të ndalojnë hovin e 19-vjeçarit. “Zonja” ka në plan ta huazojë ose ta shesë me të drejtën e riblerjes me një çmim të fiksuar. Ulvs do të ishte destinacioni perfekt për yllin italian, do luante rregullisht dhe do provonte veten në Premier Ligë.

Supertalenti i Ulvs, 20-vjeçari rinovon dhe është gati për të shpërthyer!

Sport Ekspres — Wed, 24 Jul 2019 17:01:46 +0000

Ulvs ka siguruar qëndrimin e një prej talenteve më të mëdhenj të klubit edhe për disa vite të tjerë. Ruben Vinagre do të jetë fubollist i “Ujqërve” edhe për pesë sezonet e ardhshme, me kontratën e re që skadon në vitin 2024.
20-vjeçari debutoi në nivele të larta me anglezët në vitin 2018, që e blenë për 2.2 milionë euro nga ekipi i dytë i Monakosë. Portugezi aktivizohet si mbrojtës i majtë dhe shfaq aftësi shumë të mira edhe në fazën ofensive.

Qëndrimi i tij te Ulvs është produkt i punës së Horge Mendes, i cili është edhe pronar i klubit. Me ardhjen e tij në krye, anglezët kanë njohur vetëm rritje, që kulmoi vitin e kaluar, duke zënë vendin e shtatë në kampionat, që të certifikon për një vend në fazën eliminatore të Eeuropa League.

Brighton & Hove Albion’s Solly March (left) and Wolverhampton Wanderers’ Goncalo Ruben Vinagre battle for the ball during the Premier League match at Molineux, Wolverhampton.

U mposht nga Ulvs, Guardiola nuk bezdiset dhe thur elozhe

Sport Ekspres — Sat, 20 Jul 2019 17:24:46 +0000

Mançester Siti humbi mundësinë për të shtuar edhe një trofe në palmaresin e tyre, mjaft të pasuruar vitet e fundit. Skuadra e Guardiolës u mund 3-2 me penallti nga Ulvs në finalen e turneut miqësor, “Premier League Asia Trophy”. E gjithë koha e rregullt përfundoi 0-0, me Stërling që humbi një penallti në minutën e 21-të.
Pas ndeshjes Guardiola nuk duhet aspak i shqetësuar. Ai zgjedh të përqëndrohet te një prej lojtarëve më të mirë të skuadrës, Kevin De Brujn. Mesfushori ka vuajtur shumë nga dëmtimet e njëpasnjëshme sezonin e kaluar, por këtë vit duket se është kthyer më i fortë se kurrë. Aq mirë sa fitoi elozhet e Guardiolës pas ndeshjes.

“Kevin ishte super. Sezonin e kaluar nuk e patëm për shumë kohë. Ne bëmë mirë edhe pa të, por jemi akoma më të fortë me të. Vitin e kaluar ai nuk pati pushime. Kam bindjen se do arrijë nivelin e tij më të lartë. Ai mendon shumë pozitivisht. Bëri një pjesë të parë të pabesueshme, shumë të mirë. Kevin është një djalë që pëlqen të luajë futboll, një konkurrues i madh. Të rritej fizikisht dhe të mos dëmtohej, kjo ishte gjëja më e rëndësishme për të sonte”, u shpreh tekniku spanjoll.

VIDEO | Ulvs vazhdon me surpriza, thyen Sitin e Guardiolës

Sport Ekspres — Sat, 20 Jul 2019 15:36:08 +0000

Ulvërhampton po merr pjesë në Premier League Asia, së bashku me skuadrën e Mançester Sitit, dy ekipe që u përplasën sot. Kampionët në fuqi të Anglisë e dominuan takimin, por nuk arritën të thyenin mbrojtjen e Ulvs. Madje, Rahim Sterling humbi dhe një penallti në pjesën e parë.

Goli mungoi përgjatë gjithë 90 minutave dhe skuadrat iu drejtuan penalltive. Rui Patrisio, portieri i Ulvs, ishte heroi i skuadrës, pasi priti 3 penallti dhe “Ujqërit” triumfuan 3-2 nga pika e bardhë. Parashikohet një sezon i madh për Ulvs në Premier League këtë sezon dhe të besuarit e Nuno Espirito Santo vazhdojnë të impresionojnë, si në fushë, ashtu dhe në merkato…

Ulvs – Man. Siti 0-0 (3-2)

Rritja e pabesueshme e Ulvs, rivalizojnë me “Big”-ët për firmën e Diaz

Sport Ekspres — Fri, 19 Jul 2019 20:06:43 +0000

Ulvërhampton Uandërers vazhdon të impresionojë jo vetëm në fushën e lojës, por dhe në merkato. Çfarë rritje ka pësuar ky ekip, që vetëm 5 sezone më parë luante në ligën e katërt angleze. “Ujqërit” kanë afruar emra si Himenez, Zhoao Mutinjo, Rui Patrisio e shumë të tjerë merkaton e shkuar, ndërsa këtë verë, synojnë të përforcohen edhe më shumë.

Andre Silva, sulmuesi i Milanit, është ende në listën e dëshirave të drejtuesve të Ulvs, por sot, ka dalë dhe një emër tjetër në horizont. Bëhet fjalë për të shumëkërkuarin, Ruben Diaz. Talenti i Benfikës ka tërhequr vëmendje të madhe, me Arsenali, Bajernin e Mynihut dhe Monakon që kërkojnë shërbimet e tij.

Por sipas raportimeve të fundit, është Ulvs skuadra më e favorizuar për firmën e 22-vjeçarit, pasi oferta e e tyre është më e kënaqshme për klubin portugez dhe se lojtari vetë preferon një kalim në “Molineaux Stadium”. Duket se Ulvs synon që të ngjitet sa më lart në Premier League dhe të synojë edhe katër vendet e para.

Një tjetër portugez për Ulvs, sulmuesi i Milanit drejt Anglisë

Sport Ekspres — Tue, 04 Jun 2019 20:27:10 +0000

Skuadra angleze e Ulvërhampton ka krijuar një identitet si ekipi i duhur për lojtarët portugezë. Drejtori i skuadrës, Horge Mendesh, ka afruar në ekip shumë lojtarë cilësorë portugezë, si Diogo Zhota, Ruben Nevesh dhe Zhoao Mutinjo.

Sipas asaj që raportojnë mediat italiane dhe ato britanike, Ulvs do të marrë një tjetër portugez në ekip. Bëhet fjalë për sulmuesin e Milanit, Andre Silva. Ky i fundit luajti këtë sezon si i huazuar te Sevilja dhe pas një nisje të zjarrtë, ritmi i tij ra shumë, duke bërë që klubi spanjoll ta rikthejë në Milano.

Por as kuqezinjtë nuk e duan në skuadër 23-vjeçarin dhe Ulvs është gati të përfitojë. Milani kërkon 26.6 milionë sterlina për sulmuesin, i cili këtë sezon shënoi 11 gola në 40 takime. Ulvs duket mëse gati për të paguar dhe Silva me shumë gjasa do të vazhdojë karrierën në Premier League.

Viti i parë i Ulvs në Premier, çfarë përfitimesh nga FA për “Ujqërit”

Sport Ekspres — Thu, 23 May 2019 18:22:37 +0000

Anglia shtëpia e futbollit, por edhe e parave. Klubet ishullore kanë burime të mëdha të ardhurash. E drejta e transmetimit paguhet më shumë se në çdo vend tjetër të botës. Plot 2.5 miliadrë euro janë shpërndarë gjatë këtij sezoni për klubet e kampionatit anglez. “Hirushja” e Premier Ligës së këtij sezoni, Ulvs ka përfituar mjaft për të rritur të ardhurat e tyre.
Për çdo ekip që luan në elitën e futbollit anglez shpërndahet një shumë e barabartë e të ardhurave, që është 80 milionë paund. Kjo shifër pëson rritje sa herë që ndeshja e një ekipi të caktuar transmetohet në TV. Ndeshjet e jashtëzakonshme që ekipi i Ulvs ka zhvilluar me ekipet “Big”, ka ndikuar tepër në rritjen e të ardhurave. Gjatë sezonit ata janë shfaqur plot 15 herë në TV për të marrë një shumë të çmendur prej 127,2 milionë paundësh.
Çudirat në Angli nuk kanë munguar kurrë. Këtë vit ishte radha e një ekipi të panjohur që erdhi nga kategoria e ulët dhe hodhi “knock-out” të gjitha ekipet mëdha të Premier Ligës. Ata që në përfaqësimin e tyre të parë në elitën e futbollit ishullor kanë arritur të zënë vendin e shtatë, që përkthehet me të drejtën për t’u përfaqësuar në Europa League. Një “Leister” i ri po vjen. Klop dhe Guardiola duhet të kenë frikë nga “uria” dhe pasioni i madh i këtyre djemve.

Ndërkohë që ekipi me më shumë fitime nga e drejta e transmetimit është Liverpuli, i ndjekur nga kampionët e Mançester Sitit. Më pas fitimiet vijnë në ulje sipas renditjes përfundimtare pas 38 ndeshjesh.

Blerja më e shtrenjtë në histori, Ulvs investon te goleadori meksikan

Sport Ekspres — Thu, 04 Apr 2019 13:11:23 +0000

Ulvs do të bëjë në fund të sezonit blerjen më të shtrenjtë në historinë e saj. Ekipi i Premier Ligës mori në verë Luis Himenez në huazim më të drejtë blerje nga Benfika. Meksikani u përshtat shpejt me ekipin e ri dhe futbollin në ishull. Ai po zhvillon një sezon fantastik dhe deri më tani ka shënuar 15 gola në total dhe ka dhuruar 7 asiste.

“Ujqërit” kanë ushtruar të drejtën e blerjes dhe do të paguajnë 38 milionë euro në arkat e “Shqiponjave të Lisbonës” në fund të sezonit, duke regjistruar kështu blerjen më të shtrenjtë në historinë e klubit 142-vjeçar. Kevin Teluell, drejtori sportiv i klubit, nuk i ka kursyer elozhet për sulmuesin 27-vjeçar.

“Impakti i Raulit me ne ka qenë fantastik dhe jemi të lumtur që ai do të jetë pjesë e jona edhe për shumë vite. Ai ka shënuar, ka dhuruar asiste dhe ka bërë performanca shumë të mira. Golat e tij kanë qenë thelbësore për sezonin tonë. Të shohim përpara me shpresën që Raul do të japë një kontribut edhe më të madh gjatë këtij fundi emocionues të sezonit”.

Ulvs renditet në vendin e shtatë në renditje me 47 pikë dhe të dielën do të përballet me Uotfordin për një vend në finalen e madhe të “FA Cup”.