Ultrasit

VIDEO | Protestë dhe stadium në flakë, ndodh gjithçka në derbin e egër!

Sport Ekspres — Mon, 03 Jun 2019 14:11:15 +0000

Një dygolësh i Sebastian Larson i dha fitoren ekipit të AIK në shtëpi përballë Hamarbit në derbin e kryeqytetit. Mesfushori 33-vjeçar shënoi dy herë brenda po kaq minutave dhe dërgoi AIK-un në vendin e tretë në renditjen e kampionatit suedez të futbollit.

Një episod i veçantë ndodhi gjatë sfidës së djeshme. Ultrasit e dy ekipeve kishin vendosur të protestonin 10 minuta në lidhje me dhunën e përdorur nga policia. Fillimi i ndeshjes ishte i vakët dhe nuk kishte fare atmosferë.

Deri në minutën e dhjetë, pasi stadiumi ndryshon si me buton. Të gjithë “çlirohen”, ndërsa ultrasit ia nisin këngës. Tymueset dhe mjetet piroteknike nuk mungojnë, ashtu si edhe koreografitë. Në fund buzëqeshën vendasit, të cilët ndajnë vendin e dytë me Djurgardenin, ndërsa Malmo kryesuese është 6 pikë larg dhe ka për të zhvilluar një ndeshje më shumë.

“Nderime Musolinit!”, Milano shokohet nga ultrasit fashistë!

Sport Ekspres — Wed, 24 Apr 2019 15:26:28 +0000

Lacio njihet për tifozërinë e saj pasiononte, të dhunshme dhe me bindje fashiste. Grupimi kryesor i ultrasve quhen “Irriducibili”, ose ndryshe “Të Pathyeshmit”. Ata janë nisur sot drejt Milanos për të mbështetur ekipin e tyre të zemrës në ndeshjen e kthimit të gjysmëfinaleve të Kupës së Italisë.

Bardhekaltrit do të sfidojnë Milanin për një vend në finale, ndërkohë që ndeshja e zhvilluar në kryeqytet përfundoi pa gola. Rikthehemi te tifozët.

Një grup prej 50 anëtarësh të “Irriducibili” kanë shfaqur një pankartë shokuese në rrugët e qytetit të modës. “Nderime Benito Musolinit”, kanë shkruar ultrasit lacialë, duke iu referuar ish-diktatorit italian. Policia ka marrë masat dhe ka arrestuar një pjesë prej tyre.

Mesazhet politike nuk lejohen në stadiumet italiane, ndërsa ekspozimi i bindjeve neo-fashiste dënohet nga ligjet e vendit fqinj.

Rreth kësaj ngjarje ka reaguar kryebashkiaku i Milanos. “Duke u përpjekur edhe që të ç’dramatizoj ngjarjen, nuk mund të mos kuptohet se janë kaluar limitet. Milano mbetet dhe do të jetë gjithmonë një qytet thellësisht anti-fashist”, shkruan në rrjetet sociale Bepe Sala.

“Ikardi nuk është e ardhmja jonë, ka marrë fund prej kohësh!”, ultrasit nuk falin

Sport Ekspres — Sat, 06 Apr 2019 14:11:35 +0000

Mauro Ikardi u rikthye pas një kohe të gjatë me Interin. Sulmuesi gjeti golin menjëherë në fitoren kundër Xhenoas dhe duket sikur është rikthyer qetësia në kampin zikaltër. Ndoshta për drejtuesit, stafin teknik dhe ekipin, por akoma jo për tifozët.

Ultrasit e Interit, të njohur si “Curva Nord”, kanë dalë me një komunikatë. Ata konfirmojnë faktin që nuk do të tërhiqen: Ikardi për ta nuk është e ardhmja dhe as e tashmja.

REAGIMI I ULTRASVE ZIKALTËR

“Në pritje të ndeshjes së nesërme, ne përsërisim pozicionin tonë dhe të anëtarëve tanë. Mendimi i grupimit është në sintezë me mendimin e anëtarëve tanë. Pikë. Zhvillimi i tifozllëkut gjatë ndeshjeve nuk është shprehje dhe as pasojë. Nuk jemi ne ata që duhet të thonë se çfarë duhet të bëjnë tifozët e tjerë në stadium. Nuk na interesojnë fare krahasimet se kush është më tifoz, e kush është më interist se tjetri.

Ne nuk bëjmë hapa pas sa i përket Ikardit. Ai nuk mund të jetë e ardhmja e Interit. Ai ia hapi vetë gropën vetes, duke refuzuar disa herë të veshë fanellën tonë me justifikime qesharake.

Për ne ka marrë fund koha e “dua, por nuk mundem”. Ne e shfaqem mendimin tonë në stadium kundër Xhenoas. Ne jemi tifozë. Shkojmë në stadium për të mbështetur Interin dhe për të dërguar ekipin drejt fitores. Jo për t’i dhënë më shumë rëndësi se duhet një figure për të cilin, e kemi shkruar prej kohësh fjalën FUND.“

FOTO | Koreografia spektakolare: Jeta është më e bukur me…

Sport Ekspres — Mon, 01 Apr 2019 12:56:59 +0000

Zyrihu humbi të shtunën në transfertë përballë Sionit me rezultatin 1-0. Nga lojtarët shqiptarë u aktivizua vetëm Hekuran Kryeziu, mesfushori 26-vjeçar i përfaqësueses së Kosovës. Nëse lojtarët nuk zhvilluan një ndeshje të mirë dhe dolën të mposhtur, tifozët e Zyrihut shkëlqyen në tribuna.

Ultras Curva Sud nuk pushuan për asnjë moment, ndërsa nxorën edhe një koreografi të bukur. “Jeta është më e bukur me Zyrihun”, shkruanin ultrasit zvicerianë në pankartën e tyre.

View this post on Instagram

“Schöner leben durch FCZ” – einmal mehr eine fantastische Choreo der Südkurve. Herzlichen Dank für den grandiosen Support am Samstag in Sion! ?#fcz #fczuerich #stadtclub

A post shared by FC Zürich (@fcz_offiziell) on Apr 1, 2019 at 4:44am PDT

Tërbohen ultrasit e PSG: Mercenarë! Edhe një herë, lolot e Europës!

Sport Ekspres — Sun, 10 Mar 2019 12:09:25 +0000

Eliminimi i parakohshëm nga Champions Liga ka trazuar ambientin e PSG, por dhe atë të tifozëve. Ekipi i Tuhel kishte fituar ndeshjen e parë jashtë fushe me rezultatin 2-0, por “Djajtë e Kuq” të Solskjaerit, edhe me probleme dhe mungesa pafund, ia dolën të përmbysnin rezultatin.

Mançester Junajtid fitoi 3-1 në Francë dhe kaloi në çerekfinalet e kompeticionit prestigjioz. Diçka e tillë ka suprizuar ultrasit e PSG, të cilët i kanë dërguar një letër ekipit në formë proteste.

“Jemi përsëri lolot e Europës. Mbështetja jonë është shpërblyer me turp dhe përbuzje. Ne mbetemi besnik ndaj PSG-së, e përbërë nga mercenarë të interesuar më shumë për rrogën e tyre sesa në mbrojtjen e simbolit tonë. Nuk do të pranojmë më që ngjyrat tona të ndoten në këtë mënyrë”, përfundon letra e tifozëve të acaruar dhe zhgënjyer.

VIDEO | Tension në tribunë, Fanatics i vënë “zjarrin” stadiumit

Sport Ekspres — Fri, 01 Mar 2019 18:30:21 +0000

Derbi i kryeqytetit nuk po dhuron gola, por atmosfera në shkallë është e jashtëzakonshme. Ndeshja është ndërprerë për 3-4 minuta gjatë pjesës së dytë. Hedhja e sendeve të ndryshme dhe kapsollave nga tribunat kryesore ka detyruar Jorgjin të ndalojë ndeshjen, ndërsa dy tifogrupet janë hedhur në aksion.

Flakadanë të shumta janë ndezur nga ultrasit bardheblu dhe ata të kuq, ndërsa tymi i tyre ka mbizotëruar për shumë momente në stadiumin “Selman Stërmasi”, por jo vetëm. Sfida ka rinisur dhe të dy ekipet po luftojnë fort mes tyre për të arritur një rezultat pozitiv.

Përplasje mes tifozëve të Marsejës dhe Lacios, ka të plagosur

Sport Ekspres — Thu, 25 Oct 2018 12:19:17 +0000

Olimpiku i Marsejës pret Lacion sonte në “Stade Velodrome”, në kuadër së sfidës së grupeve të Europa League. Në fushë pritet një përballje e zjarrtë, ndërsa ajo mes tifozërive ka nisur më herët. Të dy klubet njihen për tifozëritë e tyre të dhunshme dhe ata janë përplasur mes tyre në qytetin francez.

Ngjarja ka ndodhur të mërkurën në mbrëmje afër portit të vjetër të Marsejës. Në sherr janë përfshirë 80 lacialë dhe 80 marsejezë, ndërsa tre tifozë janë plagosur, dy italianë dhe një francez.

Sherri ka qenë i shkurtër, por shumë i dhunshëm. Siç citon “La Provence”, ultrasit e Lacios ishin të gjithë të veshur me të zeza dhe ishin të armatosur me shkopinj dhe thika”. Policia ka ndërhyrë me gaz lotsjellës për të shuar sherrin e madh dhe shpërndarë tifozët.