ultras

VIDEO | Ultrasit bjellorusë bëjnë namin në Letoni, e pësojnë stjuartët

Sport Ekspres — Fri, 12 Jul 2019 16:01:35 +0000

Në ndeshjet midis letonezëve të Liepaja dhe bjellorusëve të Dinamo Minks nuk u fol shumë për futboll. Vëmendjen kryesore e morën veprimet e turpshme të tifozëve të skuadrës mike që kishin udhëtuar nga Bjellorusia me qëllimin e vetëm për të shkaktuar kaos.

https://www.instagram.com/p/BzyblhQoMI_/?igshid=17prf6gvz6ai0

Në videot e ndeshjes dallohet qartazi që autoritetet letoneze nuk kishin marrë masat e duhura. Një grup tifozësh të Dinamos futen në fushë gjatë momentit të lojës. Disa konfliktohen me futbollistët e skuadrës vendase, por më keq nga të gjithë e pësojnë stjuartët të cilët goditen e rrëzohen përtokë.

Foto | Jemi në vitin 2358, apo është e vërtetë?! Koreografia revolucionare

Sport Ekspres — Sun, 09 Dec 2018 21:00:34 +0000

Prej disa muajsh, te skuadra e Bazelit spektakli po ndodh vetëm në tribuna. Paraqitjet e dobëta të skuadrës nuk kanë ndikuar aspak te tifozët, që janë më të gjallë se kurrë dhe nuk ndalen së surprizuar me koreografitë dhe shfaqjet me mjete piroteknike.

Kryevepra më e fundit u shpalos sot në fillim të takimit kundër Zyrihut. Një koreografi gjigante “3D”, ndoshta jo e para në llojin e saj, por me këto përmasa është e sigurt që kurrë s’na kanë parë sytë.

Tifozëve të pranishëm në stadium u ishin dhënë syze 3D për të shijuar tërësisht artin unik që po paraqiste tifozeria. Edhe skuadra nuk qëndroi duarkryq dhe fitoi ndeshjen me rezultatin 2 – 0, duke u rikthyer te fitorja pas tri ndeshjesh.

Budallallëku i tifozëve, Federata hap hetimin për Lacion

Sport Ekspres — Tue, 21 Aug 2018 17:23:42 +0000

Një deklaratë e një grupimi ultrasish të Lacios nuk do të kalojë pa pasoja për klubin italian. Federata italiane ka hapur një hetim për, pas lajme se tifozët e Lacios nuk pranojnë që t’u lejojnë femrave uljen në 10 rreshtat e parë të sektorit “Curva Nord”.

Sipas rregullores së federatës, diskriminimi gjinor është i papranueshëm në shkallët e stadiumeve dhe përgjegjësi për sjelljen e tifozëve ka dhe vetë klubi, që duhet të marrë masa që këto lloj skenash të mos ndodhin.