Ata e kanë të qartë se ekipi ka nevojë për mbështetjen e tifozëve, pasi edhe fundi i sezonit është pranë dhe duhet edhe një sforco përfundimtare. Për t’u fituar titulli, duhen ende pikë dhe te Partizani e dinë shumë mirë diçka të tillë.

“Sot, një nga ndeshjet më të rëndësishme, na duhen 3 piket, na duhet fitorja, duhet mbështetja maksimale ndaj ekipit ! Bashkohuni të shumtë drejt stadiumit, titulli është shumë pranë, por akoma nuk e kemi fituar… Hajdeni të gjithë! Drejt titullit!”, shkruajnë ultrasit e kuq.

Nuk ka munguar ngacmimi për skuadrën korçare, të cilën e etiketojnë me emrin “Skënderbeti”. Sipas grupimit ultras, fakti që Partizani është 9 pikë para nuk do ndikojë në uljen e numrit të pjesëmarrjes në radhët e tyre.

POSTIMI I “ULTRAS GUERRILS”

Dhe 8 ndeshje larg ëndrrës sonë të madhe!

Faza e fundit nis nesër me ndeshjen kundër Skënderbetit, e mërkurë, ora 18:30. Nëse mendoni se një humbje do trembë e keni gabim! Jemi 9 pikë para dhe mbështetja jonë do të vijojë njësoj, e fortë dhe masive sikur edhe kur kemi qenë 9 pikë pas apo në luftë për mbijetesë.

Dashurinë tonë, përkushtimin tonë dhe sakrificën tonë do ta vijojmë njësoj, përtej rezultatit! Partizani ka nevojë për të gjithë ne për të lënë pas shpine një moment të keq dhe ky moment nuk duhet kurrsesi të ndikojë këtë vit fantastik, të cilin pakkush nga ne e kishte shpresuar të ishte i tillë.

Besojmë se ky është viti ynë dhe të mërkurën kemi ndeshjen e radhës.

Asnjë mos të mungojë! Fitojmë, festojmë veç për Partizanin!

Zakonisht në stadiumin “Selman Stërmasi” numri i tifozëve nuk ka qenë i lartë, sidomos për një klub që është në vendin e parë dhe që nuk e ka fituar titullin kampion që në vitin 1993.  Kështu, Guerrils ftojnë gjithë tifozët e Partizanit të rikthehen në stadium dhe të jenë sa më të shumtë në mbështetje të ngjyrës së kuqe.

“Partizani-Luftëtari nesër në orën 18:45, luhet një nga 9 finalet që na ndajnë nga objektivi i shumë dëshiruar. Tani është radha e tifozerisë të tregojë masivitetin e vet dhe të mbështesë fort ekipin në këto ndeshje me shumë rëndësi.

Asnjë ndeshje nuk është e lehtë dhe tani e tutje janë të gjitha vendimtare. I bëjmë thirrje gjithë tifozerisë të rikthehet fuqishëm në stadium, çdo fitore na afron akoma më shumë drejt vendit që i ka takuar gjithmonë Partizanit! Shihemi nesër!”, shkruhet në thirrjen e ultrasve të kuq.

Sfida e radhës është në transfertë kundër Teutës, një kundërshtari të fortë që po shijon një formë shumë të mirë. Bregdetarët renditen me 6 pikë më pak se të kuqtë dhe dueli i “Niko Dovanës” është një përballje titulli.

“Demat” pritet të kenë një mbështetje të madhe nesër. Ultras Guerrils janë dënuar për ndeshjen e radhës kundër Kukësit në shtëpi, por ajo sfidë është larg. Nesër është Teuta përballë dhe Guerrils do të jenë të pranishëm. Të shumtë, të zjarrtë dhe gati për të mbështetur djemtë e tyre.

Në një postim në faqen e tyre zyrtare, ultrasit e kuq kanë bërë thirrje për një pjesëmarrje masive në ndeshjen, që do të nisë në orën 17:00 të së shtunës dhe ata janë gati për fitoren e radhës.

Deklarata e plotë e Guerrils

Nesër masivisht drejt Durrësit !

Udhetojmë të shumtë për Legjendën dhe kthehemi të gjithë triumfues!

Nesër kemi një ndeshje të rëndësishme. “Guerrils” do jenë aty, tifozët duhen të jenë aty. Ekipi do mbështetje dhe e meriton më shumë se kurrë!

Ftojmë gjithashtu gjithë qytetin e Durrësit në stadium, dhe le të kthehet e shtuna në festë futbollistike, sepse ku luan Partizani ka futboll, festë e pasion !

Nisja drejt Durrësit bëhet nga Pallati i Sportit “Asllan Rusi” në orën 15:30!

Ju kurrë nuk do të jeni vetëm !