Në një prononcim të shkurtër për “Kicker”, Hënes tha: “Vendimin që kam marrë do e bëj të ditur më datë 29 gusht në mbledhjen me bordin drejtues. Deri më atë datë, s’do të ketë asnjë komunikatë zyrtare nga ana ime në lidhje më këtë çështje”.

Mediet gjermane aludojnë se në rast dorëheqje të Hënes, postin e presidentit të klubit do e mbajë Herbert Hajner, një anëtar i bordit të supervizorëve i njohur gjerësisht në gjermani si ish-shefi ekzekutiv i kompanisë së njohur “adidas”.

Hënes punon në klubin e Bajernit prej 40 vitesh. Menjëherë pasi i dha fund karrierës si boksier ai u emërua menaxher i përgjithshëm i skuadrës dhe drejtor i sektorit komercial, pozicion të cilin e mbajti për 30 vjet, derisa u bë president i klubit.

Krahas dyshes së francezëve, Bajerni do të kryejë dhe disa afrime të tjera në repartin e sulmit. Vendet e lëna bosh nga largimi i Frank Riberi dhe Arjen Roben priten të plotësohen.

Në një intervistë për mediet gjermane fill pas kurorëzimit si kampion i Gjermanisë, presidenti i Bajernit, Uli Hënes, zbuloi se buxheti i mbeturi i Bajernit nuk i kalon të 80 milionë eurot.

Kjo deklaratë e numrit 1 të bavarezëve shuan çdo mundësi të ardhjes së Antuan Grizman në Mynih. Fokusi do të mbetet te transferimi i talentit anglez Kalum Hadson-Odoi. Sulmuesi 18-vjeçar nuk u lëshua nga Çelsi gjatë merkatos së janarit, pavarëisht se për të Bajerni ofroi plot 40 milionë euro.

Kampionët e Gjermanisë bënë çmos për ta blerë kartonin e sulmuesit 18-vjeçar gjatë merkatos dimërore, por Çelsi refuzoi çdo ofertë të tyre, madje dhe ofertën finale prej 40 milionë eurosh.

Nënjë intervistë të dhënë së fundmi për mediet gjermane, presidenti i bavarezëve konfirmoi se talenti anglez mbetet në planet e tyre pavarësisht dëmtimit të pësuar së fundmi në tendinin e akilit: “Mendoj se do të vazhdojmë të mendojmë për të, gjithsesi nuk mendoj se ia vlen të flasim më shumë, pasi në këto momente ai ndodhet në sallën e operimit”.

I pyetur në lidhje me interesin për portierin e Shalkes, Aleksander Nybel, Hënes tha: “Ky transferim është diçka në duart e drejtorit sportiv (Salihamixhiç), sepse është një investim nën 25 milionë eurot dhe unë nuk jam përgjegjës për këto transferime”.

Kohët e fundit emri i Kilian Mbape është përmendur në Mynih si një mundësi, gjithsesi presidenti i klubit, Uli Hënes, shuan çdo ëndërr të tifozëve. Kreu i bavarezëve në një intervistë për mediat vendase thotë se do ta blinte yllin e Parisit, por nuk ka mundësi financiare. Një deklaratë e çuditshme kjo për presidentin e një prej pesë klubeve më të pasura në botë.

“Do ta blija Mbapenë që tani. Ai është një futbollist i shkëlqyer. Ama ne nuk kemi para për ta bërë këtë”, u shpreh Uli Hënes.

Klubi bavarez ka disa vite që ndjek një politikë të ndryshme nga gjigantët e tjerë evropian si Barcelona, Mançester Siti apo Real Madridi. Ata mbështeten në marrjen e talenteve brenda vendit, jo me vlera stratosfertike. Bajerni është ndër klubet që nuk kanë asnjë borxh apo kredi, ndryshe nga shumica e të tjerëve.

Kosto e blerjes përfundimtare të 27-vjeçarit është 47 milionë euro dhe tani ka ardhur momenti për të vendosur.

Sipas medies së njohur gjermane “Bild”, dyshja drejtuese e Bajerit, Uli Hënes dhe Karl-Hainc Rumenige nuk ndajnë të njëjtin mendim për të ardhmen e lojtarit. Presidenti Hënes është kundër blerjes së lojtarit, ndërsa drejtori ekzekutiv, Rumenige, është pro.

Hames u shpall lojtari i muajit mars nga faqja zyrtare e Bundesligës pas paraqitjeve fenomenale me baravarezët. Kolumbiani pati një fillim sezoni të dobët, por tani është vënë në “marshin” e duhur dhe po tregon se është i aftë të bëjë diferencën.

Një figurë si presidenti i Bajernit Uli Hënes ka opinionin e tij rreth këtij fenomeni. Gjermani është i mendimit se nuk duhet të shpenzohen shifra të tilla për një futbollist. Gjithashtu, presidenti bavarez e kthen në shaka mënyrën se si vijnë paratë që sheikët investojnë për të përforcuar skuadrat e tyre.

“Miku im Pep më ka treguar çfarë ndodh kur ai dëshiron të blejë ndonjë lojtar që kushton 100 milionë euro. Merr disa video të lojtarit dhe shkon në Katar, të takojë Sheikun.

“Më pas konsumohet një vakt luksoz, shikohen videot dhe Sheiku transferon shumën e nevojshme për blerjen e lojtarit. Ditën tjetër Sheiku hap pak milimetra më shumë rubinetin e gazit dhe i rikuperon paratë menjëherë.

“Jam krenar që në raste të tilla Bajerni nuk vepron kështu, sepse bazohet te fitimet e veta për të blerë lojtarë, jo duke marrë borxh“.

Bordi drejtues i klubit ka miratuar fondin prej më shumë se 200 milionë eurosh për merkaton. Benxhamin Pavard i Shtutgartit dhe Lukas Hernandez i Atletikos së Madridit janë dy goditje e para, ndërsa ka nisur sulmi për transferimin e Timo Verner të Laipcigut në Mynih, sipas raportimeve të “Bild”.

“Ne jemi në procesin e rinovimit të ekipit. Ky është programi më i madh i investimeve që Bajerni ka patur ndonjëherë. Rodrigez? Nëse trajneri thotë se e dëshiron Hamesin në ekip sezonin e ardhshëm, ne do të paguajmë 42 milionë eurot për kartonin e tij. Kemi një mundësi për ta bërë diçka të tillë përpara muajit maj, por nuk kemi marrë akoma asnjë vendim”, është shprehur për “Goal”, Uli Hënes, presidenti i Bajernit.

Mosha mesatare e ekipit e ka kaluar shifrën 27 vjeç, duke e bërë kështu Bajernin ekipin më të vjetër në Bundesligë. Hudson Odoi i Çelsit është dëshira e madhe për krahët e sulmit, me 18-vjeçarin e Çelsit që do të zëvendësonte njërin prej Riberisë ose Robenit.

Siç citon “Bild”, ndeshja e sotme kundër Benfikës në Champions është shansi i fundit për trajnerin kroat. Nëse fitorja nuk vjen, ai nuk do të ketë mundësinë për të drejtuar më Bajernin e Mynihut.

Trajneri është koshient për situatën, ndërsa ka patur ankesa për lojtarët e tij. Ai dëshiron të bëjë maksimumin deri në ditën e tij të fundit, ndërsa nuk nguroi të kritikonte lojtarët e tij dhe publikisht. “Kemi pësuar gola për shkak të gabimeve individuale, që nuk mund t’i shmangë asnjë trajner në botë. Mund ta imagjinoni se si ndihem brenda vetes. Po frenohemi gjithmonë nga gabime individuale”, foli Kovaç.

Situatë pozitive nuk po përjetojnë as drejtuesit e klubit. Treshja drejtuese: Hënes, Rumenige dhe Salihamixhiç zhvilluan një konferencë për shtyp me datë 14 tetor, duke kritikuar shumë persona: opinionistë, gazetarë dhe ish-lojtarë të Bajernit. “Viktima” e parë ishte Pol Brajtner, një emër i madh i Bajernit dhe Gjermanisë dhe shok e mik i ngushtë i presidentit Hënes. Brajtner shprehu disa kënaqësi për konferencën për shtyp të treshes drejtuese, diçka që nuk u pëlqye në klub.

“Më lajmëruan për të më thënë që Uli Hënes nuk dëshiron që, në atë ardhmen, të më shohë më në tribunën e nderit. U përgjigja se nuk do të kisha ardhur gjithsesi: nuk do të kisha dashur ta shihja Bajernin në këtë gjendje. I ktheva mbrapsht klubit dy biletat falas, që më takojnë si një lojtar historik i Bajernit: nuk dua të mendojnë se dëshiroj bileta falas. Nëse do të doja të kthehesha në stadium, do e blija biletën nga xhepi”, thekson Pol Brajtner.

Një gjë e tillë e ka shtyrë Uli Hënes të mendojë largimin nga posti i presidentit të ekipit. 66-vjeçari e ka paralajmëruar një gjë të tillë, duke thënë që do të marrë shumë shpejt vendimin. Me shumë mundësi, përpara datës 30 nëntor, që përkon me mbledhjen e Asamblesë vjetore të klubit.

Siç citon “SportBild”, Oliver Kahn është kandidatura kryesore për t’u ulur në postin e Hënes. Një gjë e tillë mbështetet dhe nga Lotar Matues, një tjetër legjendë e Bajernit. Sipas Mateusit, Kahn, i cili ka fituar 1 Champions dhe 8 tituj kampionë me Bajernin, është figura perfekte për të qenë presidenti i klubit bavarez.

Në Gjermani ka patur prej kohësh polemika për ditët e zhvillimit të ndeshjeve. Tifozët kanë reaguar dhe protestuar kundër luajtjes së ndeshjeve në ditën e hënë dhe diçka e tillë është pranuar. Duke nisur nga sezoni 2021-2022, Bundesliga nuk do të zhvillojë më ndeshje ditën e parë të javës.

Kontrata me agjencinë DPA parashikonte zhvillimin e 5 ndeshjeve në sezon ditën e hënë. E para për këtë sezon do të luhet me datë 3 dhjetor, midis Nurembergut dhe Bajer Leverkuzenit, që përkon me javën e 13 të Bundesligës.

“Në verë do të ndryshojmë krejtësisht fytyrën e skuadrës, vetëm atëherë do të ketë ndryshime të mëdha. Në dimër nuk do ndryshojë asgjë. Koman do të jetë gati pas dy javësh, ndërsa Toliso do rikthehet në stërvitje në shkurt. Ata të dy do të jenë si dy blerje të reja”

“Trajneri ynë është jashtë rrezikut. Skuadra ndodhet në një gjendje shumë të mirë. Lojtarët nuk luajnë për trajnerin, por për Bajernin e  Mynihut dhe kohët e fundit po e bëjnë mirë detyrën e tyre. Të them të drejtën më ka mërzitur më shumë humbja ndaj Gladbahut se sa kjo ndaj Dortmundit”, përfundoi Humels.

Stadiumi “Signal Iduna Park” ishte i mbushur plot dhe i zjarrtë si gjithmonë. Rivaliteti mes dy klubeve është maksimal dhe në golin e spanjollit Alkaser, tifozët vendas nuk e kanë mbajtur veten. Ata kanë lëshuar birrë pafund, duke lagur Rumenigen, administratorin e deleguar të Bajernit, dhe Uli Hënes, presidentin e Bajernit.

Një gjë e tillë nuk i ka pëlqyer dyshes bavareze, të cilët janë befasuar nga gjesti i tifozëve, por këta të fundit ishin në qiellin e shtatë dhe po shijojnë një moment të mrekullueshëm. Dortmundi i tyre i sheh të gjithë ekipet e Bundesligës nga lart dhe kjo është një krenari e madhe.

Ndër të tjera, presidenti Uli Hënes ofendoi edhe ish-mbrojtësin e Bajernit, spanjollin Huan Bernat, për të cilin tha: “Na kritikoni pse shitëm Bernat? Ai luajti si m.. dhe ishte përgjegjës për golin e pësuar në Sevilje sezonin e shkuar, ku për pak u eliminuam nga Champions League. Për këtë arsye, në fund të sezonit vendosëm ta shisnim”.

Një ditë më vonë spanjolli u përgjigj me vepra, sepse ishte titullar dhe shkëlqeu në fitoren 5-0 që PSG arriti ndaj Amiensit në kampionatin francez, ndërsa më pas ka treguar klas, duke mos polemizuar dhe duke mos u përgjigjur egërsi ndaj sulmit të Hënes.

“Po, kam dëgjuar çfarë tha Hëness, por nuk kam asgjë për të thënë për të. Që fëmijë më kanë mësuar që të jem mirënjohës. Do t’u jem përgjithmonë Bajernit dhe tifozerisë bavareze për 4 vitet që më lejuan të kaloj në atë klub. I uroj Bajernit gjithë të mirat, sa më shumë fat, sepse kam kujtime të shkëlqyera prej periudhës së kaluar aty”, tha Bernat.

Dyshja bavarez nuk është e kënaqur me paraqitjet e ekipit, por është vetëm fillimi i sezonit dhe kthesa do të vijë. Bajerni kërkon respekt dhe qetësi. Puna në ekip vazhdon, por “sulmet” kanë kaluar limitet dhe drejtuesit nuk do të tolerojnë më dhe do të mbrojnë ekipin deri në fund.

RUMENIGE

SITUATA – “U mblodhëm të hënën, pas ndeshjes së kombëtares kundër Holandës, dhe vendosëm që nuk do e pranonim më këtë stil pune, këtë sulm konstant ndaj lojtarëve të veçantë. Çfarë nuk kemi lexuar këto ditë, por asgjë në lidhje me paraqitjet, vetëm sulme ndaj lojtarëve. Dinjiteti i lojtarëve tanë nuk mund të preket me ligj, ndaj nuk do ta lejojmë të ndodhë më një gjë e tillë. Nuk e përshkruaj dot ndjesinë kur lexova disa gjëra për Manuel Nojer. Si mund të kritikohet një si Nojer, apo të shkruhen gjëra të tilla për Humels e Boateng? E njëjta gjë vlen edhe për Riberi e Roben. Këta djem kanë dhënë kontribut të jashtëzakonshëm në dekadën e fundit për ta bërë Bayern-in një yll të shndritshëm në futbollin botëror. Më duken polemika boshe polemikat për moshën e tyre. Dua t’iu kujtoj gazetarëve gjermane se ata dhe kolegët e tyrë kanë thënë se transferimi më i madh i këtij sezoni është një 33-vjeçar (Kristiano Ronaldo).”

EKIPI – “Kemi 6 vite që festojmë, kemi fituar gjithçka të mundshme dhe Gjermania ka fituar Botërorin në 2014. Shumë lojtarë ishin të ekipit tonë. Edhe ne kemi mbetur të pakënaqur nga rezultatet dhe loja e skuadrës, por nuk ia lejojmë vetes të sillemi keq me lojtarët. Do t’i mbrojmë, edhe ligjërisht, lojtarët tanë. Nojer ka qenë i pafat në disa ndeshje, si në Augsburg, apo ndaj Holandës, por kjo nuk është arsye për ta hedhur në plehra. Nuk duam ta gjejmë shkakun e krizës te mediat, nuk duam lëvdata nëse humbasim, por duam mbulim serioz dhe me fakte. Ne kemi kanalet tona dhe do t’i bëjmë gjërat si duam ne tani e tutje.”

HËNES

RESPEKTI – “Është e rëndësishme që klubi më i rëndësishëm në Gjermani të respektohet nga mediat. E pabesueshme dhe mungesë totale respekti ajo që ndodhi me trajnerin e kombëtares Jogi Lëv, sepse ai nuk e meriton këtë sjellje. Doni një shembull tjetër? Salihamixhiç dhe Kovaç shkuan në një ndeshje basketbolli dhe 4-5 persona po fishkëllenin. Po Bild çfarë bën? Shkon dhe i kërkon Telekomit nëse mund të marrë pamjet filmike. Kjo është mungesë respekti. Nuk kthehet gjithçka përmbys për 14 ditë.”

BERNAT – “Na sulmojnë dhe kritikojnë pse shitëm Bernat, sikur humbja ndaj Gladbah erdhi se mungonte ai. Spanjolli thuajse na kushtoi Champions-in në Sevilje kohë më parë dhe më pas vendosëm ta shisnim. Bavaria ka qenë gjithnjë një familje, ne nuk i sulmojmë lojtarët tanë, edhe nëse Nojer gabon, qoftë edhe 4-5 ndeshje. Secili ka mendimin e vet, por bilanci bëhet në fund të sezonit. Do ta shohim në fund se kush ka pasur të drejtë.”

OZIL & BELARABI – “Nuk duhej të thosha që ka luajtur si plehrë, duhej të përdorja fjalën papastërti. E pranoj që pas ndeshjeve thuhen gjëra nga emocionet e forta. Gabova edhe me kritikat ndaj Bellarabit, nuk duhej të thosha ‘i sëmurë mendor‘ pët të.”

“Drejtuesit e Bajernit në mënyrë të pabesueshme dështuan në sjelljen e emrave të rinj në skuadër. Ata vit pas viti rinovuan kontrata dhe harruan talentet e tjera që ishin në treg. Në humbjen ndaj Gladbahut, Bajerni kishte nëntë lojtarë që ishin në fushë dhe në finalen e Champions-it të vitit 2013”, the Mateus.

Kjo deklaratë e ish-futbollistit gjerman ka marrë mbështetje nga shumë tifozë e gazetarë në Gjermani Dyshja e sulmuesve të krahut Roben e Riberi, ka qenë ndër lojtarët më zhgënjyes në tri javët e fundit dhe shumë vetë mendojnë se dy “ikonat” e sulmit të Bajernit duhet ta kishin mbyllur ciklin e tyre në fund të sezonit të shkuar.

“Opsioni i vetëm që ka mbetur është PSG, por ata duhet të paguajnë aq sa kërkojmë ne, përndryshe ta harrojnë mbrojtësin. Nëse nuk do të na vijë një ofertë zyrtare, Zherom do të qëndrojë me ne, por të shohim.

Për momentin ka 50% mundësi që Boateng të qëndroje te Bajern”, përfundon kreu i klubit bavarez, i cili e ka qartësuar shumën e duhur për të liruar mbrojtësin. PSG duhet të paguajë 50 milionë euro dhe asnjë cent më pak.

“Levandovski ka tentuar katër ose pesë herë për të më takuar, por ja kam bërë të qartë se unë jam i gatshëm të takohem me datë 2 shtator në orën 14:30. Kemi refuzuar 150 milionë euro për shërbimet e tij dhe as që kemi ndërmend të humbasim shërbimet e sulmuesit tonë”, shprehet Uli Hënes duke ja bërë të qartë polakut dhe agjentit të tij, që Bajerni nuk ka nevojë për para dhe nuk negocion për shitjen e tij.

Mbas paraqitjes zhgënjyese në Botëror, sulmuesi, i cili nesër feston 30 vjetorin e lindjes, e ka nisur në mënyrën më të mirë sezonin e ri. Tripletë në finalen e Superkupës përballë Ajntrahtit dhe gol në ndeshjen e Kupës së Gjermanisë.