Mediet e mëdha evropiane bëjnë me dije se klubi londinez ka hedhur poshtë një tjetër ofertë të Barçës. Katalanasit kanë ofruar një çek prej 40 milionë eurosh. Mund të themi se kjo është shifër mjaft e mirë, duke ditur se 29-vjeçarit i skadon kontrata verën e ardhshme dhe Çelsi rrezikon ta humbasë pa marrë asgjë në këmbim.

Ky vendim i marrë nga drejtuesit e klubit anglez është i detyruar nga dënimi i UEFA-s për të mos bërë asnjë hyrje në merkato. Uillian nuk e ka zbardhur akoma dëshirën e tij, ndërkohë që për të interesohet edhe Atletiko e Madridit.

“Ai nuk ka thënë asgjë sa i takon një kalimi të mundshëm te Reali i Madridit, mendja e tij është vetëm këtu. Sido që të shkojë, unë shpresoj shumë që ai të qëndrojë, pasi është një lojtar i rëndësishëm për skuadrën. Ai është shoku im dhe me aq sa e njoh, nuk do ta lërë Çelsin për Realin. Megjithatë, futbolli është futboll dhe gjithçka mund të ndodhë”, u shpreh braziliani.

“Blutë e Londrës” refuzuan katër oferta të Barçës gjatë kësaj vere, por spanjollët nuk dorëzohen. Ata arritën të ofronin deri në 60 milionë euro për kartonin e brazilianit, por Çelsi kërkonte dhjetë milionë më shumë.

Siç citon “La Sexta”, drejtuesit e Barcelonës kanë gati ofertën e radhës për të siguruar shërbimet e sulmuesit të krahut. Ata ofrojnë 40 milionë euro dhe kartonin e Malkom për Uillian. Braziliani Malkom u ble nga Bordo për shumën e 40 milionë eurove, duke ia “rrëmbyer” Romës në momentet e fundit, por 21-vjeçari është aktivizuar në dy ndeshje me ekipin “blaugrana”, me një total aktivizimi prej 25 minutash.

Oferta e Barcelonës shkon në 80 milionë euro në total, pavarësisht se Malkom sot vlen më pak se në verë. Tashmë pritet përgjigja e Çelsit, që vështirë të refuzojë një ofertë të tillë për një lojtar 30-vjeçar.

“Jam këtu sepse doja të luaja për Çelsin, por nëse në pankinë do të vazhdonte të ishte Konte, e sigurt që do të isha larguar.”

Uillian flet dhe për trajnerin Sarri dhe filozofinë e tij të lojës. Të shtunën Çelsi pret Arsenalin dhe braziliani komenton ndeshjen.

“Sarri dëshiron që të luajmë dhe të argëtohemi me përgjegjësi. Tani kemi një stil të ndryshëm loje, ja pse mund t’i krijojmë probleme Arsenalit.”

Murinjo – “Mbaj mend një ndeshje me Murinjon. Po humbisnin me rezultatin 2-0 dhe në një moment Azpilikueta ishte në zonën e penalltisë dhe lojtari kundërshtar vonohet disi në ndërhyrje dhe bie në kontakt me të, Azpilikueta nuk u rrëzua, pasi nuk është në natyrën e tij të stimulojë në tilla raste, më pas dëgjoj Murinjon të thotë nga stoli: Dreqi e marrtë Azpi merre penalltinë, sa budalla që je.”

E Ardhmja – “Jam shumë i lumtur te Çelsi dhe dua që të qëndroj gjatë tek ai klub. Gjithashtu, më pëlqen të jetoj në Londër. Është një qytet magjik s’ka të përshkruar, ndërsa familja ime është përshtatur më së miri aty.”

Negociatat për yllin e londinezëve filluan me një ofertë në vlerën e 50 milionë eurove, ndërsa tani mësohet se në zyrat e Çelsit ka mbërritur një ofertë shumë më joshëse prej 65 milionë eurosh.

Interesimi i pamasë i Barcelonës për Uillian vjen dhe si pasojë e formës plot ulje dhe ngritje të talentit francez Usman Dembele, i cili nuk po arrin të justifikojë shumën prej 150 milionë eurosh që katalanasit shpenzuan një vit më parë për kartonin e tij.

Te Barcelona do të pëlqenin të afronin sulmuesin tjetër të “Bluve të Londrës”, Eden Hazard, por shanset që belgu të kalojë te katalanasit janë shumë të pakta për shkak të kërkesave të mëdha të anglezëve dhe konkurrencës nga Reali i Madridit.

Braziliani Uillian është prej pesë sezonesh një lojtar stabël në ekipin londinez, si dhe në “Seleçaon” e drejtuar nga Tite. Interesimi për Uillian vjen dhe si pasojë e formës plot ulje dhe ngritje të talentit francez Usman Dembele, i cili ende nuk ka arritur të bindë teknikun Ernesto Valverde për një vend në formacionin titullar.