“Ndeshja e parë ishte shumë e vështirë, por brenda pritshmërive. Kjo për shkak të rivalit që kishim përballë. Loja na ka kënaqur, në disa momente e shfaqëm atë që ne dëshironim. Kush ishte i pafat? Raste pati nga të dyja krahët. Le të presim edhe ndeshjen e kthimit dhe të shohim se çfarë do të ndodhë. Ne besojmë te vetja dhe po përgatitemi dhe ndeshjen në Baku”, shprehet anësori, i cili u pa të luante në qendër të mesfushës.

“Barazimi rezultat i mirë? Sigurisht që fitorja është rezultati më i mirë. Ne i patëm shanset tona. Nuk finalizuam dot dhe tani ndeshje e parë ka mbaruar dhe duhet të fokusohemi tek e kthimit. Karabaku është një ekip shumë i mirë. Në përbërje kanë lojtarë me cilësi shumë të mira individuale. Personalisht e njihja ekipin, pasi jam përballur me ta një vit më parë kur isha pjesë e Kukësit. Mund të themi që Karabaku u paraqit ashtu sikurse ne e prisnim”, shton Kordeiro për “azerisport”.

Në lidhje me kualifikimin, ai deklaron: “Tani kemi vetëm një gjë në mendje: të shfaqim një futboll të bukur në Baku dhe të marrim një rezultat pozitiv. Ne besojmë shumë se mund ta bëjmë diçka të tillë. Nuk na shqetëson opinioni i përgjithshëm se Karabaku do të kalojë në turin e dytë. Do të luftojmë në Baku deri në fund. Sikurse e thashë edhe më parë, kemi bërë një ndeshje të parë të mirë. Tani po përgatitemi për ndeshjen tjetër dhe besoj se mund të marrim rezultatin që dëshirojmë. Po stërvitemi për këtë”.

“Sigurisht që ndikojnë shumë largimet e lojtarëve si Uilliam Kordeiro dhe Rexhinaldo. Ishin dy lojtarë që bënin diferencën. Nuk e kuptoj se si i lanë të iknin. Gjithsesi këtë gjëra i takojnë drejtuesve. Është e pakuptimtë që ata u larguan për gjëra të vogla”.

“Ka ardhur Markovanbasten Çema. Është një futbollist që sapo kishte filluar hapat e parë të karrierës te Dinamo. Ka një gjatësi 2 metra dhe ka një stil të bukur loje. Në bisedimet që bënim për të, përmendej fakti që na kujtonte stilin e Pero Pejiç.

Kanë marrë Kitanovskin, i cili luan mbrojtës të djathtë. Bruno Lujaj është një lojtar i laftë të luajë si mbrojtës i djathtë, mbrojtës qendre dhe para mbrojtjes. Mendoj se merkato në tërësi është cilësore. U bë mirë që nuk u ndërhy në mënyrë masive. Unë mendoj se Çema do të jetë një futbollist cilësor. Kishte vite që Kukësi e kishte në plane dhe më në fund drejtori Nexhipi e mori”.

Pavarësisht se bëri mirë te Kukësi, drejtuesit e klubit menduan të mos i ofronin një kontratë të re. Ofertat për Kordeiron ishin disa, por më bindësja ka qenë ajo e Partizanit. Të kuqtë e bindën dhe para se të shkonte në Brazil ai ka firmosur.

Diçka të tillë ai e zbulon hapur në llogarinë e tij në “Instagram”. Një ditë më parë postoi foto nga aeroporti dhe tregonte se ishte nisur drejt Shqipërisë, ndërkohë që sot te të dhënat e tij figuron Partizani si klubi aktual.

Anësori, i cili luan në të dyja krahët, kishte udhëtuar drejt Brazilit, ndërkohë që më parë kishte bërë me dije se e kishte mbyllur me Kukësin. Ai nuk ka zbuluar asgjë se ku do të luajë sezonin e ardhshëm.

As te Partizani ende nuk kanë dalë me një njoftim, por Kordeiro së fundmi ka postuar një foto në Instagram dhe tregon se po rikthehet në Shqipëri. Destinacioni? Tirana dhe… klubi i Partizanit. Ka mbetur vetëm zyrtarizimi.

Verën e shkuar Kukësi i bëri një ofertë Mustës, i cili u paraqit në zyrat e klubit verilindor dhe në fund vendosi të mos nënshkruajë. Këtë herë vullneti është i përbashkët për të bashkëpunuar dhe futbollisti nga Elbasani pritet të firmosë dhe të prezantohet si afrimi i parë i Kukësit.

Drejtuesit e klubit verilindor prej kohësh janë hedhur në kërkon të një portieri, pasi Maurice Gomis me përfundimin e kampionatit do të kthehej te Spal. Kështu ka ndodhur dhe Supersport raporton se Ilir Avdyli ka arritur akordin me Kukësin dhe pritet të nënshkruajë. Ish-portieri i Kamzës njihet mirë edhe nga trajneri Gjoka, që e ka pasur nën urdhra te skuadra periferike e kryeqytetit.

UILLIAM KORDEIRO – Braziliani pritet që të mos firmosë një kontratë të re me Kukësin, por fillimisht do të duhet të zgjidhë çështjen e dokumentacionit dhe të marrë atë që i takon nga klubi verilindor. Palët e kanë ndarë mendjen për të vijuar në kahe të kundërta dhe Uilliam normalisht ka oferta.

Klubi i Partizanit është në tratativa për ta afruar brazilianin, i cili në vendin e tij është aktivizuar si mbrojtës i djathtë. Me Kukësin ai u pa të luante më shumë si sulmuesi i majtë. Të kuqtë e pëlqejnë anësorin, që në Superiore ka spikatur me paraqitjet e tij.

Sulmuesi nuk është largimi i vetëm, pasi edhe Uilliam Kordeiro nuk do të rinovojë me Kukësin. Burime të SportEkspres bëjnë me dije se anësori brazilian, përveç kërkesave të larta financiare, nuk pëlqehet edhe për shkak të karakterit të tij dhe luhatjeve të shumta në paraqitjet e bëra në fushën e lojës.

Uilliam u afrua në verë për të mbuluar krahun e djathtë të mbrojtjes, por trajneri Armando Cungu e preferoi në të majtë të sulmit dhe bëri mirë atyre. Gjatë kampionatit ai arriti të shënonte pesë gola, duke qenë ndër shënuesit më të mirë të skuadrës.  Tifozët e duan si lojtar, por në klub janë të bindur që të mos rinovojnë me të.

Me anë të një postimi në Instagram, Kordeiro njoftoi se ai është rikuperuar plotësisht dhe shpreh besimin se do të jetë në formacion në ndeshjen e së premtes ndaj Partizanit.

POSTIMI I KORDEIROS – “Jam shumë i gëzuar që pas katër javësh e gjysmë jam riaftësuar nga fraktura që pësova në krah. Falënderoj së pari Zotin për riaftësimin tim dhe të gjithë familjarët e miqtë që më kanë qëndruar pranë në këtë periudhë të vështirë. Vetëm unë e di sa të vështirë e kam pasur pa luajtur e pa ndihmuar shokët mi. Por tani jam kthyer dhe gati për të luajtur dhe për të ndihmuar ekipin tim. Me siguri të premten do të jem në fushë për të bëj atë që dua më shumë: të luaj futboll”.

https://www.instagram.com/p/Bvbt_RtghnC/?utm_source=ig_web_copy_link

Ndaj korçarëve në kampionat dhe kundër durrsakëve në Kupa do të vijojë të mungojë edhe braziliani Uilliam Kordeiro, i cili gjithashtu i dëmtuar. Anësori, i cili kryesisht është aktivizuar në të majtë të sulmit, do të duhet të qëndrojë jashtë deri mesjavën e ardhshme.

Kordeiro do të ketë mundësinë të kryejë pak seanca stërvitore në prag të ndeshjes me Partizanin dhe trajneri Armando Cungu e mirëpret rikthimin e tij. Shkodrani e vlerëson shumë brazilianin, pasi është një nga më cilësorët në kampin verilindor.

Gjithsesi, sulmuesi mund të jetë gati për takimin e radhës me Laçin, pasi nga një video e postuar në profilin e tij në “Instagram”, shihet në dhomat e zhveshjes duke kërcyer së bashku me bashkëkombësin e tij Elton Kalen.

Mbi video shkruhet: “Uilliam Kordeiro, shiko si kërcen vogëlushi atje Elton Kale”. Duke parë videon Alvesh duket në humor dhe ku i dihet mund t;i rikthejë buzëqeshjen edhe Dajës nëse do të jetë në fushë më datën 9 dhjetor.

Ke ardhur si mbrojtës i djathtë, por u zhvendosët në krahun e majtë të sulmit. E kishit menduar ndonjëherë?
-Unë kam ardhur si mbrojtës i djathtë, por në Brazil kam luajtur në shumë pozicione. Për mua nuk ka rëndësi ku luaj, ka rëndësi të jap maksimumin për ekipin tim. Aty ku trajneri më kërkon të luaj, unë do të jap maksimumin që ne të arrimë të fitojmë dhe të plotësojmë objektivat.

Çfarë ka ndryshuar nga ndeshja e fundit që humbët ndaj Skënderbeut?
-Mendoj se skuadra është më e pjekur dhe më e përgatitur për këtë ndeshje. Jam i bindur që do të bëjmë një ndeshje të madhe dhe do të marrim tre pikët. Një ekip që kërkon të dalë kampion, nuk mund të kënaqet me barazimin. Kemi punuar mirë dhe do ta fitojmë këtë sfidë.

Si është jeta në Shqipëri dhe çfarë mund të na thoni për ndryshimet mes futbollit tonë dhe atij brazilian?
-Jam shumë i lumtur këtu dhe klubi më ka pritur mirë. Qyteti është shumë i mirë për të jetuar dhe jam ambientuar mirë. Mënyra e lojës është pak më ndryshe se në Brazil, pasi atje ka më shumë teknikë, ndërsa këtu kërkon më shumë forcë. Gjithsesi, jam mësuar me mënyrën e të luajturit në Shqipëri.

Gjici nuk ishte i kënaqur me lojën ndaj Luftëtarit, ndiheni në presion?
-E respektoj shumë mendimin e presidentit, por mendoj se tre pikët janë më të rëndësishme. Nëse ai nuk e ka pëlqyer ndeshjen, ka motivet e tij. {or nuk dua të hyj në këtë pjesë, pasi për mua kanë më rëndësi tre pikët e fituara.

Po bëni një sezon të mirë, a keni plane për të ardhmen?
-Është shumë herët për të folur, kam një kontratë deri në fund të sezonit me Kukësin. Mundohem të shikoj më shumë nga e tashmja, se sa nga e ardhmja. Jam shumë i lumtur momentalisht, në fund të sezonit do të flasim përsëri.

Partizani apo Skënderbeu, kush është ekipi më i fortë?
-Janë të dyja ndeshje të mëdha dhe nuk mund të diferencoj njërin apo tjetrin. Nëse ne duam të jemi kampion, duhet t’i mundim të dyja ekipet.

Nëse vjet Lilaj ishte më i shtrenjti, referuar çmimit të transfermarkt, këtë sezon janë dy të huaj. Në fakt duhet përmendur që vlerësimi për ta është bërë prej kohësh dhe i referohet asaj që kanë bërë në Brazil dhe Kili. Uilliam Kordeiro dhe Sebastian Toro, në transfermarkt vlerëson me 600 mijë euro.

Jurgen Bardhi, i cili po bën një sezon të mirë, vlen 25 mijë euro më pak. Gentian Selmani, portieri i Laçit dhe i Shpresave, ka një çmim prej 550 mijë eurosh, ndërkohë që i njëjti vlerësim është edhe për ish-shokun e tij të skuadrës, sulmuesin aktual të Kukësit, Rexhinaldo.

Por sërish Kukësi nuk do të jetë i plotë. Vangjel Zguro do të duhet të qëndrojë pushim, pasi u ndëshkua me karton të verdhë në takimin kundër Kamzës. I katërti për pogradecarin, që mungon kështu në takimin kundër ish-skuadrës së tij.

Mbetet për t’u parë se si do ta zgjidhë trajneri Cungu këtë situatë, pasi mbrojtësi Simo Rrumbullaku do të vijojë të mungojë. Alternativat nuk është se janë të shumta. Një opsion është zhvendosja e Cuculit në ta majtë, por mund të luajë aty edhe braziliani Uilliam.