VIDEO | Vjen trofeu i parë për Ajaksin magjik, fiton Kupën pas 9 vitesh

Sport Ekspres — Sun, 05 May 2019 17:59:09 +0000

Ajaksi ka arritur të triumfojë bindshëm në finalen e Kupës së Holandës përballë Uillem II, duke fituar 0-4. Të besuarit e Ten Hag nuk e vunë për asnjë moment në diskutim këtë finale dhe ia dolën që të festonin trofeun e parë për këtë sezon, ku janë në garë dhe për dy trofe të tjerë (Euredivisie dhe Champions League).

Fillimisht, ishte veterani Dejli Blind që shënoi, ku në minutën e 38’ shënon një gol shumë të bukur me kokë. Vetëm një minutë më pas, bomberi Huntelar shënon dhe golin e dytë për bardhekuqtë, duke i hapur udhë suksesit.

Do të ishte sërish sulmuesi me shumë eksperincë holandez që do të shnëonte, në minutën e 67’, duke çuar shifrat në 0-3, ndërsa për të vendosur rezultatin final, mendoi mbrojtësi Kristensen, që konkretizoi me gol një aksion spektakolar.

Kupa e Holandës, finale

Uillem II – Ajaks 0-4
Blind 38’, Huntelar 39’ 67’, Kristensen 76’

Jo vetëm Avidijaj, Uillem II akord me sulmuesin shqiptar

Sport Ekspres — Thu, 17 Jan 2019 19:38:48 +0000

Një tjetër shqiptar është transferuar në kampionatin holandez. Ekipi i Uillem II ku aktivizohet dhe Dionis Avdijaj i Kosovës ka zyrtarizuar sigurimin e shërbimeve të Mario Vrushajt. Klubi holandez ka lajmëruar në faqen e saj akordin me Olimpiakosin për huazimin 1.5 vjeçar të lojtarit.

Vrushaj është 20 vjeç, aktivizohet në rolin e sulmuesit dhe sivjet numëron 314 minuta aktivizim me klubin nga Pireu në të gjitha kompeticionet. Vrushaj ka lindur në Shqipëri, ndërsa zotëron dhe pasaportën greke.

Ai është pjesë e Greqisë U19, me të cilët ka luajtur 444 minuta. Tashmë Vrushaj është gati të nisë aventurën e re me ekipin e Uillemit, aty ku do të ketë si shok skuadre dhe Avdijajn.