“Ndeshjen e parë e luajmë si pritës. Është një mundësi e mirë për ta vulosur fatin e takimit që tani. Vitin e kaluar ndeshen e parë e patëm në transfertë dhe të gjithë e mbajmë mend si përfundoi ajo ndeshje (Shkëndija i mundi 5 – 0 në Shkup)”.

“Në ndeshjet në shtëpi kemi një rekord shumë të mirë, pavarësisht emrit të kundërshtarit. Do u them djemve se me të vërtetë është një ndeshje e Champions League, por kur luajmë në shtëpinë tonë ne pjesën dërrmuese të ndeshjeve jemi skuadra që kërkon gjithmonë fitoren”.

“Do të jetë një ndeshje e mirë, shpresoj që skuadra të tregojë të gjithë potencialin që zotëron. Kemi nivele të mira përsa i përkte formës fizike dhe zhvilluan një fazë përgatitore të kënaqshme. Tani është në dorën e lojtarëve të tregojnë se sa shumë e duan fitoren”.

Në pamje të parë të krijohet përshtypja e një ekipi gjysmë-profesionist. Stadiumi i tyre ka vetëm 2 tribuna të vogla me kapacitet total prej 2000 vendesh, por në Uells TNS është një ekip që ka rrafshuar prej vitesh konkurrencën.

TNS ka fituar tetë herë rresht kampionatin uellsian dhe në vetëm një sezon ka pasur luftë deri në javët e fundit për titullin kampion. Buxheti vjetor i klubit është 3 milionë paundë, shumë kjo  3-fish më e madhe se buxheti i kampionëve të Kosovës. Megjithëse në Kupat Europiane nuk kanë arritur të korrin sukses “TNS” ka bërë disa paraqitje dinjitoze. Vitin e kaluar mundën Shkëndijën 4 – 0, por humbja 5 – 0 në Shkup u solli eliminimin.

17-vjeçari shënoi fillimisht në minutën e 48’, duke zhbllokuar sfidën. Më pas, në minutën e 60’, Broja shënon sërish, duke dyfishuar avantazhin e kuqezinjve tanë. Uellsi do të shkurtonte diferencat në minutën e 80’ me anë të Pjuh, por Shpresat ia dolën që të ruanin rezultatin deri në fund dhe të merrnin fitoren në këtë miqësore.

Miqësore, U-21

Shqipëri – Uells  2-1
Broja 48’ 60’ / Pjuh 80’

Në fillimin e pjesës së dytë, Perisiç shënon golin e dytë për Kroacinë, duke zhvlerësuar golin e shënuar nga Bruks në minutën e 77’. Uellsi bëri një ndeshje shumë të mirë, por nuk ia doli që të marrë të paktën një pikë. Blerja e re e Junajtid, Xhejms, bëri një paraqitje dinjitoze.

Por ajo që ra më shumë në sy në këtë takim, ishte një aksion i çmendur i Gareth Bejl. Ylli i Realit të Madridit merr një top nga rivënia anësore dhe jep një pasim me duar plot 40 metra për shokun e tij të skuadrës, që e sheh veten përballë portierit, por nuk arrin të godasë.

Heroi i takimit për britanikët ka qenë pikërisht mesfushori Daniel Xhejms, i cili shënoi vetëm pas pesë minutash lojë. 21-vjeçari rikuperoi mjaft mirë një top afër zonës së sllovakëve dhe goditi menjëherë, duke mos i dhënë asnjë mundësi portierit mik.

Kështu, Uellsi merr tri pikët e para në Grupin E, ndërsa Sllovakia po ashtu ka tri pikë, por një ndeshje me shumë, pasi në sfidat e para, Uellsi ishte pushim për shkak se ky grup përbëhet nga pesë ekipe.

KUALIFIKUESE EURO 2020
GRUPI E

Uells – Sllovaki      1-0
Shënues: Xhejms 5′

Ndërkohë, në Kazakistanin e largët Rusia tregoi dhëmbët dhe i shkatërroi vendasit me shfirat 0-4. Padyshim njeriu i sfidës për rusët ishte Denis Çerishev, i cili shënoi dy gola dhe dha një asist. Fillimisht, mesfushori hapi serinë e golave në minutën e 19-të.

Në fundin e pjesës së parë, ishte përsëri Çerishev, i cili dyfishoi shifrat, duke çuar në dhomat e zhveshjes ekipin e tij të qetë.

Fraksioni i dytë vijoi me dominimin e Rusisë dhe në minutën e 52-të ishte Dziuba, i cili shënoi golin e tretë.

Dhjetë minuta më vonë, ishte një autgol i vendasve, që vulosi shifrat në 0-4, me Rusinë që feston tri pikët e para.

Pjesa e parë ishte mjaft e vakët dhe ngjante me ndeshjen e pak ditëve më parë. Kuqezinjtë nuk kishin si ta harronin humbjen me Skocinë dhe ishin mjaft të ngurtë, aq sa në 45 minuta e para nuk bënë asnjë goditje në kuadrat.

Më kërkues miqtë, të cilët disa herë provuan që të rrezikonin, por sa për meritë të Berishës aq edhe mungesë të saktësisë porta e kuqezinjve mbeti e paprekur. Për t’u veçuar se në pjesën e parë kishte momente kur tifozeria mike ishte më e zhurmshme se mbështetësit tanë, aq sa mund të krijohej iluzioni sikur po luanim në transfertë. Një rast i rrallë.

Pjesa e dytë nisi disi më mirë, me të besuarit e Panuçit që kishin më shumë besim dhe iniciativë. U shpërblyen kuqezinjtë me një dhuratë të gjyqtarit pak pasi ishte mbushur çerek ore lojë nga pjesa e dytë, me Xhakën që u rrëzua brenda zonës, duke fituar një 11-metërsh. Balaj nuk gaboi nga pika e bardhë e penalltisë. Shkodrani nuk shënonte me Kombëtaren saktësisht më 28 mars 2017 në ndeshjen miqësore me Bosnjën, po në Elbasan Arena.

Gigs hodhi në fushë “artilerinë e rëndë” me Rasmej e Bjel që nisën që ushtronin presion në mbrojtjen e Shqipërisë, por pa mundur që të thyejnë Berishën. Edhe pse pjesa e dytë ishte më e mirë për Shqipërinë, sërish një fitore e vakët dhe që nuk ka ndonjë vlerë të madhe, edhe pse vjen ndaj një kundërshtari të fortë.

Humbja me Skocinë është e rëndë dhe nuk mund të harrohet lehtë. Edhe pse skuadra arrin suksesin, vështirë se do të ketë një vendim “prapaktheu” për Panuçin, i cili duket se i ka marrë valixhet dhe në ditë e ardhshme pritet zyrtarizimi i “divorcit”.

Miqësores, 20:00, “Elbasan Arena”
Shqipëri 1- 0 Uells
Shënues: Balaj 68′

GOLI

68’ – Uilson ndal në mënyrë të parregullt Xhakën dhe gjyqtari akordon 11-metërsh. Bekim Balaj merr përsipër ekzekutimin dhe nuk gabon nga pika e bardhë e penalltisë duke kaluar kuqezinjtë në avantazh.

Në Elbasan janë parkuar radhazi një numër mjaft i lartë autobusësh, ccka kuptohet lehtë se nuk janë për tifozët tanë, të cilët në këtë sfidë pritet që të jenë të apët, sidomos pas dështimit në ndeshjen e fundit me skocezët, ku u shpartalluam me një humbje të thellë 4-0.

Ajo që bie në sy është fakti se nga Uellsi kanë udhëtuar jo vetëm tifozë, por dhe forca policie, që do të kujdesen për rendin në vendin tonë. Në biletarinë e “Elbasan Arenës”, ndodhen një numër shumë i vogël tifozësh.

Gareth Bejl dhe Aron Ramsej janë lojtarët më të rrezikshëm të përfaqësueses nga ishujt britanik. Takimi miqësor midis kombëtareve të Shqipërisë dhe Uellsit do zhvillohet më datë 20 nëntor, ora 20:00 në stadiumin Elbasan Arena.

NJOFTIMI – Federata Shqiptare e Futbollit njofton të gjithë sportdashësit se ka filluar edhe shitja e biletave fizike, krahas atyre online për dy ndeshjet e radhës së kombëtares sonë. Më 17 nëntor në ndeshjen e vlefshme për UEFA Nations League ora 20:45 Shqipëri-Skoci në stadiumin “Loro Borici” Shkodër dhe në datën 20 nëntor ora 20:00, ku do të luhet përballja miqësore me Uellsin në stadiumin e Elbasanit. Më poshtë do të njiheni me posterat shpjegues për pikat fizike dhe fushatën promocionale që FSHF ka përgatitur.

[Best_Wordpress_Gallery id=”176″ gal_title=”Biletat e kombetares”]