“Në momentin që ne flasim klubi i futbollit Skënderbeut vazhdon të administrohet në trajtën e një shoqate. Klubi i futbollit është administruar nga presidenti dhe anëtarët e tjerë të asaj shoqate. Nga informacionet që unë kam nga presidenti i klubit, çështja është ankimuar në gjykatën federale të Zvicrës, pritet një vendimmarrje në qershorin e vitit të tjetër. Është një pozitë delikate pasi vendimi për dënimin e Skënderbeut është në fuqi”.

“Jam duke qëndruar në kontakt me presidentin për të parë se kush mund të jenë alternativat e përfaqësimit të qytetit të Korçës në futboll, në raport me kompeticionet e ndryshme, qofshin këto kombëtare ose ndërkombëtare”, tha Filo.

Raporti i bazuar në monitorimet e sistemit “BFDS” ngre dyshime se persona të caktuar kanë pasur njohuri për rezultatin final të ndeshjes, që u mbyll me fitoren 3 – 1 të Kukësit. Të dyja klubet kanë reaguar në lidhje me këtë lajm duke kundërshtuar këto akuza.

REAGIMI I KUKËSIT

FK Kukësi hedh poshtë akuzat për trukim të ndeshjes me KS Kastriotin, luajtur më 30 Maj 2019 në stadiumin e Kamzës, ku skuadra jonë fitoi me rezultatin 3-1 duke qenë ekip pritës për shkak të mungesës së fushës.

Deklarojmë me përgjegjësi se nuk ka asnjë element që të vërtetojë këtë akuzë. Ekypi ynë e ka pasur jetike këtë ndeshje, për të siguruar vendin e dytë në Kategorinë Superiore dhe për të qenë i sigurt në pjesëmarrjen e kupave të Europës. Ndaj, impenjimi ka qenë maksimal nga skuadra dhe stafi.Ne sigurojmë Uefa-n, institucionet e futbollit në Shqipëri, gjithë opinionin sportiv dhe tifozerinë se jemi të hapur ndaj çdo hetimi dhe se FK Kukësi kurrë nuk është përfshirë në ngjarje të tilla që shëmtojnë futbollin dhe imazhin e Klubit.

Nuk është hera e parë që nga tregu i basteve vijnë akuza për Ekipin tonë. Në një rast në Austri, pati një hetim të gjerë dhe të shtrirë në kohë nga prokuroria vjeneze. Pas hetimit 2-mujor, Ekipit  iu kërkua falje, pasi nuk u vërtetua asnjë element i trukimit apo paravendosjes së rezultateve.

FK Kukësi ka luajtur me dinjitet në rreth 100 ndeshje miqësore dhe zyrtare me ekipe të huaja dhe kurrë nuk e ka prishur imazhin e Shqipërisë dhe futbollit shqiptar. Përkundrazi, e ka ngritur lart në shumë stadium të Europës flamurin tonë kombëtar dhe atë të klubit, duke marrë vlerësime maksimale nga institucione, emra të shquar dhe ekipe futbolli elitë në Europë dhe më gjerë.

FK Kukësi, stafi dhe skuadra, nuk do të shpërqendrohen nga insinuate të tilla, por po vijojmë punën për nisjen e sezonit të ri futbollistik, ku synim mbetet titulli Kampion dhe përmirësimi i infrastrukturës, ku përfshihet ndërtimi i stadiumit të ri të futbollit, ku ndeshjet për kupat e Europës do të luhen në qytetin tonë.

REAGIMI I KASTRIOTIT

Reagim kundër gazetës “Panorama Sport” dhe dashakeqësve që duan të prishin imazhin e Klubit tonë.

KS Kastrioti u njoh mëngjesin e sotëm me një tjetër shpifje të ndyrë dhe dashakeqëse ndaj nesh, nga gazeta “Panorama Sport” dhe palë të “dyta”. Siç tashmë është bërë zakon, kjo gazetë vazhdon të sulmojë vazhdimisht ekipin tonë, për interesa të saja, dhe palëve të dyta që i shërben kjo si gazetë. KS Kastrioti është i hapur të ballafaqohet me çdo fakt që i përket çështjes në fjale, dhe nëse kjo gazetë është aq serioze t’i publikojë të gjitha, dhe ne mbajmë përgjegjësi për gjithçka, po mesa duket kjo   gazetë është e kapur, dhe e vënë në shërbim të dikujt. Ne si klub do i drejtohemi organeve kompetente për prishje imazhi dhe do kërkojmë dëmshpërblim për trillime të tilla. Dhe i themi boll, s’lejojmë askënd të hedhë baltë mbi ne dhe ekipin tonë, në të kundërt do përballet ligjërisht me ne.

T’i vijë turp kësaj gazete që në vend të flasë për garë të rregull sportive që i dhuruam kampionatit vitin e shkuar merret me lajme boshe, ishim pikërisht ne që e zbukuruam Superligën sezonin që u mbyll dhe përfundimin e saj e pranuam me sportivitet, këto janë lajmet që duhet të pasqyrojë kjo gazetë.

Gjithsesi, tani në Turqi mund të marrin frymë lirisht, pasi Fenerbahçe shmangu një dënim që s’do t’i lejonte pjesëmarrjen në kompeticionet evropiane për edy sezonet e ardhshme . Megjithatë, UEFA e ka menduar një penalitet financiar për skuadrën turke.

Në pjesëmarrjen e ardhshme te Fenerbahçes në kompeticionet evropiane, UEFA do të mbajë 2 milionë euro nga paratë që do i takojnë klubit turk. Gjithashtu do të ketë dhe penalitete të tjera përsa i përket numrit të regjistrimit të lojtarëve të rinj nëse klubi nuk arrin të sigurojë një bilanc pozitiv në fund të vitit fiskal.

Bullgaria është kombëtarja që e pëson më tepër në këtë investigim të UEFA-s. Ballkanasve do u duhet të mbyllin një pjesë të tribunave të stadiumit kombëtar në dy ndeshjet e ardhshme ndaj Anglisë dhe Republikës Çeke.
E gjithë kjo vjën pas sjelljes jo korrekte të tifozëve në përballjen e fituar 2-1 ndaj Çekisë dhe atë të humbur 3-2 ndaj Kosovës. Tifozët bullgarë janë dëgjuar të thonë shprehjen “Kosova është Serbi” e të tjera thënie me kontekst të tillë. I njëjti problem është në ndeshjen ndaj Çekisë, ku racizmi është i përsëritur.

Edhe Rumania do të mbyllë një pjesë të stadiumit në ndeshjet e ardhshme të kombëtares së të rinjve. Ky dënim vjen pas sjelljes raciste të tifozëve të kësaj kombëtareje në Kampionatin Evropian të të rinjve. Ukraina e Greqia janë gjobitur. I fortë reagimi i UEFA-s që për shumë kohë po këmbëngul kundër racizmit, që siç duket edhe nga skuadrat e dënuara, ka ngulur rrënjë në Ballkan.

Dhjetëshja plotësohet nga Atletiko, Juventusi, Mançester Siti, Sevija, PSG, Aarsenal dhe Porto. Mungesa më e madhe dhe më e çuditshmja? Liverpul. Kampionët e Evropës mungojnë në këtë listë. Një vendim i çuditshëm i UEFA-s.

Në 15 vitet e fundit kanë dalë tre herë në finale të Champions dhe e kanë fituar atë dy herë. E kundërta ndodh me klube si Parisi apo Mançester Siti që nuk e kanë prekur kurrë finalen. PSG nuk ka arritur as në gjysëmfinalen e kompeticionit më të madh për klube në Evropë. Pa folur për Arsenalin.

REAGIMI – Pasi jemi njohur me përmbajtjen e buletinit mediatik të CAS, datë 12.07.2019, lidhur me ankimin e bërë nga KF Skënderbeu kundër vendimit të Komisionit të Apelit të UEFA-s, ndiejmë detyrimin ndaj sportdashësve dhe qytetarëve të Korçës për të qenë sa më transparent ne lidhje me hapat e mëtejshëm të cilat do të ndiqen për rivendosjen e të drejtave tona të dhunuara barbarisht nga sistemi i drejtësisë sportive.

Së pari, vendimi i CAS në formën e tij të plotë dhe integral nuk i është komunikuar ende KF Skënderbeut, veprim i cili nën dritën e ngjarjeve të ndodhura, nuk është më i dyshimtë. Kjo pasi i gjithë procesi ndaj klubit tonë ka qenë i paragjykuar, i njëanshëm dhe i paracaktuar që prej vitit 2016.

Nuk mundet të mos jetë i paragjykuar një proces ku KF Skënderbeu është dënuar në bazë të gjoja përceptimit publik të klubit dhe të personave lidhur me të, perceptim të cilin institucioni i UEFA-s, veçanërisht inspektorët e lidhur me çështjen kanë tentuar të krijojnë, përmes metodave dhe formave nga më të paskrupullta. Në lidhje me këtë, është e rastit të përmendet se ndaj inspektorëve të UEFA’s përgjegjës për hartimin e raporteve kundër klubit tonë, konkretisht Z. Dhont dhe Z. Lietard, aktualisht, ekzistojnë padi penale dhe civile për shpifje në organet kompetente Zvicerane.

Nuk mund të mos jetë i njëanshëm një proces i cili mbështetet mbi raporte të cilat nuk kane asnjë bazë të provuar shkencore dhe të cilat nuk kanë të bëjnë fare me analiza të mirëfillta sportive. Është e papranueshme që CAS të marrë si të mirëqena raportet e BFDS, sistem për të cilin askush nuk ka dijeni si funksionon, përfshirë edhe CAS-in.

Është e papranueshme që CAS të mos marrë në konsideratë raportet shkencore të ekspertëve të basteve sportive dhe të ekspertëve sportiv të KF Skënderbeut, të cilët në mënyrë metodike dhe shkencore kane hedhur poshtë çdo argument të ngritur nga UEFA.

Mbi të gjitha, është e papranueshme që të mos merren në konsiderate mbi 50 kundër-prova të paraqitura nga pala jonë, kur nga ana tjetër, e gjithë strategjia e inspektorëve të UEFA-s mbështetej mbi dëshmi personash anonim (as identiteti i tyre nuk na është bërë i ditur) ose personash të cilët kanë konflikt të hapur interesi në lidhje me procesin.

Nuk mund të mos jetë i paracaktuar një vendim për të cilin vendimmarrës janë njerëz me lidhje direkte ose indirekte me palën akuzuese. Në lidhje me këtë, KF Skënderbeu kishte bërë kërkesë për përjashtimin e kryetarit të trupës arbitrale, i cili, në mënyre të shprehur kundërshtonte kërkesën tonë, në një kohë kur detyrimi i tij deontologjik është tërheqja nga gjykimi i çështjes në rast të kërkimit të argumentuar të njërës prej palëve.

Është e qartë që emërimi i këtij personi ka qenë në funksion të mbrojtjes së interesave të inspektorëve të UEFA-s dhe personave të lidhur më këtë institucion. Në kushtet kur 2 nga 3 arbitrat e çështjes kanë qenë të mandatuar për të mbrojtur njërën palë, i vetmi konkluzion logjik është parapërcaktimi i rezultatit final.

Sot mund të themi me sigurinë e plotë se sistemi i drejtësisë sportive i ngritur dhe i mbrojtur me fanatizëm nga federatat ndërkombëtare është një fasade dhe mburojë e një sistemi të kalbur dhe të korruptuar që ekziston brenda institucioneve të qeverisjes sportive.

Në këto kushte, me vetëdijen që beteja ligjore në këtë sistem drejtësie është e kotë, bëjmë me dije se, pas konsultimit me përfaqesuesit tanë ligjore, brenda muajit Korrik 2019, KF Skënderbeu do të paraqesë rekurs pranë Gjykatës Federale Zvicerane kundër vendimit të CAS datë. 12.07.2019. Duke qenë të bindur mbi pafajësinë tonë, ruajmë besimin se e drejta do të vihet në vend.

Së fundmi, bëjmë me dije sportdashësit dhe mbështetësit tanë se KF Skënderbeu do të vazhdojë aktivitetin e tij më të njëjtin përkushtim, vizion dhe ambicie për të arritur rezultate edhe më të mira se ato të sezoneve të shkuara.

Në kampin korçar nga ana tjetër janë të zhgënjyer për vendimin e marrë. Prej muajsh e kishin “pompuar” ambientin me optimizëm, por në fund CAS ua hodhi poshtë kërkesën. Tashmë ka vetëm një rrugë, të shkojnë në Gjykatën Federale në Zvicër. Kjo është shkalla e fundit gjyqësore dhe te Skënderbeu po e mendojnë ta vazhdojnë betejën ligjore. Gjithsesi fillimisht duhet të marrin veten nga kjo goditje.

Klubi ende nuk ka dalë me një deklaratë, ku të qartësojë të ardhmen. Normalisht tifozët në Korçë janë të shqetësuar për situatën në klubin e tyre të zemrës. Futbollistët janë në ajër, ndërkohë që shumë klube dëshirojnë disa prej tyre. Sigurisht do të duhet të paguajnë për ata që janë nën kontrata. Skënderbeu i ardhshëm nuk dihet çfarë “fytyre” do të ketë dhe enigmat janë të shumta.

Në intervistën e dhënë për “RTSH Sport”, Vaso tha:“Ishte një vendim skandaloz dhe shokues që i bën keq jo vetëm futbollit shqiptar, por edhe vetë politikave të UEFA-s, pasi ka qenë në interesin e tyre të ketë ekipeve të vogla që arrijnë suksese të tilla në futboll”.

Ndërkohë Xhambazi e konsideroi një dënim fatal për klubin ku ka kontribuar për vite me radhë: “Mendoj që ky dënim është në radhë të parë për qytetin e Korçës. Ky qytet po krenohej me futbollin gjatë viteve të fundit. Skënderbeu ka qenë një skuadër me vlera që ka prodhuar shumë lojtarë. Është një dënim fatal për qytetin, por jo edhe për të gjithë Shqipërinë”.

“UEFA e mirëpret vendimin e KAS-it për çështjen “Skënderbeu”. Pranojmë vendimin e Këshillit të Arbitrazhit Sportiv për dënimin e KS Skënderbeut. Ky është një konfirmim i mëtejshëm i besueshmërisë së sistemit të zbulimit të mashtrimeve, në identifikimin e modeleve të basteve dhe fiksimit të rezultatit në ndeshjet europiane dhe vendase.

Me këtë vendim, KAS-i tregon dhe njëherë tjetër iniciativën dhe përpjekjen për të vendosur rregull dhe për të pastruar futbollin. UEFA BFDS, në bashkëpunim me Sportradar, kanë marrë informacionet e duhura në lidhje me këtë çështje dhe kanë vepruar me konfirmim absolut në lidhje me akuzën.

BFDS u krijuar në vitin 2009 për shkak të kërcënimit në rrije të manipulimit të ndeshjeve. Roli i saj është të nxjerrë në pah lëvizjet e parregulta të koefiçentëve, si para ndeshjes, ashtu dhe gjatë saj (LIVE). Ky ishte një hap tjetër në rrugën që kemi nisur për të eliminuar çdo kërcënim që vjen nga manipulimi i ndeshjeve”.

Seanca dëgjimorë është zhvilluar dhe vendimi final pritej të merrej muajin e shkuar. Kjo nuk ndodhi dhe klubi i Skënderbeut doli me një njoftim, duke bërë me dije se më 12 korrik do të merret vendimi nga CAS. Sot është dita.

Në klubin korçar prej kohësh shprehen optimistë se do ta fitojnë këtë çështje. Edhe më parë i njëjti optimizëm ka qenë, por vendimet e marra kanë qenë në disfavor të Skënderbeut. Dënimi i marrë është ekzemplar, pasi si provë e vetme për UEFA-n janë luhatjet e koeficienteve, të pikasura nga BFDS (Sistemi i Zbulimit të Mashtrimeve të Basteve).

Nëse CAS do të lërë në fuqi dënimin e UEFA-s, atëherë nis një erë e re e dënimeve të klubeve pa pasur nevojë për prova të mbledhura nga Prokuroritë. Shpenzimet e bëra për BFDS do bëheshin të vlefshme, ndryshe do të ishte një goditje e rëndë. CAS e ka në dorë.

Një lajm i bujshëm është përhapur në lidhje me kapitenin dhe Argjentinën. “Fox Sports” raporton se në drejtim të Federatës Argjentinase të Futbollit ka ardhur një ftesë krejtësisht e veçantë.

UEFA ka ftuar dy herë fituesit e Botërorit për të marrë pjesë në Ligën e ardhshme të Kombeve. Diçka e tillë do të bënte të mundur luajtjen e kombëtares latine në Europë dhe zgjatjen e karrierës së Mesit me ekipin “albiceleste”.

Pavarësisht skualifikimit, “pleshti” do të zbriste në fushë lirisht në duelet e Ligës së Kombeve, ndërsa kombëtarja argjentinase do të pësonte një farë evropianizimi.

Për këto dy lojtarë PSG arkëton 24 milionë euro, ndërkohë që priten edhe të tjera nga shitja e Lo Selso (24 milionë euro, Real Betis), Kryçoviak (10 milionë euro, Lokomotiv Moskë), Jasin Adli (6 milionë euro, Bordo) dhe Gaetan Robail (2 milionë euro, Lens). Në total 66 milionë euro të arkëtuara, duke e kaluar me 6 milionë kushtin e vendosur nga UEFA.

Leonardo, i kthyer te PSG, ka në plan të bëjë edhe të tjera lëvizje në dalje dhe të arkëtojë miliona nga shitja e Stenlej Nsoki dhe Tomas Munie. Këtë të dytin thuhet se e kërkojnë Arsenali dhe Mançester Junajtid. Francezët presin ofertën konkrete dhe janë të gatshëm ta shesin lojtarin e tyre.

Përfitimet financiare për këtë sukses janë tepër të mëdha. Fitorja ndaj kampionëve të Andorrës i garantoi Feronikelit të paktën 540 mijë euro të ardhura nga pagesat e solidaritetit që shpërndahen nga UEFA.

Krahas shumës së lartpërmendur, Feronikeli ka përfituar edhe 490 mijë euro ekipi fitues i kampionit të Kosovës dhe pjesëmarrjes në raundin paraeliminator, çka i çon arkëtimet e në një total prej 1 milionë e 30 mijë eurosh.

“Aksionerët aktualë e morën klubin në korrik të vitit 2018, duke trashëguar humbje të mëdha dhe të akumuluara, pasi pronarët e mëparshëm kishin dështuar t’i shlyenin. Këto humbje dhe shkeljet e bëra në rregullat e FFP, kanë sjellë këto sanksione që i atribuohen pronarëve të mëparshëm.

Pavarësisht nga hidhërimi i thellë i tifozëve, që nuk do të kenë mundësinë të shohin ekipin në Europa League, ne i njohim rregullat e Fair-Play Financiar. Ne pranojmë se nuk ka rrugë tjetër, veçse të pranojmë sanksionet dhe të ndërmarrim një rrugë për ta kthyer klubin në pajtim të plotë me rregullat e UEFA-s

AC Milan konfirmon angazhimin maksimal për të sjellë klubin aty ku meriton të jetë, në krye të futbollit europian. Sanksionet e sotme do të përbëjnë një nxitje për të maksimizuar përpjekjet për të futur klubin në rrugën e duhur, që përcaktohet nga parametrat e FFP, dhe në të njëjtën kohë për të ndërtuar një klub konkurrues, që risjell Milanin në një skenar të qëndrueshëm dhe drejt një të ardhme pozitive”, sqaron Milani situatën e krijuar përmes një komunikate zyrtare.

Pak muaj më parë “afp”, raportoi se UEFA i kishte dhënë një ultimatum PSG-së. Klubi në pronësi të familjes mbretërore të Katarit duhet të shesë të paktën 60 milionë euro lojtarë gjatë kësaj merkatoje, në të kundërt UEFA mund të ndërmarrë masa ndëshkimore siç është përjashtimi nga Champions League dhe Europa League.

Ky problem është adresuar me shpejtësi nga kampionët e Francës. Sulmuesi i talentuar Abu Diabi u shit te Bajer Leverkuzen për 15 milionë euro. Talenti i radhës që pritet të largohet nga Parisi është mesfushori Kristofer Nkuku.

21-vjeçari është pjesë e ekipit të parë prej katër sezonesh, por asnjëherë s’ia ka dalë të marrë minuta të kënaqshme. Sipas “L’Equipe”, PSG po negocion me RB Lajpcig për shitjen e kartonit të lojtarit për vlerën e 15 milionë eurove.

Ata kanë një marrëveshje më UEFA-n për të ulur sa më shumë defiçitin. Saktësisht Marseje duhet të ketë një defiçit financiar prej 30 milionë eurosh në tre vitet e fundit për të shmangur dënimin. Ky vit është i errët në këtë aspekt sepse ata janë plot 78.5 milionë humbje.

E vetmja zgjidhje për këtë situatë është grumbullimi i një shume prej 50 milionë eurosh nga shitjet e lojtarëve. Kjo duhet të arrihet brenda këtij muaji. Kështu, drejtuesve të klubit francez do i duhet të heqin dorë nga dy apo tre lojtarë kryesorë të ekipit. Në këtë listë bëjnë pjesë emra si Baloteli, Tovin apo Sanson.

Sipas “Gazzeta Dello Sport”, UEFA dhe Milani janë drejt një ujdie që do të anashkalonte vendimin e “CAS”. Drejtuesit e klubit italian kanë pranuar përjashtimin e klubit me vetëm një vit nga kompeticionet e evropiane, por për këtë “armëpushim” kanë disa kërkesa që duhen plotësuar nga UEFA .

Milani kërkon që t’i jepen 12 muaj kohë për të shlyer pagesat e shumta që rëndojnë financat. Drejtuesi i ri i “djallit”, Ivan Gazidis, është shprehur besimplotë se bilancet e klubit në vitin 2021 do të jenë komform rregullave të vendosura nga UEFA.

Megjithatë, nëse arrihet marrëveshja në fjalë, UEFA duhet të tregohet shumë  e kujdesshme pasi rrezikon që të krijojë një precedent të rrezikshëm për të ardhmen.

Ndeshjen e parë kampionët tanë e luajnë si pritës, ndërsa të kthimit e luajnë në Azerbajxhan. Short ferri dhe kilometra të pafundme për të kuqtë.

Ndërkohë, Shkëndija e Tetovës do të përballet me Nome Kalju, kampionen e Estonisë. Short mjaft i mirë për Shkëndijën që kanë një mundësi mjaft të mirë për të kaluar më tej. Ndeshja e parë do të luhet në Estoni.

Nga ana tjetër edhe Ferronikeli mund të quhet me fat, me kampionët e Kosovës që në rast se kalojnë turin paraeleminator do të përballen me The New Saints, kampionen e Uellsit.

Vendi i pestë i jep të drejtën për të kaluar në grupet e Europa League, por ishte përfolur se “Djalli” mund të përjashtohej këtë sezon nga Europa, si pasojë e prishjes së rregullave të “Fair-Playt Financiar”.

Gjithsesi, diçka e tillë duket se nuk do të ndodhë, pasi UEFA ka bërë me dije datat e seancave të dëgjimit dhe deri në datën 14 gusht, për Milanin nuk ka asnjë seancë. Thënë ndryshe, sezonin e ardhshëm kuqezinjtë do të jenë në Europë, gjithsesi çështja ende nuk është mbyllur.

Dy vite më vonë situata është krejt ndryshe. “Nations League” ka fituar zemrat e të gjithëve, sidomos në Portugali, shtet ky që u shpall fituesi i parë i këtij turneu.

Te ardhurat që UEFA shpërndan për këtë turne nuk janë të pakta sidomos për federatat relativisht të vogla si ajo e Shqipërisë dhe Kosovës. Federata Shqiptare ka arkëtuar 1.125 milionë euro për pjesëmarrjen e saj në Ligën C, ndërsa Kosova ka arkëtuar 1.5 milionë euro, 750 mijë për pjesëmarrjen në Ligën D dhe 750 mijë të tjera për kryesimin e grupit.

Portugalia fituese ka arkëtuar shifrën rekord prej 10 milionë eurosh, ndërsa finalistët e Holandës kthehen në shtëpi me 9 milionë euro. Anglia dhe Zvicra kanë marrë nga 8 dhe 7 milionë euro.

Gjithsesi, CR7 nuk është ndarë pa çmim. UEFA ka zgjedhur 10 golat më të bukur të shënuar gjatë këtij sezoni në kompeticionin më të rëndësishëm për klube.

33-vjeçari është renditur i pari me golin e shënuar kundër Mançester Junajtid në Torino. Ishte 7 nëntori i vitit të kaluar. Djemtë e Murinjos triumfonin në fund, ndërsa Ronaldo kalonte bardhezinjtë në avantazh me anë të një perle që i mahniti të gjithë, madje edhe portierin De Gea.

Pas tij renditet Leo Mesi me golin e shënuar në gjysmëfinalen e parë kundër Liverpulit. Argjentinasi u tregua i saktë nga goditja e dënimit dhe lëshoi një predhë të pakapshme nga braziliani Alison.

Podi kompletohet nga Sadio Mane me golin e shënuar kundër Bajernit të Mynihut në Gjermani. Senegalezi mposhti Nojer me një gol shumë të bukur, duke i hapur rrugë kualikimit për më tej të The Reds.

Të nënta klubet e Superiores aplikuan përveç Kamzës, që u përjashtua dhe u dënua me rrëzim në Kategorinë e Dytë. Ky proces nisi në muajin dhjetor të vitit të kaluar dhe u mbyll në muajin prill.

Gjatë periudhës janar-shkurt janë zhvilluar takime dypalëshe, ndërsa klubet janë monitoruar nga FSHF, sidomos për aspektin financiar. Pesë kanë qenë kriteret e kërkuara nga UEFA dhe FSHF: Kriteri Sportiv, Kriteri i Infrastrukturës, Kriteri i Administratës dhe Personelit, Kriteri Ligjor dhe Kriteri Financiar, i cili është edhe më i rëndësishmi ndër të pestë.

Përfaqësuesit e klubeve kanë dorëzuar dokumentacionin e plotë, që u është dorëzuar ekspertëve të çdo kriteri, të cilët kanë bërë vlerësimin dhe kanë dhënë konkluzionet.

Sipas njoftimit të FSHF-së, vendimet e marra nga Komisionet e Licencimit u janë komunikuar klubeve aplikante, ndërsa të hënën do të mësohen edhe emrat klubeve që kanë marrë dritë jeshile për të përfaqësuar Shqipërinë në Kupat e Europës.

Megjithatë, drejtuesit e klubit kanë bërë një lëvizje të papritur. Sipas raportimeve të “Corriere della Sera”, Milani është gati të bëjë një pakt me UEFA-n dhe të qëndrojë 1 vit larg kupave europiane!

Kuqezinjtë kanë vendosur të mos apelojnë vendimin e TAS-it të Lozanës në lidhje me mosrespektimin e FPF (fair-play financiar). Vendimi në fjalë, që u cilësua si tepër i ashpër, kishte vendosur një gjobë prej 12 milionë eurosh për klubin e famshëm, kufizim të lojtarëve deri në 21 dhe përjashtim nga Kupat e Europës, nëse nuk arrihej balancimi i buxhetit deri në vitin 2021.

Milani dëshiron të gjëje një akord me UEFA-n dhe është gati të qëndrojë 1 vit jashtë kompeticioneve europiane. Gjithmonë nëse djemtë e Gatuzos kualifikohen në Ligën e Europës, pasi ndryshon situata nëse rikthehen në Champions Ligë…

Për vite me radhë zikaltrit janë detyruar të durojnë penalizimet e UEFA-s. Një talent si Mateo Kovaçiç u iku nga duart për shkak të presionit të UEFA-s, ndërsa nu kanë munguar as sforcimet në Europa League dhe Champions League, ku janë detyruar të lënë jashtë listës së të regjistruarve të paktën katër lojtarë kyç të skuadrës si Galjardini, Zhoao Mario dhe Dalbert.

Megjithatë, duket se vuajtjet e Interit po shkojnë drejt fundit. Ditën e sotme UEFA bëri të ditur me anë të një komunikate zyrtare se Inter, Fenerbahçe dhe dhe Astana, kanë plotësuar me përpikëri marrëveshjet (settlement agreements) e vendosura midis institucionit dhe klubeve, çka do të thotë se tani Interi nuk do të ketë më asnjë penalitet gjatë pjesëmarrjes në eventet evropiane.

Sipas raportimeve të “New York Times”, përfaqësues të dhomës së hetimeve financiare të UEFA-s janë takuar para dy javësh në Zvicër për mbylljen e hetimeve për klubin anglez.

Gazeta amerikane siguron se “Cityzens” do të pezullohen të paktën 1 vit nga Champions Liga. Siti deklaron se vazhdon bashkëpunimin me mirëbesim me UEFA-n, por nuk dëshiron të shprehet pa u mbyllur hetimi i plotë.

Frika më e madhe e drejtuesve është përfshirja e disa personave, të cilët synojnë të dëmtojnë imazhin e klubit dhe interesat komercialë të tij.

Hetimi ka nisur prej muajsh dhe janë marrë në shqyrtim marrëveshje të shumta financiare që klubi i Premier League ka bërë. Dy javë më parë thuhet se grupi hetimor ka pasur një mbledhje në Nion të Zvicrës dhe kanë nxjerrë konkluzionet e tyre.

Pikëpyetja më e madhe lidhet me kohën e aplikimit të dënimit. Gjasat janë që Siti të mos lejohet të garojë në Champions në sezonin 2020-2021, pasi nëse dënohet për sezonin e ardhshëm atëherë do të ketë një apel të anglezëve në CAS dhe pa një dënim përfundimtar atëherë vendimi i UEFA-s përkohësisht nuk do të hynte në fuqi. Në qeverinë e futbollit europian duan të jenë të matur në vendimin që do të marrin.

Gjatë Botërorit të fundit që u zhvillua verën e kaluar në Rusi, plot 27 minuta u harxhuan me ndërprerjen e ndeshjeve. Për t’i shfrytëzuar më mirë në aspektin televiziv pauza të tillë, drejt FIFA-s dhe UEFA-s kanë vërshuar oferta tunduese për reklama nga kompani të mëdha gjatë kohës që arbitrat rishikojnë pamjet, sipas raportimeve të “Financial Times”.

Dy qeveritë e futbollit pretendojnë se i kanë refuzuar këto propozime, ndërsa gazeta britanike e cilëson këtë rast si mundësinë më të madhe që është krijuar ndonjëherë në futboll.

Një zë i brendshëm i Ligës spanjolle zbulon se kjo pistë është e qëndrueshme. Komercializimi i VAR-it mund të gjenerojë të ardhura nga 58-116 milionë euro. Një minutë publicitet gjatë ndeshjeve me eliminim direkt në Kupën e Botës Rusi 2018 do të kishte gjeneruar rreth 700 mijë euro fitime.

Sipas së përditshmes franceze, “Le Parisien”, UEFA i ka bërë të ditur PSG-së se duhet të shesë të arkëtojë 60 milionë euro nga shitjet e lojtarëve deri më datë 30 qershor, në të kundërt ndaj klubit mund të merret një masë ekstreme si përjashtimi nga Champions League.

Megjithatë në Paris nuk ka vend për panik.  Lista e shitjeve është bërë tashmë. Belgu Mënier është i pari në radhë për t’u larguar. Për mbrojtësin e krahut ka shfaqur interes Mançester Junajtid që pritet të paguajë rreth 30 milionë euro për shërbimet e Mënier. Emra të tjerë në listë janë ato të rinjve, Nkuku, Ueah, Nsoki dhe Diabi, lojtarë që së bashku pritet të arkëtojnë pjesën e mbetur të detyrimit.

Ekipi portugez mundi në finale Çelsin me rezultatin 3 – 1. Ky është triumfi i parë një skuadra nga Portugalia në këtë trofe, ku Benfika ia kishte dalë të shkonte dy herë në finale pa mundur të ngrinte trofeun.

Në krahun tjetër dëshpërimi te Çelsi është shumë i madh, pasi blutë e Londrës humbasin finalen e dytë radhazi.

?#FCPorto #UYL #FCPortoSub19 #sub19 pic.twitter.com/JTnhAMCMzQ

— FC Porto (@FCPorto) April 29, 2019

Në ditët e sotme ky rregull po jep efekte të tjera. Ekipet po bëhen gjithnjë e më të kujdesshme në ndeshjet me eliminim direkt. Ata që luajnë në shtëpi ndeshjen e parë preferojnë më shumë që të mos pësojnë sesa të fitojnë ndeshjen.

Spektakli dhe loja e bukur ofensive janë reduktuar dhe të gjithë luajnë më shumë taktikisht se teknikisht. Geri Lineker ka bërë një propozim interesant për UEFA-n. Ish-goleadori i famshëm anglez insiston në heqjen e rregullit të golit jashtë fushe, të paktën për një vit. Nëse diçka e tillë ndodh, ai mendon se spektakli do të rritej dhe skuadrat do të tentonin më shumë drejt lojës sulmuese.

“Nuk e di se çfarë mendojnë njerëzit, por jam për heqjen e rregullit të golit jashtë fushe. Do të më pëlqente të shihja një eksperiment, të paktën për një sezon. Ekipet që luajnë ndeshjen e parë në shtëpi janë të gjitha shumë të kujdesshme. I frikësohen shumë pësimit të golit, pasi diçka e tillë do i sillte disavantazhe të mëdha për ndeshjen e kthimit. Nëse UEFA e eliminon këtë rregull, ekipet shtëpiake do të luanin më hapur dhe do dhuronin një futboll më sulmues dhe të bukur”, shprehet Geri Lineker.

“Dhoma e hetimit të Kontrollit Financiar të Klubeve në UEFA  (CFCB) ka kërkuar nisje hetimi në ngarkim të Milanit nga Dhoma e Arbitrazhit në  CFCB, për shkak se klubi nuk ka arritur të respektojë barazinë në bilanc në periudhën nën vëzhgim për sezonet 2015/2016, 2016/2017 e 2017/2018“, shkruhet në komunikatën për shtyp të UEFA-s, që nuk do të lëshojë komente të tjera.

NDRYSHIMI NGA DËNIMI I MËPARSHËM – UEFA monitoron çdo vit trevjeçarin paraardhës dhe tashmë Milani ka shkelur rregullat edhe për trevjeçarin e fundit. Në CAS Milani arriti të hiqte dënimin me përjashtim nga kupat e Europës, për trevjeçarin 2014-2017, por tani nis një betejë e re me UEFA-n.

Në momente të caktuara të ndeshjes Kalum Hudson-Odoi, Deni Rouz dhe Rahim Stërling u bënë subjekt të thirrjeve raciste nga tifozët malazezë. Në përfundim të takimit, Stërling e konsideroi të papranueshme ngjarjen dhe kërkoi që personat përgjegjës të dënohen.

Trajneri i Anglisë, Gareth Sauthgejt u shpreh në fund të takimit se pala angleze ka raportuar incidentin: “Është diçka e papranueshme. Ne si staf duhet t’i qendrjmë përherë lojtarëve. E kemi raportuar këtë incident dhe shpresoj që autoritetet përkatëse të veprojnë siç duhet”

Futbollisti Rahem Stërling ishte akoma më i ashpër në deklaratat e tij pas ndeshjes. Anglezi sugjeroi që UEFA të ndërmarrë dënim kolektiv në lidhje më këtë takim. Gjatë ndeshjes Stërling iu kthye tifozëve racistë me anë të një festimi në golin e fundit.

“Disa idiotë prishën gjithçka, është diçka e trishtueshme që në vend të flasim për një fitore të bukur po merremi me këtë gjë. Duhet të merret një dënim për këtë gjë, do sugjeroja që të ketë një dënim kolektiv. Çdo kombëtare tifozët e secilës bëjnë thirrje raciste duhet të dënohet me mbylljen e stadiumit, kjo mund të jetë një zgjidhje, pasi do i bëjë tifozët të mendohen dy herë”.

Noftimi nga UEFA – “Janë ngritur akuza kundër lojtarit të PSG-së, Nejmar Zhunior, për shkak të sharjeve/akteve të ndaluara kundrejt arbitrave zyrtare të ndeshjes. Kjo akuzë ngrihet mbi Kodin 15 (1) të Kodit Disiplinor të UEFA-s”.

Pas eliminimit të PSG-së nga Mançester Junajtid, Nejmar shkroi në rrjetet sociale: “Ky është turp, vendosin si gjytarë katër njerëz që nuk dinë asgjë nga futbolli dhe VAR-i. Si ka mundësi!!! Si mundet që një lojtar ta prekë topin me dorë kur i ka kthyer shpinën? Shkoni p*rdhuni!!”

Kjo çështje do të zgjihet në dhomën e zgjodhjeve të konflikteve të UEFA-s, por nuk ka ende ndonjë datë zyrtare për seancën dëgjimore.

Organizmi më i lartë qeverisës i futbollit evropian, së fundmi kishte kërkuar që hetimet t’i niste dhe një herë nga e para, por PSG doli menjëherë kundër, madje duke e çuar çështjen në Gjykatën e arbitrazhit, siç njihet nga të gjithë me emrin CAS.

Ditën e sotme është raportuar zyrtarisht vendimi dhe CAS ka bërë me dije se hetimi është mbyllur dhe nuk do të rinisë nga e para, duke i dhënë të drejtë PSG-së. Për francezët nuk do të ketë asnjë masë ose dënim.

PSG have been cleared by the Court of Arbitration for sport

— Sky Sports Football (@SkyFootball) March 19, 2019

Mirëpo, kjo ka sjellë kundërshtinë e klubeve europiane, krerët e të cilave kanë firmosur një dokument, ku kanë bërë të ditur se në rast se Infantino do të vënë në jetë këtë projekt, ata nuk do të kenë rrugë tjetër përveç se bojkotit.

Me planin e ri, Botërori i klubeve do të organizohet në muajin qershor dhe numri i ekipeve do të rritet në 24, turneu pritet të fillojë në vitin 2021.

Me anë të një letre të dërguar drejt UEFA-s dhe FIFA-s nga kreu i Shoqatës e Europiane të Klubeve (ECA), Andrea Anjeli, i cili është dhe presidenti i klubit të Juventusit, është shprehur qartazi qëndrimi kundër i pjesës më të madhe të klubeve elitare në Europë.

Në dhjetëshen e parë bie në sy parakalimi i Barcelonës ndaj Bajernit. Katalanasit “shkatërruan” Lionin në ndeshjen e kthimit me rezultatin 5-1, duke u kualifikuar më tej. Barça renditet tashmë në vendin e dytë pas Realit të Madridit.

Humbja 3-1 përballë Liverpulit të Klopit solli eliminimin e Bajernit, që ka humbur një pozicion dhe tashmë renditet i treti me 128 mijë pikë. Siti është rritur dy pozicione dhe tashmë renditet në vendin e gjashtë, ndërkohë që eliminimi i papritur kundër Sllavias së Pragës së Pitër Olainkës, ka ndikuar në humbjen e një pozicioni për Seviljen.

Napoli u kualifikua përballë Salcburgut në Ligën e Europës dhe tashmë renditet në vendin e 14-të, dy pozicione poshtë Romës. Fiorentina është ekipi i katërt italian (vendi i 38-të).

Një pozicion më poshtë renditet Lacio, ndërsa dy klubet e Milanos janë shumë larg. Interi ka humbur një pozicion pas eliminimit kundër Ajntrahtit të Frankfuritit dhe renditet në vendin e 46-të, ndërsa kuqezinjtë e Gatuzos qëndrojnë në vendin e 78-të me 19 mijë pikë.

Dhjetë klubet e para sipas renditjes së UEFA-s
1) Real Madrid – 146.000
2) Barcelona – 131.000
3) Bajern Mynih – 128.000
4) Atletiko Madrid – 127.000
5) Juventus – 123.000
6) Mançester Siti – 104.000
7) Sevilja – 104.000
8) PSG – 103.000
9) Porto – 93.000
10) Arsenal – 91.000

Renditja e klubeve italiane
5) Juventus – 123.000
12) Roma – 81.000
14) Napoli – 80.000
38) Fiorentina – 39.000
39) Lacio – 37.000
46) Inter – 31.000
78) Milan – 19.000

Nëpërmjet një postimi në “Twitter” nga faqja franceze, UEFA ka zgjedhur dhe formacionin më të mirë të kësaj jave, atyy ku shkëlqyen Liverpuli, Barcelona, Mançester Siti dhe sidomos Juventusi. Tre juventinë në formacion me në krye Kristiano Ronaldon, autorin e një trigolëshi përballë Atletikos së Madridit.

Portë: Shezni (Juventus)

Mbrojtje:  Kanselo (Juventus), Van Dijk (Liverpul), Pike (Barcelona).

Mesfushë: Sterling (Mançester Siti), Bernardo Silva (Mançester Siti), Mane (Liverpul), Sane (Mançester Siti).

Sulm: Mesi (Barcelona), Serxho Aguero (Mançester Siti), Kristiano Ronaldo (Juventus).

Skema e zgjedhur është ajo 3-4-3, me një treshe të frikshme përpara si: Mesi, Aguero dhe Ronaldo dhe një formacion ultraofensiv.

#LdC L’équipe #FantasyFootball de la semaine s’anime autour d’un 3-4-3 résolument offensif ??

D’accord avec ce 1?1?? ? pic.twitter.com/3NaODsuRnc

— L’UEFA ?? (@UEFAcom_fr) March 14, 2019

Sipas një dokumenti  prej 17 faqesh të zbuluar nga “Associated Press”, FIFA ka ndërmend ta zhvendosë në muajin qershor Botërorin e klubeve duke filluar nga viti 2021.

Gjithashtu do të rritet numri i ekipeve. Tanimë nuk do shkojnë më kampionët e secilës konfederatë, por disa ekipe nga çdo kontinent që në total do të plotësojnë numrin e 24 skuadrave pjesëmarrëse.

Numrin më të madh do ta ketë Europa me tetë të skuadra, ndërsa 16 vendet e mbetura do të plotësohen nga gjashtë skuadra të Amerikës së Jugut, dhe tre skuadra nga kontinentet e Amerikës së Veriut, Azisë dhe Afrikës. Përfaqësues do të ketë dhe rajoni i Oqeanisë me vetëm një skuadër.

Kilian Mbape, ishtë një ndër lojtarët më të prekur, i cili pas fërshëllimës së arbitrit shpërtheu edhe në lot. 20-vjeçari ka folur për herë të parë në lidhje me ndeshjen për “Telefoot”, duke u shprehur se ende nuk e zë gjumi që nga ajo sfidë.

“Jam i shokuar, nuk kam fjalë. Kam ditë që nuk vë gjumë në sy, mendoj se e njëjta gjë ka ndodhur me të gjithë. Nuk di çfarë të thëm”,  u shpreh Kilian Mbape, ku duket qartë që ajo humbje ka lënë shenjë te të gjithë lojtarët e PSG-së.

E gjithë kjo situatë u krijua për shkak se CAS në faqen e vet zyrtare nuk kishte publikuar një datë për seancën dëgjimore. Mosbesimi i tifozëve bëri që Skënderbeu të postonte edhe “e-mailin” e shkëmbyer mes klubit dhe CAS-it.

Sikurse dihet, UEFA e ka përjashtuar Skënderbeun për 10 vite nga kupat e Europës, si dhe e ka gjobitur me 1 milion euro. Korçarët duan rrëzimin e këtij vendimi, që do t’u sillte bardhekuqve miliona euro në llogari në rast se e fitojnë çështjen.