Por në minutën e 31’, “Tulipanët” e panë veten në disavantazh, pas një penalltie të shndërruar në gol nga Rashford. Ky i fundit e fitoi vetë penalltinë, e cila u shkaktua nga lojtari më i përfolur në merkato, Matijs De Ligt.

LIVE, UEFA Nations League

Holandë – Angli  0-1’
Rashford 31’

Te Holanda, ka shumë talente dhe shumë cilësi. Që në prapavijë, De Ligt-Van Dajk ofrojnë garanci, ndërsa De Jong do të jetë lojtari kyç në mesfushë. Ndërsa te Anglia, nuk ka shumë ndryshime, por vërehet mungesa e Heri Kejn. Sanço e nis titullar, ndërsa maja e sulmit i është besuar Rashfordit.

Holanda: Cilesen, Dumfris, De Ligt, Van Dajk, Blind, De Run, De Jong, Vijnaldum, Bergujin, Babel, Depai

Anglia: Pikford, Uolker, Meguajer, Stons, Çiluell, Rajs, Delf, Barkli, Sanço, Rashford, Sterling

FILOZOFIA E LOJËS – “Qëllimi im fillestar ishte të luajmë futboll të mirë, pa i pritur rezultatet. Ishim të mendimit se nëse luajmë mirë, kemi shanse për të pasur rezultate. Pas shtatë apo tetë muajsh në takimin e parë që patëm në kampin në Paris, biseduam se si mund të përparojmë. E vendosëm filozofinë e lojës – të luajmë mirë në mbrojtje, të mos pësojmë më 24 gola si në fazën kualifikuese të Botërorit në Rusi. Ideja ka qenë që të krijojmë një ekip për sulm dhe për mbrojtje. Jam i befasuar që kemi pasur këtë sukses shumë herët. Kjo do të thotë që lojtarët kanë bërë një punë shumë të mirë dhe kanë dëshiruar të përparojnë. Për mua ky është çelësi i këtij suksesi”.

MENTALITETI I LOJTARËVE – “Kam punuar në Zvicër me disa lojtarë nga Kosova dhe kam qenë trajner me lojtarë të rinj si Valon Behrami. E di mentalitetin e tyre pasi futbolli është pasion për shumë njerëz të Kosovës. Për mua kjo ishte një arsye për të ardhur këtu, sepse mendoja që në Kosovë kemi lojtarë të mirë dhe  federata do të përparojë. Është mirë të punojmë për futbollit”.

GJUHA SHQIPE – “Me lojtarët e Ekipit Kombëtar të Kosovës mund të flas vetëm: “Po”, “Jo”, “Mirëdita”, pasi gjuha shqipe nuk është një gjuhë e lehtë”.Komunikimi nuk është problem, pasi kemi lojtarë që flasin frëngjisht, gjermanisht dhe anglishtja ime mjafton të shpjegoj se çfarë dua në gjuhën angleze. Lojtarët më kuptojnë në mënyrë perfekte. Gjithsesi, Duhet t’i mësoj këngët shqipe, Festa ka qenë e madhe pas ndeshjes (qesh)”.

NEGOCIATAT E KONTRATËS ME FADIL VOKRRIN – “Isha i përgatitur për intervistën me të, ndoshta kam qenë i pari, i dyti apo i treti, mirëpo ne biseduam për futbollin. Unë i njihja të gjithë lojtarët dhe ai e pa se unë isha i gatshëm për punë, e njoh situatën dhe gjendjen e ekipit të Kosovës. Ai më pas më tha: ‘Në rregull. Për 5 minuta u morëm vesh për kontratën”.

VDEKJA E PAPRITUR – “Ishte shumë emocionuese, sepse para një kohe jo shumë të largët ne ishim miq, pinim verë në mbrëmje, bisedonim për futbollin, ishim të gatshëm që të punonim së bashku Nuk ishte aspak e lehtë, mirëpo tani duhet të vazhdojmë tutje”.

MAQEDONIA DHE EUROPIANI – “Maqedonia është ekip i mirë, por gjithashtu edhe ne e kemi mundësinë për të përparuar. Kemi kohë për t’u bërë gati, 1 vit apo 1 vit e gjysmë. Për ne, fokusi tani është që të punojmë për të përparuar dhe të jemi të gatshëm për këtë lojë” Nuk është mision i pamundur që Kosova të jetë pjesë e Kampionatit Europian, është e mundshme. Nëse Kosova pas 2-3 vitesh mund të marrë pjesë menjëherë në Kampionatin Europian, do të jetë mrekulli për këtë shtet”.

NDËRRIMI I UJKANIT ME MURIÇIN – “Trajneri duhet që të marrë vendime. Vendosa ashtu. Kemi biseduar para lojës me Ujkanin dhe ai është pajtuar. Ai ka respekt dhe e mbështet ekipin. E falënderojë nga këtu pasi që e ka mbështetur Muriçin e ri duke reaguar si kapiten. Muriç ka luajtur shumë mirë ndaj Azerbajxhanit”.

Një sfidë, që në pjesën e parë thuajse kishte vetëm një ekip në fushë. Italia shihej mjaft këmbëngulëse dhe pati shumë raste, ku Rui Patrisio shfaqi vlerat e tij dhe mbajti portën të paprekur. Kështu ekipet u drejtuan në dhomat e zhveshjes me rezultatin e bardhë pa gola.

Në fraksionin e dytë, kombëtarja axurre u pa disi më e lodhur dhe Portugalia e shtoi nivelin e saj të lojës. Donaruma shpëtoi 13 minuta përpara fundit të kaltrit, pas goditjes së Uilliam Karvajos, duke reaguar në mënyrë fantastike. “Axurrët” provuan deri në fund të gjenin golin, por nuk ia arritën me luzitanët, të cilët festojnë arritjen e vendit të parë.

Ndërkohë, në Ligën B, Turqia mori një goditje të rëndë brenda në shtëpi, teksa pësoi një disfatë ndaj Suedisë, duke zbritur në Ligën C. Ndeshja u vendos nga një gol i Grandkuist nga pika e bardhë. Suedezët tashmë do të provojnë të marrin kreun e grupit dhe të ngjiten në Ligën A, në “finalen” që luajnë ndaj Rusisë.

Rumania arriti një triumf të thjeshtë 3-0, ndaj Litunisë, e cila është kombëtarja e vetme në Ligën C që nuk ka marrë asnjë pikë. Tashmë rumunët afrohen me Serbinë dhe do të shpresojnë deri në ndeshjen e fundit për arritjen e vendit të parë.

KUNDËRSHTARI – “Portugalia mbetet një ekip i madh, këtë gjë e treguan dhe në finalen e Europianit, kur Ronaldo u dëmtua. Janë një ndër skuadrat më të mira për mënyrën e lojës dhe kanë lojtarë të jashtëzakonshëm në fazën ofensive. Mendoj se do të jetë bukur dhe pa Ronaldon, edhe pse unë doja të ishtë në fushë”.

GJENDJA AKTUALE – “Mendoj se po ecim mirë, duke menduar që dështuam për të shkuar në Botëror. Çdo gjë ka kohën e saj, nuk bëhet me shkop magjik. Po përmirësohemi nga ndeshja në ndeshje”.

PRESIONI – “Janë 50 milionë njerëz që duan që në të fitojmë, kështu që normalisht ka presion, por e kam përjetuar këtë gjë dhe më parë. “San Siro” gjithmonë është përgjigjur mirë në ndeshjet e kombëtares”.

DËMTIMET – “Dy lojtarë nga U-21 do të vijnë pas dëmtimeve. Moise Kin dhe Xhanluka Mancini. Gjithashtu dhe Açerbi, i cili është në skuadër pas problemeve të Romanjolit”.

Artur Ionita, një nga lojtarët më të njohur në Moldavi, i cili aktivizohet te Kaljari në Serinë A, thërritej dikur “Mbreti Artur”, në kohën kur aktivizohej me Araun në kampionatin zviceran. Që nga ajo kohë, edhe tani Ionita thërritet me atë pseudonim dhe lojtari shprehet i nderuar për emrin që i kanë vendosur. “Jam i nderuar që më kanë vendosur një emër të tillë. Është bërë pjesë e imazhit tim ky emër, që në kohën kur luaja në Zvicër.”

Andrei Kojoçari, i cili luan për Milsamin, që në kohën e fëmijërisë kishte nofkën “Maradona”, pasi dallonte shumë nga shokët e tij. Me kalimin e kohës kjo nofkë iu shkurtua në “Mara”. Për herë të parë këtë emër ia ka vendosur trajneri i tij i parë, Sergio Kretu dhe fëmijët e ekipit të tij e pranuan këtë gjë. Tani “Mara”, aktivizohet dhe me kombëtaren moldave dhe tifozët e thërrasin “Maradona”.

Golashënuesi më i mirë në historinë e ekipit kombëtar moldav, Sergiu Kleshçenko luajti për pesë vjet në Izrael, duke u vlerësuar si një sulmues me mjaft potencial. Golat e shënuar dhe paraqitjet e bëra në Izrael e kthyen emrin e tij nga Kleshçenko, në “Kallashnikov”, siç edhe njihet nga të gjithë.

Skocia do të udhëtojë fillimisht drejt Shqipërisë dhe më pas do të presë Izraelin në fushën e saj, pas tre ditësh. Në kuadër të këtyre sfidave, trajneri i skocezëve, Aleks MekLish, ka bërë të ditur të grumbulluarit e tij.

Lojtari më i spikatur te kundërshtarët e ardhshëm të kuqezinjve është padyshim mbrojtësi i Liverpulit, Andi Robertson, i cili është njëkohësisht dhe kapiten i kombëtares së tij.