Në rastin më të keq, me Partizanin të eliminuar nga Champions League, klubi kryeqytetas merr edhe 260 mijë euro për pjesëmarrjen në turin e dytë të Europa League. 800 mijë euro kampionët e Shqipërisë i kanë të sigurta, por synohet për më shumë. Për këtë duhet kaluar Karabaku.

Përfitime mjaft të larta edhe për Feronikelin, që ka arkëtuar 260 mijë euro si kampion i Kosovës. Nga kalimi i turit paraliminator ka arkëtuar edhe 230 mijë euro, ndërkohë që merr edhe 280 mijë euro nga pjesëmarrja në turin e parë kualifikues.

Ata kanë në dorë kualifikimin në turin e dytë, që do u sillte edhe 380 mijë euro. Në rast eliminimi, përfitojnë edhe 260 mijë euro dhe vijojnë rrugëtimin në Europa League. Momentalisht kanë të sigurta 1 milion e 30 mijë euro.

UEFA CHAMPIONS LEAGUE
Ekipet kampione – 260 mijë euro
Turi paraeliminator – 230 mijë euro
Turi i parë kualifikues – 280 mijë euro
Turi i dytë kualifikues – 380 mijë euro
Turi i tretë kualifikuese – 480 mijë euro (vetëm klubet që eliminohen dhe bëjnë pjesë te klubet kampione)

Prishtina, e eliminuar nga Europa League, ka përfituar 220 mijë euro, kurse Laçi, Kukësi dhe Teuta nga 240 mijë euro i arkëtojnë për pjesëmarrjen në turin e parë kualifikues. Kalimi në raundin tjetër u çon në arka edhe 260 mijë euro të tjera, një mision i vështirë duke parë ndeshjet e parë që këto klube kanë zhvilluar.

UEFA EUROPA LEAGUE
Turi paraeliminator – 220 mijë euro
Turi i parë kualifikues – 240 mijë euro
Turi i dytë kualifikues – 260 mijë euro
Turi i tretë kualifikuese – 280 mijë euro
Faza playoff – 300 mijë euro (vetëm klubet e eliminuara)

Të gjithë afrimet e merkatos janë përfshirë në listë, duke nisur nga portieri Teqja e deri te sulmuesit afrikanë, Solomon dhe Ekuban. Edhe portieri Dashamir Xhika është pjesë e grupit të lojtarëve që mund të luajnë në Champions.

LISTA E PARTIZANIT NË CHAMPIONS LEAGUE
Portierë: Alban Hoxha, Aldo Teqja, Dashamir Xhika
Mbrojtës: Egzon Belica, Labinot Ibrahimi, Lorenc Trashi, Enea Bitri, Esin Hakaj

Mesfushorë: Bruno Telushi, Esat Mala, Kristi Kote, Uilliam Kordeiro, Rron Broja, Eneid Kodra, Aristotelos Romero, Lukas Kardozo, Jasir Asani
Sulmues: Emanuel Mensah, Jurgen Bardhi, Erald Çinari, Jozef Ekuban, Brian Braun, Theofilus Solomon

Ole Gunar Solskjaer u shfaq i gëzuar pas fitores ndaj Uest Hem me dy penallti të shndërruara në gol nga Pol Pogba. Gjithsesi, buzëqeshja e tij u ndërpre në momentin që fliste për sfidën e ardhshme.

Ndeshja e ardhshme e Junajtid është me Barcelonën në Camp Nou. Solskjaer thotë se tashmë do të fillojë të mendojë për katalanasit. Ai shprehet se blaugranat nuk janë vetëm ekipi që bën futboll të bukur. Janë një skuadër që mundohet të fitojë me të gjitha mënyrat e mundshme.

Norvegjezi gjithashtu kujton se Buskets duhet të ishte ndëshkuar me karton të kuq brenda 15 minutave të para. Diçka që arbitri nuk e bëri duke i dhënë vetëm një karton të verdhë dhe duke e falur në rastin e dytë.

“Nuk dua të krijoj polemika për gjykimin, por Barcelona duhej të ishte me një lojtar më pak brenda 15 minutave të para. Buskets nuk e meriton të luajë ndeshjen e dytë. Ne nuk mund të bëjmë asgjë për ta ndryshuar këtë, por dua që zyrtarët të kuptojnë se Barcelona nuk luan vetëm futboll të bukur. Ata vazhdimisht e zbusnin arbitrin, duke i folur si ta kishin mikun e tyre. Kanë përvojë, janë të mençur dhe i dinë të gjitha hile që të çojnë te fitorja”, ishin fjalët e Solskjaer.

Në konferencën e sotme një ditë përpara sfidës, trajneri Alegri, ka pranuar se Sami Kedira nuk do të jetë pjesë e ekipit, për arsye shëndetësore. Gjermani ka qëndruar në Torino ku është nën vëzhgimin e mjekëve. Numri një i pankinës bardhezi u shpreh:

“Ai është një lojtar i rëndësishëm. Humbëm  një futbollist të nivelit ndërkombëtar dhe mbetemi me katër mesfushorë të tjerë, të cilët do të na ndihmojnë në ndeshjen e nesërme. Për rastin e tij do të dalim me një komunikatë”.

Aktualisht, kur kemi lënë pas 23 javë të luajtura, renditja tregon Interin të tretin me 43 pik, i cili ndiqet nga kushërinjtë e urryer të Milanit me 4 pikë më pak. Atalanta, Roma dhe Lacio, qëndrojnë së bashku pas Milanit, në kuotën e 38 pikëve. Thënë ndryshe, 5 ekipe ndahen nga 5 pikë.

Ndeshjet deri në fund për t’u luajtur janë dhe 15, teksa këtë javë do të kemi përballjen direkte mes Atalantës dhe Milanit në Bergamo. Interi, me triumfin në ndeshjen e fundit ndaj Parmës ka treguar se po rikthehet. Ndërkohë, Milani dhe tre ndjekëset e tjera nuk gabuan në ndeshjet respektive, duke treguar se jemi futur në një fazë, ku gabimet nuk falen.

Interi bëri një fillim sezoni perfekt, deri në atë pikë sa u mendua për një moment si ekipi anti-Juve, por muajt e fundit zikaltrit kanë rrëshkitur dhe tashmë kërkojnë të bëjnë gjithçka për të siguruar të paktën zonën Champions.

Milani nga ana tjetër, duket një ekip i tjetërsuar këtë vit të ri. Ardhja e Paketës dhe Piatek, ka sjellë një entuziazëm të madh në ekipin e Gatuzos dhe kualifikimi për në Champions pas plot 6 vitesh do të ishte një arritje e madhe për “djallin”.

Atalanta po konsolidohet dhe po konfirmon veten vit pas viti. Bergamaskët e kanë treguar dhe në sezonet e fundit se janë një ekip solid dhe që e meritojnë një shpërblim për punën e bërë. Pse jo, ndoshta ky shpërblim mund të jetë kualifikimi për në Champions.

Roma kishte vite që nuk ishte parë në ujërat që ndodhet sivjet. Verdhekuqtë bënë një nisje sezoni me mjaft ulje-ngritje, ku përfunduan deri në vendin e 11-të për një periudhë. Tashmë, kryeqytetasit kanë rikuperuar dhe ndodhen vetëm një pikë larg Milanit, ku kërkojnë me çdo kusht dhe për një vit tjetër kualifikimin për në Champions.

Për ta mbyllur me Lacion. Bardhekaltrit kanë akoma makthet e sezonit të kaluar, kur panë që ne minutën e 93-të t’u rrëshqiste i gjithë sezoni pas golit të Matias Vesinos. Ekipi i Inzagit është përsëri aty dhe këtë sezon, ku objektivi është i njëjti: kualifikimi për në Champions.

5 ekipe në garë për dy bileta. Me një Juventus, i cili duket nga një planet tjetër në Itali, titulli luhet për zonën Champions…

“Lioni nuk ishte ekipi më i fortë, por do të jetë një përballje e ndërlikuar. Ata luajtën si të barabartë me Mançester Sitin dhe janë një kundërshtar shumë i vështirë për t’u eliminuar. Është një rrugë e gjatë deri në shkurt, pasi mund të ndodhin shumë gjëra. Nuk e dimë se si ata do të jenë, gjithashtu dhe ne si do të jemi, ajo që dimë është që do të jetë dy ndeshje të ndërlikuara”.

Sfida e parë e përballjes së dyfishtë do të luhet në Lion, mbrëmjen e 19 shkurtit. Më pas, ndeshja e kthimit, që do të zhvillohet në “Camp Nou”, është programuar për t’u luajtur mbrëmjen e 13 marsit.

Pikërisht me duelin e fundit që përmendëm, ka folur presidenti i Atletikos, Enriko Cerezo. Numri një i klubit madrilen nuk u duk dhe aq i shqetësuar për shortin e ekipit të tij, duke pranuar se për të pretenduar fitimin e Championsit, duhet të ndeshesh me ekipet më të forta të kompeticionit.

“I lumtur që jemi në këtë fazë, pasi është shumë e rëndësishme për klubin. E dinim që ekipet e vendeve të para ishin shumë të forta. Në qoftë se pretendon të shkosh në finale, që këtë vit luhet në stadiumin tonë, duhet të kalosh ekipet më të forta dhe më të mira. Nuk është hera e parë që luajmë ndaj Juventusit. Objektivi ynë është të jemi në finale”, ka përfunduar fjalët e tij presidenti i Atletikos.

Ndeshja nisi e ekuilibruar, teksa zviceranët dukeshin mjaft kërkues dhe në minutën e 28-të arritën të shënonin golin e avantazhit me anë të një 11-metërshi të shndërruar në gol nga Horo. Të besuarit e Alegrit provuan të merrnin diçka nga pjesa e parë, por 45 minutat e para u mbyllën në avantazhin e vendasve.

Në fraksionin e dytë ishte Juventus që e shtoi presionin në zonën e Jang Bojs, por atëherë kur të gjithë mendonin një barazim të bardhezinjve, ishte përsëri i zakonshmi, Giljem Horo, i cili dyfishoi shifrat dhe i dha një goditje Juventusit në minutën e 68-të.

Në minutën e 72-të Alegri vendos të hedhë në fushë Paolo Dibalën, i cili pas tetë minutash shkurton diferencën, duke çuar shifrat në 2-1. Bardhezinjtë u përpoqën deri në fund për të marrë qoftë edhe një barazim, por zviceranët rezistuan mjaft mirë, duke marrë fitoren e parë.

Në Spanjë, Valencia arriti një triumf ndaj Mançester Junajtid, më së shumti për statistikë, pasi vendi i tretë ishte i siguruar. Ndeshja përfundoi me shifrat 2-1, ku spanjollët shënuan nga një gol për çdo pjesë, ndërsa Junajtid shënoi tre minuta përpara fundit të kohës së rregullt.

Fillimisht ishte Karlos Soler, i cili shënoi pas 17 minutash lojë, duke dërguar në avantazh të tijtë. Mançesteri u përpoq, por rastet e krijuara nuk u konkretizuan. Në fillimin e pjesës së dytë, kur kishin kaluar vetëm dy minuta, Fill Xhons shënoi në portën e tij, duke i dhuruar golin e dytë vendasve. Në fund të takimit pati lavdi për Rashford, i cili shënoi golin e nderit për “djajtë”, duke mbyllur çdo gjë në 2-1.

Shtëpia e tij në Barcelonë është sulmuar nga disa hajdutë, të cilët kanë marrë disa sende me vlerë nga shtëpia e mbrojtësit. Grabitja ka ndodhur mbrëmjen e së hënës, në orët e vona. Në atë kohë familjarët e futbollistët ndodheshin në katin e parë, ndërkohë që hajdutët, duket se kanë hyrë në shtëpi nëpërmjet një dritareje që ndodhej në katin e dytë.

Lidhur me këtë ngjarje policia katalanase ka nisur një hetim për të gjetur hajdutët. Fatmirësisht nuk ka pasur ndonjë incident me familjarët e Zhordi Albës, ose me ndonjë nga punonjësit e shtëpisë. Ndërkohë, në shtëpi ka roje 24 orë, por personi që po ruante shtëpinë në atë kohë, pretendon se nuk ka parë njeri të hynte në shtëpi.

Në kuadër të sfidës së nesërme, tekniku zikaltër, Luçiano Spaleti ka folur përpara mediave. Numri një i pankinës së Interit, është shfaqur i qetë përpara takimit, ku foli dhe për gjendjen e të dëmtuarit Naingolan. Ndër të tjera, Spaleti thuri dhe elozhe për Lionel Mesin, i cili mund të jetë në fushë për ndeshjen e nesërme.

GJENDJA NË EKIP – “Gjithmonë e kam thënë se mund të luajmë ndaj kujtdo dhe vijoj ta them këtë gjë. Rezultatet e fundit e përforcojnë këtë dhe ndeshja e nesërme do të jetë një mundësi  e mirë për të parë, në rast se me të vërtetë mundemi të sfidojmë Barcelonën, të cilët përfaqësojnë një ndër nivelet më të larta të futbollit”.

KUNDËRSHTARI – “Në ndeshjen e parë nuk mundëm ta mbanim mirë topin në momentin që e kishim në zotërim, që do të thotë që nuk mundëm të ndryshonim rrjedhën që kishte marrë loja. Duhet të jemi më mirë në momentin që fitojmë topin, sepse Barçës nuk i pëlqen kur kundërshtari mban topin dhe vijnë menjëherë për ta rrëmbyer”.

NDESHJA – “Koha dhe hapësirat do të jenë të limituara dhe do na duhet të shfaqim kualitet dhe personalitet. Në një ndeshje si kjo është shumë e vështirë të gjesh hapësira për të luajtur topin. Duhet të kemi kualitetin që të mendojmë se ku duam të shkojmë, përpara se ta shohim me sy duhet ta mendojmë”.

NAINGOLAN – “Do ta vlerësojmë dhe një herë situatën e Raxhas. Do të marrim dhe një përgjigje pas stërvitjes së ditës së nesërme. Mund të jetë gati dhe mund ta nisë nga minuta e parë, ndoshta në pozicionin e tij natyral në mesfushë dhe jo shumë i avancuar. Ai nuk është një trekuartist i mirëfilltë dhe pozicioni i tij është më i tërhequr, ku mund ta shfaqë dëshirën dhe forcën e tij akoma më shumë. Naingolan nuk lejon asnjë kundërshtar që ta luajë topin qetë”.

MESI – “Barcelona e tregoi që edhe pa Mesin në fushë, ata kanë një mentalitet për lojën e tyre, që bën diferencën. Sigurisht Mesi është qershia mbi tortë për ta. Ai është një idhull për fëmijët që ëndërrojnë të bëhen futbollistë. Lojtarët më të mirë e prekin topin dyfish nga të tjerët, ndërsa Mesi e prek katërfish. Janë shumë elementë që e bëjnë atë të jetë më i miri në botë”.

PËRGATITJA E SFIDËS – “Është një shqetësim i madh për këdo që luan kundër Mesit, por qëndrimi ynë nuk ndryshon. Ne duhet të jemi më të mirë në leximin e lojës dhe të mos lejojmë hapësira”, përfundoi fjalët e tij tekniku i zikaltërve.