Mediet zvicerane kanë zbuluar se lojtari është takuar pak ditë më parë me presidentin e klubit të Sionit, Kristian Konstantin. Behrami u largua nga Zvicra 16 vite më parë kur në moshë 18-vjeçare Xhenoa e bleu nga Lugano.

Nëse transferimi te Sioni do të finalizohet, Behrami, do të gjejë në skuadrën e re dy lojtarë shqiptarë. Bëhet fjalë për Emir Lenjanin dhe Bastien Tomën, të cilët janë pjesë e klubit zviceran prej disa vitesh.

Ylli argjentinas, Rodrigo De Paul, merr përsipër përgjegjësinë për të ekzekutuar penalltinë, por përballë ka gardianin kuqezi, Thomas Strakosha, i cili i kupton krahun dhe bën një pritje fantastike, duke mbajtur rrjetën e paprekur.

Xhenaro Gatuzo do të rrezikojë për këtë sfidë. Trajneri do të luajë me dy sulmues. Piatek dhe Kutrone do ta nisin ndeshjen nga minuta e parë dhe kjo është hera e parë që të dy luanë bashkë.

Lukas Paketa do të aktivizohet në rolin e organizatorit, ndërsa rikthehet dhe Kesi në formacion. Bakajoko është në balotazh me Biljan për rolin e mesfushorit përpara mbrojtjes me francezi favorit. Nuk priten ndryshime në mbrojtje, ndërsa Andrea Konti pritet ta nisë ndeshjen sërish nga stoli.

Në minutën e katërt “gardiani” kolumbian pësoi një përplasje të fortë me sulmuesin e Udinezes, Ignasio Puseto. Pas ndihmës së mjekëve Ospina u fashua dhe kërkoi të vazhdonte lojën, por në fund të pjesës së parë 30-vjeçari papritmas u pa të ishte i shtrirë në fushë.

David Ospina's injury before his collapse in today's match against Udinese pic.twitter.com/rxPhWE0QZe

— Durek (@MonsignorBilly) March 17, 2019

Kolumbiani u shoqërua me urgjencë për në spital ku rimori vetëdijen. Fatmirësisht testet mjekësore nuk kanë zbuluar frakturë në strukturën e kafkës ose ënjtje në tru. Ospina do të qëndrojë në spital përgjatë ditës së sotme për të kryer analiza më të hollësishme.

Skufet e kaloi “provimin” e tij të parë, duke mbajtur portën e paprekur gjatë fitores 2-0 të skuadrës friulane. Guidolin i besoj sërish dhe adoleshenti ia shpërbleu ndeshje pas ndeshje me paraqitje të mira. Gardiani blindoi vendin e titullarit dhe luajti 16 ndeshje deri në fund të sezonit.

Në mbyllje të atij sezoni, i riu italian mori elozhe të pafundme nga shtypi, duke u konsideruar si e ardhmja e portës së Italisë, madje ndokush nuk ngurroi as ta cilësonte si Bufoni i dytë. Vetë portieri legjendar deklaroi asokohe se Skufet mund ta meritonte një vend për në Botërorin “Brazil 2014”. Megjithatë, jeta nuk është një fushë me lule.

Ne verë, drejtuesit e Udinezes transferojnë nga Granada portierin Orestis Karnezis. Greku, 9 vite më i madh se Skufet, preferohet si zgjedhje e parë nga trajneri i ri Andrea Stramaçoni. Atë sezon Skufet luan vetëm dy ndeshje ku nuk luftohej për asgjë në muajin maj.

Nga ai moment, djaloshi i lindur dhe rritur në Udine nuk ishte më kurrë i njëjti. Huazohet në Serie B, ku kryen nje sezon mesatar me Komon, ndërsa në tri sezonet e fundit qëndron si rezervë te Udineze. I vjen një mundësi e shkëlqyer pas transferimit të Karnezis drejt Anglisë, por humbet “betejën” për një vend në formacionin titullar ndaj 40-vjeçarit Albano Bizarri.

Këtë vit e njëjta histori. Kësaj radhe humbet garën ndaj argjentinasit Huan Muso. Rikthehemi në të tashmen. Skufet tashmë 22 vjeç, ka rënë dakord për një transferim te Kasimpasha. Ndoshta tani është në një avion, gati për t’u ulur në Stamboll, ku do të fillojë një eksperiencë të re. Gjithsesi për shumë vetëm zhgënjimi mbetet i madh, pasi kishte fatin të arrinte gjëra shumë më të mëdha.

Thuajse 20 vite mbas largimit të brazilianit, fanella e skuadrës friulane do të vishet nga një Amoroso tjetër. Bëhet fjalë për djalin 15-vjeçar të Marsios, Mateon. Në ndryshim nga babai, djaloshi i talentuar është një mesfushor me tipare sulmuese.

Mateo mbërriti ditën e djeshme nga SHBA ku jeton prej disa vitesh së bashku me familjen. 15-vjeçari pritet të firmosë një kontratë profesioniste sapo të mbushë 16 vjeç dhe për momentin do të stërvitet me skuadrën e 16-vjeçarëve të Udinezes. Pesha e mbiemrit nuk do të jetë aspak e vogël, por me siguri ky risk është menduar nga ai dhe i ati.

https://www.instagram.com/p/Brdigk3gCyt/?utm_source=ig_web_copy_link

Sulmuesi amerikano-jugor po përjeton momentin më të mirë në karrierë, pasi deri më tani ka regjistruar 6 gola dhe tre asiste në 13 ndeshje të Serie A dhe jo më kot për të kanë treguar interes skuadra të shumta të Serie A.

Skuadra nga kryeqyteti italian vazhdon të tregojë luhatje të shumta në rezultate. Verdhekuqtë dominuan gjatë të gjithë të takimit, por shpërdorimet e shumta kanë bërë që të kthehen me 0 pikë në Romë.

Argjentinasi Puseto kaloi miqtë në avantazh në minutën e 32-të. Anësori ofensiv i krahut të djathtë shfrytëzoi një pasim shumë të bukur të De Paul dhe mposhti Skorupskin. Reagimi i Bolonjës nuk vonoi dhe Santander barazoi ndeshjen pas 10-të minutash. Një aksion i bukur i vendasve me shumë pasime dhe sulmuesi paraguaian shënoi një gol shumë të bukur, duke barazuar rezultatin.

Goli i fitores erdhi tetë minuta përpara fundit të ndeshjes me anë të Rikardo Orsolinit. Lojtari, i cili ishte hedhur në fushë nga Inzagi tre minuta më parë, shfrytëzoi një pasim të Matielos dhe mposhti portierin Skufet, duke i dhuruar tre pikë të arta Bolonjës.

Bolonja – Udineze 2-1
(Santander 42’, Orsolini 82’ / Puseto 32’)

33-vjeçari është i kënaqur me ekipin dhe sidomos portierin Skufet. Në mesjavë Udineze pret Lacion, ekip ku Behrami është aktivizuar për tre sezone, por ai kërkon që ekipi të rikuperojë energjitë dhe të jetë gati për sfidën me ish-ekipin e tij.

“Bëmë një ndeshje konkrete nga të gjitha këndvështrimet, vuajtëm në mënyrën e duhur pa arritur të rrëzohemi, por na ndihmoi dhe Skufet, i cili bëri disa pritje të pabesueshme. Jemi një skuadër kompakte dhe nëse dikush bën një gabim, askush nuk e merr personalisht.”

“Po bëjmë mirë në mbrojtje, sepse të gjithë japim një dorë. De Paul, Naço dhe Makis na ndihmojnë gjithmonë nga krahët, lehtësojnë punën e ekipit dhe pastaj dalin në pah cilësitë individuale si në rastin e portierit. Jam i lumtur për Skufet, i cili tregoi aftësitë e tij sot.”

“Lacio? Kanë kaluar shumë vite nga periudha kur luaja me Lacion. Duhet të rikuperohemi në 100% për ndeshjen e mesjavës, por trajneri ka treguar që është i aftë të bëjë rotacionin në skuadër. Lasanja u fut nga stoli sot dhe shënoi. Gjëja më e rëndësishme është fakti që skuadra ka entuziazëm dhe dëshirë për të punuar”, përfundon kapiteni i Udinezes, Valo Behrami.

“Kur u mbyll merkato dhe u vendos që do të qëndroja këtu, Velaskez më telefonoi dhe më komunikoi vendimin e marrë. Ndihem shumë krenar që do të jem kapiten i Udinezes, sepse gjithmonë kam patur autoritet në dhomat e zhveshjes. Është një vlerësim i bukur dhe kur nuk do të luaj, Lasanja, ose De Paul do të mbajnë shiritin.

Dua të vazhdoj të luaj derisa të durojë gjuri im i majtë. Motivimi nuk është një problem për mua dhe mendoj që Seria A është kthyer në nivelin ‘top’. Ekziston një shpirt pozitiv në dhomat e zhveshjes, kulturë dhe kemi disa individë të talentuar si: Lasanja, Makis, Mandragora si dhe De Paul që po rritet shumë si lojtar, ndërsa unë kam ende zjarr brenda vetës”, përfundon për “Gazzetta dello Sport”, 33-vjeçari me origjinë nga Mitrovica.

Diçka e tillë ka ndodhur dhe në stadiumin e Udinezes, që ka një kapacitet prej 25 mijë vendesh. Bardhezinjtë udhëtojnë drejt Udines me datë 7-të tetor, por biletat e “Dacia Arena” kanë avulluar.

Askush nuk dëshiron të humbasë shansin për të parë portugezin nga afër dhe tifozët kanë nxituar të presin biletën duke mbushur stadiumin, që nuk mbahet mend që kur ka arritur kapacitetin e tij të plotë për herë të fundit.

Gjithçka lidhet me Kristiano Ronaldon.  I gjithë futbolli Italian është mbërthyer nga “ethet” e CR7-ës dhe drejtuesit e klubeve po mundohen ta shfrytëzojnë në maksimum këtë efekt që ka futbollisti portugez te tifozët.

Biletat për sfidën e 7 tetorit janë trefishuar. Biletat e tribunave anësore kanë shkuar nga 60 euro në 140 euro, ndërsa ato më të lirat mbrapa porte nga 25 euro në 45 euro. Pavarësisht, rritjes së çmimit është  e sigurt që “Dacia Arena” do të jetë e mbushur plot, pasi në stadium nuk do të vijnë vetëm tifozë të Udinezes, por edhe shumë fansa të pesë herë fituesit të topit të artë.

17-vjeçari ka kaluar provën dhe është bërë pjesë e 27 lojtarëve që do të nisin fazën përgatitore. Françesko është djali i ish-kryeministrit të Italisë, Mateo Renzit dhe luan në rolin e qendër sulmuesit.

Ai më parë ishte në provë te Xhenoa dhe drejtori teknik Perineti komentonte karakteristikat e djaloshit. “Françesko është një futbollist që shënon dhe ka kualitet. Nuk ka rëndësi fare mbiemri që mban, ai është inteligjent dhe ka një fizik të mirë.”

Por Udineze ka vepruar më shpejt duke arritur akordin me sulmuesin e ri. Tashmë ai është në një klub që njihet për punën e mirë që bën me të rinjtë.