Ai është Rodrigo De Paul i Udinezes. Argjentinasi aktivizohet në rolin e mesfushorit ofensiv dhe sulmuesit të majtë. 25-vjeçari priste një ofertë nga ndonjë klub që garon në Champions, por në zyrat e Udinezes nuk ka ardhur asnjë ofertë zyrtare.

De Paul vlerësohet 30 milionë euro, para që mund të vijnë nga shitja e Susos te Roma. Sportmediaset raporton se Milani është gati të nisë negociatat me lojtarin dhe klubin friulan.

Nuk përjashtohet përfshirja e ndonjë lojtari në këtë operacion, çka do të bënte të mundur që Milani të paguante më pak se 30 milionë euro. De Paul është një nga pikat më të forta të bardhezinjve, ndërsa numëron edhe tete ndeshje të zhvilluara me kombëtaren e Argjentinës.

Sipas asaj që raporton Gianluca Di Marzio, gjithçka është e kryer tashmë, me Behramin që do të luajë në një ekip me mbrojtësin e Kombëtares sonë, Ermir Lenjanin.

Shkak i largimit nga Serie A, mendohet të ketë qenë fakti që Udineze nuk e kishte më në plane mesfushorin 34-vjeçar, duke refuzuar të aktivizojë kluazolën e rinovimit 2-vjeçar.

Futbollisti i kindur në Mitrovicë po negocionte prej disa javësh me presidentin e Sionit, Kristian Konstantin, dhe mesa duket akordi mes palëve është gjetur.

Mediet zvicerane kanë zbuluar se lojtari është takuar pak ditë më parë me presidentin e klubit të Sionit, Kristian Konstantin. Behrami u largua nga Zvicra 16 vite më parë kur në moshë 18-vjeçare Xhenoa e bleu nga Lugano.

Nëse transferimi te Sioni do të finalizohet, Behrami, do të gjejë në skuadrën e re dy lojtarë shqiptarë. Bëhet fjalë për Emir Lenjanin dhe Bastien Tomën, të cilët janë pjesë e klubit zviceran prej disa vitesh.

Klubi ka nisur negociatat edhe për rinovimin e Kajehon, ndërsa është pranë blerjes së De Paul. Argjentinasi i Udinezes është një nga emrat më të kërkuar në merkato. 9 gola ka shënuar sivjet fantazisti friulan, i cili bën mirë edhe krahët e sulmit.

Shumë klube interesohen për shërbimet e 25-vjeçarit. Interi dhe Milani janë midis tyre, por Napoli ka arritur t’i parakalojë të gjithë. Udineze kërkon 35 milionë euro, ndërsa De Laurentis mund të përfshijë në tratativë dhe njërin mes Ounas dhe Verdit.

“Napoli është mundësi shumë e mirë për Rodrigon, por ka edhe klube tjera që interesohen për të,” zbuloi Pereir në një intervistë me Radio Kiss Kiss Napoli. “Për momentin, po vlerësojmë se çfarë është më e mira nga pikëpamja sportive, ashtu edhe nga pikëpamja ekonomike. Bazuar në këtë, ne do të zgjedhim rrugën më të favorshme, në të dy drejtimet”, përfundoi Pereir.

De Paul këtë sezon me Udinezen, ka bërë 37 paraqitje në të gjitha kompeticionet, ku ka shënuar nëntë gola. Në 3314 minuta të tij në fushë, De Paul ka dhënë dhe tetë asiste.

Një ndeshje e ndërlikuar, për faktin se Udinese është në luftë për mbijetesë, ndaj Interi u mjaftua me pak, duke bërë edhe llogaritë, sepse nga pas nuk është se ka ndonjë kërcënim madhor.

Një ndeshje ku Udinese luftoi fort për të mos humbur dhe ia arriti qëllimit, sepse Interi nuk bëri shumë në fazën sulmuese, me Mauro Icardin që e nisi nga stoli (Lautaro u ndal nga shtylla).

Në pjesën e dytë presioni i Interit u shtua dhe dominimi zikaltër ishte i dukshëm, por nga 21 tentativa drejt porte në 90 minuta, vetëm 4 ishin në kuadrat.

Pikë e artë sidomos për Udinezen, që shkon +5 nga Empoli për momentin, ndërsa Interi shpreson që Atalanta e Roma të mos vrapojnë.

Në minutën e 45-të, një krosimi Kutrones, u shrytëzua në maksimum nga “Pistoleta”, që mposhti portierin Muso, duke i dhënë avantazhin ekipit të tij. Goli i 20-të ky për polakun në kampionat.

Gjithsesi, përveç golit, ajo që ka “tronditur” jo pak kuqezinjtë, është dëmtimi i Donarumës dhe Lukas Paketës. Portieri u detyrua t’i linte vendin Pepe Reinës në minutën e 12-të si pasojë e një dëmtimi. Të njëjtin fat pati edhe Paketa në të 42-tën, ku la fushën pas një shqetësimi në këmbën e majtë.

Xhenaro Gatuzo do të rrezikojë për këtë sfidë. Trajneri do të luajë me dy sulmues. Piatek dhe Kutrone do ta nisin ndeshjen nga minuta e parë dhe kjo është hera e parë që të dy luanë bashkë.

Lukas Paketa do të aktivizohet në rolin e organizatorit, ndërsa rikthehet dhe Kesi në formacion. Bakajoko është në balotazh me Biljan për rolin e mesfushorit përpara mbrojtjes me francezi favorit. Nuk priten ndryshime në mbrojtje, ndërsa Andrea Konti pritet ta nisë ndeshjen sërish nga stoli.

Atalanta dhe Lacio janë afruar dhe të rrezikshme mbeten e Roma me Sampdorian. Dy pikë më shumë është dhe Interi i vendit të tretë, por trajneri përqendrohet vetëm tek ekipi i tij. Gatuzo po e përgatit me qetësi ndeshjen kundër Udinezes.

Trajneri i “Djallit” analizon çfarë nuk ka shkuar në dy ndeshjet e fundit dhe ndalet te lojtarë të caktuar. Rino mohon problemet me Leonardon dhe nuk i kursen batutat si gjithmonë.

UDINEZE – “Vijmë nga dy rezultate negative, por skuadra është e gjallë. Momenti është negativ, por do të japim gjithçka. Nuk kemi vdekur akoma. Kaldara po stërvitet me ne, ndërsa nuk kemi vendosur akoma për modulin e ndeshjes. Gjithsesi, kam në kokë një ide ndryshe. Kjo është një ndeshje e rëndësishme, të cilën jemi të detyruar ta fitojmë. Duhet të futemi në fushë me dëshirë dhe qetësi.”

GJYKIMI – “Nuk duhet të krijojmë alibi. Duhen kuptuar edhe arbitrat. Orsato fishkëllen pak, ndonjëherë duhet të dimë të komunikojmë me ta. Duhet të rritemi në këtë aspekt. Na ndodhën dy episode kundër në ndeshjen me Sampdorian, por duhet t’i pranojmë dhe të besojmë tek ata.”

DREJTUESIT – “Gjithmonë jemi rreshtuar të gjithë në të njëjtën anë. Nesër është ndeshje e rëndësishme. Jam i qetë, por jo prej faktit që kam biseduar me Leonardon dhe Maldinin. Askush nuk mund ta vërë në dyshim bashkimin që ekziston mes nesh në këto momente. Shtypi shkruan, por unë e di se çfarë flasim dhe respektin që kemi për njëri-tjetrin. Problemi i vetëm që kam në këto momente është rikthimi i Milanit në Champions.”

PIATEK – “Mendoj se ka luajtur mirë në pjesët e dyta kundër Interit dhe Sampdorias. Nuk është Piatek problemi, por mënyra se i futemi në ndeshje. Nuk duhet të fokusoheni vetëm një lojtar i vetëm. Të gjithë duhet të japin diçka më shumë, jo vetëm ai. Nëse e furnizojmë me topa, ai e dëmton kundërshtarin.”

BAKAJOKO – “Vuajti në pjesën e parë kundër Sampdorias, njësoj si gjithë skuadra. Pjesën e dyte bëri mirë, madje dhe si ‘mezzala’. Ky lojtar na jep cilësi dhe sasi, si dhe i bën mirë të dyja rolet. Na mungon qetësia dhe në këtë moment duhet të kuptojmë se si kemi dëshirë që të luajmë.”

DONARUMA – “Kritikat pranohen. E kam parë mirë Xhixhion, nuk është fshehur dhe ka marrë përgjegjësitë e tij. Një gabim i tillë mund të ndodhë. Më pëlqen shumë mënyra se si e menaxhoi ndeshjen dhe i vlerësoj shumë fjalët e Kontit. Kjo tregon se grupi është solid dhe i pastër.”

RIKTHIMI – “Për të kaluar këtë moment të vështirë, duhet të fitojmë. Unë jam i qetë, dikush mund të më marrë për të çmendur, por kështu ndihem. Duhet t’i nisim më mirë ndeshjet. Edhe kur kemi fituar pesë ndeshje rresht, nuk kemi luajtur gjithmonë mirë. Megjithatë, jam i qetë për atmosferën që ekziston në dhomat e zhveshjes.”

OBJEKTIVI – “Po luajmë për diçka shumë të rëndësishme. Rikthimi në Champions është si fitimi i titullit për ne. Dy ndeshjet e fundit kemi shkuar shumë shpejt në dizavantazh dhe kjo gjë na ka penalizuar. Gjithsesi, kam parë një ekip të gjallë dhe të gatshëm për të reaguar. Duhet të analizojmë aspektet negative, por kam besim të ky grup. Duhet të ruajmë qetësinë dhe t’i marrim ndeshjet një nga një.”

KESI – “U habitët që Bilja u ul afër Kesisë pasi u zëvendësua? Frenk e përqafoi Lukasin (Bilja) përpara të gjithëve, pasi u kthye nga kombëtarja. Patën një debat, gabuan që e bënë përpara të gjithëve, por tashmë nuk ekziston asnjë problem.”

PAKETA – “Deri para dy javësh të gjithë më akuzonin se lojtari ishte i lodhur, ndërsa tani ka dalë sikur jam zënë me Leonardon për mos aktivizimin e tij kundër Sampdorias. Vërtetë e mendoni se niveli i drejtuesve tonë është kaq i ulët? Më duket sikur jam në ëndërr.”

Vendasit shënuan dy herë në pjesën e parë, por bardhezinjtë barazuan brenda gjashtë minutash. Pjesa e parë u mbyll në barazim 2-2, ndërsa e dyta riktheu Napolin në avantazh.

Polaku Milik shënoi me kokë golin e tretë, ndërsa vulosi fitoren me një gol shumë të bukur. Ky trepikësh e ngjit Napolin në kuotën e 60 pikëve. Juventusi kryesues numëron 15 pikë më shumë, ndërsa Milani i vendit të tretë (luan në darkë derbin përballë Interit) ndodhet 9 pikë më pak.

Napoli-Udineze 4-2
(Junes 17’, Kajehon 26’, Milik 57’, Mertens 70’ / Lasanja 30’, Fofana 36’)

Ishte Rodrigo De Paul, i cili u tregua i saktë nga pika e bardhë në minutën e 25-të, duke i dhënë avantazhin friulanëve, por Palasio në minutën e 39-të vuri baraspeshën. Në pjesën e dytë, Puseto, 11 minuta përpara fundit u kthye në hero për ekipin e tij, duke i dhënë fitoren Udinezes.

Nga ana tjetër, Sampdoria tregoi forcën e saj në transfertë ndaj Spalit, duke triumfuar me shifrat 1-2. Dy gola të Fabio Kualiarelës brenda 11 minutave, i dhanë fitoren dorianëve, të cilët ngjiten në vendin e tetë në kuotën e 39 pikëve. Me dopietën e shënuar, sulmuesi barazon Ronaldon me 19 gola. Kurtiç shënoi golin e nderit për vendasit në minutën e pestë shtesë.

Ndërkohë, Xhenoa nuk arriti të shkojë më shumë se një barazim pa gola ndaj Frosinones, me këta të fundit të cilët luajtën me një lojtar më pak që nga minuta e 34-t. Kështu, ekipi nga “Marasi” ngjitet në vendin e 12-të me 30 pikë, ndërsa Frosinone merr një pikë shprese për mbijetesën.

Vendasit reaguan në pjesën e dytë dhe shënuan dy herë në 15 minutat e fundit. Sanabria barazoi rezultatin në minutën e 75-të, pas një goditje këndi të Xhenoas, ndërsa kapiteni Krishito shënoi golin e fitores në minutën e katërt shtesë. Një diagonale e bukur e mbrojtësit, që nuk u arrit nga Strakosha dhe në stadium shpërtheu festa e vendasve. Kjo fitore e ngjit Xhenoan në vendin e 13-të me 28 pikë, ndërsa Lacio mbetet 4 pikë larg Milanit të vendit të katërt.

Në ndeshjet e tjera, Empoli i Veselit është rikthyer te fitorja pas tetë ndeshjes duke mposhtur me tris golash Sasuolon dhe duke siguruar tre pikë të arta për mbijetesën. E tillë ishte dhe fitorja e Udinezes, së cilës i mjaftoi një gol në minutat e fundit për t’iu larguar Bolonjës së vendit të tretë nga fundit.

Empoli-Sasuolo 3-0
(Kruniç 34’, Akuah 37’, Farias 60’)

Xhenoa-Lacio 2-1
(Sanabria 75’, Krishito 90+4’ / Badelj 44’)

Udineze-Kievo 1-0
(Teodorçik 86’)

Sfida e luajtur në Udine, ishte mjaft e ekuilibruar, ku pjesa e parë u mbyll me rezultatin e bardhë, pavarësisht rasteve të krijuara nga të dyja kampet. Në fraksionin e dytë, vendasit filluan vrullshëm, ku vetëm pas 11 minutash të luajtura kaluan në avantazh me anë të danezit Larsen.

Pavarësisht golit të pësuar, ekipi i Stefa Piolit arriti të reagonte. Në minutën e 65-të, ishte Fernandes, i cili shënoi golin e barazimit. Një gol, që fillimisht mund të anullohej për një prekje me dorë, por sistemi VAR qartësoi gjithçka dhe goli i akordua. Fiorentina ushtroi presion deri në fund, por nuk arriti të konkretizonte dhe gjithçka u mbyll në barazim.

Xhenoa dhe Sasuolo gjithashtu u ndan në barazim mes tyre, me të njëjtat shifra që përfundoi dhe ndeshja e luajtur në Udine. Ishte Djuriçiç, i cili në minutën e 28-të i dha avantazhin miqve të Sasuolos. Gjithsesi, blerja më e re e Xhenoas, Snarabai barazoi gjithçka 13 minuta më vonë.

Spanjolli shënoi golin e dytë të tij personal, pas atij ndaj Empolit javën e shkuar. Kështu, Xhenoa, mbetet në vendin e 13-të në kuotën e 24 pikëve, njësoj si Sasuolo, e cila mbetet në vendin e 11-të me 30 pikë të grumbulluara.

Skufet e kaloi “provimin” e tij të parë, duke mbajtur portën e paprekur gjatë fitores 2-0 të skuadrës friulane. Guidolin i besoj sërish dhe adoleshenti ia shpërbleu ndeshje pas ndeshje me paraqitje të mira. Gardiani blindoi vendin e titullarit dhe luajti 16 ndeshje deri në fund të sezonit.

Në mbyllje të atij sezoni, i riu italian mori elozhe të pafundme nga shtypi, duke u konsideruar si e ardhmja e portës së Italisë, madje ndokush nuk ngurroi as ta cilësonte si Bufoni i dytë. Vetë portieri legjendar deklaroi asokohe se Skufet mund ta meritonte një vend për në Botërorin “Brazil 2014”. Megjithatë, jeta nuk është një fushë me lule.

Ne verë, drejtuesit e Udinezes transferojnë nga Granada portierin Orestis Karnezis. Greku, 9 vite më i madh se Skufet, preferohet si zgjedhje e parë nga trajneri i ri Andrea Stramaçoni. Atë sezon Skufet luan vetëm dy ndeshje ku nuk luftohej për asgjë në muajin maj.

Nga ai moment, djaloshi i lindur dhe rritur në Udine nuk ishte më kurrë i njëjti. Huazohet në Serie B, ku kryen nje sezon mesatar me Komon, ndërsa në tri sezonet e fundit qëndron si rezervë te Udineze. I vjen një mundësi e shkëlqyer pas transferimit të Karnezis drejt Anglisë, por humbet “betejën” për një vend në formacionin titullar ndaj 40-vjeçarit Albano Bizarri.

Këtë vit e njëjta histori. Kësaj radhe humbet garën ndaj argjentinasit Huan Muso. Rikthehemi në të tashmen. Skufet tashmë 22 vjeç, ka rënë dakord për një transferim te Kasimpasha. Ndoshta tani është në një avion, gati për t’u ulur në Stamboll, ku do të fillojë një eksperiencë të re. Gjithsesi për shumë vetëm zhgënjimi mbetet i madh, pasi kishte fatin të arrinte gjëra shumë më të mëdha.

Sipas raportimeve të fundit, nga “internews.it”, që është shumë pranë klubit, thuhet se Rodrigo De Paul është vetëm një hap larg ekipit zikaltër. Argjentinasi, i cili ka spikatur këtë sezon me fanellën e Udinezes është në radarët e shumë ekipeve, por drejtuesit e Interit duket se po bindin me ofertën e tyre.

Operacioni i transferimit, mund të jetë gati-gati i njëjtë me Raxha Naingolan, i cili kaloi te Interi këtë verë, duke dërguar te Roma, Zaniolon dhe Santon, plus para. Udineze kërkon 25 milionë euro për yllin e saj, ndërkohë zikaltrit kanë në tavolinë 15 milionë euro, plus talentin Emers, i cili luan për Kremonezen si i huazuar dhe Adoranten, që të dy të dalë nga akademia.

Friulanët mund të mbeten të kënaqur, pasi do të afrojnë dy talente që premtojnë shumë, madje do të përfitojnë dhe 15 milionë euro. Tashmë pritet në orët në vazhdim që spekulimet të zyrtarizohen. Në rast se një gjë e tillë ndodh, do të ishte një goditje e madhe për Interin.

24-vjeçari tregon se ndihet i lumtur për interesimin e Milanit dhe Interit, por ai nuk do të lëvizë nga ekipi friulan në merkaton e janarit. Puna e nisur duhet çuar deri në fund dhe De Paul dëshiron të tregojë respekt për Udinezen dhe ta mbyllë sezonin me ta. Paraqitjet e mira kanë bërë të mundur grumbullimin me kombëtaren “albiceleste”, aty ku De Paul ka zhvilluar katër ndeshje.

“Ndihem shumë i kënaqur për interesimin e Milanit dhe Interit. Kjo do të thotë se po bëj mirë, por do të flasim përsëri në të ardhmen për këtë çështje. Largimi nga Udineze tani do të thotë të lija përgjysmë punë e nisur dhe unë dua ta çoj atë deri në fund. Më e vështirë është të qëndrosh në futbollin europian për disa vitesh, sesa të vish këtu. Duhet të mësosh shumë gjëra dhe të përmirësohesh. Vazhdimësia më jep besim dhe kjo gjë më lejon të jem mirë fizikisht dhe të përballoj ritmin e ndeshjeve. Argjentina? Të luaj me kombëtaren është maksimumi për mua. Do të më pëlqentë të kurorëzoja këtë pjesë të dytë të sezonit me Kupën e Amerikës”, përfundon Rodrigo De Paul për “Radio La Red”.

Në kohën kur arbitri anësor anulloi çdo gjë për pozicion të parregullt, trajneri i Milanit, Xhenaro Gatuzo e la stolin e tij dhe shkoi deri tek anësori për të kërkuar llogari për golin e anuluar. Kjo ishte arsyeja që arbitri kryesor i takimit, e ndëshkoi teknikun e kuqezinjve me karton të kuq.

Ditën e sotme komisioni i disiplinës në federatën italiane ka dhënë vendimet e saj. Lidhur me çështjen e Gatuzos, Milani merr një lajm mjaft të mirë, pasi në ndeshjen ndaj Juventusit trajneri i tyre do të jetë në stol. Skualifikimi që mori nga kartoni i kuq, është hequr nga federata italiane dhe nuk do të ketë pezullim për të. Xhenaro Gatuzo ka marrë vetëm me një paralajmërim, për atë që ndodhi në ndeshjen ndaj Udinezes.

Ndeshja nisi me një dëmtim për Napolin, teksa Simone Verdi, pas vetëm katër minutash u detyrua të linte fushë. Vendin e italianit e mori Fabian Ruiz, i cili u transferua këtë verë nga Betis, për plot 35 milionë euro. Ky i fundit në minutën e 14-të, me një goditje mjaft të bukur kaloi napolitanët në avantazh dhe i dërgoi në pushimin e sfidës të qetë.

Fraksioni i dytë i lojës u administrua mjaft mirë nga nënkampionët e Italisë, teksa shënuan dhe dy herë të tjera me anë të Mertens dhe Rog. Në minutën e 82-të ishte belgu, i cili shndërroi në gol një penallti dhe katër minuta më vonë kroati i sapofutur në lojë, Marko Rog mbylli çdo gjë në 0-3.

Napoli tashmë e sheh veten të konsolidojë pozitat e saj në vetëm katër pikë prapa Juventus, teksa përgatitet për duelin e rëndësishëm që do të ketë në Champions ndaj PSG. Java e ardhshme e Serisë A do të sjellë një sfidë të vështirë për të besuarit e Ançelotit, teksa presin Romën në “San Paolo”.

Gjithçka lidhet me Kristiano Ronaldon.  I gjithë futbolli Italian është mbërthyer nga “ethet” e CR7-ës dhe drejtuesit e klubeve po mundohen ta shfrytëzojnë në maksimum këtë efekt që ka futbollisti portugez te tifozët.

Biletat për sfidën e 7 tetorit janë trefishuar. Biletat e tribunave anësore kanë shkuar nga 60 euro në 140 euro, ndërsa ato më të lirat mbrapa porte nga 25 euro në 45 euro. Pavarësisht, rritjes së çmimit është  e sigurt që “Dacia Arena” do të jetë e mbushur plot, pasi në stadium nuk do të vijnë vetëm tifozë të Udinezes, por edhe shumë fansa të pesë herë fituesit të topit të artë.

Dje presidenti i klubit bardhezi foli në Telefriuli në lidhje me teknologjinë VAR dhe ka lëshuar një deklaratë të fortë, që do të ngjallë shumë polemika dhe ka bezdisur jo pak Juventusin, që po ndihet i sulmuar nga të gjitha anët, tani që teknologjia po i jep disa penallti kundër.

“VAR? Jam i kënaqur, sepse janë parë gjëra që pa VAR nuk do verifikoheshin. Natyrisht ka ende punë për të bërë, por ajo që është parë deri tani është pozitive: më parë nuk shihnim penallti kundër Juves. Edhe ne kemi pasur pro e kundër, por është diçka që të siguron dhe të jep qetësi. Kam 33 vite në futboll, vite të vështira, por tani ndihem më i sigurt”.