Uatford

VIDEO | Lukaku qetëson Murinjon, Uatfordin nuk e ndal askush

Sport Ekspres — Sun, 02 Sep 2018 17:04:47 +0000

Mançester Junajtid është rikthyer të fitorja mbas dy humbjeve me Bërnlein dhe Totenhemin duke i dhuruar disa momente gëzimi trajnerit Murinjo, por dhe gjithë tifozëve të saj. “Djajtë e Kuq” mposhtën Brajton në transfertë me rezultatin 0-2 dhe Romeo Lukaku ishte heroi i ndeshjes me dopjetën e shënuar. Ekipi i Murinjos mund të shënonte golin e tretë në pjesën e dytë, por Pogba dështoi të shënonte nga pika e penalltisë. Rashford e la ekipin me dhjetë vetë në minutën e 71’ pas një ndërhyrje të ashpër.

Lukaku zhbllokoi sfidën në minutën e 27-të. Sançez krosoi një top të bukur në zonë dhe belgu goditi me kokë duke shënuar golin e parë. Lukaku nuk u ndal dhe dyfishoi rezultatin në limitet e pjesës së parë. Mbasi kontrolloi bukur një top në zonë, Lukaku pasoi për Pogba, por goditja e francezit u bllokua nga një mbrojtës dhe sulmuesi përfitoi duke dyfishuar rezultatin në minutë ne 44’.

Pogba kishte mundësinë të trefishonte rezultatin në minutën e 69-të me anë të një penalltie, por Xho Hart grushtoi goditjen e mesfushorit. Rashford humbi qetësinë mbas dy minutash dhe pas një konfrontimi me kokë me një lojtar të Bërnleit, u ndëshkua me të kuqe nga arbitri i ndeshjes.

Uatfordi nuk ndalet dhe arriti një fitore të madhe përballë Totenhemit me rezultatin 2-1, duke iu bashkuar Liverpulit dhe Çelsit në krye të tabelës. Pjesa e parë u mbyll pa gola, ndërsa e dyta ishte plot emocione. Dokur shënoi në portën e tij në minutën e 53’ duke i dhënë avantazhin e përkohshëm djemve të Poketinos. Vendasit nuk u dorëzuan dhe shënuan dy herë brenda 7 minutash. Dinej barazoi në minutën e 69’. Sulmuesi shfrytëzoi një krosim të Holebas duke shënuar me kokë. Vendasit vazhduan sulmet dhe u shpërblyen në minutën e 76’. Holebas dhuroi një tjetër asist, kur krosoi nga goditja e këndit dhe mbrojtësi Kathkart kaloi Uatfordin në avantazh në minutën me anë të një goditje me kokë, duke çuar në ekstazë tifozët vendas.

Bërnlei-Mançester Junajtid 0-2 (Lukaku 27’,44’)
Uatford-Totenhem 2-1 (Dinej 69’,Kathkart 76’/Dokur (aut) 53’)

Video | Uotfordi merr kreun, Pereira është lideri

Sport Ekspres — Sun, 26 Aug 2018 14:28:57 +0000

Uotfordi nuk ndalet dhe mposht Kristal Palas me rezultatin 2-1. Fitorja e tretë rresht për ekipin e Gracias, që ngjitet në vendin e parë me pikë të barabarta me Liverpulin.

Pjesa e parë u mbyll pa gola, ndërsa Pereira kaloi vendasit në avantazh në minutën e 53’. Një kundërsulm i shpejtë i Uotfordit dhe Kapoe pasoi drejt argjentinasit, i cili shënoi një gol të bukur. Dyfishimi erdhi në minutën e 71’ me anë të Holebas. Greku shmangu bukur një lojtar në krahun e majtë të sulmit dhe nisi një krosim drejt zonës, por topi përfundoi në rrjetë duke çuar peshë tifozët vendas.

Miqtë reaguan mbas shtatë minutash me të zakonshmin Zaha. Veprimi individual i sulmuesit, i cili futet bukur në zonë dhe shënon golin e nderit për Kristal Palas. Ndeshja nuk pati më gola dhe Uotfordi ngjitet në kuotën e nëntë pikëve, ndërsa Kristal Palas mbetet në kuotën e tre pikëve.

Video | Shpërthen Mançester Siti, kampionët luajnë tenis me Hadërsfilldin

Sport Ekspres — Sun, 19 Aug 2018 15:02:20 +0000

Mançester Siti nuk ndalet dhe shpartallon Hadërsfilldin me rezultatin 6-1. Djemtë e Guardiolës janë të papërmbajtshëm dhe arrijnë fitoren e dytë, duke u ngjitur në vendin e parë të renditjes. Tripletë e Agueros dhe festë për David Silvën, i cili shënon para syve të djalit të tij. Gabriel Zhezus dhe autogol i Kongolos në fund, ndërsa Stankoviç shënoi golin e vetëm për ekipin mik.

Gola dhe në përballjen tjetër midis Bërnleit dhe Uatfordit. Miqtë fitojnë me rezultatin 1-3. Pikë të plota dhe për Uatfordit, që mbas fitores me Brajtonin, merr tri pikë të tjera duke u ngjitur në kuotën e 6 pikëve.

Mançester Siti – Hadërsfilld 6-1

(Aguero 25’, 35’, 75’, Gabriel Zhezus 31’, David Silva 48’, Kongolo 84’(autogol)/ Stankoviç 43’)

Bërnlei – Uatford 1-3

(Tarkovski 6’/ Grei 3’, Dinej 48’, Hjuxhs 51’)

Përmbledhja Mançester Siti- Hadërsfilld

Evertoni trondit merkaton, 60 milionë € për talentin e panjohur

Sport Ekspres — Fri, 20 Jul 2018 19:07:55 +0000

Po, është e vërtetë, klubi i Evertonit është gati të bëjë një çmenduri të vërtetë financiare, pasi ka ofruar 60 milionë euro për të sjellë në skuadër sulmuesin e Uatfordit, Riçarlison. Një shifër kjo që tregon sesa të fuqishme janë klubet angleze nga ana financiare falë të ardhurave astronomike që përfitojnë nga drejtat televizive që nuk kanë të krahasuar.

Lajmi bëhet i ditur nga burime të “BBC”, ku sipas medies shtetërore angleze negociatat për lojtarin janë shumë pranë arritjes së marrëveshjes përfundimtare. Po kush është Riçarlison, lojtari që ka ”marrosur” drejtuesit e Evertonit.

Bëhet fjalë për një 21-vjeçar brazilian që luan prej vetëm një sezoni në Angli me skuadrën e Uatfordit. Riçarlison aktivizohet si sulmues i krahut të majtë dhe 38 paraqitjet e tij me ekipin në pronësi të familjes italiane Poco, ka arritur të shënojë pesë gola, si dhe të ndihmojë shokët e skuadrës me pesë asistime, shifra mbresëlënëse për një lojtar të moshës, por asgjë për të vënë duart në kokë, e sidomos për 60 milionë euro.