Uanda

Kasano: Interi t’i shporrë këta dy lojtarë. Goli i Naingolan? Çfarë gafe e Sheznit!

Sport Ekspres — Mon, 29 Apr 2019 12:38:33 +0000

Antonio Kasano është ndalur te situata e Interit, klub me të cilin është tifoz në Itali. Barezi i famshëm, i cili luajti gjatë sezonit 2012-2013 me zikaltrit, është treguar i drejtpërdrejtë në emisionin “Tiki Taka”.

Ai sugjeron që Interi duhet të largojë nga ekipi dyshen Ikardi-Perishiç, madje nuk duhet të ketë asnjë dyshim për diçka të tillë. Më pas një replikë me Uanda Narën, gruan dhe agjenten e Mauro Ikardit, si dhe një koment për golin e Raxha Naingolan kundër Juventusit.

“Interi duhet të bëjë vetëm diçka në qershor: duhet t’i nisë për shtëpi Ikardin dhe Perishiç. Është një problem i thjeshtë. Rrëmujën e bëri i pari Perishiç dhe më pas ti (i drejtohet Uanda Narës, e cila i përgjigjet se po flet miku i Spaletit). Miqtë e mi ndodhen në Bari. Nuk kam miq në botën e futbollit. Goli i Naingolan? Çfarë gafe e Shezinit…”, përfundon Antonio Kasano.

Uanda: Ikardi në dorë të Spaletit, është mësuar me polemikat

Sport Ekspres — Mon, 01 Apr 2019 08:51:35 +0000

Mauro Ikardi nuk u grumbullua nga trajneri Spaleti në ndeshjen kundër Lacios. Interi u mposht në shtëpi nga ekipi i Inzagit, ndërsa Uanda Nara flet për situatën e sulmuesit.

Gruaja-agjente tregon dëshirën e madhe të argjentinasit. Ai ka vetëm një gjë në mendjen e tij: rikthimin në fushë me Interin dhe rikthimin te shënimi i golave. Gjithçka varët nga trajneri, i cili pritet t’i japë një shans ish-kapitenit për ndeshjen e ardhshme.

DËSHIRA – “Mauro është gati për të luajtur, tani gjithçka varet nga trajneri. Ai pret që të zbresë në fushë dhe po punon vetëm për këtë gjë. Mauro është mësuar me polemikat dhe nuk mendon për kritikat. Ai dëshiron të luajë dhe shënojë për Interin, kështu që është i përqendruar ekskluzivisht në atë që dëshiron të bëjë.”

RAPORTI ME SHOKËT – “Varet si e sheh situatën, ndoshta nga brenda shihet ndryshe. E përsëris, Mauro dëshiron të rikthehet dhe të shënojë gola për Interin. Me Lacion qëndroi në tribunë me një kamera mbi kokë. Ai dhe djemtë e tij mbështetën ekipin. Të njëjtën gjë ka bërë edhe në shtëpi, kur nuk kemi shkuar në stadium. Ai është i lidhur dhe kujdeset për shokët, nuk ka nevojë ta përsëris diçka të tillë.”

Maksi Lopez: Raporti me Ikardin? Ai është vetëm burri i ish-gruas time

Sport Ekspres — Tue, 13 Nov 2018 16:38:38 +0000

Maksi Lopez ndonëse 34 vjeç vijon që të luajë në nivele të larta. Pas një eksperience të gjatë në Itali, ish-lojtari i Milanit ka folur për kalimin e tij në Brazil, duke theksuar se ka qenë një zgjedhje shumë e vështirë për të, kjo për shkak se duhet të qëndrojë larg fëmijëve të tij. Kujtojmë që Lopez ka qenë i lidhur me Uanda Narën në të shkuarën: “Ishte një zgjedhje shumë e vështirë për mua, pasi duhet që të luaja larg fëmijëve të mi. Ata më pyesnin çdo javë nëse unë bëra një paraqitje të mirë apo sa kishte dalë ndeshja. Ata tani kanë filluar që të merren me sport dhe unë flas vazhdimisht me ta”.

Sigurisht që nuk mundtë lihej pa pyetur dhe në lidhje me raportet që ai ka me ish-bashkëshorten e tij. Uanda Narën, por dhe me Mauro Ikardin. Sulmuesi e pranon se nuk është se ka shumë kontakt me ta, çka është një dëshirë e Uandës, e cila nuk preferon që të ketë më asnjë lloj raporti me “ish”-in e tij.

“Nuk kam asnjë raport me Uandën, pasi kështu preferon ajo, edhe pse në vitet e fundit jam përpjekur që të kem një raport normale. Kjo gjë nuk duhet të prekë pjesën e fëmijëve tanë, ata duhet të jenë një temë tjetër. Raporti me Ikardin? Ai është vetëm bashkëshorti i “ish”-it tim”.

Ikardi ka një tjetër “benefit” nga Uanda

Sport Ekspres — Tue, 07 Aug 2018 14:40:04 +0000

Bashkëshortja e Mauro Ikardi, Uanda Nara është njëkohësisht dhe menaxherja e tij. Edhe pse argjentinasi është i fokusuar ek përgatitjet për edicionin e ri, normalisht që ka kohë t’i dedikohet dhe familjes. Sigurisht që kur e ke bashkëshorten edhe menaxhere kërkon që të “përfitosh” sa më shumë prej saj.

Së fundmi, Unda ka publikuar në Instagramin e saj foto bashkë me një kitare. Tani bukuroshja duket se do i futet dhe muzikës dhe ky për Ikardin është një lajm i mirë pasi do të ketë një përfitim më shumë. Gjithsesi, më shumë se instrumenti muzikor, tërheqin vëmendje linjat e bukuroshes, e cila në verë nuk nguron që të ekspozojë trupin e saj.

[Best_Wordpress_Gallery id=”100″ gal_title=”Uanda”]