Tyson

Befason Fury: E admiroj Joshua-n, nga 0 preku majat

Sport Ekspres — Tue, 18 Jun 2019 19:14:28 +0000

Boksieri i njohur anglez Tyson Fury nuk gëzon një raport të mirë me bashkëkombësin e tij Anthony Joshua. Rivaliteti mes të dyve ka filluar vite më parë dhe palët kanë shkëmbyer shpesh ngacmime mes njeri-tjetrit.

Megjithatë në një intervistë të bërë së fundmi, Fury, ka folur plot admirim për Joshua-n, duke shpjeguar dhe arsyen përse ai është i detyruar të bëjë ngacmime të shpeshta ndaj tij.

“Joshua-s i ul kapelën. Ai vjen nga një lagje shumë e keqe në Londër. Familja e tij erdhi nga Nigeria dhe ia nisi gjithçka nga 0 për një jetë më të mirë. Në rini iu fut një rruge të keqe, por iu dha një mundësi për të ndryshuar jetën e tij dhe nuk e la të ikte. Vetëm për këtë gjë meriton shumë respekt. E admiroj për këtë gjë, sepse nuk është e lehtë që të vish nga askundi dhe pa para dhe të bëhesh kampion bote i peshave të rënda”.

“Ai ka bërë shumë mirë për veten. Është bërë milioner, e ka bërë familjen e tij krenar është bërë një atlet i njohur në çdo shtet. Humbi ndeshjen e fundit, por e ka marrë pozitivisht këtë gjë. Nuk është fundi i botës se humbe një duel. Është thjesht boks. Ai ka një partner, një fëmijë, prindër dhe të afërm të tjerë. Në pikëpamjen e biznesit ka bërë shkëlqyer, gjithashtu edhe në karrierë. Ai ia ka dalë në jetë, kaq mund të them. Unë bëj shumë ngacmime si për shembull: “Ai ka marrë fund etj.”, por këto janë pjesë e sportit ai është rivali im, ç’prisni të them tjetër ”.

VIDEO | “Tyson Fury Show”, boksieri anglez i mahnit të gjithë në Las Vegas

Sport Ekspres — Sun, 16 Jun 2019 04:40:21 +0000

Debutimi i Tyson Fury-t në Las Vegas nuk kishte si të shkonte më mirë. Spektakli filloi gjatë momentit të ecjes drejt ringut. Boksieri anglez i veshur me një kostum të frymëzuar nga personazhi Apollo Creed i filmave Rocky elektrizoi të pranishmit në “MGM Grand Arena”.

Në ndryshim nga bashkëkombësit të tij Anthony Joshua, Fury nuk la vend për surpriza. Gjigantit anglez i mjaftuan dy raunde për të mundur gjermanin e pamposhtur Tom Schwarz. Edhe pse dueli zgjati pesë minuta, aq mjaftuan që Fury të tregonte të gjithë arsenalin e tij. Shpejtësi, forcë, lëvizshmëri, përdorim i të dy duarve dhe reflekse mbrojtëse të shkëlqyera.

https://www.youtube.com/watch?v=RIB5nVs4Se8

Në përfundim 30-vjeçari tregoi aftësitë mbresëlënëse në këndim duke i kënduar gruas së tij këngën e Aerosmith “I don’t want to miss a thing” .

Ladies and gentlemen, your Gypsy King ?#FurySchwarz @tyson_fury pic.twitter.com/QhLlXNML77

— Top Rank Boxing (@trboxing) June 16, 2019

Tyson zbulon përballjen më të shumëpritur, snobon Joshua&Co.

Sport Ekspres — Fri, 10 May 2019 18:08:08 +0000

Sporti i boksit ka ndryshuar shumë me kalimin e viteve. Për habinë e të gjithëve, divizioni i peshave të rënda e ka humbur lavdinë e dikurshme dhe tani yjet më të mëdhenj e më të paguar të boksit gjenden në divizionet e peshave të lehta ose të mesme.

Këtë e vërteton dhe legjenda e këtij sporti Mike Tyson, i cili në një emision radiofonik me gazetarin e njohur anglez Piers Morgan, boksieri amerikan zbuloi duelin që dëshironte të realizohej në muajt vazhdim.

Jo nuk bëhet fjalë për një duel midis gjigantëve si Anthony Joshua, Tyson Fury ose Deontay Wilder, por për një duel të divizionit të peshave të lehta (deri në 61 kg).

Vasily Lomachenko dhe Gervonta Davis janë dy boksierët që Tyson dëshiron të shohë në ring. Ukrainasi Lomachenko konsiderohet si boksieri më i mirë në botë përsa i përket aftësive, ndërsa amerikani Davis është një talent që po shtang këto me fuqinë dhe eksperiencën që tregon edhe pse është 24 vjeç.

https://www.youtube.com/watch?v=INkwl5XPUmM

https://www.youtube.com/watch?v=1ZAj3BifAoA

Fury rikthehet në ring, një gjerman i pamposhtur e sfidon

Sport Ekspres — Fri, 22 Mar 2019 17:57:18 +0000

Boksieri i njohur anglez Tyson Fury do të rikthehet në ring më datë 15 qershor. Lajmi bëhet i ditur nga media amerikane “ESPN”. Kundërshtari i ardhshëm i ish-kampionit të botës është gjermani Tom Schwarz, i cili ka një rekord të pamposhtur prej 24 duelesh ku njeh vetëm fitore (15 me nokaut).

Dueli do të zhvillohet në Las Vegas, Nevada. Fury vjen si një favorit absolut në këtë përballje. 24-vjeçari Schwarz është boksieri më i premtuesi i Gjermanisë përsa i përket divizionit të peshave të renda. Promotori i tij është Ulf Shtajnfort, i cili është dhe promotori i boksierit shqiptar Jurgen Uldedaj.

Pas këtij dueli Fury pritet të rikthehet të luftojë për një titull kampion bote, ku me shumë gjasa do të futet sërish në ring përballë amerikanit Deontay Wilder për të synuar titullin “ËBC”. Dueli i zhvilluar në muajin dhjetor midis të dyve përfundoi në barazim.

Tajson Fjuri zbulon betejën me depresionin: Doja t’i jepja fund

Sport Ekspres — Sat, 27 Oct 2018 08:25:38 +0000

Boksieri i peshave të rënda Tajson Fjuri ka rrëfyer problemet e tij me depresionin në një intervistë në emisionin e njohur “The Joe Rogan experience”. 30-vjeçari, i cili në vitin 2015 shokoi botën e boksit duke mundur një legjendë si Vladimir Kliçko, nuk e pati të lehtë t’i bënte ballë problemeve të shëndetit mendor, madje në intervistë ai përmedn një rast konkret kur ishte shumë pranë vetëvrasjes.

“Filluan të më vënin në mendje disa mendime krejtësisht të çmendura. Sapo kisha blerë një Ferrari në verën e 2016-ës. Isha në autostradë dhe i dhashë gaz deri sa shkova te 250 kilometra në orë dhe përballë kisha një urë. Për një moment mendova t’i jepja fund. Nuk më interesonte asgjë në jetë. Por, në sekondat e fundit, dëgjova një zë në kokë që më shoshte: Tajson mendo për fëmijët e tu”, tha boksieri në rrëfimin e sinqertë.

Tajson Fjuri do të ndeshet me datë një dhjetor ndaj boksierit të pamposhtur amerikan Deontej Uajlldër. Në rast se boksieri nga Mançesteri do të arrijë të mund kundërshtarin e tij, atëherë ai do fitojë titullin “WBC” dhe do t’i hapet rruga luftimit me bashkëkombësin e tij dhe mbajtësin e tri brezave kampion, Antoni Xhoshua.