Gola dhe paraqitje të shkëlqyera, legjionarët duken “top”

Sport Ekspres — Wed, 26 Jun 2019 20:24:29 +0000

Sot janë luajtur një numër i madh ndeshjesh miqësore dhe shumë futbollistë shqiptarë kanë zbritur në fushën e lojës. Disa prej tyre, kanë bërë paraqitje shumë të mira, madje kanë gjetur dhe rrugën e rrjetës.

Standard Liezh fitoi 0-5 përballë Braine dhe golin e fundit të takimit, e shënoi mbrojtësi i Kosovës, Vojvoda. Dardani gjeti rrugën e rrjetës në minutën e 80’, për të vendosur rezultatin final të sfidës. Për Bazelin, protagonistë ishin dy futbollistë shqiptarë.

Skuadra zvicerane fitoi thellë 1-5 përballë Mynih 1980. Edon Zhegrova shënoi golin e katërt për Bazelin në minutën e 67’, ndërsa futbollisti i talentuar, Tician Tushi, shënoi në minutën e 74’. Golin sot e ka gjetur dhe ish-futbollisti i Skënderbeut, Agim Zeka, i cili shënoi një nga golat për skuadrën e Sitardit.

Tushi, një numër 10 nga Flamurtari në huazim te Bylisi

Sport Ekspres — Thu, 01 Feb 2018 10:34:12 +0000

Flamurtari nuk ka më ndërmend t’i lëshojë lojtarët e vet të rinj dhe tashmë strategjia është e qartë: kush nuk gjen hapësirë në Vlorë, largohet vetëm në huazim. Në këtë mënyrë, në Vlorë duan të evitojnë gabime si në rastin e Dejvi Bregut, pasi nuk i dihet asnjëherë çfarë mund të ndodhë në të ardhmen. Lojtari i fundit që është larguar nga Flamurtari në huazim është Xhuljo Tushi, mesfushor me tipare sulmuese, numri 10 i të rinjve të Flamurtarit. Vetëm 19 vjeç, Tushi nuk ka debutuar ende në Superiore, ku ka qenë disa ndeshje në stol, që prej sezonit 2015/16, ndërsa këtë sezon ka luajtur 4 ndeshje kupe, duke shënuar një gol në fitoren 5-2 në dhjetor kundër Turbinës. Tani vjen kalimi te Bylisi, aty ku ka pasur disa largime këtë fillimviti dhe duket se Flamurtari ka krijuar një linjë direkte me Bylisin edhe për 22-vjeçarin Niko Zisi, autor i 8 golave këtë sezon.