Gjermania ka shpërthyer në gola në sfidën e sotme ndaj Estonisë. “Panzerat” kanë shënuar plot tetë herë ndaj modestëve të Estonisë dhe kanë mbajtur të paprekur portën te tyre. Italia përmbysi Bosnjën në Torino falë golave të Insinjes dhe Xhekos që zhvleftësuan finalizimin e Xhekos në pjesën e parë.

Armenia zhyt në krizë Greqinë duke mundur në transfertë përfaqësuesen helene me rezultatin 3 –2. Grupi I nuk ka lënë vend për surpriza me Belgjikën, Rusinë dhe Kazakistanin që morën tri pikët në takimet përkatëse.

GRUPI C
Bjellorusi 0 – 1 Irlandë e Veriut
Gjermani  8 – 0 Estonia

GRUPI E
Azerbaixhan 1 – 5 Sllovaki
Hungari 1 – 0 Uells

GRUPI H
Shqipëri 1 – 0 Moldavi
Andorra 0 – 4 Francë
Islandë 2 – 1 Turqi

GRUPI I
Kazakistan 4 – 0 San Marino
Belgjikë 3 – 0 Skoci
Rusi 1 – 0 Qipro

GRUPI J
Greqi 2 – 3 Armeni
Itali 2 – 1 Bosnjë
Lihteshtejn 0 – 2 Finlandë

Si të mos mjaftonte fakti që ekipi nuk po koordinohej siç duhet, lojtarët francezë nuk dolën të bënin diferencën as në aspektin individual. Lojtari që zhgënjeu më shumë ishte 20-vjeçari Kilian Mbape, i cili regjistroi një statistikë të frikshme.

Mbape humbi topin plot 20 herë në këtë takim, më shumë se në çdo ndeshje tjetër me kombëtaren franceze. Mbrojtësit Hasan Ali Kaldirim dhe Merih Demiral u kthyen në një makth për sulmuesit e PSG-së.

Fillimisht ishte mbrojtësi, Hasan Ali Kaldirim, i cili shënoi në minutën e 24-të pas nëj aksioni të gjatë. Një tentativë e Çalhanoglu për të shënuar me roveshatë, u kthye në asist për Kaldirim, i cili nuk fali përpara portës.

Dy minuta më vonë, ishte sulmuesi Çenk Tosun, i cili shfrytëzoi në maksimum një zbritje në kundërsulm të të tijve, duke shënuar edhe golin e dytë.

Pjesa e dytë nisi përsëri e vrullshme për vendasit, të cilët fillimisht fituan të drejtën e një 11-metërshi me anë të Burak Jilmaz. Ishte po ky i fundit që e mori përsipër, por që gaboi, duke u ndalur nga portieri mik.

Gjithsesi, shënjestrën e korrigjoi Çenk Tosun, i cili shënoi golin e dytë personal dhe të tretin e takimit për kombëtaren e tij në minutën e 53-të.

Në minutën e 70-të pati vend për festë edhe për mbrojtësin Ajhan, i cili kërceu mbi të gjithë me kokë dhe shënoi golin e katërt.

Në minutën e 21’, Gjimshiti dhe Xhaka nuk merren vesh me njëri-tjetrin dhe Turqia ndëshkon. Jilmaz merr një pasim të mirë nga Tosun dhe godet menjëherë nga brenda zonës, duke kaluar në avantazh miqtë. Kombëtarja jonë u shokua për disa minuta, por sërish tentoi të reagonte dhe t’i afrohet portës.

Uzuni bëri shumë mirë dhe u shfaq dy herë para portës së Turqisë. Fillimisht, sulmuesi nuk kontrollon mirë një pasim perfekt nga Hysaj, ndërsa në rastin e dytë gjuan me të majtën, por pret portieri mik. Në pjesën e dytë, ritmi i tanëve ra ndjeshëm dhe Turqia ndëshkoi sërish.

Mesfushori i Milanit, Hakan Çalhanoglu shënon një supergol, duke marrë topin nga mesi i fushës dhe duke shënuar një gol shumë të bukur. Ky gol i preu gjunjët lojtarëve kuqezi, që nuk arritën më të reagonin dhe sfida u mbyll 0-2 në favor të Turqisë.

E premte, 22 mars 2019
Stadiumi “Loro Boriçi”, Shkodër

Shqipëri – Turqi   0-2
Jilmaz 21′, Çalhanoglu 54′

Shqipëria: Berisha, Balliu (Sadiku 58’), Hysaj, Veseli, Gjimshiti, Ismajli, Memushaj, Xhaka, Abrashi, Uzuni, Balaj (Grezda 58’) Trajner: Kristian Panuçi

Turqia: Gynok, Gonyl (Çelik 46’), Demiral, Ayhan, Kaldirim, Emre (Tokoz 65′), Jokushlu, Tekdemir, Çalhanoglu, Tosun, Jilmaz Trajner: Senol Gynesh

Kartonë të verdhë: Balliu 39’, Ismajli 45+2’ , Xhaka 86′ / Tosun 30’, Jokushlu 47′

EPISODET

90+’ Mbyllet sfida në “Loro Boriçi”, Shqipëria mposhtet nga Turqia

80’ Turqia qarkullon topin, minutat po kalojnë në favor të tyre

69’ Bie ritmi i lojës, Memushaj provon të ndryshojë diçka, por goditja e mesfushorit të Pesakarës shkon shumë larg kuadratit

54’ Shënon sërish Turqia. Çalhanoglu bën gjithçka vetë dhe shënon një supergol, duke mposhtur për herë të dytë Berishën

46’ Starton pjesa e dytë pa ndryshime, Panuçi i beson formacionit fillestar

45+4’ Mbyllet pjesa e parë. Dominim i Shqipërisë, por ndodhemi në disavantazh

37’ Sërish Uzuni shfaqet rrezikshëm. Sulmuesi kuqezi bën gjithçka mirë nga krahu i djahtë, futet në qendër dhe godet me të majtën, por pret portieri mik

33’ Tjetër rast i mirë për Shqipërinë. Hysaj jep një pasim perfekt nga krahu i djathtë, Uzuni është i lirë brenda zonës por nuk e kontrollon dot topin. Digjet një tjetër shans për tanët

21’ Gol Turqia. Gjimshiti dhe Xhaka humbasin një top të thjeshtë dhe Turqia na ndëshkon. Tosun pason për Jilmaz, i cili mposht Berishën nga një distancë relativisht e afërt

20’ Tjetër shans i artë për tanët. Balaj shërben mjaft mirë me kokë vrapimin e Balliut, i cili gjendet i vetëm përballë portierit, gjuan por ndalet. Portieri i Turqisë na mohon golin

14’ Rast ideal për Balajn. Sulmuesi kuqezi del i vetëm përballë portierit pas një aksioni perfekt dhe mundohet t’i afrohet portierit, duke e humbur momentin.

3’ Rasti i parë i takon kuqezinjve tanë. Xhaka kroson mirë nga një goditje dënimi, topi mbetet në zonën turke dhe Ismajli përfiton, duke goditur me kokë. Gjuatja e mbrojtësit shkon ngjitur me shtyllën e portës

1’ Fillon takimi në “Loro Boriçi”, atmosferë e zjarrtë në stadium

Një skicë e kalasë së Krujës së bashku me flamurin shqiptar dhe poshtë saj vendosur mbishkrimi: “KËTU FITOJMË NE”.

“Të gjithë lojtarët do të donin të ishin kapiteni i kombëtares së futbollit. Është një gëzim shumë i madh për mua aq më tepër që ndeshja luhet në qytetin tim. Besoj se do të jetë një natë fantastike për mua”.

“Besoj se është një kundërshtar shumë i fortë. Do luftojmë për të marrë pikë. Po punojmë fort që të nxjerrim një rezultat të mirë. Klima në ekip është shumë e mirë. Është një grup i mirë, kemi shumë lojtarë që po marrin minutazh të plotë. Shpresoj që të marrim 6 pikë në të dyja ndeshjet, fusha do e tregojë”, përfundoi Hysaj.

“Veterani”, tashmë 38-vjeçar po zhvillon një sezon fantastik me Istanbul Bashakshehir, me të cilët renditet në vendin e parë në kampionat. Ditën e sotme, Emre foli në lidhje me ndeshjen ndaj kombëtares tonë si dhe për moshën e tij.

NDESHJA – “Na presin dy ndeshje të vështira, por duam t’i fitojmë dhe të marrim gjashtë pikë. Shqipëria është misioni i parë. Nuk do të jetë e lehtë, por jemi përgatitur ashtu si duhet. Kombëtarja është një nder për të gjithë ne. Edhe më të rinjtë besoj se do të paraqiten mirë. Duam të hapim një cikël”.

MOSHA – “Edhe 50 vjeç, nëse do të më thërrisnin, do të vija të përfaqësoja vendin tim, kombin tim. Jap gjithçka për këtë fanellë”.

Nga të fundit që thuhen nga mediat turke, numri një i pankinës, për sa i përket formacionit që do të zbresë në fushë mbrëmjen e 22 marsit, duket se do të vendosë një rekord. Në formacionin titullar të kundërshtarit tonë do të luajnë dy lojtarë, diferenca e të cilëve në moshë, është plot 20 vite.

Eksperienca do të ndërthuret me talentin, për të ndalur sulmet e kombëtares sonë. Emre Belozoglu, 38 vjeç tashmë, do të ketë mbrapa tij në qendër të mbrojtjes, talentin e Shtutgartit, Ozan Kabak, i cili është vetëm 18 vjeç. Në stërvitje këta dy lojtarë janë provuar më së shumti si pjesë e formacionit bazë, gjithsesi gjithçka mbetet për t’u parë pas dy ditësh.

Mbrojtësi i Empolit, fillimisht tha: “Mendojmë të marrim tre pikët me Turqinë. Synimi është fitorja. E dimë se ndeshja e parë është e rëndësishme. Do provojmë të gjithë mundësitë për të triumfuar. Sa i takon formacioni, ai shtoi: “Nuk pres të luaj nga fillimi, jam në dispozicion t trajnerit. Ndihem mirë, pasi kam luajtur rregullisht. Do dëshiroja ta ndihmoj ekipin. Vendos trajneri. Unë jam këtu për të ndihmuar kombëtaren”.

“Pozicioni? Qendërmbrojtës ndihem më mirë, por luaj në krah. Luaj kudo ku ka trajneri. Luaj kudo. Nëse më fut qendërmbrojtës, e di që jap më të mirën. Do mundohemi të mos përsërisim gabimet e së shkuarës. Është ndeshje ndryshe nga ajo me Skocinë. Sonte kemi mbledhjen dhe do e studiojmë”.
“Jemi shumë të përqendruar, duhet të punojmë si grup dhe të ndihmojmë njëri-tjetrin ën fushë dhe jashtë. Nuk ka asgjë të pamundur. E kemi mundur Francën dhe Turqinë më parë. E dimë që Islanda ëshët shumë e fortë. Nuk mjafton të jemi skuadër e mirë, duhet diçka më shumë. E kemi mundësinë të kualifikohemi”.

“Eksperimentet nuk i komentoj unë. Ne japim maksimumin në fushë. Ka ardhur momenti të bëjmë më të mirën për të kaluar grupin, Kemi pasur krizë në rezultate, por jo në lojëra. Kanë vendosur disa episode. Nëse eliminojmë gabimet, i kemi mundësitë për të bërë përpara”.

“Harmonia është e madhe në ekip. Nuk diskutojmë për problemet e lojtarëve, secili ka mendimin e vet. Kushdo vjen këtu nuk mendon pse nuk vjen dikush, apo pse vjen. Mundohemi të ruajmë harmoninë në ekip. E presim me dëshirë e vullnet këtë ndeshje. Këto janë gjëra personale dhe nuk i shohim ne”.

“Sulmi? Janë një sulm i mirë, por jo të jashtëzakonshëm. Duhet respektuar Turqia, por nuk duhet të kemi frikë. Edhe ne kemi sulm të mirë. Kam luajtur me sulme edhe me të forta. Ata nuk kanë Mesin dhe Ronaldon. Kanë kualitet dhe nuk duhet t’i lëmë të shprehen”.

“Ju premtoj që do të ndërtoj një skuadër që do t’u bëjë krenar. Na duhet të zhvillohemi e të ndryshojmë. Me ndeshjet ndaj Shqipërisë dhe Moldavisë do të fillojmë një erë të re për kombëtaren tonë.

“Sot jemi shumë më mirë se të shkuarën përsa i përket cilësisë së lojtarëve, por kemi probleme në marrjen e rezultate, nuk arrijmë të tregojmë vlerat që kemi. Dot të na duhet të fillojmë gjithçka nga e para. Le mos të merremi me çfarë kemi bërë në të shkuarën, tani futemi në një luftë të re”.

“Duhet të shkojmë në Shqipëri e të jemi superior. Objektivi jonë është që të kualifikohemi në Europian. Kemi një skuadër me përbërje të mirë, por nuk jemi ende një skuadër e vërtetë. Në këtë moment kemi pak sulmues. Mund të merrja lojtarë si Karaman, por zgjodha Gyven Jalçinin për shkak se e njoh (lojtari i Beshiktashit ku Gynesh trajnon aktualisht)”

“Nëse fitojmë ndeshjet ndaj Shqipërisë dhe Moldavisë, atëherë rëndësia e takimeve e mëpasshme ndaj Francës  dhe Islandës rritet akoma dhe më shumë. Duhet të kemi respekt për veten në radhë të parë dhe për kundërshtarin”, përfundoi Gynesh.

Trajneri i përfaqësueses turke ka përzgjedhur një skuadër të miksuar midis talentit dhe eksperiencës. Reparti i mbrojtjes është ai me numrin më të madh të lojtarëve në moshë të re, me lojtarë si Zeki Çelik, Çaglar Sëjyncy, Kaan Ajhan, Ozan Kabak dhe Merih Demiral.

Gjithsesi nuk mungojnë as surprizat. Gynesh ka rikthyer në kombëtare mesfushorin 38-vjeçar Emre Belozoglu dhe sulmuesin Burak Jilmaz, dy emra këta që nuk ftoheshin prej më shumë se një viti nga kombëtarja turke.

Portierë: Mert Gynok (Bashakshehir), Muhamed Shengezer (Bursaspor), Ugurcan Çakir (Trabzonspor), Sinan Bolat (Rojal Antverp)

Mbrojtës: Gëkhan Gënyl (Beshiktash), Zeki Çelik (Lil), Çaflar Sëjyncy (Lestër Siti), Kan Ajhan (Dyseldorf), Merih Demiral (Sasuolo), Ozan Kabak (Shtutgart), Hasan Ali Kaldirim (Fenerbahçe), Emre Tashdemir (Gallatasaraj)

Mesfushorë: Denis Tyryç (Kaizerispor), Efecan Karaca (Alaniaspor), Jusuf Jazici (Trabzsonspor). Dorukan Tokëz (Beshiktash), Emre Belëzoglu (Bashakshehir), Irfan Kahveci (Bashakshehir), Mahmut Tekdemir (Bashakshehir), Mehmet Topal (Fenerbahçe), Oguzhan Ozjakup (Beshiktash) Okaj Jokushlu (Selta Vigo)

Sulmues: Junus Malë (Volfsburg), Emre Këlënç (Sivaspor), Gyven Jalcin (Beshiktash), Hakan Çalhanoglu (Milan), Burak Jilmaz (Beshiktash), Cenk Tosun (Everton)

Trajneri rumun mori postin e trajnerit të Turqisë në gusht të vitit 2017. Në 17 ndeshjet që ka drejtuar turqit, Luçesku ka siguruar vetëm 4 fitore, ndërsa numëron dhe 6 barazime e 7 humbje.

Lajmi është bërë zyrtar nga Federata e Futbollit të Turqisë, ndërsa pritet të emerohet zëvendësi i tij. Trajneri i Beshiktashit, Shenol Gynesh është i preferuari i Federatës, por klubi nga Stambolli po reziston dhe nuk dëshiron të heqë dorë nga shërbimet e trajnerit.

Turqia është kundërshtari i parë për djemtë e Panuçit në rrugëtimin drejt Euro 2020 dhe ndeshja kundër tyre do të zhvillohet me datë 22 mars në “Loro Boriçi” të Shkodrës.

Megjithatë, situata në kampin turk është shumë më e rëndë se sa ajo e kombëtares sonë. Sipas asaj që raporton “Reuters”, trajneri rumun Mirçea Luçesku është shumë pranë shkarkimit dhe federata turke po bën çmos për të sjellë në stolin e kombëtares trajnerin e Beshiktashit Shenol Gynesh.

Gynesh është një ndër trajnerët më të mirë në Turqi dhe këtë e tregojnë sukseset e shumta që ka korrur me Beshiktashin gjatë viteve të fundit. Federata turke ka gjetur akordin me trajnerin, por tani mbetet për t’u bindur administratori i skuadrës nga Stambolli Fikret Osman, pasi ky i fundit po bën çmos për ta mbajtur teknikun deri në fund të sezonit.

“Unë besoj se Panuçi do të bëjë më mirë në kualifikueset e EURO 2020”, shprehet Duka mes të tjerash, ndërkohë që është pyetur edhe në lidhje me stadiumin “Arena Kombëtare”, që pritet të përfundojë së ndërtuari gjatë vitit 2019.

INFRASTRIKTURA – “Stadiumi kombëtar në kryeqytet është projketi më i madh i futbollit shqiptar. Ne vazhdojmë punën për të përmbyllur punimet. Hapja e stadiumit do të bëhet në vitin 2019, ëshët drejt përfundimit. Synojmë të luajmë në stadiumin tonë në kualifikueset e Europianit, por me Turqinë do të luajmë në Shkodër”, u shpreh Duka. Më Turqinë do të luhet më 22 mars.

ZHVILLIMI I TURQISË – “Turqia ka evoluar në çdo aspekt, ka një zhvillim të jashtëzakonshëm. Nëse shikoni infrastrukturën, ka nivele spektakolare në gjithë Turqinë. Organizimi është shumë i mirë dhe kjo vlen për të gjitha klubet. Nëse shikoni shifrën e shitjes e së drejtës televizive, ka arritur në nivele rekord në tre vitet e fundit. Futbollistët turq luajnë në ekipe shumë të mira për momentin, ndërkohë që edhe në Turqi po luajnë futbollistët më të mirë të Europës. Ekipi kombëtar turk meriton më shumë në renditje dhe në arenën ndërkombëtare”, janë fjalët e kreut të FSHF-së për televizionin turk “AA”.

NDESHJA – “Për t’i marrë tre pikët kundër Turqisë duhet djersitur shumë, duhet të punosh shumë. Do të luajmë në shtëpi dhe qëllimi ynë i vetëm është që të fitojmë kundër Turqisë. Është një ekip, një kundërshtar që duhet respektuar nga skuadra që ka, nga përbërja e futbollistëve dhe në gjithçka tjetër. Objektivi ynë është kualifikimi në kompeticionet e rëndësishme evropiane dhe kombëtare”.

GRUPI KUALIFIKUES – “Është një grup i hapur, një grup për t’u luajtur. E thashë edhe më parë, një grup me favorit në letër Francën, Turqinë, Islandën dhe pastaj vjen Shqipëria. Nuk kemi bërë rezultate pozitive në vitin 2018, nuk mund ta konsiderosh një vit të mirë për rezultate”.

RAPORTI ME KOSOVËN – “Me Kosovën kemi marrëdhënie shumë të mira, ndihmojmë në mënyrë reciproke njëri-tjetrin. Duke qenë se Federata Shqiptare e Futbollit ka qenë e pranuar më parë në FIFA E UEFA, ka pasur të organizuar kurset UEFA për trajnerët, kurset e arbitrave. Pothuajse të gjithë trajnerët e Kosovës janë përgatitur këtu. Kam shumë besim se do të bëjnë më mirë akoma në kualifikuese”.

“Mund të them se jemi në një grup të ekuilibruar. Asnjë grup nuk është i lehtë, por ne do të luajmë për të fituar ndeshjet tona. Franca është një ekip shumë i fortë, por urojmë që të bëjmë një paraqitje të mirë”.

“Duhet të luftojmë në të gjitha ndeshjet në të njëjtën mënyrë. Islanda është një ekip i mirë, që ne e njohim. Lojtarët kanë luajtur për një kohë të gjatë dhe ky është një avantazh. Andorra ka një stadium të vogël dhe është e rrezikshme, ndaj duhet të ruajmë të njëjtin nivel në çdo ndeshje”.

Rreth shortit të eliminatoreve të EURO 2020 ka folur dhe trajneri i Islandës, Erik Hamren. Vendi i vogël nordik është kualifikuar në Europianin e fundit dhe në Botërorin e Rusisë, ndërsa Hamren kërkon të përsërisë të njëjtën gjë. Do të jetë tepër e vështirë, por Islanda do të bëjë maksimumin.

“Ne duhet të tregohemi të aftë, vërtetë të aftë. Është shumë e vështirë të arrijmë të kualifikohemi në kompeticionin e tretë rresht, është e vështirë për shumë vende, shtete të mëdhenj, më të mëdhenj se Islanda, por ky është qëllimi ynë. Mendoj se mund t’ia dalim“, përfundon trajneri i Islandës për “UEFA.com”.