Karepi dhe një dopietë e Mziut i kanë dhënë fitoren e pastër Burrelit. Tërbuni dhe Turbina janë ndarë në barazim 1-1, me Sushin që ka shënuar për Tërbunin. Ndërsa Laçi, i drejtuar nga Sulejman Starova, ka fituar 2-1 përballë Laçit B, në testin miqësor mes tyre.

Kastrioti – Burreli  0-3
Shënues: Karepi 37′, Mziu 68′, 79′

Laçi – Laçi B  2-1
Nuabueze x2 / Turkaj

Tërbuni – Turbina  1-1
Shënues: Sushi

Krutanët kanë treguar një formë shumë të mirë. Borges ka hapur sfidën në minutën e 34-t. Të kuqtë nuk janë mjaftuar me kaq, pasi në pjesën e dytë e kanë dërguar edhe dy herë të tjera topin në rrjetë me Rosajn dhe Berberin.

Një formë shumë e mirë e Kastriotit, që edhe pse kanë rënë në Kategorinë e Parë, kanë pretendimet e tyre për të qëndruar në Superiore. Kjo mund të ndodhë në rast të përjashtimit të klubeve që kanë vështirësi të thella financiare. Krutanët reklamuan pretendimet e tyre nëpërmjet një reagimi në rrjetet sociale para pak ditësh.

Miqësore

Kastrioti-Turbina 3-0

Borges 34′, Berberi 52′, Rosaj 77′

Në të njëjtën orë të ditës së martë zhvillohet edhe miqësorja e radhës. Kastrioti do të ketë përballë klubin e Vushtrrisë, që sapo është rikthyer në elitën e futbollit dardan. Të dy ndeshjet do të zhvillohen në kompleksin e ekipeve kombëtare në Kamzë.

Klubi krutan po monitoron edhe situatën e vështirë të Skënderbeut, Flamurtarit dhe Luftëtarit. E ardhmja e korçarëve është në dyshim, ndërsa dy klubet jugore duhet të shlyejnë brenda afatit borxhet e shumta për të siguruar pjesëmarrjen në Kategorinë Superiore për sezonin e ardhshëm.

Një situatë e tillë mban me shpresa Dinamon dhe Besën e Kavajës, por edhe klubin krutan që është i bindur se në rast të përjashtimit të ndonjë ekipi, e drejta për të luajtur në Superiore ju takon atyre si ekipi i renditur në vendin e nëntë sezonin e kaluar.

Koldashi është 22-vjeç, një produkt i akademisë së Kukësit dhe që ka mbajtur veshur edhe fanellat e Besës së Kavajës dhe Elbasanit. Në sezonin e fundit, mesfushori luajti 11 ndeshje në Kategorinë e Parë dhe shënoi një gol.

 

View this post on Instagram

 

Albi Koldashi zyrtarisht pjese e Turbines. 22 vjeçari me pare eshte aktivizuar me Kukesin, Besen dhe Elbasanin. Tashme mesfushori i qendres eshte pjese e skuadres sone.

A post shared by KF.Turbina Cerrik (@k.f_turbina) on Jul 20, 2019 at 6:51am PDT

Ndërsa Levendi, 26-vjeç, ka luajtur për Tiranën në sezonet 2011-12 dhe 2017-18, ndërsa dy sezonet e fundit ka mbrojtur fanellën e Burrelit, me të cilët ka luajtur 35 ndeshje në Kategorinë e Parë dhe ka shënuar 4 gola.

 

View this post on Instagram

 

Zyrtare Mateus Levendi. 26 vjeç. Mesfushor i avancuar. Eshte aktivizuar me pare me Tiranen dhe Burrelin. Ka firmosur per skuadren tone.

A post shared by KF.Turbina Cerrik (@k.f_turbina) on Jul 20, 2019 at 4:33am PDT

E veçantë është se duke mos patur prurje të reja, tekniku deklaron se më shumë do mbështeten te elementi i ri vendas. “Kemi rëndë dakord me drejtuesit që të nisim përgatitjet në datën 20 korrik. Ka qenë një hapësirë e gjatë me pushime pas përfundimit të sezonit të kaluar, por gjithçka ka qenë e kushtëzuar nga situata politike që kaluam.

Tashmë edhe Turbina do zbresë në fushë për përgatitjet e sezonit të ri, natyrisht me ndryshime nga sezoni i kaluar, por rëndësi ka që të fillojmë me përgatitjet”, deklaroi Sinan Bardhi. Për merkaton, tekniku thekson se në ndërtimin e skuadrës së re të këtij sezoni, me shumë do të mbështeten tek të rinjtë vendas.

“Deri tani, te Turbina e sezonit të kaluar nuk ka asnjë largim, por as edhe afrime të reja. Bazuar te kjo skuadër, ne kemi menduar që të afrojmë më shumë futbollistë vendas dhe me moshë të re, për të patur më shumë garanci gjatë garës, që këtë sezon do jetë shumë më ndryshe”.

AGRON KAJA

Për SportEkspres.com, ai deklaroi se përgatitjet do të nisin në javën e dytë të muajit korrik: “Pushimet tona si trajnerë gjithmonë janë të kushtëzuara nga vazhdimësia e sezonit të ri. Futbollistët e Turbinës janë pushim, deri në dy javët e para të muajit korrik. Atëherë kemi menduar që të nisim përgatitjet për sezonin e ri. Zgjedhjet e 30 qershorit na kanë vonuar nisjen e përgatitjeve”.

Bardhi deklaron se presidenti i klubit, Gentjan Gjoka, ka garantuar merkato me lojtarë cilësorë: “Merkato ne do të bëjmë, sepse nga sezoni i kaluar kemi patur mangësi në disa reparte. Kam marrë garancinë e presidentit Gjoka dhe kam bërë planet e mia se ku do të përqëndrohemi. Kam marrë kontakte me disa futbollistë këtu në Shqipëri, por nuk mund të them emra”.

AGRON KAJA

“Kemi mbyllur në sezon shumë të vështirë, por të bukur. Këto ditë pushimi i menduam të domosdoshme për gjithë skuadrën. Ne si staf teknik, së bashku me drejtuesit e klubit dhe me presidentin Gjoka, jemi çdo ditë në kontakt. Ende nuk kemi lëvizje zyrtare në skuadër”, theksoi trajneri Bardhi për situatën te skuadra e Turbinës.

Njëherësh tekniku Bardhi deklaron se disa ndërhyrje janë të nevojshme: “Sezoni i ri kërkon edhe disa përforcime te skuadra jonë. Ne si staf teknik e kemi gati projektin për sezonin e ri. Gjatë këtyre ditëve jemi takuar me disa futbollistë, të cilët mund t’i sjellim te Turbina. Në fundin e muajit qershor do ulemi me presidentin Gjoka, i cili është i gatshëm për përforcime cilësore për sezonin e ri”.

AGRON KAJA

Turbina i ka kushtuar shumë rëndësi kësaj sfide dhe skuadra është akomoduar në një resort në Elbasan një ditë para ndeshjes. Trajneri Sinan Bardhi deklaron për SportEkspres.com synimin që ka skuadra e tij në këtë ndeshje.

“Shkojmë për fitore në Elbasan dhe kemi mundësi më shumë se kundërshtari për t’ia dalë mbanë. Për ne, jo vetëm fitorja, por edhe barazimi apo vetëm 1 gol i shënuar na mban në vendin e tretë. Njërin prej këtyre objektivave jemi në gjendje që ta arrijmë. Gjithsesi fitorja është synim final”, shprehet Bardhi.

Edhe drejtuesit e kësaj skuadre e kanë zgjidhur qesen për këtë takim. Bashkia ka deklaruar se 2 milionë lekë të vjetra do të jenë premio për skuadrën, ndërsa presidenti Gentjan Gjoka ka premtuar 5 milionë lekë. “Presidenti dhe Bashkia po tregojnë respekt për skuadrën dhe ne do t’ua shpërblejmë në fushën e lojës. Skuadrën e kam motivuar vetëm për fitore dhe vetë lojtarët janë të bindur se do ta arrijnë. Ne nuk e diskutojmë vendin e tretë”.

AGRON KAJA

Gjithsesi Turbina nuk shkon për t’u mbrojtur në Elbasan. Mbrojtësi Frenkli Gazheli, për SportEkspres.com deklaron: “Ne edhe barazimi na bën punë dhe na largon nga vendi i katërt, por në Elbasan do shkojmë vetëm për fitore. Jo vetëm kaq, por do synojmë që mos pësojmë gol, sikundër në pesë ndeshjet e fundit ku kemi pësuar vetëm 1 gol. Turbina nuk toleron dhe i ka mundësitë që të marrë tri pikët në Elbasan”.

20-vjeçari Gazheli flet edhe për të ardhmen: “Së pari mendoj një mbyllje me sukses të sezonit me Turbinën, pastaj ka kohë që të vendos për sezonin tjetër. Ka rreth dy muaj që kam marrë një ofertë nga Superiorja dhe e kam vlerësuar seriozisht. Besoj se kjo është mundësia më e mirë për elitën, por edhe për të menduar më mirë për karrierën”.

AGRON KAJA

Klevis Hasanbelli, portieri i rikthyer në janar te Turbina në formë huazimi prej Laçit, komenton situatën në klubin cërrikas. “Ende ne nuk jemi paguar, edhe pse na u premtua që do të na jepeshin pagat në rast fitoreje me Elbasanin. Duke qenë se edhe sot ato nuk na janë dhënë, na kanë detyruar që të mos dalim në stërvitje, pasi është një situatë që nuk të motivon për vazhdimësinë”.

Më tej portieri flet për ndeshjen e radhës me Pogradecin: “Me Pogradecin është ndeshje vendimtare për mbijetesën e Turbinës. Deri atëherë do të ishte mirë që pagat të jenë dhënë, pasi motivimi i skuadrës është ulur shumë. Gjithsesi, mendoj se të gjithë lojtarët do të tregohen profesionistë e do bëjnë më të mirën për Turbinën”.

AGRON KAJA

“E ndiej si detyrim moral të ndaj dy fjalë me ju tifozët e ekipit dhe të gjithë dashamirësit. Unë, presidenti i klubit Turbina, jap dorëheqjen për arsye se kryetari i bashkisë dhe larot e tij që duan të vjedhin 5 mijë lekësha dhe të abuzojnë edhe aty ku nuk duhet, nuk ndjekin strategjitë e mia për të shpëtuar ekipin prej rënies nga kategoria”, shprehet fillimisht Gjoka, përmes një deklaratë të shpërndarë për mediat.

“Më vjen keq se kam 13 vjet që jap djersën për këtë klub dhe të gjithë e dinë se në çfarë gjendje e mora ekipin dhe ku e çova. Gjithçka e kam bërë pa pasur as përfitimin më të vogël, vetëm e vetëm për nder të atij qyteti ku jam rritur dhe në nder të babait tim. Ju uroj më të mirat, por e shoh shumë të vështirë për aq kohë sa aty do sundojnë njerëz që mendojnë vetëm për xhepat e vet dhe larot që u rrinë nga pas”, shprehet Gjoka.

Turbina është shoqëri aksionere dhe presidenti Gjoka ka 60% të aksioneve, kurse pjesën tjetër Bashkia Cërrik. Bashkëpunimi mes palëve është i ngrirë tashmë dhe kjo konfirmohet qartazi nga deklarata e bërë prej numrit një të klubit cërrikas.

Trajneri i kryeqytetasve vlerësoi lojën e mirë të skuadrës që u shpërblye me fitoren 3-1. Në fjalën e tij, kreu i pankinës dinamovite u shpreh: “Skuadra luajti mirë ndaj Burrelit, kryesisht në pjesën e dytë. Për mua rëndësi ka loja, harmonizimi i saj mbetet primar”, deklaroi Allmuça për “Sportekspres.com”.

Ndërsa Elvis Plori i Burrelit është i pakënaqur me skuadrën në tërësi: “Ndryshe nga miqësoret e tjera, sot me Dinamon skuadra nuk u shpreh mirë në lojë”. Takimi u mbyll me rezultatin 3-1 për Dinamon me golat e Marlind Nuriut, Rei Nuriut dhe Çelikut në pjesën e dytë. Golin për matjanet e shënoi Djepaxhia në pjesën e parë.

Miqësore, e shtunë 19 janar 2019,  ora 13:00 (Pezë)
Dinamo – Burreli  3-1
Shënues: M. Nuriu 25′, R. Nuriu 70′, Çeliku 75′ / Djepaxhia 90′

Dinamo: Laço, M.Nuriu, Sheta, Shaba, Ilir Allmuca, R.Nuriu, Sefa, Vrapi, Topalli, Çema, Prendi
Burreli: Millosheviç, Ujka, Papleka, Dedgjonaj, Lekaj, Farruku, Stana, Hyseni, Djepaxhia, Levendi, Ajazi.

Takimi tjetër miqësore ishte ai midis Besës së Kavajës dhe kosovarëve të KF Ballkanit. Skuadra e drejtuar nga Gugash Magani nuk duket ende në formë optimale dhe pas humbjes me Tiranën, ka pësuar një tjetër disfatë. Skuadra kosovare e Ballkanit fitoi 2-1, ndërsa golin e vetëm për kavajasit e shënoi Onuh.

Miqësore – E shtunë, më 19 janar

Besa-Ballkani 1-2
Shënues: Onuh

Fitore sot ka marrë dhe skuadra e Turbinës, që ka mposhtur ekipin e Shkumbinit me rezultatin e pastër 2-0. Golat nga Sallaku dhe Gjeci vendosën këtë sfidë dhe cërrikasit morën një triumf bindës.

Miqësore, e shtunë, 19 janar 2019 Cërrik

Turbina – Shkumbini 2-0
Shënues: Sallaku, Gjeci

Për trajnerin Sinan Bardhi, largimi i Efijoh Ejong te Besa mbetet një mungesë serioze për rrugën e vështirë në gjysmën e dytë të kampionatit, por rikthimi si i huazuar i portierit Klevis Hasanbelli, pas përvojës së tij jo fort të mirë te Laçi, duket si përforcimi i parë për të besuar te mbijetesa në Kategorinë e Parë. Turbina renditet në vendin e 10-të në Grupin B të Kategorisë së Parë me 8 pikë, e rrezikuar seriozisht për rënien në Kategorinë e Dytë.

AGRON KAJA

Takimi ka qenë i fortë dhe i bukur, ku cërrikasit e kanë misur mirë takimin dhe kanë krijuar edhe raste për shënim, por Teuta mbrohej mirë dhe në minutën e 41-të gjeti golin me anë të Peqinit.

Në pjesën e dytë Turbina është munduar të barazojë, por ka qenë e pafuqishme, ndërsa Teuta mbylli gjithçka në 4 minuta, sepse Kruja e Shkalla shënuan edhe dy gola pa mbushur mirë një orë lojë.

Fitore e bukur për Teutën, që përveçse ka siguruar kualifikimin para kohe, ka bërë edhe eksperimente. Trajneri Shkëmbi hodhi në fushë për herë të parë në këtë sezon emra si portieri Celeski, Vogli, Ndreca, Gashi e Peqini, apo dhe i riu Klinti Qato, i cili luajti ndeshjen e parë si futbollist profesionist.

Mariglen Miraka

Kupa e Shqipërisë/ Turi i parë, vajtje

Turbina – Teuta    0-3

Shënues: Peqini 41’, Kruja 57′, Shkalla 61′

Turbina: Demollari, Pashaj, Sina (Qosja 67′), Zeneli (Cami 61′), Cara (Hasa 46′), Cake, Xhelili, Shkreta, Roshi, Ejoh, Ogu. Tr: S. Bardhi.

Teuta: Celeski, Shkalla (Bicaj 77′), Vecaj (Traore 65′), Beqja, Vila, Gashi, Kallaku (Kruja 46′), Vogli, Ndreca, Qato, Peqini. Tr: B. Shkëmbi.

Kartonë të verdhë: Zeneli 55′ / Vogli 22′

Gjyqtarë: L.Dosti, G.Balliu (Berat), E.Aliaj, M.Dyrmyshi (Poliçan)

Thanë pas ndeshjes:

Sinan Bardhi (Turbina): Bëmë një takim të mirë edhe pse u mundëm treguam grintë. Rëndësi për ne ka kampionati dhe shpresojmë të marrim një rezultat pozitiv në fundjavë në Ballsh.

Blendi Shkëmbi (Teuta): Nuk e kishim nënvlerësuar këtë takim dhe ia dolëm, duke e bërë tashmë edhe më të lehtë kualifikimin. Tashmë mendojmë me qetësi për takimin e radhës në kampionat.

Të dielën në orën 16:00 në stadiumin “Nexhip Trungu” të qytetit të Cërrikut është zhvilluar takimi i parë për sezonin e ri futbollistik 2018-2019 midis Turbinës dhe Apolinisë. Këta të fundit kanë fituar 1-0, duke e nisur mbarë kampionatin dhe duke korrur që tani frytet e punës së mirë kryer në verë, sepse e kanë kompletuar që në korrik grupin dhe janë stërvitur me seriozitet, ndryshe nga shumë ekipe në Kategorinë e Parë.

Në krahun tjeter, cërrikasit kanë bërë një lojë të mirë, por kanë qenë të pafat, edhe për faktin se në këtë përballje kanë pasur katër mungesa titullarësh, gjë që ndikuan shumë në këtë disfatë. Takimi ka qenë i barabartë, ku goli i Hidershait në minutën e 20-të bëri diferencën. Përpara takimit është mbajtur një minutë heshtje në nderim të ish futbollistit cërrikas të viteve 70-80 Latif Thaçi, që ka ndërruar jetë përpara pak ditësh. Ekipi i Turbinës ka luajtur në këtë sfidë me fanella të reja, që janë mundësuar nga presidenti Gentjan Gjoka.

Kategoria e Parë / Java 1

Turbina – Apolonia      0-1

Shënues: Hidersha 20′

Turbina: Sulenji, Zeneli, Pashaj, Daci, Gazheli, Cake, Cara (Gjeci 75′), Xhelili (Shkreta 70′), Hasa (Roshi 54′), Ejoh, Ogu. Tr: S.Bardhi.

Apolonia: Harizaj, K.Mehmeti, E.Mehmeti, Hysenshahaj, Nako, Hidersha, Kolgega (Troka 79′), Prifti (Gjata 67′), Braka, Sota, Bakalli. Tr: M.Miho.

Kartonë të verdhë: Gazheli 26′, Cara 42′, Roshi 83′ / Troka 83′.

Gjyqtarë: B.Dragusha, S.Zeka, J.Podgorica, I.Myrtja (Shkodër).

TRAJNERËT

Sinan Bardhi (Turbina). Nuk u prononcua.

Marjol Miho (Apolonia). E nisëm mirë kampionatin dhe morëm një fitore të çmuar në Cërrik. Na presin takime edhe më të forta, por jemi të bindur që do vazhdojmë rrugën e rezultateve pozitive.

Trajnerit Sinan Bardhi dhe zëvendësit të tij Alfred Allamani i është bashkuar edhe trajneri i ri i portierëve, elbasanasi Gerald Sina. Ky i fundit ka luajtur më parë me skuadrën cërrikase dhe ka lënë mbresa.

Trajneri i ri i portierëve është në kërkim të një portieri cilësor me eksperiencë, pasi për momentin nuk është e qetë me portierët që ka në organikë, apo që ka provuar pa i pëlqyer. Sipas klubit, shumë shpejt Turbina do të gjejë gardianin që i mungon për momentin dhe do të blindojë katërkëndorin e vet.

Mariglen Miraka

Është luajtur miqësorja midis Erzenit dhe Turbinës dhe ka qenë një festival golash, me vendasit që kanë fituar thellësisht ndaj cërrikasve, duke shënuar plote shtatë herë, ndërsa të verdhët vetëm dy herë.

Shijakasit kanë dominuar, duke e kontrolluar ndeshjen nga fillimi deri në fund. Turbina është paraqitur shumë dobët, sidomos në pjesën e dytë, ku trajneri Bardhi eksperimentoi, duke aktivizuar disa të rinj në provë që nuk dhanë asgjë.

Turbina luajti miqësoren e fundit para startit të kampionatit dhe kishte shumë mungesa, ndërkohë që vijon kërkimin për një portier cilësor e me eksperiencë.

Ndërkaq, Erzeni duket një skuadër e kompletuar dhe trajneri Gentian Stojku ka bërë një punë të shkëlqyer.

E shtunë, ora 17:00, stadiumi “Tofik Jashari”, Shijak

Erzeni – Turbina    7-2

Shënues: Lajthia 25′, 80′, Vathi 35′, Cami 50′(aut), Xhemalaj 65′, Dakavelli 75′(pen), Gjoka 82′ / Cara 60′, Shkreta 85′.

Erzeni: Vata, Melani, Teqja, Bello, Vathi, R.Troplini, Xhemalaj, Dakavelli, Lajthia, Bauli, Kabiru. Tr: G.Stojku.(U aktivizuan: Mema, Konci, Mara, Ajdini, Gjoka, Murati, E.Troplini, Bregu, Dragushi, Kamolli, Lika).

Turbina: Demollari, Zeneli, Pashaj, Daci, Gazheli, Hasa, Cake, Xhelili, Qorri, Eyoh, Ugo. Tr: S.Bardhi.(U aktivizuan: Marku, Sulenji, Cara, Shkreta, Cami, Qosja, Dervishi, Belliu, Sina, Qepuri, Moqi, Kakushi, Kraja, Kalushi).

Gjyqtarë: Xh.Mema, A.Vila, F.Behari (Durrës).

Trajneri i skuadrës cërrikase është i kënaqur me merkaton, ku në skuadër jane afruar tetë blerje te reja.

Gjithsesi, teknikut kryeqytetas i duhet dhe një afrim tjetër cilësor. Bëhet fjalë për qendërmbrojtës me eksperiencë, i cili i duhet se s’bën skuadrës.

Presidenti Gjoka është vënë në kërkim dhe shumë shpejt pritet t’ia bëjë realitet kërkesën trajnerit Bardhi. Ky i fundit e ka kompletuar ekipin dhe të shtunën Turbina do të zhvillojë miqësoren e fundit në Shijak me Erzenin vendas.

Mariglen Miraka

Të verdhët do të bëjnë një goditjen të rëndësishme në këtë merkato vere, ku pritet të vijë një futbollist cilësor. Bëhet fjale per sulmuesin e talentuar 20-vjeçar Ronaldo Ndreu. Ky i fundit ka luajtur në Gjermani tek ekipet Hesen Kassel Vfb Trebin.

Ardhja e tij do ta blindonte edhe më shumë sulmin e Turbinës, sepse Ndreu pritet të jetë pikë referimi dhe golashënuesi kryesor i të verdhëve.

 Mariglen Miraka

Dhjetë minuta më vonë ishte Ajazi që kaloi në avantazh matjanët. Gjithsesi sulmuesi Bërdufi do korrigjonte veten në të 40’, kur edhe barazoi shifrat në 1-1. Në barazim u mbyll pjesa e parë, kurse në të dytën pati edhe zëvendësime të shumta.

Turbinas kaloi në avantazh në minutën e 50-të, kur Gjonpalaj shënoi në portën e tij. Më pas ishte nigeriani Ejoh ai që shënoi dy herë të tjera për cërrikasit, që kanë ruajtur një pjesë të mirë të ekipit të sezonit të shkuar.

Miqësore – E mërkurë, më 15 gusht

Turbina 4 – 1 Burreli
Shënues: Bërdufi 40’, Gjonpalaj 50’ (autogol), Ejoh 60’, 80’ / Ajazi 20’
Turbina: Varfi, Zeneli, Pashaj, Bejko, Gazheli, Taulla, Qorri, Cake, Cara, Hasa, Berdufi. (U aktivizuan: Collari, Cami, Dervishi, Beqiraj, Qosja, Xhelili, Ejoh, Ugo, Shkreta, Sina, Alillari). Trajner: Sinan Bardhi.

MARIGLEN MIRAKA

Mariglen Miraka

ELBASANI 1 – 0 TURBINA

Shënues: Mici 70’

ELBASANI: Hasfatija, Selimaj, Duka, Dishani, Beqiri, Koçani, Allkja, Çangu, Bullari, S. Bajrami, Sadiku. (U aktivizuan: Harja, Asllani, Dervishi, Bogdani, Hanoli, Bella, Ukaj, Suvarija, Mici, Hoxhaj, A. Lleshi, J. Lleshi, Balla). Trajner: E. Merxha

TURBINA: Çollari, Zeneli, Daci, Dervishi, Gazheli, Taullah, Xhelili, Ejoh, Cara, Ugo, Doda. (Varfi, Cami, Qosja, Hysi, Bërdufi, Sina, Lleshi, Shkreta, Hasa, Beqiraj, Pula, Alillari, Vrapi, Mema, Gjika). Trajner: S. Bardhi.

GJYQTARË: A. Mahmuti, U. Korra, E. Gjoni (Elbasan)

Për Besëlidhjen Erkoçeviç ishte ai që shënoi me penallti, ndërkohë që edhe Sidibe, i rikthyer nga Flamurtari, gjeti rrugën e rrjetës. Gjithsesi në fund ishin miqtë nga Cërriku ata që fituan.

Trajneri Sinan Bardhi në përfundim të ndeshjes është shprehur i kënaqur me atë që paraqiti skuadra e tij në përgjithësi dhe lojtarë të caktuar në veçanti. Turbina pret që të bëjë edhe disa afrime, ndërkohë që është programuar edhe një miqësore me Elbasanin të shtunën.

Besëlidhja – Turbina 2-3
Shënues: Erkoçeviç, Sidibe / Dibra (aut.), Bërdufi, Ugo

Turbina: Collari, Zeneli, Pashaj, Dervishi, Gazheli, Daci, Xhelili, Doda, Cara, Ejoh, Berdufi. U aktivizuan: Varfi, Cami, Lleshi, Cake, Hasa, Zholi, Qose, Sina, Shkreta, Ugo, Xhuveli, Mema, Alillari.

MARIGLEN MIRAKA

Do të jetë Leonid Varfi ai që do të mbrojë katërkëndëshin e skuadrës së drejtuar nga Sinan Bardhi. Portieri tepelenas, tashmë 21 vjeç, në të shkuarën në Shqipëri ka qenë pjesë e Dinamos, pa mundur të luajë për ta.

Së fundmi ai ka luajtur në Gjermani me SV Sparta Liçtenberg, që garon në Berlin Liga. Varfi është bindur të kthehet në Shqipëri dhe tanimë do të jetë pjesë e skuadrës së Turbinës në Kategorinë e Parë. /MARIGLEN MIRAKA/

Siç dihet, titullari Klevis Hasanbelli është larguar dhe ka shkuar tek ekipi i Laçit, kështu që kuadrati cërrikas është bosh dhe shume shpejt duhet gjetur një portierë me përvojë.

Krerët e klubit bëjnë të ditur se kanë piketuar një portier të tillë dhe janë në negociata, për të firmosur me atë që do të mbrojë portën e Turbinës në sezonin e ri. Shumë shpejt pritet që portieri i ri të arrijë marrëveshjen dhe t’i bashkohet grupit.

Mariglen Miraka

Burime brenda klubit të verdhë konfirmojnë se shumica e titullarëve të sezonit të kaluar do qëndrojnë edhe sezonin e ri. Duke filluar nga kapiteni Klevis Roshi, mbrojtësi Andrelis Pashaj e mesfushori nigerian Efiong Ejoh, janë disa emra cilësorë që do të rinovojnë.

Në vend të të larguarit Mirel Çota do të bashkohet me Turbinën sulmuesi shtatlartë Odeon Bërdufi, i cili ka qenë pjese e cërrikasve edhe me pare dhe do të rikthehet përsëri tek Turbina, aty ku shënoi 8 gola në 23 ndeshje në sezonin 2016/17.

Javen tjetër pritet që ekipi të kompletohet edhe më shumë, sepse do të kthehen edhe disa nga futbollistët që ishin me pushime. Drejtuesit e Turbinës janë duke negociuar me disa lojtarë cilësorë dhe shumë shpejt do t’i bëjnë publikë emrat që do te veshin fanellën e verdhë në këtë merkato vere.

Mariglen Miraka

Pritet që në ditët në vazhdim të kompletohet grupi i lojtarëve, ku disa nga titullarët e sezonit te kaluar janë ende me pushime.

Për sa u përket afrimeve, ato do të jene disa në këtë merkato vere. Tekniku Bardhi ka piketuar disa elemente cilesore dhe me përvojë, që kanë luajtur në Kategorinë e Parë dhe në Superiore.

Synimi i klubit është ndërtimi i skuadrës me moshë të re dhe shumë më ambicioze sesa sezonin e shkuar, kur u rrezikua rënia nga kategoria.

Mariglen Miraka

Si fillim skuadra do të jetë thuajse ajo e kampionatit të kaluar, ku do të ketë edhe disa largime. Për sa u  përket afrimeve në merkaton e verës, ato do të jenë të shumta. Janë projektuar disa lojtarë cilësorë e me përvojë te madhe. Nga sa është premtuar nga drejtuesit, do te jetë një Turbinë më e fortë dhe me pretendime të mëdha në sezonin e ri.

Sezonin e shkuar Turbina mbijetoi me vuajtje, ndaj priten ndryshime madhore, në do repart. Është larguar shënuesi kryesor i sezonit të shkuar, Mirel Çota, por mund të largohen edhe disa veteranë.

Nga Cërriku, Mariglen Miraka

Në pjesën e dytë janë vendasit më kërkues. Kanë disa mundësi goli, por sulmuesit nuk tregohen të saktë në finalizim. Në minutën e 59-të do të jetë Shyti që ndërmerr një depërtim nga e majta e sulmit të vet dhe gjuan prirazi me portën, duke shënuar golin e avantazhit dhe njëkohësisht të fitores. Më pas loja ka pasur gabime të dukshme nga të dy ekipet. Skuadrat janë munduar të luajnë më shumë në mesfushë, sidomos vendasit në administrim të rezultatit. Vetëm në minutat e fundit të takimit si rezultat i presionit, miqtë kanë disa mundësi me anë të Bajramit dhe Gërxhos, por sa për aftësi të Malit, aq edhe për nxitim të sulmuesve nuk barazojnë dot rezultatin.

Pogradeci – Turbina   2-1

Shënues: Çekiçi 7′, Shyti 59 / Agalliu 34′

Pogradeci: Mali, Shyti, Çekiçi, Pere, Jahaj (Xh. Liçkollari 46′), Pura, Hysenllari, Lame, Kllogjeri, Topllari (Kame 90’), J. Liçkollari. Trajner: Festim Fetollari

Turbina: Malaj, Agalliu, Ferhati, Qorri (Gërxho 46′), Bakiu, Taullai, Doda, Rroshi (Allamani 67′), Dollani (Sallaku 64′), Daci, Bajrami. Trajner: Sinan Bardhi

Gjyqtarë : A.Stola, R.Dorhani, E.Morina

Kartonë të verdhë: Shyti 48’ / Bakiu 34’, Dollani 43’, Rroshi 60’

Takimi miqësor mes Besëlidhjes dhe Turbinës, “ndizet” në të 20’, kur miqtë e Turbinës sulmojn rrufeshëm. Sallaku është ai që shënon, por gjyqtari vëren një prekje topi me dorë nga mbrojtja lezhjane dhe loja nis nga fundorja. Përsëri, janë miqtë cërrikas që këmbëngulin, por mbrojtësit Dibra e Dore janë në lartësinë e duhur duke i shmangur rreziqet e sulmit cërrikas. Në të 39’ janë përsëri miqtë cërrikas që sulmojnë me anë të Agalliut dhe Sallakut, sapo futen brenda zonës lezhjane pengohen në mënyrë të parregullt dhe gjyqtari drejton dorën nga pika e bardhë, ku në të 40’ ishte Sallaku që e merr përsipër penalltinë duke shënuar dhe 0-1. Pas pësimit të golit vendasit riorganizohen dhe pas dëmtimit të mesfushorit lezhjan Hepaj e zëvendëson shkodrani Dyca që debutoj për herë të parë me fanellën e Besëlidhjes dhe në të 38’ ja doli që të barazojë.

PJESA E DYTË – Fraksioni i dytë ishte edhe më i fortë, ndonëse të dyja skuadrat bënë ndërrime të shumta. Në të 50’, janë miqtë që sulmojnë me shpejtësi, por nuk ja dalin të dyfishojnë. Pas disa sulmesh të dyja skuadrat e ulën disi ritmin, por shumë shpejt lezhjanët sulmojnë dhe në të 54’ ishte Ndreca që nga e majta godet shtyllën cërrikase. Në të 60’, janë përsëri lezhjanët që sulmojnë dhe i sapo futuri Miloti nuk heziton por gjuan në kuadrat duke e mposhtur portierin mik dhe 2-1. Në të 74’ është Qori për miqtë që provon nga 30-m largësi nga e djathta e sulmit dhe topi qeth traun e e portës lezhjane. Në të 80’ Turbina ja del të shënojë me një sulm majtas, por më parë ishte ngritur flamuri i anësorit. Në të 85’ Turbina sulmoj dhe sulmin e kurorëzoj me sukses Agalliu duke barazuar dhe me këtë gol u mbyll i gjithë takimi me shifra të barabarta 2-2.

BESËLIDHJA – TURBINA 2-2

Shënues: Dyca 38’, Miloti 60’/ Sallaku 40’ (11-m), Agalliu 85’

BESËLIDHJA: Bajri, Ndreca, Dibra, Dore, Voci, I. Kamara, Met’hasani, Hepaj, O. Kamara, Bangoura, Frroku. (U aktivizuan edhe Dyca, Miloti, Malaj, Konte, Përgjoni, Gomez, Lleshi, Lleshaj)

Trajner: A. Pepaj

TURBINA: Malaj, Baçi, Sallaku, Agalliu, Taullau, Peqini, Bakiu, Mehmeti, Roshi, Gërxho, Xheni. (U aktivizuan edhe Dollani, Gazheli, Daci, Shkreta, Qori, Doka, Demollari, Doda).

Trajner: S. Bardhi

GJYQTARË: E. Gjoka, D. Përndreca, Xh. Bacaj (Lezhë)

Pas ndeshjes…

1. Pepaj, trajneri i Besëlidhjes: “Me lojën e skuadrës jam i kënaqur deri diku, pavarësisht barazimit, pasi e kam theksuar edhe herë të tjera për mua në miqësore më vlen performanca e skuadrës dhe e futbollistëve në veçanti se rezultati. Jam I kënaqur pasi pjesa e dytë ishte më e mirë se e para dhe kjo tregon se skuadra është në rritje. Tani e kemi mbyllur fazën përgatitore dhe jemi të gatshëm që të nisim sezonin futbollistik me objektiva të qarta”.

1. Bardhi, trajneri i Turbinës: “Jam i kënaqur me lojën e skuadrës dhe me performancën e saj në mënyrën se si e menaxhuan situatën. Besoj se kam një grup futbollistësh që jo vetëm se do të mbijetojmë, por ne synojmë pesëshen e parë, pasi ky është objektivi ynë final. Tashmë është mbyllur faza përgatitore dhe ditët e mbetura do ti shfrytëzojmë për të meremetuar ato mangësi që u vërejtën në këtë miqësore”.

Të dyja ekipet në fillim kanë luajtur me formacionet më të mira, ndërsa në pjesën e dytë kanë provuar disa elementë të rinj. Pjesa e parë është mbyllur në barazim pa gola, por me një Turbinë më këmbëngulëse. Përmendim këtu një tranversë të Allamanit në minutën e 22-të.

Vendasit janë munduar të shënojnë, por nuk kanë gjetur dot hapësirë në mbrojtjen mike. Pjesa e dytë ka filluar me gol, ku cërrikasit kanë shënuar me anë të mbrojtësit Agalliu në minutën e 50-të. Turbina ka pasur dhe raste të tjera për shënim, por cërrikasit kanë qenë të pasaktë para portës vendase. Këta të fundit, të plogësht në lojën e tyre, edhe pse janë munduar nuk kanë arritur dot të barazojnë. Si përfundim Turbina ka fituar falë mbrojtësit Agalliu.

Shkumbini – Turbina 0-1

Shënues: Agalliu 50’
Shkumbini: Ajazi, Bali, Xhyra, Jaupi, Bërdufi, Nexha, Vllahi, Isai, Meta, Lundraxhiu, Lluca.(U aktivizuan: Peqini, Sinani, Bullari, Lila, Shehi, Dalliu, Lleshi). Trajner:S. Branica.
Turbina: Malaj, Baçi, Peqini, Ferhati, Agalliu, Sallaku, Roshi, Taullau, Bakiu, Sulmataj, Allamani.(U aktivizuan: Demollari, Bajrami, Tafani, Cami, Luga, Beqiri, Sina, Thaçi, Gazheli, Qorri, Shero, Daci, Shkreta, Myrta, Doka, Bicaku, Kuka, Doda, Gjeçi.Trajner: S. Bardhi.
Gjyqtarë: D. Zyba, T. Sokoli, A. Spahiu (Peqin).

Maringlen Miraka

Është zhvilluar në kompleksin “Pepa” në Elbasan miqësorja midis Turbinës dhe Burrelit. Të dyja skuadrat janë paraqitur me formacionet më të mira, ndërkohë që skuadra e drejtuar nga Sinan Bardhi vuante lodhjen e një ditë më parë, pasi të mërkurën ishte përballur me skuadrën e Kamzës, që i mundi cërrikasit me rezultatin 3-1. Freskinë fizike e kanë shfrytëzuar matjanët, që kanë shënuar me Ujkën në minutën e 25’të, duke befasuar Turbinën. Janë përpjekur cërrikasit të baraspeshojnë rezultatin, por Burreli e ka mbyllur me avantazh minimal pjesën e parë. Në pjesën e dytë nisi “loja” e zëvendësimeve dhe ekipet aktivizuar djemtë e ri që po testoheshin. Në minutën e 65-të ishte Mema që realizoi golin e dytë për ekipin e drejtuar nga Shahin Berberi, ndërsa në të 72-n minutë Bali ka “vulosur” fitoren e Burrelit me rezultatin 3-0.

Turbina    0
Burreli    3
Shënues: Ujka 25’, Mema 65’, Bali 72’.
Turbina: Malaj, Peqini, Baçi, Ferhati, Beqiri, Roshi, Sulmataj, Qorri, Doda, Allamani, Sallaku. (U aktivizuan: Demollari, Agalliu, Gazheli, Sina, Shkreta, Adili, Gjeçi, Tafani, Cami). Trajner: S. Bardhi
Burreli: Hila, Sala, Lame, Mema, Kadiu, Pashaj, Mëllugja, Stana, Ujka, Farruku, Limani.(U aktivizuan: Lekgegaj, Hysa, Lika, Xhuveli, Hyka, Reçi, Bali).Trajner: Sh. Berberi.
Gjyqtarë: S. Dyrmishi, R. Preça, E. Gjoni(Elbasan).

POGRADECI – DRITA

Një tjetër miqësore është zhvilluar ditën e djeshme, teksa skuadra e Pogradecit është përballur me ekipin e Dritës së Gjilanit, që garon në Vala Superliga e Kosovës. Në formacionin e liqenorëve ra në sy prania e sulmuesit Çekiçi, por për 90 minuta Pogradeci nuk mundi të shënonte dot. Pjesa e parë e takimit u mbyll me rrjeta të paprekur, ndërkohë që dhjetë minuta pas nisjet së pjesës së dytë ishte Kastriot Rexha ai që realizoi për Dritën. Nuk vonoi shumë edhe goli i dytë, këtë herë nga Xhevdet Shabani, ndërsa golin e tretë e realizoi përparim Livoreka. Skuadra nga Kosova është më përpara me përgatitjet dhe tregoi nivel më të lartë, duke e merituar fitoren.

Pogradeci 0
Drita      3
Shënues: Rexha 55’, Xh. Shabani 67’, Livoreka 82’
Pogradeci: Mali, Hysenllari, Pere, Pura, Kllogjri, Liçkollari, Jahaj, Shyti, Topllari, Alillari, Çekiçi. Trajner: F. Fetollari
Drita: Rexhepi, Musaj, Limani, Gërbeshi, Haliti, B. Shabani, Krasniqi, Xh. Shabani, Kryeziu, Ismailaj, Fazliu. (U aktivizuan: Rexha, Livoreka, Kuka, Bislimi, Ruhani, Isufi, Salihu, Ramadani, Haliti)

Perlat e Komisionit të Etikës nuk kanë fund, mjafton të kujtojmë që më parë kanë dënuar portierin e Teutës Alfred Osmani për një estradë në Vlorë, apo dënuan Ilion Likën e Flamurtarit për një ndeshje ku portieri nuk kishte qenë as në fushë e as në stol.

Tani Etika vendos të pastrojë… Kategorinë e Parë, aty ku “është bërë m**i mullar” prej vitesh dhe shohim gallatë në muajt e fundit të çdo sezoni.

Këtë sezon gjysma e ndeshjeve (të paktën) në mars deri në maj ishin tragjikomike, me lojtarë që ecnin në fushë dhe i kërkonin ndonjë birrë arbitrit, por qenka Elbasani-Turbina “nëna e krimit”.

Që ajo ndeshje e luajtur në 30 mars dhe mbyllur 3-1 për Elbasanin ishte një stërvitore, këtë e pamë të gjithë në RTSH, por krejt papritur harrohen spektakli në shumë ndeshje të tjera, apo u harrua që vjet Këpuca e Artë nuk u dha fare nga Federata Shqiptare, me skena të turpshme si ato në Besëlidhja-Mamurrasi 6-7, ku serbi Kosta Bajiç shënonte 6 herë, duke u shpallur shënuesi më i mirë i Kategorisë së Parë. Ato supergola i vlejtën një transferim në kategorinë e dytë të Kazakistanit, elita e futbollit botëror!