1.Alesio Çerçi

Disa prej jush mund ta kujtojnë sezonin fantastik të Alesio Çerçit me Torinon në sezonin 2013/2014 ku shënoi 13 gola dhe regjistroi 10 asiste. Paraqitjet e mira me ekipin “granata” i garantuan një vend për në Botërorin “Brazil 2014” dhe më pas një transferim me vlerë 16 milionë euro te Atletiko Madrid. Çuditërisht menjëherë pas asaj vere filloi pikiata e italianit. Katër vite e gjysmë, 6 klube të ndryshme dhe vetëm 9 gola në kampionat. Së fundmi 31-vjeçari ishte pjesë e ekipit modest të Superligës turke Ankaraguçu, ku u largua pas vetëm 4 muajsh për shkak të vonesave në pagave.

2.Kevin Groskrojc

Kevin Groskrojc ishte një ndër 23 lojtarët që morën një medalje kampioni bote në Botërorin “Brazil 2014”. Tanimë futbollisti gjerman është 30 vjeç, por luan në nivele gjysmëprofesioniste. Bëhet fjalë për ekipin e Uerdigen që militon në kategorinë e tretë gjermane. Rrugëtimi i Grosrojc është i tepër i veçantë nga titullar i padiskutueshëm te Borusia Dortmund në katër vite përfundoi në kategorinë e tretë gjermane, për më tepër është akoma në një moshë ku supozohet të jetë ende në kulmin e tij. Gjermani  nuk pa pasur asnjë dëmtim afatgjatë, por ndoshta bëmat jashtë futbollit kanë ndikuar në këtë rënie drastike.

3.Benedikt Hëvedez

Në ndryshim nga Groskrojc që nuk u aktivizua në asnjë ndeshje në Botërorin e 2014-ës Benedikt Hëvedez bëri krejt të kundërt. Titullar me minuta të plota në 7 ndeshjet historike të Gjermanisë gjatë atij turneu, duke bërë një punë të shkëlqyer si mbrojtës i majtë, edhe pse nuk ishe pozicioni i ideal. Të gjithë prisnin që futbollisti shtatlartë të largohej nga Shalke, që e bëri pasi u huazua nga Juventusi në një marrëveshje me të drejtë blerje, por aventura në Torino rezultoi një katastrofë. Tani luan në kampionatin rus ku ka firmosur me Lokomotivën e Moskës.

4.Fabio Koentrao

Për vite me radhë Fabio Koentrao u bë një makth për brazilianin Marselo duke e ulur në stol në periudha të ndryshme yllin e “Seleçaos” kur ishte pjesë e Real Madrid. Tanimë 31-vjeçari ka pësuar një regres të frikshëm. Kombëtarja e Portugalisë e ka harruar krejtësisht. Koentrao tani aktivizohet me Rio Aven, skuadër e mesit të tabelës në kampionatin portugez. Portugezi ka pasur një reputacion si një duhanpirës i thekur dhe si një nga ata lojtarë që nuk rrinin dot më shumë se një javë larg klubeve të natës, ndoshta kjo ka ndikuar jo pak.

5.Arda Turan

Një ndër heronjtë  e titullit të Atletiko Madrid në sezonin 2013/2014 ishte padyshim Arda Turan. Barcelona mori shërbimet e turkut për 40 milionë euro, por kalimi te katalanasit nuk dha rezultatet që të dyja palët prisnin. Turan tani është rikthyer në Turqi te skuadra e Bashakshehirit, por jeta në një qytet si Stambolli nuk mund të ishte e qetë për mesfushorin, i cili krahas stolit të rezervave ka provuar dhe qelitë e shtetit turk për shkak të një sherri në një klub nate.

Në dy vitet e fundit 32-vjeçari ka qëndruar në huazim te skuadra e Bashakshehirit në kampionatin turk. Mesfushorit ka dhe një vit në kontratë, por dëshira e drejtuesve është që ta shesin për një shumë minimale.

Megjithatë, edhe kjo gjë po rezulton mjaftë e vështirë. Turan nuk është më lojtari që jemi mësuar ta shikojmë kur shkëlqente të Atletiko dhe kjo gjë dihet mirë nga të gjithë. Si të mos mjaftonte kjo rënie në formë e turkut, Turan njihet për problematikat e shumta jashtë fushe.

Paga prej 7 milionë eurosh po bëhet pengesë për transferimin e lojtarit. Asnjë klub nuk pranon t’i ofrojë një kontratë me kushte të ngjashme. Nëse situata qëndron e njëjtë, drejtuesit e Barcelonës s’do kenë zgjidhje tjetër përveç se ta çojnë lojtarin në ekipin rezervë për pjesën e mbetur të sezonit.

Nuk marrin fund telashet për Arda Turan, pasi emri i këtij të fundit është shfaqur në dosjet e prokurorisë, pikërisht për ngjarjen e sipërpërmendur. Ish-lojtari i Barcelonës është në telashe dhe nëse vërtetohen akuzat në drejtim të tij atëherë do të ishte një goditje mjaft e madhe për të.

Turan u përfshi në një skandal pak ditë më parë, ku u bë pjesë e një konflikti, për shkak se kishte ngacmuar një femër, por këtë radhë bëhet fjalë për një çështje shumë madhore, çka do të ishte shumë e rëndë për të, pasi pasojat nuk do të ishin të vogla. Turan ka një karrierë të pasur pasi në të shkuarën, veç Barcelonës është aktivizuar dhe në klube si Atletiko Madrid e Gallatasarai. Së fundmi 31-vjeçari luan tek Bashakshehiri. Po ashtu pjesë e këtij hetimi janë dhe ish-lojtari i Milanit, Emre Belozoglu dhe ish-trajneri i Interit Okan Buruk.

Mesfushori i huazuar nga Barcelona te Bashakshehiri në Turqi është në qendër të vëmendjes për arsyen e gabuar. Para pak ditësh futbollisti i kombëtares turke u përfshi në një konflikt me një këngëtar turk, Berkaj Shahin, të cilit i ngacmoi bashkëshorten. Sherri në një klub nate degjeneroi në dhunë fizike, ndërsa më pas Arda shkoi i armatosur në spital, ku debatoi sërish me Berkaj  duke qelluar një herë drejt dyshemesë.

Tani Arda Turan ka mësuar akuzat që rëndojnë ndaj tij: ngacmim seksual, armëmbajtje pa leje dhe dhunë fizike. Edhe Berkaj rrezikon 2 vite burg.

Shpresa e Turan është që të përfitojë nga statusi i tij prej futbollisti me më shumë se 100 ndeshje me kombëtaren, por mbi të gjitha nga fakti se është një mbështetës i deklaruar i presidentit Rexhep Tajip Erdogan, duke dalë edhe në mitingjet e “sulltanit” turk.

Mediet turke raportojnë se futbollisti po ngacmonte gruan e një këngëtari të famshëm turk dhe kur këngëtari në fjalë e ka konfrontuar, Turan e ka goditur me disa grushte duke bërë që ai të përfundonte në spital.

Por, historia nuk mbaron me kaq. Sipas medies turke “Haberler”, Turan ka shkuar më pas në spitalin ku ishte shtruar këngëtari i rrahur me një pistoletë, që më pas ia ka dhënë gruas së këngëtarit duke i thënë: Më vrit! Një histori e denjë për një film hollivudian.

Mesfushori i Barcelonës, 96 ndeshje me kombëtaren, ka braktisur Turqinë pas miqësores së barazuar 0-0 në Maqedoni.

Në fluturimin e kthimit nga Shkupi Turan u grind keqas me një gazetar, zënka e disatë e tij sa herë është i grumbulluar me Turqinë.

Pas kthimit në Turi 30-vjeçar i Barcelonës ka lajmëruar tërheqjen nga kombëtarja: “Mendoj se erdhi momenti, po e mbyll me kombëtaren”.

Një lajm i mirë për Kosovën, sepse Turan është një nga yjet e kombëtares turke dhd largimi i tij trondit jo pak ekipin e drejtuar nga Fatih Terim.