Sipas “blic” ky vendim i papritur i trajnerit vetëm pak minuta para fillimit të ndeshjes vjen si pasojë e presionit kryesisht politik. Presidenti i Federatës Malazeze të Futbollit, Dejan Saviçeviç, i ofroi teknikut 66-vjeçarin mundësinë e vijimit të punës pas ndeshjes së sotme, por ka qenë vetë Tumbakoviç që ka refuzuar këtë ofertë, duke u shprehur se nuk do ishte profesionale që të rikthehet një trajner që braktis skuadrën.

Krahas trajnerit edhe dy lojtarë të tjerë kanë refuzuar të luajnë kundër Kosovës. Bëhet fjalë për dyshen e futbollistëve të Cërvena Zvezdës, Mirko Ivaniç dhe Filip Stojkoviç, të dy lojtarë të etnisë serbe. Me shumë gjasa ky vendim mbyll përgjithmonë karrierën e tyre me fanellën e kombëtares malazeze.

FORMACIONET
Mali i Zi: Mijatoviç, Marushiç, Vujaçiç, Simiç, Saviçeviç, Kosoviç, Sçekiç, Beqiraj, Mugosha, Jankoviç, Veshoviç

Kosova: Muriç, Vojvoda, Rrahmani, Aliti, Paqarada, Halimi, Voca, Celina, Rashica, Zeneli, Muriqi

Në fjalën e tij për mediat britanike, Tumbakoviç tha: “Ne si staf teknik mundohemi të jemi sa më të sinqertë me lojtarët tanë, t’iu tregojmë të vërtetat në sy. Gjatë gjithë stërvitjeve, iu kam thënë se nuk mund t’i ndihmoj aspak, pasi Anglia nuk ka asnjë pikë të dobët. E kisha përgatitur Anglinë për një mbrojtje me 3, ku mund t’i godisnim nga krahët, pasi ajo ishte pika e vetëm e dobët e tyre.

Por Sauthgejt është kthyer me katër mbrojtës dhe me lojtarë anësorë si Sterling dhe Sanço, që për mua janë më të mirët në botë në rolin e tyre për momentin. Mision i pamundur të gjesh pika të dobëta te kombëtarja e Anglisë”, përfundoi Tumbakoviç.