Numri një i stolit të PSG-së foli sot për mediat franceze, ku iu përgjigj pyetjeve mbi merkaton: “Transferimet janë pjesë e futbollit. Nëse më pyesni për të ardhmen e Nejmar dhe Mbape, nuk mund t’iu them nëse ata do të qëndrojnë apo jo.

Normalisht, dëshira ime është të qëndrojnë, pasi janë lojtarë kampionë, por dhe nëse largohen, alternativat për t’i zëvendësuar nuk mungojnë”, tha tekniku gjerman. Disa ditë më parë, vetë Mbape pati deklaruar se këtë merkato vere, mund të ndërrojë destinacion.

Para këtij takimi, Tuhel tha: “Aktualisht, po kalojmë një periudhë të cucditshme. Kemi fituar kampionatin, kemi humbur Kupën. E gjitha ajo që mund të them është se nuk kemi lojtarë të mjaftueshëm për të krijuar rivalitet në skuadër dhe jam i limituar në zgjedhjet e mia. Është e njëjta situatë prej javësh tashmë dhe kjo gjë nuk është normale.

Atmosferë jo e qetë në “Parc de Prince”? Ka mundësi, pasi tifozët na kanë dalë kundër që kur u eliminuam nga Liga e Kampionëve përballë Junajtid. E kuptoj se janë të mërzitur për mbarëvajtjen e këtij sezoni dhe më duhet ta pranoj këtë gjë. Nuk do të jetë e thjeshtë për lojtarët e mi”, u shpreh Tuhel.

Sipas burime të “L’Equipe”, trajneri i parisienëve Tomas Tuhel ka filluar të humbasë besimin e lojtarëve të skuadrës së tij dhe për të rregulluar raportin trajner-lojtar pritet që presidenti i klubit Naser Al-Kelaifi të bëjë një mbledhje emergjente, në përfundim të secilës do të vendoset fati i teknikut gjermanit.

Gjatë javëve të fundit Tuhel është munduar t’i shmanget kritikave, por është e qartë që midis tij dhe lojtarëve po krijohet një hendek i madh.

20-vjeçari foli para mediave me një sinqeritet të madh dhe nuk u përmbajt aspak, duke thënë: “Ekip pa personalitet. Kjo është një nga pikat tona të dobëta. Duhet korrigjuar sa më shpejt! Luajtëm sikur të ishim të gjithë debutues”, tha kampioni i botës.

Ndërsa trajneri Tomas Tuhel, ishte më i përmbajtur: “Është e lehtë të dalësh para mediave dhe të thuash ato që tha Kilian, por duhet të qëndrojmë të qetë, pasi pavarësisht gjithçkaje, skuadra bëri një ndeshje relativisht të mirë. Në futboll, ka dhe humbje të tilla, që tregojnë disa pika të dobëta, por ne jemi këtu për t’u përmirësuar dhe për t’u rritur sa më shumë”.

Megjithatë, deklarata nuk ka kaluar pa një dënim nga ana e klubit. Mbape nuk u grumbullia në takimin e sotëm ndaj Nantës, ku me shumë gjasa PSG do të festojë titullin kampion.

? Tonight's starting XI ? @FCNantes! ? #FCNPSG

?? #AllezParis pic.twitter.com/04jhuWpEha

— Paris Saint-Germain (@PSG_English) April 17, 2019

Sipas “RMC Sport”, Tuhel ka firmosur një rinovim 1-vjeçar që e çon kontratën e tij aktuale me kampionët e Francës deri në qershor të vitit 2021.

Tuhel vlerësohet për fleksibilitetin taktik dhe menaxhimin e grupit. Ish-trajneri i Dortmundit ka gjithashtu një plus të madh, pasi është i aftë të komunikojë në pesë gjuhë të ndryshme.

Presidenti Al-Kelaifi pas ndeshjes deklaroi se nuk do të merret asnjë vendim në gjaknxehtësi e sipër dhe nuk do të ketë revolucion, por në verë gjithsesi pritet ndryshime madhore.

Pronarët e PSG-së duan sukses me çdo kusht, por nuk mund të shpenzojnë më si në të shkuarën, sepse kanë probleme me Fair-Play financiar.

Sipas L’Equipe, eliminimi i shpejtë nga Champions League krijon një gropë gjigante në financat e klubit, që humbet premiot e UEFA-s, fondet nga e drejta televizive, reklamat dhe biletat. Në total, bëhet fjalë për rreth 150 milionë euro që duhen rikuperuar, për të mos u dënuar nga UEFA.

Lojtarë si Tomas Monier, Kristofer Nkunku e Hese Rodrigez do të shiten, por nuk është çudi që të sakrifikohet një nga yjet e sulmit, me Nejmar që do të jetë sërish në fokusin e Real Madridit.

Për sa i përket trajnerit Tomas Tuhel, “Le Parisien” raporton se PSG ka ndërmend t’i ofrojë rinovim, duke ia çuar kontratën nga 2020 në 2022.

“Duhet të kishim shënuar më shumë se 2 gola, por gjithsesi treguam se jemi gati. Them me bindje të plotë se kjo ishte ndeshja perfekte para sfidës kundër Mançester Junajtid, ku nuk na lejohen hapa fals”, shtoi trajneri gjerman i francezëve.

Në fund ai foli edhe për lojtarë të veçantë: “Mbape bëri një ndeshje të mirë, Areola po ashtu. Më impresionoi Kurzava, që në krahun i majtë ishte i pakalueshëm. Jemi në një moment të mirë dhe kemi shumë rezultate pozitive radhazi. Jemi gati për sfidën kundër Junajtid”.

“Di Maria është shumë kompetitiv. Ashtu si të gjithë lojtarët e tjerë që janë nga Amerika e Jugut. Tifozët e Junajtid u munduan ta ngacmonin që të ndikonin në paraqitjen e tij, por kjo gjë e bëri më të fortë. Në fillim, ishte disi jashtë skemave, gjë normale duke parë pritjen që i bënë, por më pas mori skuadrën para dhe bëri një ndeshje të shkëlqyer.

Nuk e di nëse unë kam ndikuar në paraqitjen e tij, pasi po humbiste disa topa të thjeshtë kur luante në krahun ku ishin pankinat, por loja dhe niveli i tij u rritën ndjeshëm me kalimin e minutave dhe vendosa të mos e zëvendësoj. Bëri një punë të jashtëzakonshme dhe jam shumë i lumtur për këtë”,- përfundoi Tuhel.

Kampionët e Francës e dinë mirë se pika e tyre e dobët është mesfusha dhe pas dështimit për të marrë mesfushorin e Napolit, ata kanë hedhur sytë nga kampionati anglez, më konkretisht te skuadra e Uotfordit.

Bëhet fjalë për mesfushorin Abdulaje Dukure. Ky i fundit ka qenë prej kohësh në “radarin” e kampionëve të Francës, por gjithmonë si një plan B. Sipas raportimeve të medieve angleze, futbollisti franceze kërkon të kthehet në vendlindje me çdo kusht dhe për këtë u ka bërë të  qartë drejtuesve.

Për të  bërë të tyrin 26-vjeçarin, PSG-së i duhet të derdhë mbi 50 milionë euro në arkat e Uotfordit. Kalimi te PSG-ja do t’i siguronte Dukuresë një kontratë “faraonike” dhe do të rriste ndjeshëm shanset e tij për t’u grumbulluar për herë të parë në kombëtaren franceze, diçka kjo që ka mbetet një ëndërr në sirtar për të.

Gjithsesi, Tuhel u shpreh sot se nuk është ende i kënaqur dhe nuk e zë gjumi nëse bordi drejtues nuk i merr dhe disa lojtarë të tjerë. Në fjalën e tij, trajneri gjerman u shpreh:

“Jam i shqetësuar, nuk më zë gjumi! Bordi më ka premtuar se do të ndërhyjnë në merkato dhe do të marrin të paktën një futbollist, por deri sa kjo gjë të konkretizohet, unë jam shumë i shqetësuar”,- tha Tuhel, që tashmë do t’i duhet të bëjë pa shërbimet e Rabiot, që duket i larguar.

Në Francë mediat raportojnë se gjermani ditët e fundit ka vizituar disa restorante të njohur në Paris, për të biseduar me pronarët e tyre, me synimin për të kontrolluar cilët futbollistë i frekuentojnë dhe çfarë hanë zakonisht.

Nuk bëhet fjalë vetëm për ushqimin, sepse Tuhel ka vizituar edhe klubet e natës më në zë në Paris, për të pyetur nëse lojtarët e tij shkojnë aty dhe kur shkojnë.

Një gjë të tillë e ka bërë me sukses të madh Aleks Ferguson, që nga koha kur drejtonte Aberdinin e vogël në Skoci dhe shkonte nga pabi në pab, për të kapur mat lojtarët e tij.