Tripier

Anglezi i parë në 95 vite, Atletiko zyrtarizon blerjen e radhës

Sport Ekspres — Wed, 17 Jul 2019 16:29:58 +0000

Atletiko Madrid nuk di të ndalet. Pasi ka siguruar firma shumë të rëndësishmë këtë merkato vere, “Colchoneros” kanë siguruar edhe shërbimet e mbrojtësi anglez, Kieran Tripier. Anësori i djathtë luante prej shumë vitesh te Totenhem, skuadër tek e cila u transferua nga Bërnli.

Një karrierë me një ngjitje shumë të shpejtë ajo e Tripier, e cila arriti pikun vitin e kaluar, ku bëri shumë mirë për “Gjelat” e Londrës dhe për kombëtaren angleze të futbollit në Botërorin “Rusi 2018”. Një përforcim shumë i rëndësishëm për Atletikon, që zgjodhi Tripier para mbrojtësit kuqezi, Elseid Hysaj.

? | Acuerdo con el @Spurs_ES para el traspaso de @trippier2.

??????? El internacional inglés ha firmado su contrato para las 3 próximas temporadas ?

? ¡Bienvenido a la familia atlética! ???
? https://t.co/ToPG7Tb7JC #BienvenidoTrippier #AúpaAtleti pic.twitter.com/mpgTuXAeq1

— Atlético de Madrid (@Atleti) July 17, 2019

E kryer | Hysaj – Atletiko “Game Over”, firmos mbrojtësi anglez

Sport Ekspres — Tue, 16 Jul 2019 14:43:23 +0000

Atletiko Madrid i ka dhënë fund kërkimit për një mbrojtës të djathtë. Mediet angleze po raportojnë bashkërisht se futbollisti i Totenhem, Kieran Tripiër, ndodhet në Madrid në këto momente. 28-vjeçari po zhvillon vizitat mjekësore dhe në orët në vazhdim pritet zyrtarizimi.

Atletiko ka paguar 30 milionë euro për transferimin e anglezit. Kjo marrëveshja mbyll dhe mundësinë e kalimit të futbollistit shqiptar Elseid Hysaj te skuadra e drejtuar nga Diego Simone. Tekniku argjentinas ka tani në dispozicion të tij dy mbrojtës të djathtë të një niveli të lartë si Santiago Arias dhe i porsaardhuri Tripiër.

30 mln euro gati, Juventusi gjen zëvendësuesin e Kanselos

Sport Ekspres — Sun, 16 Jun 2019 15:56:14 +0000

Juventusi me shumë gjasa do të humbasë shërbimet e portugezit Zhoao Kanselo. Mbrojtësi i djathtë kërkohet me ngulm nga Guardiola dhe Mançester Siti nuk e ka problem të shpenzojë. Kanselo luajti si i huazuar te Interi para dy sezonesh, ndërsa në fillim të sezonit të shkuar, u transferua përfundimisht te Juventusi.

Pas dy vitesh në Serie A, duket se portugezi dëshiron të ndryshojë ambient. Juventusi nuk e ka në plan ta ndalë, madje ka nisur punën për të gjetur zëvendësuesin e tij. Sipas mediave britanike, “Zonja e Vjetër” po studion situatën e Kieran Tripier.

Mbrojtësi i Totenhemit është nxjerrë në shitje nga skuadra londineze dhe po prêt oferta. Pasi bisedimet e tij me Napolin nuk u konretizuan me sukses, anglezi mund të nisë bisdemimet me Juventusin, që ka bërë gati 30 milionë euro për të siguruar kartonin e Tripier.

Sauthgejt largon katër lojtarë, “Tri Luanët” gati për Holandën

Sport Ekspres — Mon, 27 May 2019 19:58:04 +0000

Gareth Sauthgejt i është dashur të largojë katër lojtarë nga grumbullimi i tri luanëve për të plotësuar listën përfundimtare me 23 futbollitë për finalen e turneut të “Nations League”, ku përfaqësuesja që ai drejton ndeshet në gjysmëfinale me Holandën.

Katër lojtarët që s’do ia dalin të jenë pjesë e turneut debutues janë Nejthën Redmond, Xhejms Uard-Prous, Herri Uinks dhe Kieran Tripier, ky i fundit ishte një ndër lojtarët më të mirë të Anglisë në Botërorin “Rusi 2018”, por forma e mirë e Kalj Uokër dhe Trent Aleksandër-Arnold ka bërë që 28-vjeçar të mbesë jashtë listës.

? Kieran Trippier
? Harry Winks
? James Ward-Prowse
? Nathan Redmond

England have trimmed their squad for the #NationsLeague finals next month

— Sky Sports News (@SkySportsNews) May 27, 2019

Lamtumira e veteranit Huanfran, Atletiko gjen pasuesin në Premier

Sport Ekspres — Thu, 23 May 2019 07:18:00 +0000

Huanfran ka qenë një nga lojtarët më besnikë te skuadra e Atletiko Madridit. Edhe pse jo një nga mbrojtësit më të mirë në botë, spanjolli ishte luftarak dhe punëtor, një lojtar tipik për Diego Simeonen. Por vitet kaluan dhe veterani u largua nga Atletiko këtë sezon, çka ka bërë që drejtuesit të nisin punën për të gjetur pasuesin e tij.

Një emër që po lakohet shumë këtë merkato është mbrojtësi i djathtë i Totenhemit, Kieran Tripier. Anglezi nuk preferohet më nga Poçetino, i cili i beson verëberisht francezit Serzh Ariuer. Si pasojë, Tripier mund të lëvizë dhe Atletiko ka filluar të lëvizë gurët.

Një ofertë rreth 25 milionë euro mund të pranohet nga “Gjelat” e Londrës dhe në rast se Atletiko arrin të gjejë gjuhën e përbashkët me ekipin londinez, atëherë Tripier do të vishte fanellën e “Los Colchoneros”.

Formacioni i javës në Angli, surpriza është një shqiptar

Sport Ekspres — Wed, 14 Nov 2018 08:25:08 +0000

Kampionati anglez konsiderohet si më i forti ndër 5 ligat elitare në Europë. Sigurisht që për të qenë pjesë e 11 më të mirëve duhet që të shkëlqesh në një ndeshje. Ajo që bie në sy është se në 11-shen e përzgjedhur nga “Sky Sports” rezulton dhe një shqiptar.

Më se normale që formacioni i javës dominohet nga lojtarë të 5 skuadrave të para, duke nisur me Loris të Totenhemin që është përzgjedhur si “gardiani” më i spikatur. Në mbrojtje është radha e Tripier, Laporte Alonsos dhe surprizës Shkodran Mustafi, siç dhe vetë sajti prestigjioz e ka konsideruar. Një vlerësim jo i vogël për Mustafin, i cili ndonëse është një lojtar me origjinë shqiptare ka zgjedhur që të përfaqësojë skuadrën e Gjermanisë, ku dhe ka fituar Kupën e Botës.

Në repartet e avancuara nuk mund të mungonin emra si Muhamed Salah, David Silva, Stërling e Sigurdson. Në sulm Hazard dhe Aguero kanë bërë më mirë se sulmuesit e tjerë në javën e 12-të të Premier League-s.