Trezeguet

Aston Vila për t’u marrë shembull, projekton goditjen e bujshme

Sport Ekspres — Sat, 20 Jul 2019 16:07:13 +0000

Kjo merkato, nuk ka parë vetëm emrat e mëdhenj të futbollit të bëjnë shpenzime, por dhe një skuadër si Aston Vila. E ngjitur këtë sezon në Premier Ligë, skuadra anglez vazhdon të jetë aktive në merkato, madje ka filluar të rivalizojë edhe me ekipe “Big” për firmat e disa lojtarëve.

Siç raporton SkySport, ekipi nga Birmingami ka përgatitur një ofertë prej 10 milionë eurosh për futbollistin Mahmoud Hasan, ose i njohur ndryshe me emrin Trezeguet. Futbollisti i kombëtares së Egjiptit është një nga lojtarët më të mirë të futbollit afrikan dhe aktualisht, mbron ngjyrat e Kasipasës në Turqi, aty ku u transferua nga ekipi i Anderlehtit.

24-vjeçari kërkohej me ngulm edhe nga Ajaksi, por kampionët e Holandës po presin shitjen e Zijesh, i cili vazhdon të mbetet në Amsterdam. Duket se Aston Vila do të sigurojë një lojtar shumë cilësor dhe për vetëm 10 milionë euro, kjo është padiskutim një goditje e zgjuar.

“Lypës të mbaruar, s’fitoni as 2000 euro”, arrestohet i dehuri Trezëge

Sport Ekspres — Sat, 20 Jul 2019 07:48:29 +0000

Ish-lojtari i njohur i Juventusit, David Trezëge, ka përfunduar në qelitë e paraburgimit në një prej komisariateve të Torinos. Sipas “Gazzeta Dello Sport”, ish-futbollisti francez u vu në pranga pasi policia konstatoi se 41-vjeçari po i jepte makinës në gjendje të dehur.

Niveli i alkoolit në gjakun e francezit e kishte tejkaluar në mënyrë të frikshme limitin lejuar sipas ligjeve italiane me një rezultat prej 1.7 gram alkool për litër. Ndër të tjera mësohet se Trezëge ka bërë rezistencë për të shmangur testimin e alkoolit, por në fund është detyruar t’u bindet urdhrave të policisë italiane.

Shtyrë nga alkooli i tepërt që kishte konsumuar, ish-futbollisti ka filluar të shajë policit duke iu thënë: “Jeni një tufë lypësish të mbaruar, nuk fitoni as 2000 euro në muaj“. Së fundmi mësohet te Trezëge ka lënë qelitë e paraburgimit, por për të marrë mbrapsht patentën do i duhet të presë me muaj.

Ideja e re e Tares, Lacio interesohet për shokun e Sadikut

Sport Ekspres — Sat, 29 Dec 2018 21:12:55 +0000

Igli Tare vazhdon punën për gjetjen e elementëve cilësorë për përforcimin e Lacios. Drejtori sportiv i bardhekaltërve pëlqen shumë Mahmud Ibrahim Hasan, ose i njohur ndryshe si Trezege. 24-vjeçari egjiptian luan me ekipin e Kasimpashës, aty ku aktivizohet dhe Loret Sadiku.

Sulmuesi i krahut është ndjekur nga skautë të klubit lacial gjatë kohëve të fundit dhe Tare po përgatit ofertën për lojtarin. Trezege ka një kontratë deri në verën e vitit 2021 me ekipin turk dhe ai do e mirëpriste një transferim në Serie A.

Trezege

Tares i duhet të gjejë marrëveshjen me drejtuesit e Kasimpashës, ndërsa Trezege, i cili zhvilloi paraqitje të mira me Egjiptin në Botërorin e Rusisë, ka shënuar 5 gola në kampionat këtë sezon

Juventusi me ambasador të ri, i beson një njohjeje të vjetër

Sport Ekspres — Thu, 08 Nov 2018 17:24:34 +0000

Ditën e sotme klubi i Juventusit ka njoftuar në një deklaratë zyrtare se ka vendosur një ambasador zyrtar për tre vitet e ardhshme. Ambasadori më i ri i “Zonjës së vjetër” do të jetë pikërisht, David Trezege.

Sulmuesi, i cili bëri epokë me aktivizimet e tij te Juventus, duket se është vlerësuar nga drejtuesit bardhezinj dhe i është dhënë posti i ambasadorit. Trezege është gjithashtu dhe golashënuesi më i mirë i huaj i të gjitha kohërave, për Juventusin.

Francezi kaloi plot 10 vite me fanellën bardhezi, pasi u largua nga Monako në vitin 2000. Tashmë 41-vjeçari, pasi shkëlqeyu në fushë me Juventusin, ka për detyrë ta prezantojë atë jashtë fushë.