Përveç trofeut, fitues i Kupës së Kosovës merr një biletë për në raundet kualifikuese të “Europa League”, një mundësi kjo që nuk u jepet asnjë prej skuadrave në kampionat, me përjashtim të fituesit që shkon në raundin e parë kualifikues të Champions League.

Feronikeli 2 – 0 Ballkani (Rezultati i përgjithshëm 4 – 1)
Shënues: Lladrovci 17’, Magani 82’

Trepça 89 0 – 1 Vëllaznimi (Rezultati i përgjithshëm 4 – 1)
Shënues: Gashi 25’

Sulmuesi shtatlartë shënoi edhe dy herë të tjera nga pika e penalltisë, duke vulosur fitoren dhe duke u ngjitur në kuotën e 17 golave në krye të renditjes së golashënuesve.

Ky trepikësh e ngjit ekipin nga Drenasi në vendin e parë me 65 pikë, po aq sa ka edhe Prishtina dhe dy më shumë se Llapi i vendit të tretë.

Ndeshja tjetër  e zhvilluar në Gjilan është mbyllur në barazim 1-1. Drita dhe Trepça ’89 kanë ndarë nga një pikë, që i vlejti më shumë ekipit nga Mitrovica. Miqtë kaluan të parët në avantazh me anë të francezit Traore, ndërsa Xhevdet Shabani barazoi për Dritën 13 minuta përpara fundit të ndeshjes.

Drita – Trepça ’89 1-1
Shënues: Shabani 77’ / Traore 27’

KEK-u – Feronikeli 0-4
Shënues: Karioka 27’, Rexha 30’, 45’ (pen), 80’ (pen)

Protagonisti i takimit ishte 22-vjeçari Ëngjëll Hoti. Lojtari i rritur në Gjermani shënoi dy golat që i dhanë fitoren skuadrës së “minatorëve”.

Trepça 89’ 2 – 0 Ballkani
Shënues: Hoti 17’, 62’

Kjo fitore e ngjit Llapin në vendin e dytë me 57 pikë. Feronikeli kryesues ndodhet dy pikë më shumë dhe do të luajë të hënën në Prizren përballë Lirisë, sikurse Prishtina (56 pikë) udhëton në të njëjtën ditë në Ferizaj.

Drenica siguroi një fitore qetësie në shtëpi përballë Trepça ’89. Dygolëshi i Kreshnik Ukës, golashënuesit më të mirë të ekipit, vendosi ndeshjen. Ky ishte rezultati i gjashtë pozitiv për vendasit, ndërsa ekipi nga Mitrovica vazhdon të jetë afër zonës së rrezikut.

IPKO SUPERLIGA E KOSOVËS – Java 26

E shtunë, më 6 prill 2019, ora 15:00

Drenica-Trepça ’89 2-0
Shënues: Uka 10’, 55’

KEK-u-Llapi 0-1
Shënues: Vitija (aut) 73′

Ndeshja nuk pati më gola dhe nga kjo pikë përfiton më shumë Trepça që është ngjitur në kuotën e 29 pikëve, ndërsa Gjilani renditet në vendin e gjashtë me 33 pikë.

Drenica nuk hasi aspak probleme për të mposhtur me goleadë KEK-un e vendit të fundit. Miqtë nuk fitonin në kampionat që nga 23 shkurti, kur mposhtën Ferizajn në shtëpi me rezultatin 3-1.

Elshani dhe Uka shënuan dy gola të shpejtë për Drenicën, ndërsa Eminhaziri shkurtoi rezultatin në fundin e pjesës së parë. Miqtë shënuan edhe dy herë të tjera në fillimin e pjesës së dytë, ndërsa vulosën “manitin” në minutat e fundit. Kjo fitore e ngjit Drenicën në vendin e pestë me 33 pikë, ndërsa KEK-u mbetet në vend të fundit me vetëm një pikë.

IPKO SUPERLIGA E KOSOVËS – Java 24

Gjilani 1–1 Trepça ‘89
Shënues: Perez 3’ / Hyseni 47’

KEK-u 1-5 Drenica
Shënues: Eminhaziri 37’/ Elshani 4’, Uka 13’, Mëziu 54’, Grajqevci 57’

Ekipi nga Drenasi ishte i papërmbajtshëm në pjesën e dytë, duke shënuar edhe katër gola të tjera. Djemtë e Ramadanit janë ngjitur në kuotën e 55 pikëve dhe Llapi i vendit të dytë është 7 pikë më pak.

KEK-u ishte pranë marrjes së pikës së dytë në kampionat, por Gjilani shënoi dy gola në minutat shtesë. Asani dhe Perez rikthyen vendasit te fitorja, që mungonte që nga 12 janari (1-0 përballë Ferizajt). Ky trepikësh e ngjit Gjilanin në vendin e pestë me 32 pikë, ndërsa miqtë mbeten në vendin e fundit me 1 pikë.

IPKO SUPERLIGA E KOSOVËS – JAVA 23

E diel, më 17 mars 2019, ora 14:00

Gjilani-KEK-u 2-0
Shënues: Asani 90+3′, Perez 90+5′

Feronikeli-Trepça ’89 5-0
Shënues: Pllana 29’, Hoti 47’, Karioka 51’, Silva 60’, Rexha 84′

Trepça ’89 e pa veten në disavantazh shumë shpejt, pasi Veliu kaloi Llapin në avantazh. Gjithsesi ishte Rusi ai që u kundërpërgjigj. Januzi, sulmuesi kryesor i skuadrës vendase, riktheu epërsinë. Në fund të pjesë së parë skuadrës nga Mitrovica iu anulua një gol.

Diauara kishte mundësinë të barazonte në fillim të pjesës së dytë,por goditi tranversën nga pika e bardhë e penalltisë. Llapi golin e qetësisë e shënoi vetëm në shtesë dhe ishte i zakonshmi Festim Alidema ai që gjeti rrugën e rrjetës.

Drita nuk bëri një ndeshje të mirë, por gjithsesi e mposhti Ferizajin. Një goli realizuar që në fillim nga Nuabeze vendosi gjithçka dhe skuadra nga Gjilani mori pikët e plota. Skuadra mike u përpoq shumë në pjesën e dytë të barazonte, por nuk e shfrytëzoi tërheqjen e Dritës.

IPKO SUPERLIGA E KOSOVËS – Java 22
E shtunë, më 9 mars, ora 13:30

Drita-Ferizaj 1-0
Shënues: Nuabeze 14’
Llapi-Trepca ’89 3-1
Shënues: Veliu 7’, Januzi 32’, Alidema 91’ / Rusi 20’

Bëhet fjalë për të riun Bujar Pllana, i cili do të testohet në muajin janar te klubi kroat. Në të ardhmen pritet që edhe të tjerë lojtarë nga Trepça ’89 të tentojnë të bëhen pjesë e futbollit kroat.

“Angazhimi i Kryesisë së klubit nuk ka të ndalur për afirmimin e talenteve të rinj. Për super talentin Mitrovicas BUJAR PLLANA, lojtar i KF Trepça’89, tregon interesim gjiganti kroat NK Dinamo Zagreb. Në adresë të klubit vjen edhe zyrtarisht ftesa për testimin e lojtarit në fjalë në grumbullimin e kampit testues të talenteve, që do të mbahet prej periudhës 13.01.2019 deri më 30.01.2019 në stadiumin MAKSIMIR të NK Dinamo Zagreb. Sipas deklaratës së Presidentit Zeka edhe në afatin e qershorit priten testime të talenteve tjerë”, njofton klubi nga Mitrovica.

Trepça është mundur në shtëpi nga skuadra e Feronikelit, që dominoi gjatë gjithë lojës. Lladrovci ishte autori i golit të parë. Ish-lojtari i Kukësit goditi saktë me kokë, duke shënuar golin e avantazhit. 5 minuta para fundit të pjesës së parë ishte një tjetër lojtar që ka luajtur në Superligën Shqiptare që gjeti rrugën e rrjetës. Ish-lojtari i Partizanit, Astrit Fazliu, dyfishoi rezultatin. Në të 81-ën ishte Lladrovci që në tentativë për të pastruar zonën e çoi topin në fundin  rrjetës së tij, me ndeshjen që u bë mjaft emocionuese në minuta e mbetura.

Drita nuk mundi që në 90 minuta të arrinte të fitonte ndaj ekipit Vitia, duke barazuar në shifrat 1-1. As minuta shtesë nuk prodhuan një fitues dhe ishin 11-metërshat ata që përcaktuan skuadrën që do të kalonte më tej. Skuadra nga Gjilani u tregua më e saktë nga pika e bardhë e penalltisë, duke triumfuar me shifrat 1-3.

Ndeshja mes 2 Korrikut dhe Minatorit nuk u zhvillua pasi ekipi nga Prishtina është i angazhuar në “Kupën Pavarësia” e organizuar nga FSHF me rastin e fetave të nëntorit.

DIGITALB KUPA E KOSOVËS

Trepça ’89 – Llapi 2-0
Shënues: Diuara 18’ Jashari 90+6’

Trepça – Feronikeli 1-2
Shënues: Lladrovci 22’, Fazliu 40’/ Lladrovci 81’ (autogol)

Vitia 1-1  Drita (1-3 me penallti)
Shënues: Fazlija 78’

Minatori – 2 Korriku (e shtyrë)

REZULTATET E NDESHJEVE TË LUAJTURA DJE 
Lugu i Baranit – Liria 0-11
Vllaznia P – Besa 1-2
Ferizaj – Vllazëria Zh. 6-2
Fushë Kosova – Onix 3-2
KEK-u – Flamurtari 0-1
Bashkimi – Vëllaznimi 0-4
Sharri – Gjilani 2-2 (2-6 pas shtesave)
Istogu – Ramiz Sadiku 3-1
Drenasi – Ballkani 0-1
Dukagjini – Arbëria 3-1
Kika – Vushtria 2-0
Drenica – Prishtina 0-0 (pas penalltive 4-5)

Bardhekaltrit u përpoqën të fitonin, por edhe vendasit nuk u dorëzuan dhe morën një pikë që u vlen në luftën për të qëndruar në elitën e futbollit kosovar. Sot u luajt edhe një ndeshje tjetër, me Drenicën që triumfoi 3-0 kundër Trepça ’89.

Ndeshja u zhbllokua që në fillim të pjesës së parë, kur shkodrani Arsen Sykaj me kokë realizoi golin e avantazhit. Pasoma pesë minuta nga nisja e pjesës së dytë dyfishoi shifrat, kurse Musa në shtesë realizoi sërish dhe Drenica mori tre pikët që e largojnë disi nga zona e ftohtë.

IPKO SUPERLIGA – JAVA 16

Drenica-Trepça ‘89 3-0
Shënues: Sykaj 15’, Pasoma 50’, Musa 93’
Ferizaj-Prishtina 0-0

E shtunë, më 24 nëntor, ora 13:30
Flamurtari-Llapi
Ballkani-Gjilani
KEK-u-Liria

E diel, më 25 nëntor, ora 13:30
Drita-Feronikeli

Sulmuesi tiranas po kalon një formë shumë të mirë dhe këtë e tregoi edhe sot, kur me një goditje nga distanca e kaloi Prishtinën në avantazh. Goli i pestë në gjashtë ndeshjet e fundit për Morinën. Fitoren e hipotekoi Korenica, i cili realizoi edhe golin e dytë.

Gjilani i është falur Vilfor Hysës në takimin me Drenicën. Sulmuesi shtatshkurtër realizoi pak minuta nga fundi i takimit. Skuadra e kuqe ngjitet në këtë mënyrë në vendin e katërt në klasifikim. Tre pikë me shumë vlera për Gjilanin.

Trepça ’89 ka bërë detyrën ndaj KEK-ut, duke fituar me rezultatin 4-1. Miqtë befasuan me një gol të shpejtë të Gashit, por Mersini e vendosi shumë shpejt baraspeshën. Në pjesën e dytë ishte Rusi që gjeti dy herë rrugën e rrjetës për skuadrën nga Mitrovica. Në fund Manaj plotësoi “pokerin” për Trepça ‘89.

IPKO SUPERLIGA – JAVA 15

Gjilani-Drenica 1-0
Shënues: Hysa 84’
Prishtina-Ballkani 2-0
Shënues: Morina 65’, Korenica 69’
Trepça ’89-KEK-u  4-1
Shënues: Mersini 13’, Rusi 49’, 51’, Manaj 88’ / Gashi 8’

Jo vetëm kaq, por ata e hedhin përgjegjësinë te lojtarët. Sipas klubit, ata nuk kanë zbatuar detyrat e dhëna nga stafi teknik. “Falënderojmë profesor Gugash Magani për aq sa qëndroi në krye të shtabit teknik te minatorët. Shkaku dhe arsyeja e largimit të profesorit Magani është mospërfillja dhe moszbatimi i detyrave nga vetë lojtarët, për të cilat kanë pasur obligim për t’i zbatuar. Profesor Maganit i dëshirojmë fat dhe suksese ne të ardhmen”, shkruhet në njoftimin e klubi nga Mitrovica.

Gjithashtu zyrtarizohet edhe trajneri i ri: “Njëherazi e konfirmuar nga Presidenti Zeka se asistenti Sabit Osmani do ta drejtojë Trepçën ‘89 deri në përfundim të edicionit vjeshtor në Superligë. Me këtë rast Kryesia, stafi i bashkëpunëtorëve dhe lojtarët i dëshirojmë suksese”.

Pas humbjes që sot Trepça ’89 pësoi në ndeshjen me Prishtinën në transfertë, Magani publikisht ka dhënë dorëheqjen dhe zor të ketë prapakthehu. Peqinasi e mori drejtimin e skuadrës nga Mitrovica janarin e shkuar dhe në fakt rezultatet për të nuk kanë qenë të mira.

Maganin e lë skuadrën e tij në zonën e ftohtë të rënies. Në 13 javë kampionat Trepça ’89 ka grumbulluar vetëm 15 pikë, duke fituar në 3 ndeshje dhe barazuar gjashtë herë. Kështu aventura e tij mbyllet ne Kosovë dhe drejtuesit e klubit mitrovicas duhet të gjejnë një tjetër trajner.

Skuadra kryeqytetase shënoi shumë shpejt me anë të Mario Morinës. në minutën e 15-të sulmuesi zhbllokoi sfidën dhe pjesa e parë u mbyll me epërsinë 1-0 të vendasve. Duhej shënuar edh goli i dytë për t’u qetësuar më pas.

Pefqeli ishte autori i golit të sigurisë për Prishtinën, ndërkohë që Maloku la skuadrën e Trepça ’89 me një lojtar më pak. Kështu gjërat u lehtësuan por vendasit në 20 minutat e fundit të ndeshjes. Deri në fund rezultati mbeti i pandryshuar dhe kështu skuadra e Josës vijon të ndjekë Feronikelin e vendit të parë.

IPKO SUPERLIGA – JAVA 13

Prishtina-Trepça ’89 1-0
Shënues: Morina 15’, Pefqeli 69’

Mesfushori, i cili ka luajtur në Superiore me Kukësin, ka fituar “derbin” me Kariokën, madje duke qenë protagonisti absolut me golin e realizuar. Kështu Feronikeli ka vetëm dy pikë më pak se Prishtina e vendit të dytë.

Në Mitrovicë nuk kishte fitues. Trepça ’89 dhe Llapi shënuan nga një gol në pjesën e parë dhe ndanë nga një pikë. Guçev ishte ai që kaloi në avantazh skuadrën e drejtuar nga Gugash Magani, por epërsia zgjati vetëm 10 minuta.

Alidema ishte ai që shënoi për Llapin, ndërkohë që të dyja skuadrat e mbyllën ndeshjen me nga një lojtar më pak. Zhdrella fillimisht dhe më Guçev u ndëshkuan me kartonë të kuq. Pjesën e dytë të dyja ekipet e luajtën me nga 10 futbollistë.

IPKO SUPERLIGA – JAVA 11

Gjilani-Feronikeli 1-0
Shënues: Xheferson 66’
Trepça ’89-Llapi 1-1
Shënues: Guçev 18’ / Alidema 28’

Mirçevski ishte ai që zhbllokoi ndeshjen në minutën e 47, ndërkohë që në minutat e fundit fundit skuadra e Gugash Maganit gjeti edhe tre herë të tjera rrugën e rrjetës. Muja, Hyseni dhe Manaj ishin autorët e golave.

Në Prishtinë Flamurtari u mund keq nga Drenica. Dajaku dhe Uka shënuan dy herë në pjesën e parë, duke bërë që praktikisht ndeshja të mbyllej. Mustafa shënoi me fillimin e pjesës së dytë dhe me rezultatin 0-3 Drenica iu gëzua fitores dhe tre pikëve.

IPKO SUPERLIGA – JAVA 10

Flamurtari-Drenica 0-3
Shënues: Dajaku 21’, Uka 26’, Mustafa 46’
Liria-Trepça ‘89 0-1
Shënues: Mirçevski 47’, Muja 85’, Hyseni 89’, Manaj 94’

Pas ndeshjes, Magani u shpreh se do të bisedohet me drejtuesit e klubit, pasi e pranoi se ka edhe ai përgjegjësinë e tij në rezultatet e skuadrës. Kështu ka ndodhur, ka pasur një bisedë me presidentin Agim Zeka dhe është marrë edhe vendimi.

“Pas mbledhjes se mbajtur, Kryesia e Klubit ja beson vazhdimësinë e punës trajnerit, profesor Gugash Maganit, duke shpresuar se do të kalojmë këtë krize momentale dhe do t’i kthehemi rezultateve pozitive”, njofto klubi nga Mitrovica.

Të dy teknikët iu bashkuan skuadrave në mes të sezonit të kaluar, por asnjëri prej tyre nuk arriti të kapte objektivat që i kishte vendosur klubi. Gjatë kësaj merkatoje të dy klubet kanë afruar shumë lojtarë dhe mbetet për t’u parë se çfarë do të tregojë fusha e lojës.

Konkurrenca në kampionatin kosovar mbetet më e fortë se kurrë. Mbi pesë ekipe pretendojnë për titullin kampion, shpenzimet në merkato tregojnë qartë që në Kosovë do zhvillohet një kampionat mjaft i luftuar.

Eufori i paparë në Mitrovicë para ndeshjes dhe stadiumi “Adem Jashari” ishte plot e përplot, aq sa fitorja dukej se do të vinte qoftë edhe vetëm nga euforia e tifozerisë.

Megjithatë, humbja 2-1 në Ishujt Faroe duket se nuk ka shërbyer si leksion për ’89-shin, sepse u luajt pa ide të qarta dhe vetëm me presion territorial. Miqtë treguan se ashtu si kombëtarja, nuk janë më amatorë si deri pak vite më parë. Mbrojtje e kujdesshme, qetësi absolute, a thua se luajnë përditë përpara 16.000 tifozëve.

Presioni duhej të ishte mbi nordikët, por jo më kot shquhen për ftohtësinë e tyre, ndryshe nga ne, shqiptarët. Sulmuesi Blerand Kurtishaj gaboi, duke u ndëshkuar me 2 kartonë të verdhë brenda dy minutash, kur kishte kaluar gjysmë ore lojë, dhe aty mori fund ndeshja e Trepçës ’89, diçka e pafalshme gjithsesi.

Angel në minutën e 37-të dhe një autogol nga Islami 3 minuta më vonë fundosën ‘89-shin, që u dorëzua totalisht me kalimin e minutave. Mbrojtje amatore, ku u ndjenë shumë mungesat, sidomos ajo e Kaba Sambout, i dëmtuar, ndërsa sulmi nuk ekzistonte më.

Në pjesën e dytë erdhën edhe dy gola të tjerë për miqtë, që pas një ore lojë ishin të kualifikuar, ndërsa Trepça ’89 shënoi një gol nderi me Hasanin, shërbyer nga Kushtrim Lushtaku.

Vetëm aq, stadiumi u zbraz tërësisht pa mbaruar ndeshja dhe Trepça ’89 kupton se Europa është e vështirë, shumë e vështirë. Mend për vitin tjetër…

Më në fund erdhi momenti i shumëpritur, kur shqiptarët në Kosovë mund ta gëzojnë mbarëvajtjen e ndeshjeve parakualifikuese të garave evropiane për klube. Për herë të parë, një skuadër “dardane” luan para tifozëve të saj në arenën ndërkombëtare. Kampionët në fuqi, Trepça ’89, pasi humbën ndeshjen e parë në Ishujt Faroe 2-1, sot kërkojnë me ngulm që ta përmbysin rezultatin dhe të kalojnë në turin e dytë kualifikues.

Vigjilja e ndeshjes është karakterizuar me një bujë të jashtëzakonshme. Ka fluks të madh të shitjeve të biletave. Interesim i madh për të qenë pjesëmarrës në këtë sfidë kanë shprehur shumë qytetarë të shtatë qendrave kryesore të Kosovës. Kjo ka bërë që rivalitetet, inatet, thumbimet, provokimet në mes të tifozëve të fuzionohen në një përkrahje madhështore për përfaqësimin e futbollit kosovar përmes Trepçës ’89.

Gjithsesi, ky unitet mund të jetë i përkohshëm, si shkas i një fillimi të një etape të re për futbollin kosovar, megjithëse nëse do vazhdonte ky mentalitet edhe në të ardhmen, do të ishte shembulli konkret sesi duhet lënë anash rivalitetet për të mirën e futbollit nacional.

Ndeshja e parë solli në pah një dominim të lehtë të mitrovicasve, por që efikasiteti dhe përvoja ishin në anën e Vikingur. Kjo i shpërbleu skandinavët me fitore të ngushtë, por domethënëse: 2-1. Sidoqoftë, ngushëllimi më i mirë i kësaj disfate ishte goli mbresëlënës i sulmuesit Fiton Hajdari – që mund të jetë vendimtar për fatin e takimit të sotëm.

FORMACIONI – Ndërkohë, vazhdojnë problemet e mëdha me lëndime. Pas Kaba Sambout dhe Bledar Hajdinit, listës i është shtuar edhe qendërmbrojtësi tjetër titullar Lapidar Lladrovci, ish lojtar i Kukësit, që pritet t’i mungojë “minatorëve” nga 10 deri në 14 ditë. Kësisoj, pritet të ketë ndryshime në formacion për dallim nga ndeshja e parë. Manxholli konfirmohet në portë. Krahët e mbrojtjes do të mbulohen nga të pazëvendësueshmit Islami dhe Potoku, kurse në qendër të mbrojtjes, për shkak të mungesave të mëdha, kthehet Argjend Mustafa (ish-mesfushori i Skënderbeut) që do luajë në tandem me Izmakun. Rikthehet si titullar Maloku, i cili do ta përbëjë dyshen e mesfushës me Brojën. Kapiteni Shpëtim Idrizi pritet ta fillojë ndeshjen nga stoli, kurse në vend të tij do të startojë Kushtrim Lushtaku (ish lojtar i Kukësit) – i cili do ta formojë trinomin ofensiv me Hajdarin dhe Hasanin, prapa sulmuesit të vetëm, ku ka balotazh të fortë në mes të Oto John dhe Kurtishajt për një vend titullar.

OBJEKTIVI – Nevojitet një gol për t’u kualifikuar në rrethin e dytë. Nevojitet një fitore diskrete. Pas shtatë viteve, stadiumi “Adem Jashari” do të stërmbushet me tifozë. Hera e fundit që ndodhte një gjë e tillë ishte në maj të 2010-es kur KF Trepça festonte titullin e saj. Fakti se do të ketë tifozë të shumtë nga të gjitha rajonet e Kosovës e ngarkon me përgjegjësi më të madhe Trepçën ’89 dhe Mitrovicën si qytet. Ky nder duhet shpërblyer me paraqitje të mirë. Tri dekada u deshën që të arrihet në këtë pikë pas një “eklipsi” që s’mbaronte dot – dhe që e izolonte Kosovën padrejtësisht në përfaqësimin e saj në arenën ndërkombëtare. Prandaj, nuk luhet vetëm për “krenarinë” e qytetit verior, por për nder dhe për Kosovën.

Triumfoi 2-1 Vikinguri, në një ndeshje të hapur me dy skuadra që e kërkuan fitoren gjatë gjithë ndeshjes.

Vatnahmar shënoi për vendasit në minutën e 17-të, por Trepça ’89 e rriti ndjeshëm presionin dhe në minutën e 39-të Fiton Hajdari shënoi një gol fenomenal, si për ta bërë edhe më të paharrueshëm golin e parë kosovar në Europë.

Megjithatë, në minutën e 73-të një gabim i mbrojtjes së ’89-shit prodhoi golin e fitores për vendasit, nga Laual, i cili u gjend i vetëm pranë vijës fatale.

Gjithsesi, nuk ka mbaruar, sepse është nga ato humbje që pranohen me gjithë qejf, duke pasur parasysh kthimin në “furrën” Mitrovicë.

Të shohësh klubet kosovare të marrin pjesë në kupat e Europës është një emocion i veçantë, një moment krenarie, pasi tani klubet shqiptare në Europë u shtuan. Dy për momentin, por jemi të bindur se në pak vite rezultatet do ta ngrenë ndjeshëm Kosovën në renditjen europiane, për të çuar në Europë 4 klube, ashtu si Shqipëria. Natyrisht, sot presim me emocion e kuriozitet debutimin e Trepçes ’89 në Ishujt Faroe. Për ata që duan një informacion të kompletuar rreth kampionëve të Kosovës, ja ku vjen një shkrim mjaft i kompletuar. Kush më mirë se një tifoz i vjetër, por edhe një analist realist e pa eufori, mund ta bënte prezantimin e ’89-shit? Lexoni specialen e Shpend Thaçit, një mitrovicas puro.

…

Duke filluar nga mbrëmja e sotme, futbolli kosovar thyen tabunë e madhe që e përcolli ndër vite: izolimi ndërkombëtar. Më në fund, pas një kohe relativisht të gjatë të kaluar duke u munduar të mbijetonte kampionati vendor, erdhi momenti për debutimin historik të një klubi kosovar në garat parakualifikuese evropiane. Kësaj radhe, bartësja e nisjes së një kapitulli të ri për futbollin e Kosovës është Trepça ’89. “Minatorët” luajnë në Ishujt Faroe ndaj skuadrës së Vikingur në rrethin e parë paraeliminator të Champions League.

NJIHUNI ME SKUADREN E TREPÇËS ’89

Trepça ’89 filloi parapërgatitjet verore për sezonin 2016-2017 pa ndonjë entuziazëm kushedi sa të madh. Drejtuesit e klubit kishin ndërtuar një projeksion sesi do të dukej e ardhmja e ekipit. Projekti i ri parashikonte që vëmendja maksimale t’i kushtohej vlerësimit dhe zhvillimit të lojtarëve të rinj. Kjo bëri që kontigjenti i ekipit të ripërditësohej masivisht. U larguan pjesa dërmuese e “senatorëve” dhe u afruan disa lojtarë që deri në atë kohë cilësoheshin si “periferikë”. Për hir të së vërtetës, në kampin mitrovicas askush nuk mendonte rreth stolisjes me titull. Objektivi primar ishte mbledhja e pikëve të nevojshme për mbijetesë. Mirëpo, gërshëtimi i skuadrës në mes të lojtarëve me përvojë dhe atyre në moshë të re, krijoi një momentum të ri. Disa fitore rresht në fillim të kampionatit, golat e vazhdueshëm të një sulmuesi “goleador” të shpikur si Oto John, kompaktësia dhe harmonizimi i mirë brenda grupit, bën që situata të ndryshonte në periudhën vjeshtë-dimër, ku mitrovicasit konsoliduan çdo herë e më shumë vendin e parë. Më pastaj, me fillimin e pjesës së dytë të kampionatit, ndryshoi qasja e kryesisë e cila filloi ta vërente që suksesi madhor ishte më pranë se kurrë. Madje, është paksa paradoksale të mendohet që në sezonin ku Trepça ’89 kishte hyrë me ambiciet më minimale të mundshme, të prekte një cak kaq të rëndësishëm. Skuadra veriore njihet për vazhdimësinë që ka treguar në kampionatin kosovar, duke u renditur thuajse gjithmonë në treshën e parë, por  asnjëherë s’arrinte ta fitonte titullin.
Kësisoj, pasi 17 javët e para kishin rezultuar të suksesshme nën drejtimin fillimisht të Bekim Shotanit dhe më pastaj të Veton Çitakut, trajner i ri i ekipit u emërua Zekirija Ramadani, njohje e vjetër e futbollit shqiptar si ish-trajner i Flamurtarit. Dy trajnerët e parë u larguan me konsensus me klubin, për shkak të arsyeve personale. Zekirija u dha “marshin” e fundit domethënës mitrovicasve dhe rrugëtoi pa asnjë pengesë drejt sigurimit të titullit të parë historik për klubin. Ky trofe nxorri në sipërfaqe shumë talentë si: Bledar Hajdini, Sambou, Potoku, Maloku, Jashari, Hasani dhe ai që befasoi të gjithë, sulmuesi i huazuar nga Skënderbeu, njëherazi arkitekti i madh i këtij sezoni sublim: Oto John.

LICENCIMI DHE “MERKATOJA” E KLUBIT

Pas kremtimit të titullit, u fillua të mendohej rreth licencimit të klubit. Përvoja e hidhur e vitit të kaluar, ku Feronikeli dhe Prishtina nuk u licencuan për shkak të mos përmbushjes së kritereve, shkaktoi një amulli të madhe në opinionin sportiv kosovar. Gjysma e muajit maj ishte periudha kur do të dihej verdikti i procesit të licencimit. Deri atëherë klima ishte e zbehtë. Pritja u karakterizua me ankth dhe heshtje. Sado që kryesia e Trepçës ’89 reflektonte optimizëm, prapë mbizotronte një qetësi megalomane. Erdhi dita e vendimit të madh dhe Trepça ’89, së bashku me Prishtinën, Feronikelin dhe Llapin, pranuan licencimin përfundimtar. Pas përfundimit të tërë të edicionit në “Superligën e Kosovës” – u kuptua që përveç klubit mitrovicas që do të debutojë në arenën evropiane, një gjë të tillë do ta bëjë edhe Prishtina, veçse në parakualifikueset për Europa League. Përfundimisht në zyret e “Riza Lushtës” kishte vend për frymëmarrje. Tashmë ishte zyrtare që skuadra do luante në rrethin e parë paraeliminator të Champions League. Hapi i mëtejshëm ishte përforcimi i ekipit. Fillimisht u rinovuan kontratat e gjithë futbollistëve – në përjashtim të mesfushorit Diar Mustafa, i cili ndau rrugët me klubin. Më pas, pasuan afrimet e lojtarëve të rinj nga klubet tjera: Odi Henry Chibuze dhe Assare nga Liria, Kamberaj dhe vëllezërit Muja nga rivali lokal Trepça, Gentian Mazrekaj nga Besa, Blerand Kurtishaj u rikthye nga huazimi një-vjeçar tek Feronikeli dhe përforcimi më i madh – Kushtrim Lushtaku nga Kukësi.

PËRGATITJET PËR DEBUTIM

Mitrovicasit zgjodhën Slloveninë si lokacion ku do ta zhvillonin valën intensive të përgatitjeve para ndeshjes së rrethit të parë. Njëherazi, ata aranzhuan katër miqësore domethënëse për nivelin e klubeve kosovare ndaj skuadrave si: Ruzemberok, Osijek, Astra dhe Olimpija Ljubjana. Këto miqësore, si rëndom, i nevojiteshin shtabin teknik për t’i testuar lojtarët, skemat e reja dhe taktikat e ndryshme. Epilogu i tyre ishte i kënaqshëm: – ndaj Ruzemberok u barazua 1-1; ndaj Osijek pësuan humbje 1-0; ndaj Astra shënuan fitore 4-2 dhe ndaj Olimpija Ljubjana barazuan 1-1.

“FATI” NË SHORT

Pasdita e 19 qershorit grumbulloi të gjithë ekipin e Trepçës ’89 në hollin e hotelit slloven për ta ndjekur drejtpërdrejt mbarëvajtjen e shortit që do t’ia tregonte emrin e kundërshtarit për rrethin e parë. Dëshira e të gjithëve ishte të shmangej një skuadër e vetme, ajo uellsiane, The New Saints. Por, shorti shkoi përtej pritshmërive duke e vendosur Trepçën ’89 në përballje me klubin nga Ishujt Faroe, Vikingur. Për të mos munguar kjo, “minatorëve” u buzëqeshi fati edhe në shortin vijues që përcaktoi kundërshtarin e rrethit të dytë në qoftë se kalohet turi i parë: Hafnarfjördur i Islandës. Sërish skuadra e drejtuar nga Zekirija Ramadani arriti t’i shmangte skuadrat me koeficient më të lartë. Sërish iu gëzuan “fatit” në letër.

Orari i ndeshjeve:

27-06-2017, Vikingur – Trepça ’89, ora 20:00;

04-07-2017, Trepça ’89 – Vikingur, ora 18:00.

GJENDJA MOMENTALE E SKUADRËS

Trepça ’89 ka arritur në ditën e djeshme në Ishujt Faroe dhe në mbrëmje ka mbajtur seancën e fundit stërvitore. Megjithatë, gjendja e ekipit nuk është më e mira e mundshme. “Kampionët” nuk do mund të llogarisin në shërbimet e qendërmbrojtësit që ishte zbulim i pjesës pranverore, Kaba Sambou. Kjo mungesë peshon mjaft shumë për shtabin teknik, ngaqë afrikani do të qëndrojë jashtë fushës së gjelbër nga 2 deri në 3 javë. Ky nuk është lëndimi i vetëm, pasi një fat të ngjajshëm e përjetoi edhe Bledar Hajdini, portieri titullar. Mirëpo, për dallim nga Sambou që s’ka udhëtuar fare, ky pritet t’i shtrëngojë disi dhëmbët dhe të startojë nga fillimi që në ndeshjen e sontme. Mandej, për ta vërtetuar faktin që populli në Kosovë, dhe në këtë rast edhe sporti, po nëpërkëmben nga situata politike në vend duke mos qenë të lirë të udhëtojnë pa viza, tregon fakti që lojtarët e Trepçës ’89 kanë arritur të pajisen me viza udhëtimi vetëm pak çaste para nisjes nga aeroporti i Prishtinës në drejtim të Konpenhagës.Këto “turbulenca psiqike” ishin të panevojshme 72 orë para ndeshjes, por ja që sporti e paguan rëndë fakturën e brishtësisë politike si gjithmonë në Kosovë.Pra, nga 25 sa është numëri i kontigjentit faktik të lojtarëve, vetëm 19 kanë arritur të udhëtojnë. Kësisoj, lojtarët e rinj si Mazrekaj, Kamberaj, Arbnor dhe Ardian Muja nuk u ftuan për çështje burokratike. Kurse Assare nuk udhëtoi, shkaku i mbarimit të vizës para ca ditësh dhe Kaba Sambou që qëndroi në Kosovë për riaftësim nga lëndimi.

FORMACIONI I MUNDSHËM

Mungesa e Sambou i ka sjellur jo pak probleme trajnerit shqiptar nga Maqedonia, Zekirija Ramadani. Mirëpo, në bazë të informatave të fundit, në përjashtim të ndonjë ndryshimi drastik, 11-shja startuese pritet të jetë kjo:(4-2-3-1): Hajdini; Islami, Lladrovci, Izmaku, Potoku; Broja, Maloku; Hajdari, Lushtaku, Hasani; Oto John.

Kushtrim Lushtaku pritet të debutojë në një ndeshje zyrtare me Trepçën ’89 në rolin e sulmuesi të dytë. Kapiteni i ekipit, Shpëtim Idrizi, projektohet për t’u inkuadruar në fushë në pjesën e dytë. Kurse dy mëdyshjet më të mëdha që ka trajneri Ramadani janë balotazhi për portë në mes të Hajdinit dhe Mangjollit, si dhe balotazhi për zëvendësuesin e Sambou në mes të Izmakut dhe Henry.

CILA ËSHTË LOJA E TREPÇËS ’89?

Futbolli që aplikon skuadra mitrovica karakterizohet me pasime të shkurtëra, kundërzbritje të shpejta dhe me posedim efikas të topit. Maloku është “lokomotiva” e skuadrës – i cili rikuperon topa pa fund. Njëherazi, Trepça ’89 shfrytëzon inkursionet e dy anësorëve të krahut të mbrojtjes, Potoku dhe Islami, të cilët arrinë të dalin shpesh në sulm duke furnizuar sulmuesin Oto John me harkime. Pasimet e shpejta janë një tjetër veçori e ekipit nga veriu. Brenda skemave të ekipit qëndrojnë edhe pasimet filtruese që Hajdari dhe Hasani ia dalin ta nxjerrin sulmuesin Oto John përballë portierit. Korpulenca në mesfushë nuk mungon, me tandemin Maloku dhe Broja. Ndoshta çalimin kryesor Trepça ’89 e ka në administrimin e topit në mesfushë. Mungon një “playmaker” që di ta qetësojë topin dhe ta administrojë në mënyrë të volitshme.

SA I PËRKET TRANSMETIMIT TELEVIZIV…

Edhe pse me entuziazëm masiv po përjetohet vigjilja e ndeshjes nga të gjithë futbolldashësit kosovarë, ata nuk do të mund ta shikojnë ndeshjen në ekranet shqiptare. Kjo për shkak se Vikingur ka refuzuar kërkesën e Trepçës ’89 që t’i jepet sinjali televiziv i ndeshjes për medien kosovare. Ata kanë treguar këmbëngulje për të mos qenë të hapur për negocim rreth kësaj çështjeje. Komunikimi në mes dy klubeve është treguar i mangët, ngaqë vullneti i tyre ka qenë ky. Sado që përpjekjet e Trepçës ’89 po vazhdojnë për të gjetur një zgjidhje, gjasat për mundësimin e transmetimit deri më tani janë thuajse minimale.

DREJT ORËVE TË FUNDIT

Futbolli në Kosovë po numëron orët e fundit para daljes nga errësira në të cilën ishte fundosur me dekada të tëra. Vite të tëra të kaluara duke medituar në heshtje për dalje nga izolimi gërditës. Donatorët me mjete vetanake ndanë dhe kafshatën e gojës për ta mbajtur të gjallë mbarëvajtjen e kampionatit vendor. U ruajt me ëndje një produkt i cili çdo vit e më shumë dukej i stërshpenzuar dhe i pashpresë. Shtatëmbëdhjetë vite u investua me qëllim për të arritur në këtë pikë ku vlerat e ekipeve kosovare do mund të dilnin edhe jashtë kufirit, respektivisht në parakualifikimet për dy garat madhore evropiane: Champions League dhe Europa League. Prandaj, kjo ditë simbolizon një fillim të ri. Një histori e re për futbollin e Kosovës. Një pikënisje ndryshe. Një etapë domethënëse. Përgjegjësia tek Trepça ’89 është e lartë dhe të gjithë sytë janë në drejtim të tyre. Ky është jo vetëm përfaqësim lokal i Mitrovicës dhe vetë klubit, por edhe i gjithë Kosovës. Plot barriera politike të kapërcyera për një kauzë legjitime: pranimi nga istancat ndërkombëtare për të luajtur futboll.

Gjithsesi, atmosfera brenda skuadrës është tejet e mirë. Ka shumë optimizëm dhe paksa eufori. Ani pse opinioni kosovar e do me ngulm një sukses nga Trepça ’89, këta të fundit duhen treguar të kujdesshëm dhe pragmatikë në veprimet që bëjnë.
Duhet kuptuar që çdo barazim do të ishte një fitore e vogël. Çdo gol i shënuar në transfertën e sontme do nënkuptonte krijimin e një epërsie gjigante për kalim të rrethit të parë. Kështu që, pavarësisht pritshmërive të mëdha, duhet kuptuar që ne (Trepça ’89 – referencë e këtillë sepse është ekip shqiptar) jemi ekipi për t’u mundur në këtë nivel garash. Ne jemi pa ekpseriencë. Ne jemi ata që s’janë të mësuar në ndeshje të këtilla. Kjo asesi nuk e diskrediton vlerën e ekipit që kemi, vetëm se na ndihmon të jemi me këmbë përtokë (gjë që e kemi të vështirë në gjenezë ta instalojmë, ngase kapemi nga euforia). Nevojitet qetësi, ekuilibër, pragmatizëm dhe paraqitje “pa frikë”. Debutimi i një skuadreje nga Mitrovica e ka peshën e saj të madhe. Kjo për shkak se qyteti vazhdon ta përjetojë ndarjen etnike në mes jugut dhe veriut që nga fundi i luftës famëkeqe. Kjo mandej ka prodhuar mirëqenie ekonomike katastrofike për qytetarët shqiptarë mitrovicas. Duke parë gjendjen e brishtë në veri, një sukses i Trepçës ’89 do t’ia kthente disi buzëqeshjen qytetit të vuajtur me telashe pafund që nuk sheh dot dritë në fund të tunelit. Për fund, për shkak se klubi u themelua në kohën e grevës së të minatorëve në Mitrovicë, dhe sot e asaj dite njihen si “minatorët”, urimi për Trepçën ’89 s’mund të jetë ndryshe veçse ai i zhargonit lokal mitrovicas që është: “Me fat, Minatorë”.

Prishtina në turin e parë në Europa League ka pasur fatin e keq të peshkojë disa skuadra skandinave, por shpreson të ndeshet me Nome Kaljun e Estonisë.

Ndërkaq, Trepça ’89 do të luajë në turin paraeliminator në Champions League, të gjithë rivalë të kalueshëm, por ëndrra është Santa Koloma e Andorrës.

RIVALËT E PRISHTINËS

IFK Norrköping (SWE) 4.945
Odd (NOR) 5.665
HJK Helsinki (FIN) 10.530
Ferencváros (HUN) 3.900
Nõmme Kalju (EST) 4.800

RIVALËT E TREPÇËS ’89

The New Saints (WAL)
Linfield (NIR)
Víkingur (FRO)
Hibernians (MLT)
FC Santa Coloma (AND)

Kushtrim Lushtaku kaloi para pak ditësh nga Kukësi te Trepça ’89 dhe do ketë mundësinë të luajë në turin paraeliminator të Ligës së Kampioneve. Gjatë këtyre ditëve kampionët e Kosovës kanë zyrtarizuar disa afrime dhe po punojnë për të bërë edhe të tjera. Në listën e tyre është edhe Drilon Musaj, i cili për katër sezone ka qenë pjesë e ekipit nga Mitrovica. Burime pranë klubit të Trepçës ’89 konfirmojnë se po punohet për ta rikthyer mbrojtësin e linjës së djathtë. 22-vjeçari për dy vite ka luajtur me skuadrën e Laçit, teksa sezonin e fundit ka qenë një nga pikat më të forta të skuadrës dhe është aktivizuar në 34 ndeshje, ndërsa dy të tjerat i ka humbur për shkak të plotësimit të kartonëve të verdhë. Gjatë pjesës së parë të sezonit është aktivizuar shpesh edhe si qendërmesfushor, për shkak të problemeve që ka pasur skuadra e Laçit me dëmtimet, ndërkohë që ka luajtur edhe si mesfushor i djathtë. Musaj nuk ka mundur të shënojë në kampionat, por e ka bërë këtë në Kupën e Shqipërisë ndaj Bylisit, që i ka realizuar një dygolësh.

Mbrojtësi momentalisht po shijon pushimet pranë familjes së tij dhe po shqyrton ofertat në drejtim të tij. Veç Trepçës dhe Laçit ka edhe disa oferta të tjera nga jashtë vendit, ndaj kërkon që të mos nxitohet. Aktualisht nga Laçi është larguar Emanuel Mensah dhe Bruno Lulaj, ndërkohë që deri në këto momente nuk ka asnjë afrim. Drejtuesit e kurbinasve po punojnë për afrimin e disa elementëve cilësorë, ndërkohë që pritet që presidenti Laska të ketë një takim me trajnerin Nica, për të diskutuar se ku duhet ndërhyrë konkretisht. Sulmi është “thembra e Akilit” dhe me gjasa ai do të vijë nga jashtë vendit. Kërkimet kanë nisur dhe menaxherë të ndryshëm kanë bërë sugjerimet e tyre, por te Laçi përgjithësisht synohet që futbollistët të shihen në fushën e blertë dhe më pas të firmoset. Kjo mënyrë pune zor se do ndryshoje, sigurisht përjashtim bën ndonjë element cilësor që njihet apo ka një “CV” të pasur.

Tani mesfushori kthehet në vendlindje, sepse pas shumë vitesh mes Gjermanisë, Suedisë e Shqipërisë, tashmë ka firmosur për Trepçën ’89.

Kampionët e Kosovës e kanë marrë shumë seriozisht përfaqësimin në turin e parë në Champions League dhe po bëjnë sforcime të mëdha për të ndërtuar një skuadër të aftë që jo vetëm të kalojë turin e parë, por të jetë dinjitoze edhe në turin e dytë, pavarësisht se i mungon tërësisht eksperienca, që do t’ia shtojë disi një si Lushtaku, i cili në këtë aspekt do të jetë lider te Trepça ’89.