“Siç e kam thënë dhe më përpara, në letër janë një ekip më i fortë se ne. Vlerën që e kanë, janë tre herë më të shtrenjtë se ne. në fushë, luhet me zemër, me karakter. Jam shumë i kënaqur që futbollistët e Partizanit na bënë dhe njëherë tjetër krenarë. Ata kanë një avantazh karshi nesh, pasi kanë vite që luajnë me njëri-tjetrin. Përveç se mbajtën topin më shumë se ne, goditje dhe rastet ishin tonat. Unë mundohem t’i shikoj gjërat me qetësi, më tepër se goli, më pëlqeu mënyra si ekipi u paraqit në fushë dhe zbatuan detyrat e trajnerit. Goli pastaj do të ishte qershia mbi tortë, por ndeshja është e hapur dhe ka edhe 90 minuta të tjera.

Unë mendoj që përpara se të bënim këtë ndeshje, trajneri ngulte këmbë dhe thoshte ka vetëm një ndeshje, vetëm një ndeshje. Nga ky takim i sotëm, morëm disa përgjigje të mirë. Tani vërtetë kemi vetëm një ndeshje. Do të kemi një javë më shumë stërvitje, Braun dhe Broja do të njihen me ekipin. Salomon ende nuk është në 100%, një javë na ndihmon shumë. Do të jemi më të gatshëm për të surprizuar atje.

Ne duhet të shkojmë atje për të bërë ndeshjen tonë, për të përfaqësuar ashtu siç duhet ngjyrat e Partizanit. Ndonjëherë, duhet edhe fati. Trashi? Është një lojtar që unë e dua shumë, gjithmonë ka sjellë cilësi te Partizani. Nuk ka çështje “Trashi”, këtu luan ai që i përshtatet më shumë trajnerit. Lerda preferoi Hakajn, që është më i mirë në fazën mbrojtëse. Po ta shikonit, Trashi përqafoi trajnerin në fund të ndeshjes, kështu që nuk ka asnjë çështje. Nëse Trashi do të shkojë diku tjetër për të vazhduar karrierën e tij, do të largohet me kushtet e duhura, pasi Partizani duhet të përfitojë nga transferimi i tij. Ne shpresojmë që Trashi të jetë transferta e parë e suksesshme e drejtimit tim te Partizani”, tha Rama.

Krahu  i majtë do t’i vazhdojë t’i besohet Naser Alijit. Media rumune “Gazeta Sportiluror” ka zbuluar se Aliji është një nga të përzgjedhurit e Edi Rejës për takimet e muajit qershor.

Mbrojtësi nga Kumanova ishte titullar në fitoren 3 – 0 ndaj Andorrës, ku kreu një paraqitje të kënaqshme. Në tre muajt e fundit mëngjarashi ka qenë një titullar fiks në formacionin  e Dinamos së Bukureshtit. Mbetet ende enigmë cili do të jetë opsioni i dytë  i thirrur nga Reja për këtë pozicion. Lorenc Trashi është një ndër të grumbulluarit në parapërgatitjet që po zhvillohen në “Tropical Resort”, ndërsa Egzon Binaku ka qenë pjesë e përhershme e kombëtares prej më shumë se një viti pavarësisht fakti se minutazhi në Suedi nuk ka qenë mbresëlënës.

Sipas Dalipit, kjo ishte ndeshje perfekte për t’i dhënë një shans në kombëtare Trashit, pasi sipas tij mëngjarashi i Partizanit është i vetmi lojtar mbrojtës që e kryen mirë fazën sulmuese. Në ndryshim nga Aliji dhe Hysaj.

“As Hysaj as Aliji nuk i kanë karakteristikat e një lojtari mbrojtës që kalon mirë në sulm dhe është superior ndaj kundërshtarit në situata një kundër një. Jam i mendimit që i vetmi lojtar që mund ta bënte mirë këtë rol është lojtari i Partizanit, Lorenc Trashi. Gjithsesi duhej besim, por atje vinim pas një ndeshje negative dhe duhej patjetër të merrnim rezultat kundër Andorrës.  Kjo ishte ndeshja perfekte, pasi Trashi mund të bënte diferencën në metrat e fundit dhe të dërgonte harkime te sakta te sulmuesit tanë” , tha Dalipi.

Ftesa e Trashit për në kombëtaren shqiptare ka bërë që mesfushori vlonjat t’i dërgojë  një mesazh shokut të tij nëpërmjet Instagramit. Telushi ka postuar një foto ku ndodhet së bashku me Trashin të shoqëruar me mbishkrimin “Trashi mos harro sa kohë ke që e pret këtë ftesë vëlla”.

Dy futbollistët janë grumbulluar për shkak të problemeve shëndetësore të Andi Lilës dhe Egzon Binakut, lojtarë që janë rikthyer te klubet e tyre. Pas portierit Alban Hoxha, një tjetër futbollist përfaqëson Partizanin te kombëtarja kuqezi. Superiorja tashmë përfaqësohet me dy futbollistë, si rrallëherë në vitet e fundit.

Trashi është i gatshëm për këtë sfidë, pasi pezullimin prej kartonëve të verdhë e shleu kundër Tiranës. Përveç mbrojtësit të majtë, i gatshëm për Partizanin do të jetë dhe mesfushori Ardit Hila.

Ky i fundit pati munguar për një periudhë shumë të gjatë për shkak dëmtimi dhe vetëm javën e kaluar iu bashkua skuadrës në stërvitje. Për derbin kundër Tiranës, Hila nuk ia doli të ishte i gatshëm, por në sfidën e kësaj jave kundër Teutës, mesfushori mund të vihet nën urdhrat e Gegës.

Megjithatë, Trashi nuk ka ngurruar të përfshihet dhe ai në derbi, duke përdorur rrjetet sociale. Në faqen e tij zyrtare në Instagram, mbrojtësi ka postuar një foto të tij me tifozerinë e kuqe nga pas, duke shkruar: “Qyteti është i kuq!”.

KARTONI I TRASHIT – “Trashi u duk sikur e donte vetë atë karton në mënyrë paradoksale.  Tërheqja e bluzës normalisht është faull dhe ndëshkohet me karton të verdhë, por duke llogaritur rrezikshmërinë e aksionit dhe faktin që ishte vetëm fillimi i lojës e kundërshtari kishte bërë një ndërhyrje të ngjashme pa u ndëshkuar, mund të them se u teprua me kartonin e verdhë”.

KARTON  I RIBAJT – “Është absolutisht e ndaluar për lojtarët dhe zyrtarët të komunikojnë me tifozët. Shikohet në video që Ribaj po flet me tifozin. Unë besoj që arbitri duhet t’i jepte karton të verdhë. Ai nuk është i pafajshëm sipas rregullores.  Vite më parë në Angli, Adebajor u dënua me pesë ndeshje për një gëzim përballë tifozëve kundërshtarë. E njëjta gjë është ”.

VIDEO E RIBAJT

VIDEO E FESTIMIT TË ADEBAJOR NË VITIN 2009

Pavarësisht, këtij fakti mëngjarashi nuk mundi të shmange ndëshkimin me karton të verdhë, teksa në minutën e 14-të të takimit ndaj Flamurtarit kreu një faull ndaj lojtarit Emiliano Mustës duke ndalur një kundërsulm të rrezikshëm të skuadrës vlonjate.

Duket qartë që Panuçi është ende në kërkim të një mbrojtësi stabël për krahun e majtë të kombëtares kuqezi. Alternativat nuk janë të pakta. Për momentin mund të thuhet se Egzon Binaku është favoriti në këtë rol.

Mbrojtësi i Malmos ka qenë titullar në dy ndeshjet e fundit zyrtare të kombëtares dhe me siguri do të vazhdoj të ketë besimin e trajnerit të kombëtares. I dyti në radhë është Ermir Lenjani, i cili ka lënë pas dëmtimet dhe është rikthyer titullar te Sioni në Zvicër. Një tjetër plus për këta lojtarë është dhe fakti që kanë luajtur shpesh në formacion me pesë mbrojtës, një modul loje ky që Panuçi e pranoi se po e shqyrton si një opsion në një intervistë të dhënë pak ditë më parë.

I treti në hierarki është Besir Demiri. Mbrojtësi nga Shkupi aktivizohet prej një viti e gjysmë në Ukrainë te Mariupol, ku e ka blinduar vendin e titullarit. Megjithatë, 24-vjeçari pret ende të debutojë me kombëtaren shqiptare ku ishte grumbulluar gjatë muajit të shtatorit.

Tre opsionet e fundit janë Naser Aliji, Lorenc Trashi dhe Gledi Mici. Aliji i dha fund një periudhe 6-mujore ku qëndroi pa ekip dhe është rikthyer titullar te Dinamo e Bukureshtit në Rumani. Trashi dhe Mici luajnë në kampionate më inferiore se katër lojtarët e lartpërmendur, por të dy kanë spikatur me skuadrat e tyre që tani janë kryesuese të kampioneve përkatëse.

Të dy trajnerët aktivizuan formacionet e tyre më të mira dhe synonin që ta nisnin kampionatin në mënyrën e duhur, por në fund do të triumfonin djemtë e Skënder Gegës, një fitore mëse e merituar.

Tifozët e Skënderbeut ishin shumë të irrituar përgjatë gjithë takimit, duke hedhur shpesh drejt lojtarëve të Partizanit topa dëbore. Gjithsesi, brenda fushës së lojës ishte gjithçka korrekt dhe “FairPlay”, me të dyja ekipet që dhanë maksimumin në fushën e lojës.

Në minutat e fundit, Lorenc Trashi u ndëshkua dhe me karton të kuq, për një ndërhyrje të ashpër në mesfushë. Me këtë triumf, Partizani vazhdon të ruajë kreun e renditjes dhe tregon dhe njëherë tjetër se janë ata favoritët kryesorë për të vënë duart te titulli kampion.

KATEGORIA SUPERIORE – JAVA 19

E premte, më 25 janar, ora 17:00
Stadiumi “Skënderbeu”, Korçë

Skënderbeu-Partizani 0-1
Shënues: Mala 4′

EPISODET

90+’ Mbyllet gjithçka, Partizani triumfon në Korçë

90+5′ Karton i kuq për Trashin, e pranon dhe mbrojtësi

90′ Dalje e paqartë e Hoxhës, shpëton paq porta e Partizanit

85′ Minuta paniku te Partizani, Skënderbeu nuk dorëzohet

81’ Del Telushi, Gega aktivizon sulmuesin Hebaj

75′ Raste të mira për Partizanin, por mungon finalizimi

67′ Edhe Shehi me ndryshime. Del Oto Xhon, në fushë Krasniqi

64’ Panik te Partizani, dëmtohet mesfushori Hila dhe largohet me ambulancë. Në vend të tij Mensah

62’ Taipi i shkëlqyer, duhen dy lojtarë për ta ndalur me faull në mesfushë

57’ Vazhdojnë ndërhyrjet e ashpra, nuk mungon tensioni mes Hilës dhe Muzakës

52′ Telushi humbet penallti! Teqja kupton krahun dhe mban në lojë Skënderbeun

50’ Asani pengohet në limitet e zonës, penallti për gjyqtarin. Shans ideal për “Demat” për të dyfishuar

49’ Skënderbeu më kërkues në minutat e para, gjuajtja e Abazit shkon jashtë

46’ Starton pjesa e dytë, debuton Taipi me fanellën e Skënderbeut. Edhe Hila aktivizohet në vend të Kardozos për Partizanin.

45′ Mbyllet pjesa e parë në Korçë, në fuqi goli i Malës në minutën e 4′

42’ Oto Xhon provon të djathtën, por goditja e tij shkon jashtë

34’ Të gjithë kundër Asanit, Gripshi e përplas në tokë sulmuesin e Partizanit

32’ Goditje e Muzakës, pa probleme për Hoxhën

27’ Karton i verdhë për Gexh, tifozët e Skënderbeut e kanë me Asanin dhe Telushin

23’ Atanda nuk i ndahet Muzakës, ulet ritmi i lojës

19’ Krosim i rrezikshëm i Radash, Muzaka nuk reagon në kohë. Probleme fizike edhe për Belicën

16’ Rifillon takimi pas ndërprerjes, probleme fizike për Telushin

13’ Ndërpritet momentalisht sfida, tifozët e Skënderbeut gjuajnë me topa bore

10’ Goditje e fortë e Telushit, por vetëm këndore! E para e sfidës

8’ Duele të forta në mesfushë, Skënderbeu kërkon të reagojë

4′ Gooooool Partizani! Shënon Mala!
Pasim i shkëlqyer i Asanit nga krahu i majtë dhe Mala i vetëm përballë Teqjas, nuk gabon, duke i dhënë avantazhin “Demave”. Ky është goli i katërt këtë sezon për mesfushorin e talentuar.

2′ Vangjeli bën gjithçka mirë, por gjuajtja e tij pritet nga Hoxha

1′ Starton sfida, topin e parë e shkelmon Partizani

Formacionet e skuadrave

Skënderbeu: Teqja, Vangjeli, Radas, Kaba Sambou, Abazi, Dita, Muzaka, Guexh (Taipi 46′), Gripshi , Hoxhaj, Oto Xhon (Krasniqi 67′). (Në dispozicion: Dajsinani, Taipi, Pëllumbi, Mara, Ajzeraj, Gavazaj, Krasniqi). Trajner: Orges Shehi

Partizani: Hoxha, Ibrahimi, Belica, Rexhepi, Trashi, Atanda, Telushi (Hebaj 81′), Asani, Kardozo (Hila 46′ – Mensah 65′), Mala, Bardhi. (Në dispozicion: Xhika, Çinari, Kalari, Mensah, Kote, Hila, Hebaj). Trajner: Skënder Gega

Gjyqtarë: Andi Koçi, Ermal Barushi, Fatmir Lamaj, Mateo Sadikaj; Gjyqtarë linje: Klajdi Kola, Klodian Shahini

Kartonë të verdhë: Gexh 26′, Dita 52′, Radash 52′ / Telushi 45′

Karton i kuq: Trashi 90+5′

Delegat: Besnik Çela

Entuziazëm para festave në kampin e “demave” të cilët kanë gjetur kohën për të festuar pas stërvitjes për “Topin e Artë” të Superiores, trofe që e mori Lorenc Trashi.

Ka qenë Jasir Asani, i cili përmes një postimi në “Instagram” ka treguar se skuadra është në harmoni të plotë dhe po i shijon shumë vendi i parë dhe një gëzim më shumë është edhe trofe që fitoi lojtari anësor.

Luftëtari duhet t’i bëjë mirë llogaritë për ndeshjen e fundit të vitit, pasi përballë d të ketë një ekip, që është në humor dhe natyrshëm nuk do që ta mbyllë me gjysmë buzëqeshje vitin.

ÇMIMI – “Shpresoj që ta mbyll me një trofe meqë e nisa me një trofe. Nuk e kam pritur. Më thanë që jam i ftuar te festa e Federatës, jo që kam fituar këtë çmim. Nuk e kam menduar këtë çmim, ndoshta ndonjë çmim tjetër. U surprizova dhe ndihem i vlerësuar”.

KAMPIONATI – “I kemi ndjekur të gjitha ndeshjet në këto 2 faza dhe të gjitha ekipet i kemi parë. të tregohemi realist që kampionati do të jetë i ashpër në vazhdim. Titullin do e fitojë ekipi që do të bëjë më pak gabim”.

E ARDHMJA – “Është viti i pestë te Partizani dhe çdo vit është folur për transferim timin, por nuk ka ndodhur për arsye të ndryshme. Nuk e kam në dorë as unë e as presidenti, por uroj që të bëjmë një mbyllje sa më të mirë dhe në fund të kampionatit të vihen pikat mbi i se çdo të bëhet mbi mua apo ndonjë lojtar tjetër. Shpresoj që të kap një kampionat më të fortë”.

PREMIO – “Presidenti Demi është korrekt. Pjesën e premios e ka vetë merak. Kemi marrë premio të mira për ndeshjet e forta, si çdo president që vë për skuadrën për ta motivuar. Kështu ka vepruar dhe presidenti Demi”.

TRANSFERIMI – “Ekipet që kanë pasur interes nuk e kanë bindur presidentin dhe mua. unë dua të ndahem nga Partizani që të jemi të kënaqur të gjitha palët. Ka 5 vite që presidenti investon te unë”.

DILEMA – Më kanë pyetur sot para stërvitjes nëse do të ndërroja titullin dhe të shkoja në Kombëtare apo të shkoj në Kombëtare dhe të mos dilja kampion. I thash që luaj për titullin prej 5 vitesh. Më mirë të fitoj titullin dhe Kombëtaren për herë tjetër.

FALËNDERIMET – “Dua të falënderoj presidentin Demi që më ka mbështetur si dhe drejtorin Olsi Rama”.

Që pas ndeshjes në Vlorë ishte e qartë se mesfushori rrezikonte, sepse gjatë ndeshjes debatoi me disa tifozë që po e ofendonin, ndërsa sapo përfundoi takimi nisi të shahej në distancë me dikë në tribunë, duke shqetësuar edhe drejtuesit e Partizanit, me Olsi Ramën që doli të shihte çfarë po ndodhte dhe t’i kërkonte Trashit të futej brenda.

Natyrisht, arbitri dhe zyrtarët e ndeshjes nuk mund ta kalonin gjithçka në heshtje dhe “Sportekspres.com” mëson se gjithçka është shkruar në raportin zyrtar që është dorëzuar në FSHF.

Më pas, sjellja e Trashit është bërë objekt i Komisionit të Disiplinës, që do të mblidhet këtë mesjavë. Me pak fjalë, Trashi rrezikon të mungojë në derbi.

Gjithçka nisi pas një kalimi të Torasë, çka solli entuziazëm te tifozeria vendase, e cila reagoi duke e veçuar këtë episod. Trashit nuk i pëlqeu ky moment dhe replikoi me një tifoz. E njëjta ngjarje ndodhi edhe në përfundim të ndeshjes, aq sa duhej sërish ndërhyrja e Olsi Ramës për të qetësuar situatën. Edhe në fushën e lojës nuk munguan momentet e ”xixave” me lojtarët e Flamurtarit.

Një shqetësim për Gegën, i cili ka ndërtuar me shumë kujdes një ekip me disiplinë dhe rregulla. Trashi e pësoi pak javë më parë, por ky veprim duhet t’i nxitë drejtuesit që të gjejnë një zgjidhje. Siç mësohet, problemi i vërtetë në rastin e parë të tensionit të mbrojtësit ka qenë fakti se ai nuk është graduar si zëvendëskapiten nga skuadra. Belica është përzgjedhur si lojtari i cili do të mbajë shiritin në rast se Hoxha nuk do të jetë në fushën e blertë.

Skuadrat kanë mbërritur në të ënjtën kohë në stadium, ku Partizanit i është dashur që të presë pak minuta që Skënderbeu të lironte rrugën. Ajo që bie në sy është fakti se me “demat” në fushë është parë dhe Lorenc Trashi, i cili për këtë ndeshje nuk do të jetë i gatshëm.

Mesfushori ishte bashkuar për t’i dhënë zemër skuadrës, por dhe duke dhënë një mesazh që gjërat janë mirë te kryeqytetasit dhe ai moment jo i mirë është lënë pas krahëve. Edhe pse duhet më shumë se një orë që të nisë ndeshje, shihet se në stadium kanë nisur që të hynë tifozët.

Lajmi i fundit është që Alban Hoxha do të jetë gati që ta nisë ndeshjen nga minuta e parë. Konfirmimi ka vetëm pak minuta që është dhënë nga stafi mjekësor i Partizanit.

Pjesa tjetër e skuadrës ka qenë prezente në seancën e ditës së sotme, por dëmtimet nuk i lenë të qetë kryesuesit. Alban Hoxha nuk ishte në ndeshjen e fundit, për shkak të një dëmtimi të pësuar gjatë grumbullimit me Kombëtaren. Kapiteni është në luftë me kohën dhe pritet që të jetë gati për sfidën e kësja jave. Hoxha vijon terapinë intensive dhe mjekët kanë dhënë garancinë që do të jetë në fushë këtë ndeshje.

Po ashtu edhe Bruno Telushi është përgatitur i diferencuar ditën e sotme. Mësohet se mesfushori vlonjate ka pasur mbingarkesë, ndaj stafi teknik ka menduar që t’i japë një program të diferencuar nga pjesa tjetër e skuadrës, por dhe për të është dhënë konfirmimi se do të jetë i gatshëm për trajnerin Gega.

Edhe pse skuadra e tij arriti që të fitonte, Trashi menjëherë u largua nga fusha, ndërkohë që shokët e tij po festonin suksesin. Gramshioti nuk ka pritur as që të lahet pas ndeshjes, por ka nxituar që të largohet nga stadiumi “Selman Stërmasi”. Ka nxituar pas tij drejtori Osli Rama, por nuk ka mundur që ta arrijë Trashin, i cili ishte larguar.

Nuk ka kaluar pa u vënë re nga gazetarët ky episod dhe në prononcimin për mediat, tekniku tropojan i është përgjigjur pyetjes se pse 26-vjeçari ishte larguar në atë mënyrë: “Nuk e di. nuk kam folur ende me askënd. Nuk besoj se ka diçka mes Trashit dhe askujt. Ndoshta nuk ishte i kënaqur me performancën e tij në minuta e fundit, pasi pretendon më tepër, do të kontrollojë më tepër dhe kaq. Mos kishte të bënte me pozicionin? Nuk besoj se ka pasur lidhje me pozicionin, pasi ishte i lirë, u morëm vesh.  Ai duhet të shkonte në të djathtë, prej aty mund të rrezikonte. E rëndësishme është që u arrit qëllimi dhe grupi është në rregull”.

Trashi është cilësuar shpesh si një prej lojtarëve më të dalluar në Kategorinë Superiore, i cili është përfolur dhe si një alternativë me potencial për të qenë pjesë e dhe e Kombëtares. Siç bëhet me dije dhe në postimin e Partizanit, rinovimi ka ardhur si rrjedhojë e vullnetit të dyanshëm.

POSTIMI I PLOTË I PARTIZANIT  – “Titullari 26 vjeçar, i kuq deri në 2020. Klubi zyrtarizon sot zgjatjen e bashkëpunimit me Lorenc Trashin. Lojtari 26 vjeçar dhe drejtuesit kanë nënshkruar kontratën e re deri në 2020, me opsion rinovimi edhe për 1 vit tjetër, duke konkretizuar kështu pozitivisht të ardhmen e titullarit te Partizani. Trashi pjesë e të kuqve nga viti 2014, falë paraqitjeve dhe cilësive që ka shfaqur përgjatë gjithë eksperiencës me fanellën e kuqe , konsiderohet një prej lojtarëve më të spikatur të Partizanit dhe kampionatit tonë. Rinovimi i kontratës erdhi me dëshirën e të dyja palëve, fakt i cili pasqyron më së miri besimin dhe korrektësinë e marrëdhënies Klub-Lojtar”.

“Më kishte munguar derbi, pasi krijohet atmosferë shumë e bukur dhe çdo tifoz do e donte një derbi të tillë”.

“Nuk ishte një ndeshje e lehtë. jemi munduar që të përqendroheshim. Bëmë diçka ndryshe, pasi jemi vetëm 4 lojtarë që kishim qenë në fushë nga e shkuara dhe kemi futur frymën, ju kemi treguar për emocionet dhe rezultoi pozitive”.

“Nuk mund të them se Tirana ishte shumë dobët, por ne e vumë në vështirësi dhe kjo ishte e gjitha”.

“Gega ka bërë një punë shumë të mirë, na bën mbledhje dhe na thekson që nuk duhet të kalojmë në eufori. Kemi një marrëdhënie shumë të mirë dhe jashtë fushe, çka ka ndikuar shumë. Ka një kulturë tjetër nga trajnerët e tjerë. Profesori ka jetuar jashtë dhe ka tjetër kulturë”.

“Në këtë ndeshje kam sakrifikuar shumë, pasi kam kaluar dy ditë të vështira. Kam  bërë disa eko për kofshën në këmbën e majtë dhe nuk kam dalë mirë, por kam këmbëngulur që të mos e humba këtë derbi. Ja dola mirë deri diku, derisa nuk mundi”.

“Premio? Presidenti nuk na ka lënë pas dore”.

“Nuk e di çfarë ka parë trajneri, por ta shohë kush ka bërë një gjuajtje në portë ne apo Tirana”.

“Demat” kanë zhvilluar sot një takim miqësor me skuadrën e Tomorit, ku kanë arritur një sukses të thellë 6-1. Gjithsesi, duhet të veçohet që në formacion titullar ishin shumë emra të rinj, por dhe disa nga afrimet e kësja vere.

Që në sekondat e para ishte Klejdi Daci, i cili shënoi sapo ishte mbushur një minutë lojë. Më pas kanë qenë beratasit ata që kanë arritur të barazojnë shifrat.

Në pjesën e dytë trajneri Gega ka aktivizuar një pjesë të madhe të titullarëve dhe rezultati flet vetë më pas. Progni shënoi sapo startoi pjesa e dytë dhe më pas Gojkoviç, Hila e Trashi si dhe një autogol i skuadrës së Tomorit.

PARTIZANI 6 – 1 TOMORI

Shënues: Daci 1′, Progni 46′ , Gojkoviç 52′, Hila 54′ , autogol 87′, Trashi 90′

Formacioni i Partizanit: Xhika, Lala, Bitri, Shaqiri, Hysenaj, Kodra,  Statoviç, Henri, Bardhi, Zhdrella, Daci.  

U aktivizuan: Hoxha, Atanda, Gojkoviç, Kalari, Ibrahimi , Hila, Mala, Telushi, Trashi, Progni

E dini se kush është një nga frazat më monotone dhe të pavërteta në futboll? Janë ato kur futbollistët shprehen se pranojnë të sakrifikojnë për ekipin duke luajtur në çdo rol që i jep trajneri. Nuk e bëjnë me dëshirë, por janë të detyruar. Për ta vendosur pak në paralelizëm, ishte Sebino Plaku që i dha përgjigjen e vërtetë kësaj pyetje pas ndeshjes së humbur me Partizanin. “Po e vuaj largësinë nga porta dhe ndryshimin e pozicionit, por duhet të sakrifikoj për skuadrën”, – ishin fjalët e kapitenit të Kamzës.
Trashi luajti 90-minuta si mbrojtës i majtë në ndeshjen kundër Kamzës. Ai u preferua para Blerim Kotobellit në atë pozicion, pasi Renaldo Kalari ishte i dëmtuar. Eksperimenti funksionoi, pasi fitorja mbyll çdo problem, por si do të jetë vazhdimësia?

EKSPERIMENTI ME TRASHIN – Ta quash eksperiment pozicionimin e Trashit në krahun e majtë të mbrojtjes lë shije të keqe te stafi teknik i Partizanit. Arsyeja? E thjeshtë, 25-vjeçari ka luajtur edhe më parë në një pozicion të tillë. Ai është përdorur më parë nga trajneri Sulejman Starova në të njëjtin vend. Gramshioti mund të sakrifikohet sërish duke parë mbipopullimin që kanë të kuqtë në krahët e sulmit dhe të fiksohet si mbrojtës i majtë. Kjo vendosje është e rrezikshme për të kuqtë, pasi fitojnë në aspektin ofensiv duke qenë se Trashi ka tipare sulmuese, por humbasin mbrapa, pasi në aspektin defensiv nuk ofron shumë siguri.

Sezonin e kaluar nën drejtimin e Starovës, Trashi u vendos disa herë si mbrojtës i majtë, por u ndryshua shpejt, pasi në përballjet me ekipet e mëdha çalonte. Partizani sulmohej vetëm në atë pozicion, ndërsa në përballjet me ekipet më pak të rrezikshme, rasti konkret me Kamzën, vendosja e Trashit ndihmon ekipin përpara. Megjithatë, edhe me ekipin e Kamzës, goli erdhi nga krahu i majtë, pasi Idrizaj u la i lirë për të krosuar drejt zonës. Bast i rrezikshëm, por të shohim nëse Starova do ta vazhdojë këtë strategji edhe me rikthimin e Kalarit në formë.

“DETYRIMI” – Një lëvizje e tillë është e detyruar edhe nga “moria” e sulmuesve të krahut që ka Partizani. Starova nuk mund të ulë Trashin në stol, por vështirë ta preferojë para Lukasit në krahun e majtë të sulmit, pas përformancës që pati ky i fundit në ndeshjen kundër Kamzës. Asani fitoi “imunitet” me dy golashin e tij, por se si do ta zgjidhë Strova këtë çështje, një Zot e di! Konkurrenca të bën mirë…

MESFUSHORI SERB – Pas afrimit apo testimit të shumë lojtarëve të rinj, Partizani provon edhe një futbollist 33-vjeçar, aq sa duket sikur është kthyer La Kamera. Bëhet fjalë për mesfushorin me tipare mbrojtëse Milan Çulum, serb, i cili në pjesën e parë të sezonit ishte titullar, me 13 ndeshje të luajtura, te Slloboda Tuzla në Bosnje-Hercegovinë. Skuadra e vendeve të fundit në renditje në kampionatin boshnjak ka prishur kontratën me mesfushorin para dy ditësh, edhe pse kishte kontratë 1+1 me të.

Më parë Çulum ka luajtur edhe me Zeljezniçarin në Bosnje, ndërsa në Serbi ka luajtur me OFK Beograd, Çukariçkin, Smederevob, Hajduk Kulën, Radniçki Nish, Radniçki Kragujevac Radnik Surdulica e Rad Beograd.

Futbollist 2 metra i gjatë, Çuluk ka eksperiencë të jashtëzakonshme dhe ka luajtur rregullisht në çdo ekip, ndaj Partizani ka vendosur të shkelë për një moment rregullin e ri, duke testuar edhe një lojtar me një moshë disi të papërshtatshme për strategjinë afatgjatë të klubit.

Sport Ekspres mëson se drejtuesit e Kukësit janë gati t’i ofrojnë Trashit një kontratë mjaft joshëse, me më shumë se 4000 euro në muaj, por gjithashtu një bonus të rëndësishëm për firmën, nëse largohet me parametër zero nga Partizani.

Problemi është kontrata, natyrisht, sepse Partizani nuk e lëshon kollaj mesfushorin e rëndësishëm, edhe pse veproi ndryshe me të tjerët që largoi në fillim të muajit. Natyrisht, në rastin e Trashit drejtuesit e Partizanit veprojnë ndryshe sepse e dinë që ai vlen shumë në merkato, por problemi është se nuk ka më oferta për të. Gjithsesi, Kukësi e ka kaluar topin në mesfushën e Trashit, mesfushori duhet ta gjejë vetë zgjidhjen për prishjen e kontratës.

Ndërkaq, nëse Trashi do të lirohej nga Partizani, nuk është e thënë që Kukësi ta ketë të shtruar rrugën, sepse për mesfushorin mund të realizohej edhe ndonjë kalim në Vlorë, aty ku do gjente Shpëtim Duron, trajner me të cilin ka marrëdhënie të shkëlqyera.

E vërteta sipas Trashit është ndryshe. Nuk ka pasur hedhje fanelle, ka pasur debat, por ofendimet i ka nisur Starova, që sipas mesfushorit ka mllefe të vjetra me të. Për newsport.al Trashi tregon versionin e tij të ngjarjes.

“Profesor Starova për të justifikuar veten ka shpikur shumë fjalë që s’janë të vërteta. Në radhë të parë unë s’i jam drejtuar me tone të larta atij, po e kundërta. Jam ulur në pankinë shumë i qetë dhe i kam folur tamam. “Profesor pse s’më le dhe pak të merrja pak përgatitje?” Se më ka zëvendësuar në minutën e 60-të dhe jo 75-të siç thotë ai. Në atë moment ai më është kthyer me tone të ashpra, që do të thotë se mezi ka pritur një debat me mua. Profesor Starova mos të bëjë tani si shenjtor. Kur Partizani s’ka kontingjentin e duhur të lojtarëve dhe shprehet që unë si trajner s’i kam thënë të largohet nga ekipi. Ai është shprehur shumë qartë dhe aty kanë qenë shumë lojtarë dhe stafi bashkë për të vërtetuar gjithçka që ai ka thënë kundrejt meje.

“Ma qëroni nga hoteli, nuk dua ta shoh më në ekip”. Pasi ka thënë kështu, unë jam çuar dhe i kam thënë: “Profesor, qëndroi besnik fjalëve që po thua. Nëse je burrë thuaja edhe presidentit në sy tim, që nuk e dua më Trashin. Edhe ai e ka pranuar duke më thënë “OK”.

Më pas i dhashë dorën, ai më refuzoi. “Mos ma jep as dorën tha”, edhe unë vazhdova drejt dhomave të zhveshjeve. Teksa po largohesha ai nuk e la me kaq, por vazhdoi të më ofendonte nga fjalë më të ndyrat. Më ka ulur dhe më ka fëlliqur në sy të shokëve e stafit.

Iu ktheva në atë moment dhe hoqa bluzën. Ia lashë te pankina. Absolutisht nuk e kam hedhur. E hoqa dhe i thashë: “Për këto fjalë që më the, unë dhe ti e kemi mbyllur”.

Dua t’i drejtohem profesor Starovës duke i thënë që mos të justifikojë veten te tifozët e te presidenca. Mos të shfajësohet ndaj publikut me arsyen se Trashi ka hedhur fanellën, se ka shumë njerëz aty që e vërtetojnë këtë gjë. Ofendimet e Starovës kundrejt meje janë një mllef i mbledhur prej kohësh. Më në fund ia arriti qëllimit, ta nxirrte atë mllef. Është shumë e thjeshtë, kur nuk e do një lojtar, pse nuk i thua presidentit: “Nuk e dua në ekip Trashin, s’më shërben për asgjë”, dhe unë shoh karrierën time.

Gjithsesi, unë personalisht e quaj të mbyllur me Starovën. Nuk tërhiqem aspak pas, çfarëdo lloje mase të merret kundër meje. Edhe një gjobë, unë absolutisht nuk e pranoj, sepse jam me të drejtë dhe s’lejoj njeri ta mohojë këtë gjë. Kur kam qenë gabim, kam qenë unë ai që i kam kërkuar falje profesorit. Por, tani jo më! Është totalisht gabim. Më ka ofenduar shumë rëndë”.

Skautët e Rapidit e kanë ndjekur në disa ndeshje Trashin dhe kanë marrë të gjithë informacionet e nevojshme për të. Në fund kanë dhënë edhe përgjigjen pozitive për ta afruar në skuadër, por fatkeqësisht marrëveshja nuk është arritur. Kjo jo për faj të Trashit, e as për faj të Partizanit, por për stepjen e austriakëve.

MUNDËSIA – Rapidi i Vjenës ka kërkuar një lojtar me karakteristikat e Trashit. Pas rekomandimit të lojtarit, austriakët e kanë ndjekur dhe e kanë pëlqyer atë, por në fund nuk kanë bërë hapin final. Cilësitë e Trashit nuk i kanë bindur aq shumë sa për të kontaktuar dhe dërguar një ofertë zyrtare në zyrat e klubit të “demave”. Drejtuesit e Rapidit të Vjenës kanë dashur të sigurojnë shërbimet e lojtarit pa paguar asgjë në klubin e “demave” dhe kanë shpresuar që vetë futbollisti ta zgjidhte kontratën me klubin, pa kosto financiare. Megjithatë, Trashi është nën kontratë me Partizanin dhe nuk mund të largohet falas nga klubi i kuq. Shifra që kërkon Partizani për të liruar 25-vjeçarin është 200 mijë euro. Një shumë e tillë nuk është marrë aspak në konsideratë nga skuadra e Rapidit, që ka dashur të sigurojë shërbimet e Trashit falas.

Të kuqtë nuk bëjnë më gabime të tilla, prandaj dhe kontratat e tyre janë afatgjata për të mos u gjendur përballë situatave të tilla. Rasti i mbrojtësit Amir Rrahmanit akoma mbahet mend mirë në shtëpinë e kuqe.

TRASHI – Dëshira e lojtarit është të largohet nga Partizani për një ekip jashtë vendit, ashtu siç dëshiron çdo futbollist i Superligës shqiptare. Trashi ishte shumë afër përfshirjes në kombëtaren e Shqipërisë dhe nuk u grumbullua në momentet e fundit. Një ndër arsyet që mesfushori mendon se e penalizon është edhe fakti që luan në Superligën shqiptare, një kampionat që nuk ka tërhequr trajnerët e përfaqësueses, sidomos në 17 vitet e shekullit të ri.

Jo vetëm kaq, sepse pati edhe tension, me mesfushorin Lorenc Trashi që u grind me stafin drejtues.

Në momentin e zëvendësimit, në minutën e 60-të, Lorenc Trashi ka reaguar ashpër dhe ka replikuar fuqishëm me trajnerin Klevis Dalipi, i cili zëvendësonte Sulejman Starovën në këtë ndeshje. Futbollistit të kuq nuk i ka pëlqyer aspak vendimi i tij për ta zëvendësuar dhe për shumë minuta ka qenë nervoz në stolin e kuq.

Një çështje më vete kjo për skuadrën e kuqe, pasi Trashi ka replikuar edhe në ndeshje të tjera të kampionatit, kur është zëvendësuar nga trajneri Strarova .