Së fundmi ata kanë zyrtarizuar afrimin e Bubakar Traore, sulmuesi anësor që verën e shkuar iu bashkua Teutës dhe bëri një sezon të mirë. Senegalezi është i aftë të luajë në disa pozicione dhe durrsakët donin ta mbanin në ekip.

Traore ka menduar ndryshe dhe me Hapoel Kfar Saba ai ka nënshkruar kontratë njëvjeçare, me opsion për ta zgjatur edhe një sezon tjetër. Futbollisti 21-vjeçar u aktivizua me Teutën në 23 ndeshje në kampionat dhe shënoi edhe tre gola. Tani do të luajë në kampionatin izraelit.

Është Fermana, ekip i Serie C që interesohet për Traore. Në Durrës ai është parë të luajë edhe në treshen e mesfushës. Klubi italian ka larguar pak ditë më parë Luis Kaçorrin dhe tani po tenton lojtarin  e Teutës.

Traore në pjesën e parë të sezonit është aktivizuar në 12 ndeshje, 8 prej të cilave i ka nisur nga minuta e parë. Duhet thënë se për 21-vjeçarin nuk është se kanë shkuar gjërat mirë, pasi ka pasur një dëmtim që e ka penalizuar.

Duke parë moshën e tij, te Teuta zor se do të privohen nga shërbimet e tij. Fermana bën pjesë në grupin B të Serie C dhe renditet në vendin e tretë. Objektivi është ngjitja në Serinë B, por Traore në Shqipëri ka mundësinë të luftojë për titullin kampion. Mbetet për t’u parë se çfarë do të ndodhë.

MERKATO – “Do marrim lojtarë nëse mund të na ndihmojë dhe të jetë më i mirë nga këta që kemi”, ky është refreni i kahershëm i trajneri Bledi Shkëmbi, i cili e ka përsëritur sërish në deklaratën e dhënë për Supersport.

Korçari e pranon se nëse do i kishin thënë në fillim të sezonit të firmoste në vendin e tretë, do e kish pranuar menjëherë: “Do firmosja për këtë pozicion në fillim. Duhet pritur deri në fund, atëherë kur bëhen llogaritë. Kemi bërë diçka të mirë deri tani. Është e rëndësishme të bëjmë mirë deri në fund dhe ta mbajmë këtë pozicion që kemi ne tani”.