Transferta

Transferta më e gjatë në botë, rekordi vjen nga kampionati australian

Sport Ekspres — Sun, 04 Aug 2019 12:58:02 +0000

Kampionati australian i futbollit “A League”, nuk ka shumë me ç’të krenohet, por të paktën në vendin e kangurëve e kanë një rekord të tyrin. Bëhet fjalë për distancën më të gjatë midis ekipeve brenda një kampionati.

Dy ekipet “fatkeqe” janë Perth Goly dhe Wellington Phoenix, këta të fundit janë një skuadër e Zelandës së Re, por për ta është bërë një përjashtim, duke i lejuar të jenë pjesë e kampionatit australian.

Ndeshje midis Wellington Phoenix dhe Perth Glory

Distanca midis dy qyteteve është e pabesueshme, plot 5225 kilometra. Me të njëjtën distancë mund të shkosh nga Spanja në Kanada, nga Roma në Pakistan ose nga Finlanda në Mongoli. “A League” nuk ka zbritje nga kategoria, çka bën të sigurt që Austrialia ta mbajë këtë rekord edhe për disa vite, gjithmonë nëse nuk kemi ndonjë surprizë nga Rusia.

5225 km

Lëvizjet më të çuditshme te merkatos së verës

Sport Ekspres — Tue, 11 Sep 2018 21:09:22 +0000

Merkatoja e verës ka mbaruar dhe pothuajse të gjithë lojtarët e lirë kanë firmosur gjatë javës që sapo lamë pas. Transferimet e lojtarëve zakonisht ndjekin një rrjedhë logjike, por sigurisht ka dhe përjashtime.

Gjatë muajve të fundit disa lëvizje të bujshme çuditën mbarë botën e futbollit. Nga 17-vjeçari Rodrigo Goesh, te 39-vjeçari Klaudio Pizarro, që nuk po di të ndahet nga ky sport.

Në foto galerinë e mëposhtme janë listuar shtatë transferimet më të çuditshme të kësaj merkatoje të çmendur.

[Best_Wordpress_Gallery id=”148″ gal_title=”7 Transferimet më të çuditshme”]

“Çështja Çinari”, vjen reagimi nga pala spanjolle

Sport Ekspres — Sat, 18 Aug 2018 13:17:32 +0000

Transferimi i Erald Çinarit te Deportivo Alavesh, është bërë një çështje problematike në Shkodër. Vllaznia pretendon se kalimi i mëngjarashit te klubi spanjoll është kryer pa dijeninë e tyre dhe me anë të dokumenteve të falsifikuara. Skandali thellohet akoma më shumë, pasi shkodranët thonë dhe se paratë që Alavesh pretendon se ia ka depozituar palës shqiptare, nuk kanë përfunduar në llogarinë bankare të tyre, por në Itali, tek një llogari që tani nuk ekziston më dhe s’ka kurrfarë lidhje me klubin.

Dje ka ardhur dhe reagimi i klubit spanjoll. Në një prononcim për medien spanjolle “Gasteiz Hoy”, pala spanjolle është mbrojtur duke thënë: Transfertën e Çinarit e mbyllëm me bordin e mëparshëm të Vllaznisë. I gjithë dokumentacioni jonë është tërësisht i rregullt, nuk është bërë asnjë shkelje ligji, ndërsa paratë i depozituam në llogarinë që na u dha nga kontaktet zyrtare me bordin e vjetër të Vllaznisë”.

Nga deklarata e spanjollëve, nënkuptohet qartë që ata ia hedhin fajin për “lëmshin” e krijuar në këtë transferim, punonjësve të mëparshëm të skuadrës shkodrane. Në prononcimin e tyre, përfaqësuesi i Alavesh thotë se është i bindur se dhoma e zgjidhjes së konflikteve në FIFA do t’i japë të drejtë klubit të tij.