Gjithsesi, kjo gjë nuk i ka ndaluar mediat vendase që të spekulojnë për pasuesin e Ramadanit dhe emri më i përfolur ishte ai i Bilbil Sokolit. Pas shumë spekulimeve, klubi i Feronikelit nuk ka duruar më dha ka lëshuar një deklaratë zyrtare:

KF Feronikeli hedhë poshtë spekulimet e mediave kinse është arritur marrëveshje mes klubit tonë dhe trajnerit Bilbil Sokoli, madje as qe kemi biseduar me të.

KF Feronikeli sqaron opinionin se është afër marrëveshjes me një trajner të huaj dhe shpejt pritet zyrtarizimi i tij.

Lusim mediat se para se të plasojnë lajme të marrin informacione nga klubi i cili është i hapur për të gjithë të interesuarit.

“Kjo është gjëja më negative absolutisht në futboll. Mund të humbësh e fitosh ndeshje, por në këtë mënyrë të shqetëson shumë. Jemi vend i vogël dhe ndodhin këto raste të dyshimta. Gjyqtari ose duhet të ngrejë flamurin ose jo, nuk ka asgjë për të ndryshuar vendimin. Është e kotë të flasim për rezultat. Komplimente djemve, edhe atyre në pankinë e në tribunë se kanë bërë gjithçka si duhet. Kemi qenë bashkë, kemi dhënë maksimumin dhe mund të merrnim diçka më shumë”.

“Tek episodi fola me gjyqtarin e katërt dhe e pyeta pse u ndryshua vendimi. Sapo pësuam golin pashë vijërojtësin që kishte çuar flamurin dhe isha i qetë. Por ata e ndërruan vendimin dhe nuk kishte si ta shihnin e merrnin vendim ndryshe. Ky është turp, është e turpshme. Nesër kalon gjithçka, por klubi ka pësuar një dëm të madh.
Pyeta arbitrin e katërt, si ka mundësi që arbitri anësor e jep offside, kryesori e jep offside. Anulohet goli. Pastaj, flasin 1 minutë me njeri-tjetrin dhe e anulojnë vendimin. Ai më tha e kanë parë në replay. Në këtë fazë nuk ka fare VAR! Është skandal! Pastaj, nëse do kishte VAR, ai gol prapë do anulohej. Është skandal”.

“Djemve nuk mund t’u them gjë tjetër, kemi bërë tre ndeshje ne lartësinë e duhur, kanë mbajtur lart figurën e Partizanit. Nuk mund ta quaj katastrofë ndeshjen e parë ndaj Sherif në Tiranë, të gjithë kanë bërë mirë. Të jenë krenarë, shumë krenarë se kemi dalë me kokën lart. Ishim në lojë, e kishim raste të rëndësishme, kishim mundësi erdhëm këtu e luajtëm futboll e nuk u paraqitëm keq, luajtëm futboll e patëm mundësi të kalonim. Por përtej rasteve, kishte 5-6 situata ku gjyqtari ndalte lojën kundër nesh, edhe faulli i golit nuk ishte. Pastaj Braun i mori topin kundërshtarit po shkonte në portë, por ai e ndali me 3 futbollistë tanët në zonë. Janë raste që vendosin ndeshjen

“Humbja që pësuam sot është gjëja më e mirë që na ka ndodhur. Kuptuam ku e kemi problemin. Tirana na shënoi 5 gola, ne mezi krijuam një rast për gol. Kjo i tregon të gjitha. Merkato? Duhen të paktën edhe tre lojtarë. Duhen dy qendërmbrojtës dhe një sulmues pykë.

Portierët? Zero të dy! Ne e dimë se në këtë moment që jemi, mund të luajmë vetëm një pjesë loje. Jemi shumë të ngarkuar. Na duhen lojtarë me eksperiencë që të bëjmë lojën që duam”, përfundoi Dovedan.

“Mendoj se rezultati i arritur në takimin e parë na penalizon disi dhe nuk e prisnim, gjithsesi ne do të luajmë dhe shfrytëzojmë në maksimum shanset tona deri në minutën e fundit të takimit. Sherifi është një skuadër me kualitete ka lojtar mjaft cilësor në sulm, fakt për të cilin jemi të vetëdijshëm, pasi i kemi studiuar edhe përpara se të përballëshim në sfidën në Tiranë, kemi ndjekur disa takime të Sherifit.

Gjithsesi, nëse duam të luajmë shanset tona për kualifikim, duhet të mendojmë vetëm për veten tonë. Jemi një grup mjaft i mirë me mjaft lojtarë të rinj të talentuar, të cilët kanë dëshirë të rriten, të përmirësohen dhe të bëjnë mirë. Në skuadër ka mjaft optimizëm pasi në futboll gjithçka është e mundur”, përfundoi Lerda.

Në këtë konferencë, ishte i pranishëm dhe mbrojtësi Boldor, një nga afrimet e Partizanit këtë verë. Rumuni tha: “Kemi ardhur për të luajtur shancet tona, panvarësisht rezultatit të takimit të parë. Jemi mjaft optimistë, pasi janë edhe 90 minuta të tjera për tu luajtur dhe do të japim maksimumin për të synuar kualifikimin”, u shpreh mbrojtësi i ardhur këtë merkato vere.

Përveç problemeve me kontratat e futbollistëve, të cilët nuk janë ulur ende për të biseduar për rinovim ose ndërprerje, Duro shqetësohet edhe për faktin se nuk ka ende një portier cilësor në ekip. Avdyli, i ardhur këtë merkato, nuk ka besimin e trajnerit, ndërsa i riu Basha, ka mungesë eksperience.

Flitej për një akord me ish-portierin e Flamurtarit, Ena Koliçit, por 33-vjeçari duket më pranë firmës me Dinamon. Porta mbetet ende “bosh” në këtë fazë të merkatos dhe me shumë gjasa, drejtuesit verilindorë do të studiojnë disa alternativa nga IPKO Superliga.

Sot, SportEkspres ka mësuar se tekniku Daja i është bashkuar grupit të lojtarëve të skuadrës së Skënderbeut në “WhatsApp”. Tashmë, një rikthim i trajnerit kryeqytetas te “Ujqërit e Dëborës”, duket edhe më i mundshëm.

Me ekipin e Skënderbeut, Daja ka qenë shumë i suksesshëm. Tekniku 52-vjeçar i ka drejtuar bardhekuqtë në 77 ndeshje, si dhe ka fituar kampionatin në sezonin 2017/18. Gjithashtu, Daja fitoi atë sezon dhe Kupën e Shqipërisë me Skënderbeun.

Edhe pse ekipi duket i kompletuar, Valverde ka piketuar një pozicion në formacionin e tij që ka probleme dhe është pikërisht krahu i majtë i mbrojtjes. I vetmi që e mbulon këtë rol është Zhordi Alba dhe duhet me patjetër një afrim i ri.

“Merkato nuk është mbyllur, është e mundur që të sjellim ndonjë emër surprizë. Të gjithë e dimë se kemi pasur probleme në krahun e majtë të mbrojtjes, po shqyrtojmë alternativën më të mirë”, tha shkurtimisht Valverde. David Alaba dhe Junior Firpo janë emrat që janë lidhur me një kalim te Barcelona këtë verë.

FJALËT E PARA – “Puna e trajnerit është përgjegjësi në çdo skuadër. Edhe marrja e drejtimit të Kukësit është përgjegjësi, edhe më e madhe, sepse Kukësi ka qenë protagonist me Skënderbeun dhe Partizanin në dekadën e fundit, duke fituar edhe trofe. Është një kënaqësi të marr drejtimin dhe falënderoj drejtuesit dhe presidentin për besimin. Pozitive është që është fillimi i sezonit, ndaj kemi kohë”.

ZGJEDHJA – “Janë disa skuadra që nuk refuzohen. Projekti dhe objektivat, skuadra cilësorë që ka, këto më binden të pranoj”.

GJICI – “Puna e trajnerit e tillë është. Është hera e  parë që bashkëpunoj me Gjicin, është president ambicioz, që ka fituar shumë. Nga jashtë e kam parë që skuadrat e ndërtuara këtu kanë qenë gjithnjë të forta, shpresojmë të bëjmë më të mirën”.

SKUADRA – “Nuk ka arsye për të ndërhyrë fuqimisht në ekip. Do ketë ndonjë largim që do zëvendësohet. Skuadra është cilësore, unë kam mendimet e mia ku mund të përforcohemi, në bashkëpunim me Nexhipin, të cilin e kam pasur edhe futbollist, tani e kam drejtues”.

NEXHIPI – “Sot po tregoj një sekret: ofertën e parë që Gjici i ka bërë një trajneri shqiptar në Superiore ma ka bërë mua, por zgjodha rrugë tjetër në atë kohë, pas periudhës që drejtova Skënderbeun. Ishte Kukës tjetër në atë kohë, natyrisht. Me Nexhipin me bashkëpunuar mirë, te Partizani e Shkëndija, ka eksperiencë të madhe në futboll dhe ndihem i vlerësuar nëse ai ka ndikuar në zgjedhjen time”.

TITULLI, PARTIZANI – “Kam punuar te Partizani, por jemi profesionistë. Nuk e mohoj të shkuarën, por tani do të bëj të pamundurën për të ndihmuar Kukësin të fitojë”.

E ARDHMJA – “Nuk i kam qejf termat mbrojtës, sulmues, janë përkufizime të dala mode. Unë kam pasur gjithnjë ekipe të ekuilibruara, elastike, në varësi të kundërshtarit. Rëndësi ka që skuadra të funksionojë”.

MERKATO – “Kukësi e Partizani kanë qenë dhe mbeten skuadra kryesore. Ashtu siç mendojmë ta përballojmë ne, edhe ata mendojnë si të na përballojnë. Tani nis puna jonë për kompletimin e ekipit në rast largimesh, të shohim si do përshtaten në fushë lojtarë të veçantë”.

SUPERIORJA – “Për Skënderbeun më ka ardhur shumë keq, sepse kam qenë aty. Partizani është përforcuar, të shohim më tej ekipet e tjera.

LOJTARËT PA KONTRATË – “Dje arrita marrëveshjen me klubin, do ulemi të bisedojmë. Kontratat i sheh klubi, pastaj unë vendos në aspektin teknik”.

GAVAZAJ DHE DAKU – “Unë dje e mbylla marrëveshjen. Gavazaj e njohim, është përforcim shumë cilësor. Daku është cilësor, i ri, por me shumë të ardhme”.

VALDET RAMA – “Është shumë cilësor, me eksperiencë, që vlen edhe për kombëtaren. Klubi po flet me të, të shohim”.

Me anë të një postimi në faqen e tyre zyrtare në Facebook, Kukësi konfirmoi Duron si trajnerin më të ri të skuadrës. Pak momente më vonë, do të publikojmë dhe fjalët e para të trajnerit të Kukësit…

SHERIFI – “Sigurisht që përballë kemi një kundërshtar të cilin do ta vlerësojmë maksimalisht, duke ditur ecurinë e tij gjatë viteve të fundit. Është një skuadër që këtë sezon ka ndryshuar mjaft lojtarë. Por ne do ta vlerësojmë maksimalisht”.

MUNGESA E GOLIT– “Skuadra ka krijuar shumë raste në 2 përballjet e Champions, por nuk kemi arritur të realizojmë. Kjo nuk është problem. E rëndësishme është që ne të krijojmë raste”.

OBJEKTIVI– “Detyrim për ne është që të japim maksimumin. Të zhvillojmë me përpikmëri të gjitha ato që kemi zhvilluar në stërvitje. Për sa i përket kualifikimit ajo do të jetë në vazhdimësi të këtyre që thashë”.

SULMI – “Parësore për mua është të sulmojmë në grup dhe të mbrohemi në grup si skuadër. Ky është objektivi që kam unë”.

PRESIONI – “Kemi bërë 2 paraqitje të mira ndaj Karabakut. Kjo falë respektit që unë kam pasur te skuadra dhe lojtarët e mi, për atë çfarë kanë dhënë në fushë. Treguan që përveçse janë lojtar cilësorë, janë grup me mjaft vlera”.

Strategu kryeqytetas pritet të zëvendësojë të larguarin Ernest Gjoka, i cili u “divorcua” me verilindorët pas eliminimit me dy ndeshje përballë Debreçenit në turin e parë kualifikues të Europa League.

Në Superiore, Duro ka drejtuar ekipet e Partizanit, Besës, Skënderbeut, Vllaznisë dhe Flamurtarit. Një trajner me shumë eksperiencë në futbollin shqiptar dhe Gjici e sheh këtë të fundit si trajnerin e duhur për t’i besuar stolin.

“Jemi të kënaqur, sepse dëshironim kualifikimin dhe e arritëm. Ishte shumë e vështirë, sa për motin, ashtu edhe për Teutën që luajti shumë mirë. Të lumtur, edhe pse humbëm, duke parë si shkoi kjo ndeshje, që në fakt e prisnim të vuajtur”.

“Gjithçka shkoi sipas planit, edhe spe për fat të keq pësuam një gol në fillim të pjesës së dytë që na tronditi pak. Megjithatë, jam i kënaqur nga paraqitja e ekipit dhe tani mendojmë për turin e ardhshëm”.

KULIFIKIMI – “Arsyet janë të shumta. Arsyeja kryesore është që nëse arrijmë të kualifikohemi, nuk i japim të mira vetëm ekipit të Kukësit, por të gjithë futbollit shqiptar. Por nuk do të jetë e lehtë, pasi përballë kemi ekipin e Debreçenit. Ne bëmë një ndeshje shumë të mirë atje në fazën sulmuese, si asnjëherë tjetër, por nuk patëm fatin me vete. Jemi përballë realitetit që duhet ta pranojmë, është 0-3. Do të duhet një sakrificë të madhe dhe pak fat që të shkojmë te goli”.

KEQARDHJE – “Keqardhja është shumë e madhe, pasi ekipi zhvilloi një ndeshje shumë të mirë. Ishte një nga ato ndeshjet në Kupat e Europës që ekipet shqiptare bëjnë paraqitje dinjitoze. Por futbollit është i pamëshirshëm. E kemi studiuar sërish kundërshtarin, do ta kërkojmë deri në fund kualifikimin. Duhet të kemi shumë kujdes, pasi kundërshtari është i rrezikshëm”.

RAMA – “E dimë kush është Valdet Rama, është një lojtar me cilësi të mëdha. I kemi ndryshuar rolin, e kemi kaluar sulmues. Nëse në Debreçen nuk pati fatin para porte, shpresojmë që ta ketë nesër. Jemi me shumë fat që e kemi në skuadër, një lojtar që i jep shumë futbollit shqiptar”.

SFIDA E KTHIMIT – “Nuk kemi çfarë kursejmë më, do të luajmë gjithçka për gjithçka. I kam kërkuar skuadrës që ta fitojë me patjetër këtë ndeshje, qoftë edhe për moral. E kam parë te skuadra dëshirën për të fituar, mendoj se do t’ia dalim nesër”.

SYNIMI – “Një nga egot e mia personale është që të shkoj drejt një grupi të Europa League, siç kanë shkuar 2 kolegë të nderuar të mitë. Kam kaluar ture, por më duket se jam i pafat. Edhe me Flamurtarin, edhe ky vit. Nga ekipet që kishim në short, na ra Debreçeni. U munduam të merrnim maksimumin në ndeshjen e parë, nuk ia dolëm. Shpresoj që fati i munguar gjatë gjithë këtyre viteve të na vijë nesër”.

PRESIDENTI – “Unë nuk jam në presion për kualifikim. Kukësi ndërtohet gjithmonë për të ecur përpara. Gjici është egoist dhe do që të arrijë gjithçka, por jo gjithmonë çfarë synon, e arrin. Nëse në futboll ecin gjërat me presion, asgjë nuk rregullohet, vetëm prishet. Presidenti do gjithçka, unë jam më i balancuar, mundohem ta mbështes skuadrën”, përfundoi Gjoka.

Jonuz është 57-vjeç dhe në karrierën e tij si futbollist, ka qenë portier i disa ekipeve, si Levadikos dhe Vardarit. Trajneri është i njohur në Maqedoni, aty dhe ku e ka kaluar pjesën më të madhe të karrierës së tij si futbollist dhe si trajner. Prezantimi i tij para mediave do të bëhet pas disa ditësh dhe zyrtarizimi i tij në krye të Vllaznisë është njoftuar nga vetë klubi shkodran.

Njoftimi i Vllaznisë:

“Pas firmave në kontratë me disa futbollistë të cilët do të jenë pjesë e skuadrës për sezonin e ardhshëm futbollistik, drejtuesit e klubit kanë vijuar punën edhe në aspekte të tjera. Për këtë arsye, ditën e sotme është arritur akordi edhe me trajnerin që do të drejtojë ekipin e Vllaznisë në vijim. Njeriu i përzgjedhur për këtë arsye, është Mirsad Jonuz, një trajner shumë i njohur në Maqedoni dhe jo vetëm.

Trajneri maqedonas gjatë karrierës së tij në drejtim ka punuar me disa ekipe duke filluar nga ai i Rabotniçkit, për të vazhduar me Pobeda Prilep, para se të merrte drejtimin e kombëtares U21 të Maqedonisë të cilën do ta drejtonte nga vitet 2003-2009. Në këtë vit i është besuar drejtimi i ekipit të parë të kombëtares së vendit fqinj. Në krye të kombëtares maqedonase ka qëndruar për dy vite duke e drejtuar në 30 ndeshje.

Pas kësaj, ka punuar në krye të ekipit qipriot Nea Salamis. Ka provuar të jetë edhe drejtor teknik tek FC Horizont Turnovo në vendin e tij ndërsa në sezonin e kaluar ka qenë trajner i ekipit FC Aiginiakos në Greqi.
Me z. Jonuz drejtuesit e klubit Vllaznia kanë rënë parimisht dakord për gjithçka sa i takon kushteve të kontratës dhe ai pritet që në ditët në vijim të mbërrijë në Shkodër për të firmosur kontratën dhe për t’u prezantuar zyrtarisht para mediave. Pas kësaj, do të vihet në krye të ekipit për të filluar përgatitjet për sezonin e ri futbollistik”.

“Nuk dua të flas për futboll, kam ardhur për të shijuar një sport tjetër. Nuk dua të komentoj”, tha fillimisht Murinjo kur gazetari e pyeti për një mendim në lidhje me zyrtarizimin e Frenk Lampard në krye të Çelsit. Më pas, tekniku portugez u pyet edhe për të ardhmen e tij.

“Jam i uritur t’i rikthehem futbollit. Po pres momentin e duhur, ekipin e duhur. Ekipi me të cilin do të vazhdoj aventurën e re duhet të ketë një ide dhe projekt të qartë. Më pëlqejnë sfidat, mund të drejtoj kudo”, u shpreh strategu.

“Ardhja jonë këtu në Debrecen është një kënaqësi e para, e njohim kush është kjo skuadër dhe është kënaqësi për ne që luajmë përballë një kundërshtari të tillë. Ne e njohim tashmë ekipin e Debrecenit, e kemi studiuar me video-analizë. Mendoj se e njohim deri diku shumë mirë këtë skuadër”.

“Jo, nuk është se kemi mungesë lojtarësh. Thjesht jemi në një moment merkatoje dhe skuadra ka nevojë për disa përforcime, por për momentin jemi gati për ta përballuar një kundërshtar të tillë. Tifozët në Shqipëri? Varet nga rezultati që do të marrim këtu. Shpresoj që të jenë sa më të shumtë”.

“Duhet që me patjetër të bëjmë një ndeshje të mirë nesër, pastaj rezultatin final do ta shikojmë pas ndeshjes në Shqipëri. E rëndësishme për ne është të bëjmë diçka speciale nesër dhe të bëjmë paraqitje të mirë”.

“Te nderuar qytetare te Vlores dhe veçanerisht tifoze te Flamurtarit. Me ane te ketij postimi me duhet tu njoftoj se nga 31 Maj nuk jam me trajner i Flamurtarit. Pavarsisht deshires per te vijuar bashkepunimin kam vleresuar se mungojne kushtet per nje gje te tille.

Ne kete moment nuk me mbetet gje tjeter pervecse te falenderoj te gjithe bashkepunetoret e mi, drejtuesit, ne menyre te vecante te gjithe futbollistet, stafin teknik, tifozet e mrekullueshem dhe ish-futbollistet vlonjat per kete aventure shume speciale qe do te mbetet e paharruar per mua.

Deshiroj gjithashtu te inkurajoj personat pergjegjes, institucionet per te gjetur sa me shpejt nje zgjidhje per statusin, te tashmen dhe te ardhmen e Flamurtarit, sepse Vlora si qytet dhe te gjithe qytetaret e saj meritojne nje klub ne lartesine e vlerave historike te saj ne futbollin Shqipetar.

Ju falenderoj te gjitheve per mbeshtetjen e madhe morale dhe shpresoj te takohemi serish. FALEMINDERIT FLAMURTAR!”, shkroi Daja.

FORMACIONI – “Sigurisht që skuadra në përbërje ka këto lojtarë. Nga këto lojtarë që kemi, të gjithë janë në gjendje të mirë fizike. Sot luajtën ata që janë baza e ekipit dhe që do të luajnë pas 10 ditësh, por në rast se dikush që nuk luajti do të ketë përmirësime fizike dhe në cilësi, pse jo do aktivizohet. Por baza e ekipit mbetet kjo”.

MERKATO – “Në merkato jemi, na duhen lojtarë, pasi duhet të përballojmë jo vetëm Kupat e Europës, por dhe kampionatin, pasi me kaq lojtarë sa kemi, nuk mund ta përballojmë. Koha është e limituar dhe duhet të veprojmë sa më shpejt. Duhet të kemi uri të madhe për t’u përmirësuar dhe të jemi sa më të gatshëm”.

KUNDËRSHTARI – “Po e studiojmë kundërshtarin, kemi filluar dhe me video-analizë. Gradualisht, skuadra ka filluar ta njohë kundërshtarin, Debrecenin, elementet e fortë të saj, pikat e dobëta. Skuadra po përshtatet mjaft mirë në raport me kundërshtarin.

KUALIFIKIMI – “Nuk ecim me përqindje, por me shpirtin e garës, me urinë që ka skuadra. Nëse ne do i kemi këto vyrtyte dhe të japim maksimumin, jam i bindur se do e kalojmë Debrecenin”, përfundoi Gjoka.

Strategu i “Los Blancos” ka marrë pjesë sot në një turne të zhvilluar për bamirësi, në fushë të vogël 5v5. Një video e tij, ku ka shënuar një gol spektakolar, është bërë virale në rrjet.

Zidan nis gjithçka vetë, pason dhe rimerr topin, driblon në mënyrë të shkëlqyer, pason dhe shërbehet sërish, për të shënuar me portën e boshatisur. Të gjitha këto, pa vrapuar fare. Një magjistar i topit…

“Ka shumë vite që e them: Futbolli nuk është investim me shumë të çmendura, të shpenzosh miliona euro që të fitosh trofe. Investimi më i madh është të mbash lojtarët që ke në skuadër dhe të krijosh një grup të fortë. Atë bëra dhe unë me Porton në sezonin 2003-04. Manish, Paulo Ferrera, Deko e shumë të tjerë ishin shumë pranë largimit, por ju premtova trofe dhe ia dolëm.

E mbaj mend shumë mirë atë finale (Champions League, 2004). Ishte një nga arritjet e mia më të mëdha në karrierë. Nuk kishim buxhetin e shumë skuadrave që ishin në atë kompeticion, por kishim një qytet të tërë me vete dhe një dëshirë të madhe për të qenë të suksesshëm. Ishte e vështirë për të kaluar nga Europa League në Champions League, skuadra duhet të rritej shumë. Por ne ia dolëm, skuadra që kisha ishte gati për të luajtur në Champions.

Bëmë ndeshje të mëdha kundër Real Madridit në grupe, pastaj kundër Mançester Junajtid. Mposhtëm Lacion dhe Selltikun, duke e ditur që nuk jemi skuadra më e fortë, por që duhet të luftonim shumë. Shumë njerëz mendojnë se talenti të fiton ndeshje, por strategjia është kryesore.

Një natë para finales, isha në hotel në Mançester, agjenti më telefonoi dhe më tha që duhet të flisja me drejtuesit e një skuadre të madhe angleze. Jo Çelsi, një skuadër tjetër. Në atë kohë, Premier League kishte vetëm dy trajnerë të huaj, Benitez dhe Venger.

Edhe pse e kisha vendin e punës gati, objektivi im kryesor dhe i vetëm ishte triumfi në finale. Skuadra ia doli, morëm fitoren më të madhe në historinë e klubit. Krenar për arritjet e mia me Porton, ndoshta një ditë kur të mos jem më pjesë e futbollit, do t’i tregoj të gjitha”, përfundoi Murinjo.

TAKIMI RAMADANI-PARATICI – Ndërkohë, Fali Ramadani, agjenti i Sarrit, është në Milano me drejtorin e Juventusit, Fabio Paratiçi. Sipas “SkySport Italia”, detajet e fundit po trajtohen në lidhje me kontratën e Sarrit, e cila do të zgjasë dy vite, deri në vitin 2021.

Çelsi raportohet se ka kontaktuar me Derbi Kauntin për Frenk Lampard, për të zëvendësuar Maurisio Sarrin në Stamford Bridge. E ardhmja e Xhianfranko Zolës, numri dy i Sarrit, mbetet e paqartë.

Juventusi e dëshiron me doemos Sarrin në krye të pankinës, madje dhe vetë ish-trajneri i Napolit do që të rikthehet në Serie A, por kërkesat e Çelsit janë larta. Sipas mediave britanike, vetëm në rast se paguhen 10 milionë eurot, atëherë Çelsi do e lejojë Sarrin të largohet.

Alegri u largua nga “Zonja e Vjetër” ne fund të sezonit që lam pas, pasi suksesi në Champions League mungoi. Pas pesë sezonesh, te Juventusi kanë nisur një cikël të ri dhe Sarri shihej si trajneri i duhur, por kjo marrëveshje është komplikuar tepër. Nesë çdo gjë konkretizohet me sukses dhe Sarri merr drejtimin e Juventusit, atëherë Blutë e Londrës mund të marrin Frenk Lampard si trajner, duke e rikthyer ish-mesfushorin në “Stamford Bridge”.

NDESHJA – “Na duhej fitorja, na duhej më shumë besim dhe më pak frikë. E nisëm mirë, por nuk po dilte goli dhe rivali mori zemër. Lojtarët ishin pak të zhgënjyer nga ndeshja në Islandë dhe hyri pak frikë, sepse nëse nuk fitonim as sot bëhej shumë e vështirë”.

FORMACIONI – “Basha? Lojtarët janë të gjithë në dispozicion, sot provova disa lojtarë të tjerë, duhet t’i shoh të gjithë. Nuk mund të shpik për 15 ditë lojë dhe zgjidhje. Duhet qetësi, të rritemi dhe pastaj do të kemi kënaqësi të mëdha”.

SKEMA – “Për momentin zgjodhëm këtë skemë, por në pjesën e dytë luajtëm me 4 sulmues dhe gjithashtu kërkova më shumë ekuilibër. E vërtetë është që vuajtëm, por futbolli është vuajtje dhe na duhet shpirti i garës që treguam sot”.

KUNDËRSHTARI – “E njihja Moldavinë, është skuadër që zhbalancohet në sulm dhe lë hapësira, por në nuk i shfrytëzuam. Kur gabon aq shumë në sulm, është normale të vuash. Në pjesën e dytë bëmë ndërrime dhe Roshi dhe Cikalleshi ndryshuan shumë gjëra, Cikalleshi luftoi si luan dhe i dha frymëmarrje lojës”.

SULMI – “Uzuni është lojtar që luan mes linjave, i jep shumë lëvizje ekipit dhe lidh mesfushën me sulmin duke krijuar hapësira. Problemi është se patëm pak depërtime nga mesfushorët, ishim më mirë në Islandë”.

NDESHJA – “Është për të ardhur keq, pasi e nisëm mirë. 20 minutat e para krijuam shumë raste. Pastaj rendimenti fizik filloi të bjerë. Megjithatë, mund të shënonim, pasi na u mohua një penallti. Ajo që prisnim ne nga goditjet e këndit, nuk sollën atë që ne mendonim. Krijuam shumë raste dhe është për të ardhur keq. Disa episode mund të ishin konsideruar penallti”.

GOLI – “Pavarësisht aftësive të dukshme të lojtarit që dribloi, ne nuk duhet ta lejonim. I iku të parit, të dytit, i treti duhet ta ndalte me doemos. Megjithatë, ishin aftësitë e tij”.

ZËVENDËSIMET – “Ajo që tentova me ndryshimet ishte që të bënim një lojë më të shpejtë. Kaçe është një nga lojtarët më të shpejtë që kemi. Patëm nga fundi dhe disa raste që mund t’i shfrytëzonim më mirë, por nuk ia dolëm”, u shpreh Reja për RTSH Sport.

“Bëmë një ndeshje të mirë, patëm raste por nuk i konkretizuam. Nëse nuk e bën diçka të tillë, atëherë është problem. U munduam të krijojmë raste, sikurse edhe ata me goditje standarde. Loja do merrte rrjedhë tjetër po të finalizonim. Shënuan ata dhe ia dolën. Na vjen keq”.

“Do analizoj ndeshjen, do shoh ata që janë lodhur. Do mundohem të bëj një grup që të jenë gati. Do ketë ndryshime. Më vjen keq që nuk morëm rezultat. Punuam mirë nga krahët. Gjithashtu ishte edhe një penallti për ne, të paktën kështu m’u krijua opinioni im. Nuk isha i kënaqur nga arbitrimi, penalltia ishte e dukshme.

“Nuk më pëlqen të luajmë me topa të gjatë. Kam tentuar të luaj poshtë, ia kemi dalë në disa raste ta bënim diçka të tillë. Era ishte kundër nesh pjesën e dytë. Kishte disa faktorë që na kushtëzuan skemën e lojës.”

“Balaj bëri ndeshje të mirë, kthehej edhe në mesfushë. Të dy janë sulmues të fortë fizikisht, ata bënë presing te mbrojtësit. Nuk u shfrytëzuan hapësirat që u morën nga krahët. Në përgjithësi kanë bërë një punë të mirë”, shtoi Reja per Supersport.

Trajneri italian e mbylli aventurën e tij në Danimarkë te Velje dhe një rikthim i tij te “Demat” shihet si mëse i mundshëm. Sormani bëri mrekullinë me Partizanin, pasi i dha kualifikimin në turin e tretë në Champions League, duke eliminuar Ferencvarosin.

Aventura e Sormanit te Partizani zgjati vetëm 3 muaj, por pas largimit të tij, presidenti Demi u shpreh se i ka ngelur peng ky “divorc”. Tashmë, Sormani ka kaluar në krye të listës për trajnerin e ri të “Demave”.

“Jam shumë i lumtur, sidomos për ata djem dhe për tifozët. Ishte një ndeshje shumë intensive, ndoshta jo e bukur, por ia dolëm, fituam për të gjithë popullin e Liverpulit.

“Nuk kam fjalë, nuk di ç’të them, i kisha humbur të gjitha finalet deri më sot, por ja që e theva mallkimin. Jam i lumtur edhe për familjen time, ata kanë vuajtur më shumë se unë, çdo fundsezoni një finale e humbur.

“Kjo skuadër është fantastike, luftoi deri në fund, edhe kur ishte pa pikë energjie dhe na ndihmoi portieri ynë fantastik.

“Është nata më e bukur e jetës sonë profesionale. Na u desh pak kohë, por është e nevojshme për t’u zhvilluar dhe përmirësuar. Tani hodhëm një hap të madh, por pronarët e klubit nuk na kanë vënë kurrë nën presion. Normalisht 20 minuta pas ndeshjes jam gjysmë i pirë, por deri tani kam pirë vetëm ujë”, përfundoi Klop.

"I am so happy for my family, they suffer every year!"

"Did you ever see a team like this?!"

Jurgen Klopp has WON the Champions League and he is absolutely DELIGHTED ?

? @DesKellyBTS pic.twitter.com/kRXbyAzjuW

— Football on TNT Sports (@footballontnt) June 1, 2019

Prej një viti pata nderin dhe privilegjin të drejtoj Partizanin, ekipin ku unë fillova dhe e mbylla karrierën si futbollist. Këtë sezon në krye të pankinës të ekipit Partizani ka qenë periudha më e bukur që unë kam përjetuar si trainer, e mbushur me plot emocione dhe kënaqësi. Mbas 26 vitesh ja arritëm të rikthejmë trofeun kaq të munguar.

Për arsye personale kam vendosur të mos të jem më në krye të pankinës.

Dua të falenderoj:

Klubin Partizani,

Presidentin Demi për besimin dhe mbështetjen e tij gjatë gjithë kohës.

Drejtorin Olsi Rama për bashkëpunimin.

Të gjithë stafin, ekipin për punën dhe mbështetjen, për kënaqësin që më dhuruan.

Tifozët e mrekullueshem të Partizanit për mbështetjen.

Gjithashtu dua të falënderoj mediat dhe gazetarët sportiv.

Ju uroj të gjithë kolegëve të mi trajner suksese !

Me shume respekt, Skënder Gega

Klubi i Futbollit Partizani, 16 herë kampion i Shqipërisë, falenderon trajnerin Skënder Gega për punën e kryer gjatë sezonit të tij të parë në krye ekipit. Trajneri Gega, falë kontributit, punës, përkushtimit dhe disiplinës arriti të krijonte një grup triumfues duke fituar respektin e lojtarëve, stafit, drejtuesve dhe tifozëve të shumtë të Partizanit. Klubi saktëson, se Gega ishte nën kontratë dhe për sezonin e ardhshëm, por për arsyet e tij personale ka vendosur të ndërpresë me mirkuptim kontratën me klubin për të mos e vijuar punën e tij në drejtimin e ekipit.

Presidenti Gazment Demi, Drejtori Olsi Rama, si dhe stafi e lojtarët dëshirojnë të falënderojnë Skënder Gegën, i cili pas suksesit si lojtar, dha kontributin e tij që trofeu më prestigjioz futbollistik në Shqipëri të kthehej në shtëpi pas 26 vitesh. Klubi duke falënderuar dhe një herë trajnerin Gega për emocionet dhe performancën e shkëlqyer që ekipi rregjistroi në drejtim e tij, i uron njëkohësisht dhe suksese të mëtejshme në jetë dhe karrierë.

Strategu 55-vjeçar iu bashkua “Demave të Kuq” në fillim të sezonit që sapo u mbyll, duke bërë një punë shumë të mirë dhe duke rikthyer titullin kampion në kampin e kuq, pas 26 viteve mungesë.

Me plot 70 pikë, Gega shpalli Partizanin kampion të Shqipërisë. Në 36 javë kampionat, të besuarit e Gegës morën 20 fitore, 10 barazime dhe vetëm 6 humbje.

“Kukësi ka bërë një kampionat me shumë probleme, por të paktën arriti një nga objektivat, që ishte ta mbyllte sezonin si nënkampion i Shqipërisë. Mendoj që Kupa tashmë është një objektiv tjetër, obligim për skuadrën. Do të jetë një ndeshje e vështirë, përballë një skuadre të një niveli shumë të mirë, me një histori shumë të madhe.

Unë si trajner i Kukësit besoj dhe shpresoj ta fitojmë Kupën, pasi kjo skuadër ka bërë gjëra shumë të mira në vitet e fundit. E kanë treguar dhe renditjet e Kukësit në kampionat ndër vite, ku pozita më e keqe ka qenë vendi i tretë. Ka marrë kampionat, kupë, superkupë, një skuadër që di të fitojë trofe”.

E ARDHMJA – “Unë jam mësuar me zërat dhe nuk më shqetësojnë. Puna e trajnerit me një ekip të elitës, është gjithmonë risk. Puna jonë vlerësohet dhe matet vetëm me rezultat. Trajneri duhet të ketë çantën afër vetes gjithmonë, dhe unë e kam afër vetes. Gjithsesi, unë nuk shqetësohem dhe nëse arrijmë objektivat dhe presidenti do që të ketë bashkëpunim edhe vitin tjetër, pse jo,”, përfundoi Gjoka.

NDESHJA – “Pjesa e parë tregoi që është një ekip i ardhur një orë e gjysmë përpara me autobus, ishim të lodhur. Pjesën e dytë, bëmë disi më mirë. Në fund, Çinari e mbylli ashtu siç di ai”.

EUROPA – “Kemi filluar të mendojmë për Europën. Po punojmë me klubin jo vetëm për Europën, por dhe për kampionatin”.

TELUSHI DHE TRASHI – “Unë që të jenë kënaqur me ndeshjen. Janë profesionistë dhe mes Tiranës, Flamurtarit e Partizanit ka lidhje historia. Unë nuk pata mundësinë ta shikoj takimin mes Tiranës dhe Flamurtarit, pasi isha i zënë në Gjirokastër”, përfundoi Gega.

Siç raporton dhe faqja zyrtare e klubit, dy palët kanë prishur kontratën me marrëveshje. Gatuzo ka hequr dorë dhe nga 2 vite pagë, duke treguar dhe njëherë tjetër se klubi i Milanit është mbi interesa personalë.

“Kam pasur privilegjin që të njoh Rino Gatuzon në gjashtë muajt e fundit. Ai ka dhënë gjithçka për klubin këtë sezon, ka punuar pa u lodhur, ka marrë gjithmonë përgjegjësitë mbi supet e tij, ka vënë klubin mbi interesat personal. Dua t’i them se e falënderoj nga thellësia e zemrës”, u shpreh Gazidis për Gatuzon.

Igli Tare ka folur në lidhje me këtë çështje. Drejtori sportiv i Lacios konfirmon faktin që Inzagi ka edhe një vit kontratë. Ai dhe presidenti Lotito kanë një dëshirë të përbashkët, që është qëndrimi i trajnerit në kryeqytet.

“Takimet bëhen për të kuptuar shumë gjëra. Inzagit nuk i përfundon kontrata tani. Ai ka edhe një vit me ne. Më duket e ekzagjeruar kjo vëmendje që po krijohet. Ka folur presidenti, po e përsëris edhe unë. Sigurisht që duam të qëndrojë, nuk ekziston asnjë dyshim për diçka të tillë”, përfundon biondi shqiptar.

“Kam patur një bashkëpunim shumë të mirë me Ahmatajn, nuk kam pasur asnjë problem me të. Unë bëja punën time si trajner i portierëve. E ardhmja ime? Nuk mund të them asgjë, në dorë e ka presidenca. Të gjithë e dimë se mbijetesa është siguruar, por ne jemi profesionistë dhe duhet të respektojmë kampionatin. Duhet të bëjmë figurë të mirë për dy ndeshejt e mbetura.

Do të bëjmë më të mirën për të marrë rezultat pozitiv në Korçë. Atje do të shkojmë me gjysmën e skuadrës, pasi kemi shumë dëmtime, por kjo nuk do të thotë që nuk do të japim maksimumin në fushën e lojës”.

“Një ndeshje shumë e ndërlikuar, kundër një skuadre që nga java në javë po bën shumë mirë. Një ekip që ka ndryshuar shumë në tre muajt e fundit. Patjetër që do të jetë e vështirë, por do të bëjmë maksimumin. Nuk po kalojmë një moment të mirë me dëmtimet dhe me kartonët. Do të shikojmë nesër si do të vendosim për formacionin. Ata që do të luajnë, do të kenë shansin të japin maksimumin.

Në fakt, jemi shumë afër objektivit. Kemi dy ndeshje të vështira. Minimumi, njërën nga këto dy ndeshjet duhet ta fitojmë për të arritur te objektivat. Besoj se do t’ia dalim. Është momenti më i keq dhe më i vështirë për të motivuar lojtarët. Për fat të mirë, ne nuk e kemi arritur objektivin 100%, prandaj jemi më të motivuar. Ekipet tjera, që i kanë arritur objektivat, e kanë shumë të vështirë të motivohen. Ne, i bëjmë llogaritë në fund”, u shpreh Shkëmbi.

“Çfarë do të më mungojë te Sampdoria? Do t’iu tregoja, por vetëm kur të largohem zyrtarisht. Ende nuk kemi folur me presidentin Ferrero, as me drejtorin sportiv Osti. Fillimisht, do të më konfirmohet e ardhmja ime dhe pastaj mund t’iu përgjigjem pyetjes suaj.

“Ndeshja kundër Juventusit? Do të jetë mirë për ne nëse fitojmë, për tifozët tanë, pasi e meritojnë. Kanë qenë të shkëlqyer përgjatë gjithë sezonit dhe mbështetja e tyre ka qenë një plus shumë, shumë i madh për ne. Shpresoj që ta përshëndesim Kualjarelën në mënyrën më të mirë të mundshme”, u shpreh Xhanpaolo.

Me bardhezinjtë fitoi gjithçka dhe është personi që ka sjellë për herë të fundit Champions Ligën në Torino, ndërsa me të kaltrit u shpall kampion bote në vitin 2006.

Lipi e ka drejtuar tre vite kombëtaren kineze. Në janar dha dorëheqjen pas eliminimit nga Irani në çerekfinaler e Kupës së Azisë. Fabio Kanavaro e zëvendësoi përkohësisht, por fituesi i fundit italian i “Topit të Artë” nuk e përballoi dot faktin që drejtonte njëkohësisht edhe Guanzhu Evergrande.

Lajmi i rikthimit është bërë publik nga Federata Kineze e Futbollit, ndërsa italiani i njohur duhet të kualifikojë Kinën në Botërorin Katar 2022. Ky është objektivi i madh dhe Lipi është gati t’iu dhurojë sërish emocione tifozëve.

“Është shumë shpejt për të thënë nëse ka lojtarë te Akademia që mund të bëhen pjesë e Skënderbeut. Lojtarët e huaj? 2 lojtarë më pëlqyen pak, më dhanë shpresën se mund të luajnë futboll. Por do të shohim në muajt e ardhshëm se kush do të jetë pjesë e ekipit të parë e kush jo. Jemi në një situatë alarmante. Krasniqi është jashtë, do t’i duhen shumë javë për t’u rikthyer. Muzaka dhe Oto Xhon nuk po vrapojnë, Bregu ka problemet e veta. Edhe Radash nuk është në 100%, por shpresoj që këtë fundjavë të fitojmë dhe të dalim me sukses”, tha Shehi.

“Nuk do të kërkojë shumë Bylisi në merkato. Ekipi është gati, por ndoshta do të ketë 2-3 blerje. Flas për 2-3 lojtarë që mund të futen direkt në formacion. Unë punoj gjithmonë për tifozët e skuadrës që drejtoj. E respektoj futbollin në Shqipëri. Në Superiore, ka 4-5 ekipe shumë serioze, futbolli është shumë cilësor. Do të jetë shumë e vështirë”, u shpreh Dovedan.

Aldo Kullira, i cili bëri edhe përkthyesin për Dovedan deklaroi më pas: “Të gjitha synimet që kishim i arritëm. Kemi bërë një punë shumë të mirë, që te ne lojtarët, deri te presidenca. Nuk kam shumë fjalë për të thënë, pasi e gjithë Shqipëria e ka parë çfarë ekipi është Bylisi. Më mbaron kontrata tani, por jam në bisedime me presidentin për rinovimin. Ofertat nuk më kanë munguar, sidomos nga Greqia”.

Te Vllaznia, ky grup ka gati 6 vite së bashku dhe në një finale, duhet të jepnim maksimumin. E them me bindje që ky ishte një ballafaqim me një skuadër që vjen nga niveli i dytë, i kam trajnuar dhe e di nivelin e tyre. Me të drejtë, e them që e merituan trofeun. Kjo është një këmbanë alarmi për të gjithë në Shkodër.

Duhen rregulluar shumë gjëra, pasi kam më shumë se 2 muaj që po mundohem t’i rregulloj gjërat. Po futemi në Superiore dhe duhet shumë punë që të ndërtohet kjo skuadër, ju bëj thirrje dhe atyre në Shkodër. Çdo gjë duhet prekur, jo se jam i mërzitur në aspektin teknik, por sot u pa që skuadra ka nevojë për shumë ndërhyrje për Superioren.

Unë tashmë kam ardhur te Vllaznia pa asnjë kusht, por e kam thënë që punoj me qejf. Ne po shikojmë ata që unë kam paralajmëruar prej shumë kohësh. Ne duhet të mësojmë nga gabimet e të shkuarës”, tha Canaj.