Frenki Lampard është zyrtarisht trajneri i ri i Çelsit. Ish-mesfushori i madh ka firmosur një kontratë 3-vjeçare dhe është gati të nisë këtë aventurë shumë emocionuese.

“Jam tmerrësisht krenar që u riktheva. Të gjithë e dinë se sa e dua këtë klub. Kam ardhur për të punuar fort dhe për t’i dhuruar trofe Çelsit”, ishin fjalët e para të trajnerit 41-vjeçar.

HE’S HOME! ?

Frank Lampard is the new Chelsea head coach!
#WelcomeHomeFrank

— Chelsea FC (@ChelseaFC) July 4, 2019

Over to you, boss! #WelcomeHomeFrank pic.twitter.com/vPGpCUSsMX

— Chelsea FC (@ChelseaFC) July 4, 2019

Drejtori sportiv i Besëlidhjes, Kristi Memi, për SportEkspres.com deklaron se dy janë alternativat më serioze për lezhjanët. “Gjatë këtij muaji kemi qenë të fokusuar te gjetja e një trajneri të ri. Kemi kontaktuar disa, por jemi fokusuar te dy emra, Elvis Plori dhe Samuel Nikaj. Deri në fund të kësaj jave njeri prej tyre do jetë zyrtarisht trajneri i Besëlidhjes”, është shprehur Memi.

Ndërkohë, duke ditur se Samuel Nikaj është pranë nënshkrimit me Vllaznimin e Gjakovës në Kosovë, Elvis Plori duket më favorit. Gjithsesi duhet pritur zyrtarizimi, pasi shkodrani e ka thënë qartë se kërkon një skuadër konkurruese dhe në Lezhë kanë treguar në vitet e shkuara se mund ta bëjnë diçka të tillë.

AGRON KAJA

Drejtori i përgjithshëm i “Demave” ka folur në lidhje me trajnerin e ri, gjendjen e ekipit, shortin e Champions Ligës dhe nuk harron fjalët e mira për ish-trajnerin Gega. Kundërshtari europian do të mësohet sot dhe të gjithë tifozët e kuq shpresojnë që ekipi i tyre i zemrës të ketë fat.

SHORTI – “Shpresoj gjithmonë që goglat të sillen mirë me ne. Sido që të jetë puna do të jetë një ndeshje 11 kundër 11 dhe do të bëjmë maksimumin. Ekipi do të niset për në Slloveni, ku do të qëndrojë për dy javë. Kanë ardhur disa lojtarë të rinj. Ekipi është i plotë deri diku, shumë lojtarë janë nga ekipi kampion, kanë ardhur disa të tjerë dhe presim ende përforcime.”

GEGA – “Eshte kënaqësi që kthehemi këtu dhe me titullin. Mbyllëm kampionatin me sukses dhe falënderoj trajnerin Gega dhe stafin e tij, sikurse edhe gjithë ekipin. Tani hapet një faqe e re, kërkuam në Itali dhe me tej. Nuk është një fillim i ri. Është vazhdim. Unë e kam nisur përpara një viti e gjysmë, ndërsa Gaz Demi përpara gjashtë vitesh.”

LERDA – “Hapet një kapitull i ri pas largimit të Gegës për arsye personale, në marrëveshje me klubin. Nisëm kërkimin, pamë shumë profile, trajnerë interesantë që do bënin mirë në Shqipëri, por për arsye të ndryshme zgjodhëm trajner Franco Lerda-n. Është trajner i ri, i cili ka bërë shumë mirë në karrierën e vet, duke trajnuar në Itali edhe emra të njohur për ne si Leçe e Torino. Jemi interesuar, kemi pyetur dhe jemi të kënaqur, sepse mendojmë se vizioni i tij do të jetë një vlerë e shtuar për Partizanin. Një trajner nga Italia, që ka drejtuar në nivele të larta, vjen me një bagazh të rëndësishëm taktik e teknik dhe do t’u japë një dorë lojtarëve për të vijuar rritjen, duke nisur nga Champions League. Pas kësaj konference do të nisem për të marrë pjesë në shortin e Champions, shpresoj që goglat të sillen mirë me ne. Sido që të shkojë, do të japim më të mirën ndaj çdo rivali.”

ORGANIZMI – “Besoj që vitin e kaluar bëmë hapa përpara për sa i përket nivelit të profesionalizmit në të gjithë strukturat e klubit, për çdo gjë. Shpresoj që tashmë të bëjmë akoma hapa të tjerë përpara, gjithashtu përveç çdo detaji dhe marrëdhënieve të stafit, të rritet edhe niveli tekniko-taktik i skuadrës.”

TRAJNERI – “Nëse shikoni CV-të e trajnerëve nuk ka shumë trajnerë afatgjatë. Ky është një trajner që ka qenë i dëshiruar dhe ka qëndruar gjatë në pankinat që ka qenë. Varet nga rezultati dhe temperamenti i drejtuesve të klubit. Te Partizani do të kemi durimin dhe të presim rezultatet. Me ekipin që është besoj që po merr një ekip të mirë, për realitetin shqiptar gjithmonë.”

Vetëm një vit zgjati aventura angleze e 60-vjeçarit, i cili riktheu Çelsin në Champions Ligë, i dhuroi trofeun e Ligës së Europës dhe arriti finalen e EFL Cup.

UFFICIALE | Maurizio Sarri è il nuovo allenatore della Juventus ?? https://t.co/UlTdg53to3#WelcomeSarri pic.twitter.com/pCn6boemVu

— JuventusFC (@juventusfc) June 16, 2019

Ish-trajneri i Napolit do të rikthehet në Serie A për të nisur aventurën më të rëndësishme të karrierës. Sarri ka firmosur një kontratë tre-vjeçare me “Zonjën e Vjetër”.

Synimi i madh është fitimi i Champions Ligës, ndërsa Juventusi guxon për t’i besuar një trajneri, i cili preferon lojën e bukur dhe një futboll më ofensiv.

Marina Granovskaia, e cila mban postin e drejtores sportive të Çelsit, ka zbuluar kërkesën e trajnerit për t’u rikthyer në Itali dhe shkaqet që e shtynë të merrte këtë vendim.

“Gjatë bisedimeve që kemi pasur pas finales së Europa League, Mauricio na e bëri të qartë se sa shumë donte të kthehej në vendlindje, duke na shpjeguar se arsyet se donte të kthehej të punonte në Itali ishin shumë të rëndësishme. Ai gjithashtu mendonte se ishte e rëndësishme të ishte pranë familjes. Gjithashtu ai e ka ndjerë se është e nevojshme të jetë pranë prindërve të tij të moshuar në këtë moshë që ata kanë“, përfundon Marina Granovskaia.

Maurizio Sarri is leaving Chelsea Football Club to return to Italy and become manger of Juventus. https://t.co/gIeiIp1ZEo

— Chelsea FC (@ChelseaFC) June 16, 2019

Një zgjedhje surprizë, por drejtuesit besojnë fort në cilësitë e tij. Flasim për Paulo Fonsekën, portugezin që drejton Shaktar Donetsk prej vitit 2016.

Sipas raportimeve të Sky Sport, klubi italian ka arritur akordin me 46-vjeçarin, i cili pritet të zbarkojë në Romë ditën e hënë për të firmosur më pas kontratën me klubin e ri.

Fonseka ka fituar disa trofe në karrierën e tij. Portos i dhuroi Superkupën në vitin 2013, ndërsa Bragës i dhuroi Kupën e Portugalisë. Me ekipin ukrainas fitoi tre herë titullin kampion, po kaq herë kupën dhe njëherë Superkupën.

Trajneri luzitan u bë i famshëm edhe për veprimin e bërë në një konferencë për shtyp pas fitores kundër Mançester Sitit në Champions Ligë. Fonseka kishte premtuar se do të vishej si “Zorro” nëse ekipi i tij do të kualifikohej dhe e mbajti fjalën, duke krijuar ilaritet përpara gazetarëve të ndryshëm.

? #UltimOra #Mercato
? #Roma, c’è l’accordo con lo #Shakhtar per #Fonseca
? L’allenatore portoghese atteso in Italia lunedì#SkyCalciomercato #SkySport pic.twitter.com/55WSblqq9t

— Sky Sport (@SkySport) June 7, 2019

“Kemi një rivalitet të pastër me Liverpulin e Klopit, por jo vetëm me ta. Premier Liga ka pesë skuadra shumë të forta dhe rivaliteti është i ashpër. Sezonin e ardhshëm do ta nisim nga zero dhe do të shohim se çfarë do të ndodhë”, është shprehur spanjolli i stolit të kampionëve të Anglisë.

Një tjetër konfirmim që nuk ka shanse që 48-vjeçari të zbarkojë në Torinon bardhezi, aty ku pritet që ta bëjë një gjë të tillë Mauricio Sarri.

Milani i dha fund bashkëpunimit me Xhenaro Gatuzon dhe tani po punon për gjetjen e një trajneri të ri. Gazidis dhe Maldini kanë diskutuar gjatë mes tyre, duke arritur në një konkluzion të përbashkët. Simone Inzagi është emri i zgjedhur për stolin kuqezi.

“Djalli” pritet t’i ofrojë një kontratë 3-vjeçare me 2.5 milionë euro rrogë sezonale. Problem mbetet kontrata e tij me Lacion. Lotito nuk toleron dhe të negociosh me të është gjithmonë e vështirë.

Tre herë është takuar Inzagi me të gjatë këtyre ditëve, por asnjë akord. Trajnerit, i cili është gati të transferohet në Milanelo, i duhet të gjejë mënyrën për t’u ndarë me Lacion. Sapo të ndodhë diçka e tillë, Maldini do t’i ofronte firmosjen e kontratës me kuqezinjtë.

Alternativë mbetet edhe Marko Xhampaolo, por garës për trajnerin e Sampdorias i është bashkuar fuqishëm Roma, që mbeti thatë pas refuzimit të Gasperinit.

Siç raportohet së fundmi nga mediat në Itali, duket se Paolo Maldini e ka të preferuarin e tij, që pritet edhe të jetë sipas gjasave timonieri i ri i “Djallit”. Bëhet fjalë për Marko Xhampaolon, trajnerin e Sampdorias, i cili pëlqehet shumë nga ish-kapiteni i Milanit.
Kontaktet e para kanë nisur, me Ivan Gazidis që ka nisur të lëvizë me shpejtësi. Duhet përmendur që Xhampaolo ka drejtuar gjithnjë ekipe të dorës së dytë dhe Sampdoria ishte skuadra më e mirë që ka pasur gjatë karrierës së tij si trajner.

Drejtuesit nuk kanë humbur kohë dhe po merren me gjetjen e pasardhësit të tij. Tre janë alternativat kryesore sipas mediave afër klubit të “djallit”: Leonardo Zhardim, Simone Inzagi dhe Marko Xhampaolo.

Portugezi është lakuar edhe herë të tjera afër stolit të Milanit. Zhardim u rikthye për të shpëtuar Monakon nga rënia një kategori më poshtë dhe ia doli. Pikat e tij më të forta janë puna e mirë me të rinjtë dhe përmirësimi i madh i lojtarëve.

Simone Inzagi ishte shumë pranë Juventusit, ndërsa tani garës për të i është bashkuar edhe Milani. Laciali është një nga trajnerët e rinj më të mirë dhe pika e tij e fortë është loja ofensive dhe menaxhimi i mirë i grupit të lojtarëve.

Nuk mbetet pas as surpriza Xhampaolo. Futbolli i tij është i këndshëm, ka kualitet si trajner dhe është gati të marrë një ekip të madh. Milani do të ishte perfekt për trajnerin, që ka formuar një skuadër shumë të mirë te Sampdoria.

Guardiola mbetet një ëndërr, ndërsa Gasperini dhe Sarri janë shumë afër Romës dhe Milanit.

Gara do të jetë e ashpër deri në fund, madje nuk përjashtohet ndonjë emër i ri, i cili mund të dalë në skenë. Megjithatë, mediat italiane shohin një favorit dhe ai është Simone Inzagi.

Trajneri pritet të japë dorëheqjen nga Lacio në fund të sezonit. Emri i tij ka qarkulluar edhe vite të tjera si pasardhës i Alegrit dhe kjo mund të jetë vera fatlume për Inzagin e vogël.

Pikat e forta të tij quhen Fabio Paratiçi dhe Pavël Nedved. Me drejtorin sportiv të Juves e lidh një miqësi e fortë, ndërsa me çekun kanë luftuar së bashku me bluzën bardhekaltër mbi supe.

Inzagi njihet për menaxhimin e mirë të grupit të lojtarëve, ndërsa eksperienca ndërkombëtare është pika e tij e dobët. Një skuadër që kërkon fitimin e Champions Ligës zakonisht i besohet një trajneri ekspert, por Juventusi mund të vendosë të bazohet më shumë te cilësitë e mira të trajnerit lacial.

Dy janë dëshirat e mëdha: Mauricio Poçetino dhe Didier Deshamp. Argjentinasi i Totenhemit pëlqehet shumë. Largimi i tij nga Spurs duket i sigurt pas fjalëve të vetë trajnerit pas kualifikimit në finalen e Champions Ligës.

“Dëshironi të dini nëse mendoj të largohem nga Totenhemi, nëse fitojmë Champions Ligën? Po, e konfirmoj se do të largohem. Mund të largohem edhe nëse e humbasim finalen”.

Kandidat i fortë është edhe trajneri francez. Deshamp e njeh mirë ambientin dhe mentalitetin bardhezi, pasi ka luajtur dhe drejtuar Juven më parë. Problem mbetet kontrata e tij me kombëtaren franceze dhe fakti që dëshiron të luajë Europianin 2020.

Emri i tretë quhet Zhoze Murinjo. Portugezi është propozuar nga Horge Mendes, agjenti i tij. “Special One” është një trajner fitues dhe intrigon jo pak, ndërsa problem mbetet fakti që është shumë më tepër interist se duhet dhe deklaratat thumbuese që ka bërë gjithmonë për bardhezinjtë.

Alternativa të tjera janë edhe Simone Inzagi me Sinisa Mihajloviç. Megjithatë, më parë duhet larguar Alegri dhe pastaj do të nisë ofensiva për të gjetur trajnerin e ri të Juventusit.

Ai është Vinçenco Montela, ish-trajneri i Milanit dhe Seviljes. Bëhet fjalë për një rikthim në ekipin viola, pasi Montela ka drejtuar Fiorentinën gjatë viteve 2012-2015, ku arriti të dërgonte ekipin në gjysmëfinalet e Ligës së Europës (përballë Seviljes në vitin 2015) dhe finalen e Kupës së Italisë (e humbur 1-3 përballë Napolit në vitin 2014).

44-vjeçari ka firmosur një kontratë deri në verën e vitit 2021 dhe do të debutojë kundër Bolonjës në shtëpi. Objektivi i madh për këtë sezon është finalja e Kupës së Italisë.

Djemtë e Montelës do të zhvillojnë sfidën e kthimit kundër Atalantës në Bergamo. Ndeshja e parë ka përfunduar në barazim 3-3, ndërsa me 25 prill do të mësohet ekipi që do të luajë në “Olimpico” finalen e madhe.

#MONTELLA È IL NUOVO ALLENATORE??
?https://t.co/3Vf2bJTdwF#NoiSiamoFirenze ?? #InsiemeSiamoPiùForti pic.twitter.com/dcrV1rnRsf

— ACF Fiorentina (@acffiorentina) April 10, 2019