Për SportEkspres.com, Dule deklaroi se në ndeshjen me Elbasanin, skuadra e Tomorit luan gjithë sezonin në Kategorinë e Parë. “Jemi të përgatitur të luajmë një ndeshje të vështirë, që vlen sa gjithë sezoni për ne. Jemi përgatitur gjatë gjithë javës, jo vetëm për anën psikologjike, por edhe kemi provuar shumë skema taktike duke menduar se Elbasani do vijë në Berat më shumë për t’u mbrojtur”, tha Dule.

Më tej ai vijon: “Do jenë 90 minuta në sulm frontal nga ana jonë, nuk kemi asgjë për të humbur. Do të kemi mbështetje të madhe të tifozerisë dhe ata nuk do t’i zhgënjejmë. Nga kjo fitore ne e quajmë mbijetesën tonë të kaluar, pasi edhe kalendari i dy javëve të tjera na favorizon”.

AGRON KAJA

“Gjatë kësaj periudhe pa ndeshje na u krijua mundësia që të punojmë në ‘top’ nivel, me dy seanca stërvitore në ditë. Gjendja fizike e të gjithë lojtarëve është e mirë, të gjithë janë të gatshëm për 90 minutat e sfidës në Elbasan. Ajo ndeshje është vlerësuar në maksimum nga ne. E dimë që do të kemi një kundërshtar të vështirë, por kjo nuk na tërheq nga synimi ynë”, theksoi Dule.

Më tej ai shtoi: “Luajmë me një kundërshtar që ndodhet poshtë nesh në renditje, por ne e mendojmë si ndeshje të vështirë. Gjithsesi janë të gjitha mundësitë që nga kjo ndeshje të dalim me pikët e plota. Besoj se do të kemi mbështetje të madhe edhe nga tifozeria jonë”.

AGRON KAJA