tragjedi

Tjetër tragjedi në boks, vdes boksieri argjentinas

Sport Ekspres — Thu, 25 Jul 2019 15:45:14 +0000

Vetëm një ditë pas vdekjes së boksierit rus Maksim Dadashev, sporti i boksit është goditur nga një tjetër tragjedi. 23-vjeçari argjentinas Hugo Santijan ka ndërruar jetë pas pesë ditësh në gjendje koma.

Hugo Santillan is the second boxer in 4 days to die from injuries incurred in the ring. He was just 23 years old. ? pic.twitter.com/ETTdrQ5s1Q

— theScore (@theScore) July 25, 2019

Argjentinasi humbi ndjenjat pak sekonda pasi përfundoi duelin ndaj uruguaianit Eduardo Abreu. Santijan iu nënshtrua një ndërhyrje kirurgjikale për të ndaluar hemorragjinë në tru. Tragjedia bëhet akoma më e dhimbshme për shkakun se trajneri i i boksierit të ndjerë ishte babai i tij.

Santijan garonte në kategorinë e peshave super të lehta (63 kg) dhe kishte një rekord prej 19 fitoresh (8 nokaut), 6 humbjes (2 nokaut) dhe 2 barazimesh.

Lamtumira e dhimbshme e Feher, sot bëhen 15 vite nga tragjedia

Sport Ekspres — Fri, 25 Jan 2019 16:26:04 +0000

Dita e sotme, 25 janari, është një datë që sjell kujtime shumë të hidhura për klubin e Benfikës. 15 vite më parë, klubi i “shqiponjave” u prek nga një tragjedi, pasi sulmuesi hungarez Miklos Feher u nda nga jeta pas një arresti kardiak në fushën e lojës.

Vdekja e hungarezit mori vëmendjen e medieve botërore, pasi nuk ndodhte prej vitesh një futbollist i të tillave nivele të ndahej nga jeta në të tilla rrethana.

Për nder të Feher, Benfika tërhoqi përjetësisht numrin 29, ndërsa vdekja e tij është bërë shkak që të shtrëngohen masat gjatë kontrolleve mjekësore, pasi tragjedia e Feher mund të ishte parandaluar nëse ai do ishte diagnostikuar në kohë për problemin në muret e zemrës.

Tragjedia “Nuri”: Dembele, Klajvert&Co. i bëjnë dedikimin prekës

Sport Ekspres — Tue, 14 Aug 2018 19:24:56 +0000

Abdelhak Nuri është emër që shumë pak vetë e njohin në Shqipëri. Djaloshi 21-vjeçar ishte dikur një ndër talentët më premtues të akademisë së mirënjohur të Ajaksit, si dhe kapiten i kombëtares së 19-vjeçarve të Holandës. E ardhmja dukej e ndritur… Por, një vit më parë në 8 korrik gjatë një miqësoreje ndaj Verder Bremenit, ndodhi tragjedia.

Nuri pësoi një atak kardiak dhe për ta bërë situatën më keq, mjekët e Ajaksit e neglizhuan situatën duke mos kryer procedurat e nevojshme për rregullimin e ritmit të zemrës së tij. Bluzat e bardha kujtuan se kishin të bënin me një marrje mendsh, por situata ishte më e rënda e mundshme.

Që prej atij momenti, Nuri, ose Api, siç e thërrasin të gjithë ndodhet në një koma artificiale në një prej spitaleve të Holandës. Doktorët nuk kanë më shpresa, por familjarët nuk pranojnë të fikin pajisjet që e mbajnë në jetë, dhe shpresojnë për një mrekulli nga lart.

Tragjedia e djaloshit, i cili konsiderohej Iniesta i ardhshëm ka prekur shumë lojtarë, të cilët kanë vendosur ta kujtojnë atë duke veshur në fanellë numrin e tij, 34-ën. Shokët e fëmijërisë Xhastin Klajvert (Roma) dhe Filipe Sandles (Mançester Siti) kanë marrë po të njëjtin numër. Amin Junes, ish-koleg i tij ka zgjedhur 34-ën të Napoli, ndërsa të njëjtin vendim ka marrë dhe talenti i Barcelonës Usman Dembele, i cili edhe pse nuk e njihte nga afër Nurin, është prekur shumë rëndë nga kjo tragjedi.

Nuri së bashku me dyshen e njohur të sulmit Luis Suarez dhe Klas-Jan Huntelar…

Tragjedi në Ekuador, 12 tifozë viktima të aksidentit rrugor

Sport Ekspres — Tue, 14 Aug 2018 08:24:40 +0000

Futbolli ekuadorian është në ditët më të errëta dhe kjo për shkak të një aksidenti tragjik që u ka marrë jetën 12 tifozë të ekipit të Barcelonës, skuadër kjo më e suksesshmja në vend.

Tragjedia ndodhi kur autobuzi i mbushur me tifozë po kthehej nga ndeshja kundër Deportivo Kuensës, që përfundoi me shifra të barabarta 1-1.

Një parakalim i gabuar, rezultoi fatal. Përveç 12 viktimave, 30 persona të tjerë u plagosën.