Afrikani ishte i ftuar në Monday Night Football në Sky Sport, për të komentuar ndeshjen Siti-Ulvs, ndërsa më pas zbuloi formacionin më të mirë të karrierës.

Portieri: Ederson

“Mendoj se është një ndër më të mirët që kam luajtur. Victor Valdes nuk ishte keq, por ishte portier mesatar dhe te Barça nuk kishte shumë punë”.

Mbrojtja: Rafa Markez, Vinsent Kompani, Karles Pujol

“Markez ishte një ndër mbrojtësit më të vështirë për ta mposhtur. Njerëzit nuk e mbajnë mend sepse nuk luajti në Angli, por nëse dëshiron ta kujtosh, duhet të hapësh YouTube dhe të shikosh si luante te Barcelona. Çfarë mbrojtësi! Ishte 10 herë më i mirë se Zherard Pike. Lojtarë të ngjashëm, por Pike ishte më i gjatë. Më besoni, Markez ishte 10 herë më i mirë, ishte fantastik, e adhuroja.

Kompani është kasafortë, e di që do fitosh nëse e ke në ekip. Është si traktor, e di që po mos ta përfshija në formacionin tim do më shkatërronte.

Edhe Pujol shte i jashtëzakonshëm, nuk e kapje dot topin kur luaje kundër tij. Duhej shumë punë e vuajtje për të fituar ndonjë duel”.

Mesfusha: Andres Iniesta, Lionel Mesi, Sergio Aguero, Leroj Sane, Thieri Henri

“Do të zgjedh Iniestan si mesfushor para mbrojtjes, sepse është i vetmi mesfushor që mund ta bëjë atë rol nga ata që preferoj. Më pëlqen që skuadra të sulmojë. Iniesta ishte lojtari më i vështirë për t’i rrëmbyer topin. Aguero mund të luajë në shumë pozicione, lëviz pa fund.

Kur Henri ishte tek Arsenali, mendoj se ishte një ndër sulmuuesit më të mirë në botë. Barcelona në atë kohë kishte Samuel Eto’o, Ronaldinjo, Mesi e Deko, ndaj kur Henrierdhi në Spanjë, ishte një lojtar normal. Në vitin 2009, kur fituam gjithçka, Henri ishte fenomenal”.

Sulmi: Didier Drogba, Samuel Eto’o

“Do zgjidhja këta të dy sepse kam luajtur me Eto’o te Barça dhe ishte alamet sulmuesi. Ishte i pabesueshëm dhe kam luajtur me Drogba në kombëtare, edhe ai i pamundur për t’u mbuluar.

Eto’o ishte i zgjuar, elegant në lëvizje, ndërsa Drogba kapte çdo kros, mund të shënonte në çdo mënyrë, ishte i shkëlqyer.

Toure si trajner

“Po të isha manaxher, do luaja me një skemë të tillë, për t’i mbajtur kundërshtarët sa më larg portës sime. Do zgjidhja lojtarë të aftë të kontrollojnë ndeshjen. Ndonjëherë, kur sheh ndeshjet, mund të dallosh gropat mes reparteve. Unë i adhuroj lojtarët e zgjuar, futbolli duhet të shërbejë për t’i zbavitur tifozët dhe në fund të fitosh me shumë gola diferencë”.

Në të tilla kushte duket e pamundur që të vijojë të jetë pjesë e Kukësit. Diçka më se normale, pasi edhe vetë klubi nuk e sheh më të nevojshme që ta ketë në skuadër lojtarin nga Guinea. Për të ardhur keq që në asnjë moment nuk u besua te një futbollist, i cili është stërvitur dhe me ekipin e parë të kampionëve të Italisë, përkrah Kristiano Ronaldos për pak ditë, pasi më pas ju desh që të udhëtonte drejt Shqipërisë.

Te Kukësi kanë nisur negociatat për të gjetur gjuhën e përbashkët për ta ndërpresë huazimin e lojtarit. Sot, mesfushori ka qenë së bashku me disa përfaqësues të tij, duke diskutuar mbi të ardhmen e tij dhe divorci pritet që të jetë çështje ditësh, pasi në Kukës duket se është mbyllur aventura e tij, për faktin se prej ndeshjesh ai nuk grumbullohet as në stol nga stafi teknik.

Gjithsesi, nëse i hedhim një sy organikës së Kukësit kuptojmë që lojtarë mjaftueshëm, madje dhe nga ata që debutimi me Kukësin u mungon, ose kanë nisur që ta shohin ndeshjen nga tribuna. Kukësi ka të dëmtuar Besar Musollin dhe Simo Rrumbullakun, por në disa sfida edhe Gëzim Krasniqi e ka parë skiuadrën  nga tribuna, Po ashtu edhe Omar Toure ndodhet në të njëjtat ujëra . Krasniqi ka qenë titullar tek Partizani për disa sezone, ndërsa tek Kukësi ka luajtur vetëm në Kupë. Afrikani në krahun tjetër ka ardhur si i huazuar nga Juventusin, megjithatë sërish duhet të presë, pasi deri më tani ka qenë vetëm 2 herë në stol.

Në sulm mungonte Harba në ndeshjen e fundit, i cili nuk ishte i grumbulluar. Sulmuesi ka pasur mundësitë e tij, pasi është aktivizuar dhe si titullar, por nuk ka shënuar, duke zhgënjyer në një farë mënyre. Duhet kujtuar se Harba u mor si pasues i Gurit, me mjaft bujë pasi Rexhinaldo erdhi më pas, por deri më tani shtatlarti nuk ka lënë shenjë.

Sa për numër, Kukësi është skuadra që ka më shumë lojtarë, madje dhe në sot nuk ka vend  për disa prej tyre, por siç duket dhe përshtatja nuk ka qenë ajo që pritet, pasi disa lojtarë nuk po gjejnë dot veten. Në janar duhet të presim sërish shumë ndryshime, pasi një pjesë e atyre që janë aktualisht do të largohen, pasi vështirë se do pranojnë të jenë vetëm lojtarë që aktivizohen në Kupë.

Si mbrojtësi ashtu dhe mesfushori do të jenë pjesë e Kukësit për vetëm për edicionin e ardhshëm. Në këtë mënyrë Kukësi e çon në 15 numrin e lojtarëve të afruar këtë verë, por me shumë gjasa, pas aventurës europiane disa  nga futbollistët e afruar do të marrin valixhet dhe do të largohet.

Merkato e Kukësit nuk ka përfunduar, diçka që është konsideruar dhe nga drejtuesit, që janë shprehur se në ditët e ardhshme do të ketë të tjera përforcime. Toure kujtojmë që vjen në huazim nga skuadra e  Juventusi, ndërsa Cuculi është aktivizuar tek ekipi i Shkëndijës në ediiconin e fundit.

POSTIMI I KUKËSIT

Dy goditje të FK Kukësit në merkato!

Presidenti i FK Kukësit, Safet Gjici, ka prezantuar dy afrimet e fundit nga merkato, Ardian Cuculi dhe Oumar Toure.

Ardian Cuculi, 31 vjeç, ka firmosur një kontratë 1-vjeçare me FK Kukësin. Qendërmbrojtësi shqiptar vjen nga kampionati maqedonas, teksa së fundmi është aktivizuar me Shkëndijën e Tetovës.

Cuculi më parë ka luajtur edhe me Partizanin në Kategorinë Superiore dhe e njeh mirë kampionatin shqiptar.

Oumar Toure, 19 vjeç, vjen në formë huazimi nga Juventus i Torinos për një sezon. Toure ka luajtur me moshat e Juventus dhe së fundmi ka qenë i huazuar tek austriakët e ËSG Ëattens.

Toure është nga Guinea, luan në pozicionin e mesfushorit shkatërrues, por mund të luajë edhe më përpara në mesfushë.

FK Kukësi u uron mirëseardhjen dhe suksese së bashku!

POSTIMI I CUCULIT

Cuculi nuk ka nguruar që të falënderojë dhe klubin e Shkëndijës, përmes një postimi në profilin e tij në “Instagram”, ku shfaqet mjaft entuziast për nisjen e aventurës së re me Kukësin.

“I entuziazmuar për një aventurë të re me KF Kukësin. Faleminderit për gjithçka deri te KF Shkëndija dhe tifozët “Ballistët” me të cilët festuam bashkë sukseset më të mëdha në historinë e klubit”.