Sulmuesi 22-vjeçar me pasaportë spanjolle, i cili në këtë sezon nuk ka zbritur ende në fushë, sot u ka shkruar një letër të hapur tifozëve të Lacios, para nisjes për në Shqipëri.

“Kam zgjedhur t’ju kushtoj këtë letër, për të përshëndetur ata që në këto vite më kanë bërë të ndihem në shtëpi. E kam kuptuar që në fillim çfarë do të thotë të veshësh këtë fanellë të lavdishme, falënderoj tifozët e shumtë që më kanë dashur shumë dhe më kanë bërë të ndihem një prej tyre, me gjithë dashurinë dhe ngrohtësinë e mundshme. Faleminderit të gjithëve, miq e tifozë që më keni ndjekur e shoqëruar.

“E ardhmja me ju është ende për t’u shkruar, por tani erdhi momenti të largohem për pak kohë, po… kur të kthehem, do t’ju tregoj në fushë atë që mund t’ju jap, duke djersitur e duke luftuar për ju, që më keni bërë burrë. Për ju kam përshëndetjen time më të madhe me zemër. Dhe për Lacion time uroj që të fitojë gjithçka të mundshme këtë sezon!

Po iki nga Lacio në huazim për këta muaj, me një kujtim dhe një siguri! Roma është vetëm bardhekaltër! Mirupafshim!”.

Në postimin e Tunkarasë në Instagram ka pasur shumë reagime dhe mes tyre ka shkruar edhe portieri i Lacios dhe i kombëtares sonë, Thomas Strakosha: “Paç fat, tregoje kush je!”.

Ho scelto di dedicarvi questa lettera per salutare chi in questi anni mi ha fatto sentire a casa. Fin da subito ho ben capito l’importanza di cosa significhi vestire questa gloriosa maglia, dico grazie anche ai tanti tifosi che fin da subito mi hanno voluto bene e fatto sentire “uno di loro” con tutto l’affetto possibile e il loro calore, grazie anche a chi fin dal primo giorno che sono arrivato mi ha fatto sentire a casa. A voi tifosi e amici che mi avete sempre seguito e accompagnato dico GRAZIE! Il mio futuro con voi è tutto da scrivere, però adesso è giunto il momento di partire per un po’, ma…al mio ritorno saprò dimostrarvi in campo quello che vi posso dare sudando e lottando per voi che mi avete cresciuto e mi avete fatto diventare UOMO. A voi dedico il mio più grande saluto con il CUORE. E Alla mia LAZIO auguro di poter vincere in questa stagione Tutto ciò che è possibile vincere e conquistare! Vado via dalla Lazio in prestito per questi ultimi mesi con un ricordo e una certezza! Roma è SOLO BIANCOCELESTE!??????? Arrivederci..? ~ Tounkara Mamadou 7?1?

A post shared by Mamadou Tounkara (@tounka71ra) on Jan 30, 2018 at 10:15am PST

Goditje në fund të merkatos për Flamurtarin, një okazion që nuk duhej humbur. 22-vjeçari me nënshtetësi spanjolle dhe senegaleze, do të huazohet te klubi vlonjat, konfirmon Supersport, me Igli Taren që duket se i ka bërë një dhuratë Sinan Idrizit.

Tunkara, i rritur te të rinjtë e Barcelonës dhe më pas tek ata të Lacios, për të kaluar në ekipin e parë të kryeqytetit italian, luan si sulmues qendre, por edhe në krahë.

Emri i tij iu propozua dhe edhe Skënderbeut, nga ndërmjetës, por ka qene vendimtare ndërhyrja e Sinan Idrizit, i cili duke përfituar edhe nga miqësia me Taren, ka mbyllur gjithçka në orët e para të mëngjesit të sotëm.

Është një lojtar që klubi i Igli Tares e ka huazuar vitet e fundit në skuadra si Krotone dhe Salernitana, duke i dhënë mundësinë e aktivizimit, pasi në ekipin e parë të Lacios është shumë e vështirë të gjejë hapësirë për shkak të konkurrencës së madhe.

Flamurtari është aktivizuar edhe për faktin se ditët e fundit ka lënë të lirë fantazistin Gafuri, i cili ka kërkuar të kthehet në Maqedoni. Me emra si Muarem, Nedeljkoviç e Tunkara, Flamurtari ka shtuar ndjeshëm forcën sulmuese, pasi ka në skuadër edhe lojtarë niveli si Bushiç, Danilo Alvesh, Hoxhaj e Kamara.