De Jong, fenomen, si dhe Zijesh, goditën dy herë në zemër Totenhemin, por londinezët nuk janë aq ekip i mbaruar sa të dalin nga Champion pa bërë asnjë përpjekje, në gjysmëfinale.
Për këtë arsye, në pjesën e dytë doli në pah grinta dhe tërbimi i një skuadre që i ngjan Poçetinos. Në mungesë të Herri Kejnit, yllit të sulmit, detyrën e bëri Lukas Moura, me dy gola në minutat 55 e 59.
Ajaksi thuajse në tapet, rrezikoi të pësonte sërish, por goditi edhe një shtyllë, shenjë se nuk tronditet lehtë. Megjithatë, fundi ishte dramatik, sepse Totenhemi i shkoi disa herë pranë golit të triumfit dhe nuk do ishte i pamerituar.

U duk se mbaroi, 5 minuta shtesë që kaluan dhe BUM, një pasim i bukur në zonë, aty ku Moura gjeti golin e karrierës! Çfarë drame!

LIVE, Champions League

Ajaks – Totenhem 2-3
De Ligt 4’, Zijesh 36′ / Moura 55′ 57′ 90+5′

EPISODET – 

90+5’ – E pabesueshme!! Moura shënon në frymën e fundit dhe 2-3. Totenhemi në finale, Ajaksi i dëshpëruar. Një finale e tërë angleze në këtë edicion të Champions League.

57’ – Goool Totenhemi, Moura shënon sërish. Braziliani i driblon të gjithë brenda zonës dhe barazon takimin. Përmbysja e madhe shumë pranë

55’ – Goool Totenhemi, shënon Moura. Sulmuesi brazilian bën gjithccka vetë dhe shmang mbrojtjen e Ajaksit me një shpejtësi të jashtëzakonshme. Me një gjuajtje me të majtën, mposht portierin Onana.

36’ – Goool Ajaksi, Zijesh shënon të dytin. Tadiç bën mirë nga krahu i majtë dhe shërben në qendër për numrin 22, që nuk mendohet dy herë dhe realizon një supergol me të majtën. Ajaksi me hapa të sigurt drejt finales së madhe

4’ – Goool Ajaksi, shënon De Ligt. Kapiteni gjen golin e parë për këtë sfidë dhe kanë mjaftuar vetëm katër minuta që Ajaksi të kalojë në avantazh. Mbrojtësi holandez kërcen më lart se të gjithë dhe ndëshkon portierin Loris me një gjuajtje me kokë

Formacionet zyrtare të sfidës:

Ajaks: Onana, Mazraui, De Ligt, Blind, Taliafiko, Shëne, Tadiç, Van de Bek, de Jong, Zijesh, Dolberg. Trajner: Ten Hag

Totenhem: Loris, Tripier, Alderveireld, Vertongen, Rouz, Uanijama, Sisoko, Eriksen, Ali, Son, Moura. Trajner: Poçetino

Ajaksi i Amstedamit është me një hap në finalen e Champions-it, teksa ka mundur në Londër Totenhemin me rezultatin minimal 1 – 0.

Goli i Doni Van de Bek në minutën e 15-të rezultoi vendimtar për fatin e takimit. Totenhemi u mundua të baraspeshojë shifrat me Jorente dhe Lukas Moura, por mbrojtja e holandeze arriti të spastronte çdo rrezik. Eriksen, ndoshta lojtari më i mirë në letër i “gjelave” kreu një ndeshje për t’u harruar ndaj ish-skuadrës së tij.

Finalja e Champions-it i mungon Ajaksit prej 26 vitesh, javën e ardhshme është momenti më i mirë që kjo pritje të marrë fund dhe festa të shpërthejë në Amsterdam.

Totenhem 0 –  1 Ajaks
Shënues: Van de Beek 15’

Në vendin e dytë tashmë, ka kaluar Totenhemi, i cili parakaloi Mançester Sitin, pas humbjes që “Citizens” pësuan ndaj Leisterit. “Gjelat” e Londrës, janë në kuotën e 45 pikëve, një më pak se Liverpuli, por e veçanta e ekipit të Poçetinos është se e kanë mbyllur fazën e parë, pa asnjë barazim, duke thyer një rekord për futbollin elitar anglez.

Kështu, Totenhemi bëhet i pari ekip në historinë e Premier Ligës, që mbyll një fazë pa asnjë barazim. Plot 15 fitore për “Spërsat” dhe katër humbje në 19 ndeshjet e luajtura. Një gjë e tillë nuk kishte ndodhur kurrë më parë.

Trajneri Poçetino e ka veçuar këtë pjesë pas ndeshjes së sotme, se ekipi i tij mund të jetë një pretendent për titulli, edhe pse është plotësisht i vetëdijshëm se dy skuadrat që janë para tij janë mjaft të forta: “Besoj se Liverpuli dhe Siti janë pretendentët e mëdhenj për titull, por edhe ne jemi aty si Arsenali dhe Çelsi e Junajtid. Edhe pse është një rrugë e gjatë para, mund të them se edhe ne jemi konkurrentë të vërtetë”.

“Nëse bëjmënjë krahasim me sezonet e shkuara, them se këtë edicion kemi më shumë shanse për të konkurruar, pasi jemi më të qëndrueshëm dhe diferencat nuk janë edhe aq të mëdha. Duhet të provojmë deri në fund, por duhet të kemi vetëm një qëllim, të mendojmë vetëm për ndeshjen e radhës”.

Mesfushori shtatlartë alarmoi stadin mjekësor, teksa filloi të ndjente dhimbje të fuqishme në bark, pak orë para fillimit të ndeshjes tjetër të Bajernit. Me anë të një komunikate, klubi londinez ka njoftuar se 24-vjeçari do të rikthehet në stërvitje në muajin janar, pasi i është nënshtruar një operacioni për heqjen e apendesitit.

Në mungesë të lojtarëve të lartpërmendur, trajnerit të “gjelave” i duhet të lutet që dyshja e mesfushës Herri Uinks dhe Musa Sisoko të mos pësojë gjë gjatë katër ndeshjeve të ardhshme, përndryshe, argjentinasi nuk ka rrugë tjetër përveç se të hedhë sytë nga lojtarët e akademisë.

Pikërisht në fraksionin e dytë të lojës, Totenhemi ishte thuajse inekzistent në fushë, teksa pësoi plot tre gola. Ajo që ka rënë në sy në statistikat e sfidës është se Dele Ali në pjesën e dytë, ka kryer në total vetëm gjashtë pasime të sakta. Deri këtu ndoshta çdo gjë është në rregull, por po t’i hedhim një sy se ku kanë ardhur pasimet, atëherë do kuptojmë që ka diçka që nuk shkon.

Katër nga gjashtë pasimet e mesfushorit të “gjelave” kanë ardhur nga nisja e topit në mesin e fushës, fillimisht në nisjen e pjesës së dytë, dhe tre herë pas tre golave të pësuar. Praktikisht, Dele Ali ka bërë në total vetëm dy pasime të sakta në pjesën e dytë të takimit.

Dele Alli completed 6 passes in the second half vs Arsenal.

4 of those passes were from kick-offs. #NorthLondonDerby pic.twitter.com/s1oKhrhfZ8

— ReviewFootball (@ReviewFootball) December 2, 2018

INTERESIMI I ARSENALIT – “Pak muaj para se të transferohesha te Uest Hemi, mora një telefonatë nga Robin Van Persi. Ai më tha se Arsen Venger ishte i interesuar për mua dhe do të më shikonte në një ndeshje të kampionatit spanjoll. Bëra një paraqitje të mirë në atë takim, dhe filluan negociatat, por nuk gjetëm dot gjuhën e përbashkët për kontratën.  Tani mund të them se jam i lumtur që nuk ndodhi ai kalim, pasi nuk do të kisha përjetuar gjitha ato vite të bukura te Totenhemi”.

KUJTIMI MË I BUKUR NGA DERBI – “Mbaj mend një ndeshje, ku driblova Xhek Uilsher dy herë mes këmbësh në pak sekonda. Ajo ishte një ndër ndeshjet më të mira të karrierës sime, shënova dy gola dhe ndihesha i pandalshëm.

VIDEO E DRIBLIMIT NDAJ UILSHER