Deri tani në adresë të Betis nuk ka mbërritur asnjë ofertë zyrtare. Andaluzët kanë sjellë në gjirin e tyre Nabil Fekir si zëvendësuesin e argjentinasit. Kërkesat e tyre janë shumë të larta. Spanjollët kërkojnë rreth 70 milionë euro, çmim që i bën të stepen gati të gjithë klubet evropiane.

Trajneri argjentinas është shprehur i pakënaqur me faktin se ka shumë pak rol në merkaton e klubit që drejton prej pesë vitesh: “Nuk di asgjë mbi situatën e lojtarëve të mi. S’di gjë mbi shitjen ose blerjen e lojtarë, s’ja kam idenë sa vite kanë në kontratë lojtarë të ndryshëm. S’kam asgjë në dorë. Puna ime tani është vetëm që të trajnoj skuadrën”, tha Poçetino.

Kjo deklaratë e trajnerit është një mesazh për administratorin e klubit Daniel Levi, i cili drejton çdo aspekt menaxherial të skuadrës që prej vitit 2011.

Anglezët kanë shënuar të parët me golin e argjentinasit Lamela, për të mbyllur pjesën e parë në avantazh. Në pjesën e dytë Kristian Eriksen ka dyfishuar. Bajern nuk është pajtuar aspak me këtë rezultat dhe ka arritur të shënojë dy herë me të rinjtë Jan-Fiete Arp dhe Alfonso Dejvis. Në pikën e bardhë gaboi Eriksen për Totenhemin dhe Alaba e Boateng për Bajernin.

Miqësore

Totenhem-Bajern Mynih 2-2 (6-5)

Erik Lamela ’19, Kristian Eriksen ’59\ Jan-Fiete Arp ’61, Alfondo Dejvis ‘81

Duke i shtuar edhe faktin se kontrata e lojtarit skadon verën e ardhshme, Juventusi ka një rrugë të shtruar para për të sjellë Eriksen në Torino. Totenhem do mjaftohej edhe me 50-60 milionë euro, për të mos e larguar pas asnjë para vitin e ardhshëm. Një ndërrim me Dibala është një tjetër mundësi.

Real është treguar një skuadër e brishtë që nuk kishte në mend të reagonte pas golit të anglezëve. Aspak të rrjedhshëm sulmet e tyre dhe tepër të pasakatë para portës, duke dërguar vetëm dy goditje në kuadrat. Një shifër që nuk i shkon aspak për shtat një emri si 13 herë kampionët e Evropës.

Kjo është humbja e tretë në katër miqësoret e fundit. E vetmja fitore e tyre është ndaj Arsenalit, pas gjuajtjeve të penalltive. Zidan duhet të bëjë diçka pas këtyre disfatave. Sezoni nis shpejt dhe kundërshtarët janë gati për të përfituar. Një mesfushor i madh është nevojë reale.

Miqësore

Real Madrid-Totenhem 0-1

Herri Kejn ’22

Kjo paraqitje e dobët e lojtarit ka ndikuar dhe në vlerën e kartonit të 25-vjeçarit. Në ndryshim nga një vit më parë, tani nuk mund të flitet për shuma që i kalojnë 100 milionë eurot.

Vlerën në rënie të Dibalës e reflekton dhe një ofertë e ardhur së fundmi nga Totenhem. Sipas “La Stampa”, ekipi londinez ka ofruar 50 milionë euro për mëngjarashin. Mund të thuhet pa problem se drejtuesit e “spurs” e kanë tepruar disi me këtë shumë.

Me këtë kontratë, “Spurs” hyjnë në listën e klubeve që përfitojnë më shumë për një reklamë të tillë. Në vendin e parë në Premier qëndron Junajtid, që merr 53 milionë paund në vit nga “Chevrolet”. Totenhem me kontratën e re i bashkohet ekipeve gjigante të Premier Ligës.

Futbollisti holandez ka firmosur një kontratë 5-vjeçare me ekipin meksikan, ku shpreson të ringjallë karrierën e tij. Kampionati meksikan ka filluar të afrojë së fundmi lojtarë të shumtë nga Europa, si Ander Pier Zhinjak dhe Zheremi Menez, të cilët kanë vite që luajnë në “Liga MX” dhe bëjnë diferencën.

https://www.instagram.com/p/B0Rm_yOBaE4/?utm_source=ig_web_copy_link

Tre  vite më parë Totenhem investoi 20 milionë euro për të blerë nga AZ Alkmar kartonin e Jansen. Sulmuesi vinte pas një sezoni të shkëlqyer si kryegolashënues i “Eredivisie” me 27 gola në 34 ndeshje. Megjithatë, eksperienca 3-vjeçare në Londër rezultoi një dështim i përmasave të mëdha me vetëm 6 gola të realizuar.

Inter, Totenhem, Bajern Mynih dhe Mançester Junajitd kanë pasur kartonin e “golfistit” në tavolinë. Klubi i bardhë ka marrë një “jo” të katërfishtë. Kështu, Kina mbetet alternativa e vetme për uellsianin. Në Azi, Bejl do të bëhet një nga më të paguarit e rruzullit.

Ka mjaftuar vetëm një sezon në Spanjë që 23-vjeçari të spikasë me paraqitje e tij. Real Betis shpenzoi 22 milionë euro për të blerë kartonin e tij nga PSG një vit më parë. Në Andaluzi i kanë marrë të gjitha masat për këtë transferim.

Betis ka gjetur akordin financiar për francezin  Nabil Fekir, i cili do të zëvendësojë argjentinasin në mesfushën e andaluzianëve. Transferimi i Fekir pritet të kushtojë rreth 30 milionë euro, ndërsa mëngjarashi do të firmosë një kontratë 5-vjeçare me pagë 4.5 milionë euro në sezon.

Siç raportojnë mediet spanjolle, përfaqësues të klubit të Totenhem e kanë propozuar yllin e tyre tek Hil Marin, presidenti i Atletiko Madridit. Kjo ka ndodhur nëpërmjet një takimi kokë më kokë në kryeqytetin spanjoll.

“Spurs” nuk kanë në plan ta lënë të largohet sezonin e ardhshëm me kosto zero dhe dëshirojnë me patjetër t’i gjejnë një blerës. Çmimi i propozuar për të është 60-70 milionë euro. Atletiko pritet të shqyrtojë këtë mundësi, megjithëse Hames Rodriges është objektivi primar për momentin.

Atletiko ka paguar 30 milionë euro për transferimin e anglezit. Kjo marrëveshja mbyll dhe mundësinë e kalimit të futbollistit shqiptar Elseid Hysaj te skuadra e drejtuar nga Diego Simone. Tekniku argjentinas ka tani në dispozicion të tij dy mbrojtës të djathtë të një niveli të lartë si Santiago Arias dhe i porsaardhuri Tripiër.

18-vjeçari që hodhi të zezën mbi të bardhë është pikërisht djali i trajnerit e argjentinas. Futbollisti më i ri i Totenhemit ndan të njëjtin emër me babanë  e tij, por në stilin e lojës nuk kanë shumë ngjashmëri midis tyre, pasi Poçetino ka qenë një mbrojtës i hekurt, ndërsa i biri aktivizohet si sulmues krahu.

? @Lilywhite_Rose exclusive – The Poch pose. Mauricio watching over his son Maurizio signing his first professional contract with the club. What a photo #COYS pic.twitter.com/AsbN0RZZ1e

— Lilywhite Rose (@Lilywhite_Rose) July 15, 2019

Mauricio Xhunior ka qenë prej tri vitesh pjesë e akademisë së Totenhemit, ku ka luajtur pwr skuadrwn U19 dhe U23.

Ardhja e mundshme e Fekir nga Lioni në Betis, do i hapte menjëherë rrugën argjentinasit për t’u bashkuar me nënkampionët e Evropës. Ditët e ardhshme pritet të jenë vendimtare. Në lidhje me çmimin e lojtarit, “Spurs” do mundohen ta ulin sa më shumë, megjithëse financat e klubit janë mjaft mirë.

“Mundo Deportivo” na tregon më shumë rreth të ardhmes së talentit spanjoll. Ata pretendojnë se kanë komunikuar me agjentin e lojtarit. Ky i fundit është shprehur se Olmo do të transferohet në një klub, që luan në Champions League. Gjithashtu, përjashton klubet e La Ligas.

Kështu ëndrra e Milanit për të nënshkruar me yllin e “Furisë se Kuqe” përfundon këtu. Skuadrat më të favorizuara për të nënshkruar më të janë Totenhem, Liverpul dhe Bajern. “Spurs” qëndrojnë në ”pole” për momentin. Dinamo e Zagrebit e nis ankandin me 40 milionë euro.

Përveç kësaj, verdhekuqtë duhet të kënaqin edhe kërkesat e lojtarit, që nuk janë aspak modeste. Gjithsesi, belgu ka dëgjuar fjalë të mira nga Naingolan dhe ka shprehur gatishmërinë e tij për t’u transferuar në Serie A.

Objektiva të tjerë të klubit italian janë edhe Mark Bartra dhe Mançini i Atalantës. Klubi kryeqytetas dëshiron të nënshkruajë të paktën me dy mbrojtës qendre këtë verë.

Real nuk dëshiron të heqë dorë plotësisht nga kartoni i lojtarit dhe pretendon një shitje me të drejtën e blerjes me një çmim më të lartë, siç veproi me Moratën kur e shiti te Juventusi pak vite më parë. E sigurtë është se fantazisti do largohet. Ai nuk do udhëtojë me skuadrën në Kanada, por do negociojë largimin me drejtuesit.

Për francezin mund të themi se është afrimi i parë, pasi Klark do të vazhdojë si i huazuar te Lids Junajtid. Ndombele është operacioni më i shtrenjtë në historinë e skuadrës së drejtuar nga Poçetino. Ai pritet të jetë një pikat kryesore të londinezëve, duke formuar një treshe të frikshme me Eriksen dhe Dele Ali.

?? #WelcomeTanguy #COYS ?? #THFC pic.twitter.com/P0S9JJyfsV

— Tottenham Hotspur (@SpursOfficial) July 2, 2019

Spanjollja “Marca” raporton se zyrtari anglez ka telefonuar personalisht drejtorin e Real Madridit, Hoze Anhel Sançez. Në bisedën telefonike mësohet se Levi ka ofruar blerjen e lojtarit të tij nga Reali i Madridit me një çmim shumë më të ulët, që përkon me 70 milionë euro, gati gjysma e çmimit fillestar.

Një ofertë mjaft tunduese për Realin, që mund të përfitojë një lojtar të madh me “ofertë”. Pritet të shihet se cila do të jetë përgjigja e Zidan, që është “i marrosur” pas talentit të Pol Pogba dhe dëshiron me patjetër ardhjen e tij.

“Van de Bek në dimër mund të blihej për një shifër shumë më të ulët. Ai nuk ishte gjithmonë pjesë e ekipit të parë. Kjo është ajo që zbuluesit duhet të bëjnë, të njohin talentet, të njohin tregun. Kjo është e vetmja gjë që mund të them pasi tani është vonë dhe Totenhem për të nuk mund të paguajë 50 apo 60 milionë paund”, u shpreh Martin Jol.

Së fundmi njoftohet se Totenhemi do të hyjë në garë nëpërmjet një oferte joshëse. Ata duhet të mundin interesin e dy ekipeve të Mançesterit dhe Juventusit. Presidenti i Lionit e ka bërë të qartë se kush bën ofertën më të mirë do të marrë mesfushorin.

Ai ka qartësuar edhe se nëse ofertat e klubeve të interesuara janë të ngjashme, klubi që do të përfitojë është Juventusi. Kështu, Totenhem duhet të hapë thesin nëse i do vërtetë shërbimet e talentit francez.

DENIS LALA

Sipas madrilenes “AS”, mesfushori nuk e pëlqen këtë situatë dhe ka nisur të veprojë. Ai prej kohësh e ka në tavolinë kontratën e rinovimit me Totenhemin. Pritja e një oferte nga Madridi e ka lënë pezull këtë çështje prej kohësh.

Gjithsesi, çdo pritje e ka një fund dhe Eriksen po mendon seriozisht mundësinë e rinovimit me klubin nënkampion Evrope. Ky hap do të shuante përfundimisht mundësinë e kalimit në “Santiago Bernabeu”.

Paraqitja e Ynder në këtë takim ishte e shkëlqyer, çka ka bërë që shumë skuadra të vihen pas tij. Arsenali dhe Totenhami janë dy skuadrat që e duan me doemos futbollistin 21-vjeçar, por Roma kërkon të paktën 35-40 milionë euro për ta lënë të lirë.

Të dy ekipet londineze janë gati ta paguajnë një shumë të tillë, por vetë Ynder po pret të shikojë se kush do të jetë trajneri i ri i Romës. Në rast se bën pjesë në planet e trajnerit të ri, turku nuk preferon të largohet, por nëse situata vazhdon si sezonin e shkuar, atëherë Ynder do t’i drejtohet Premier Ligës angleze.

“Nuk është e vërtetë se ka pasur oferta drejt meje. Shumë gjëra janë shkruar nëpër gazeta, por unë nuk di asgjë. Kam një kontratë me Ajaksin dhe jam i lumtur këtu. Është shumë bukur të dëgjoj se Barcelona interesohet për mua, por ajo çka dua është të luaj dhe të përmirësohem. Do të shohim se çfarë do të ndodhë në verë, askush nuk e di se ç’rezervon e ardhmja”, u shpreh Van de Bek.

Sipas “Calciomercato”, Totenhem e do me çdo kusht djalin e artë të Romës. Ata kanë nisur një ofertë prej 40 milionë eurosh drejt klubit italian. Shifër, që me do të pasohet nga një rritje e ndjeshme, pasi drejtuesit romanë pretendojnë të fitojnë më shumë për të.

Ndërkohë, “Spurs-at” duhet të mposhtin konkurencën e një gjiganti si Juventus. Kampionët e Serie A ka kohë që e kanë në shënjestrën e tyre djaloshin dhe vështirë se e lënë t’u ikë nga duart. Mediet vendase raportojnë se Paratiçi dhe Nedved kanë nisur bisedimet për të pregatitur ofensivën finale për shërbimet e 19-vjeçarit.

Si shkak Juventusi mund të heqë dorë nga blerja e tij. Ata nuk janë të gatshëm të ofrojnë një shumë prej 100 milionë eurosh, sa kërkon Lioni. Kështu, Paratiçi dhe Nedved do të shohin për lojtarë të tjerë që ofron tregu. Por mund të ketë një zgjidhje edhe për të siguruar paratë e blerjes së 22-vjeçarit. Nëse Pjaniç shitet te Reali, në Torino do të vinte një dorë e mirë të ardhurash.

LIVERPULI –  “Bashkë me Mançester Sitin janë skuadra më e mirë në Premier League. Kanë bërë një sezon të madh dhe meritojnë elozhe. Liverpuli ka një histori të madhe, por duhet të kërkojmë të argëtohemi dhe të fitojmë. Duam të shkruajmë historinë”.

GJENDJA E SKUADRËS – “Udhëtimi drejt finales ka qenë i pabesueshëm dhe mund të përsëris se është një kënaqësi të menaxhosh këta lojtarë. Jam krenar për ata, janë të hapur për gjithçka dhe ndjekin në perfeksion këshillat e mia dhe të stafit tim. Skuadra do të jetë gati të vrapojë dhe të argëtohet”.

PËRGATITJA – “Natyrisht, një ndeshje e tillë nuk mund të përgatitet si miqësore. Gjëja e rëndësishme është të jemi gati edhe nën presion, veçanërisht në raste të tilla, kur ke 1 miliard njerëz që të shohin. Çelësi është të mos mendosh shumë dhe loja e skuadrës”.

KLOP – “Jurgen është një trajner shumë i suksesshëm. Është fantastik dhe e vlerësoj shumë. Është gjithmonë i lumtur, gjithmonë optimist, një shembull shumë i mirë për të tjerët me spontanitetin e tij. Në finalet që ka humbur ka qenë i pafat. Ndonjëherë ka disa gjëra që nuk mund t’i kontrollosh”.

Kejn është në dyshim në ndeshjen më të rëndësishme të sezonit, pasi vuan nga një dëmtim që pësoi para shumë javësh. Para ndeshjes finale, Salah dha një intervistë për BT Sport, ku u shpreh: “Dua të luaj kundër më të mirëve.

Preferoj që Heri Kejn të jetë në fushën e lojës, ne do të jemi gati. Ai është një lojtar shumë i mirë, e ka treguar prej shumë vitesh. Ai është një golashënues, ka qenë i pari për shumë kohë… deri sa erdha unë (qesh)”, tha Salah.

Napoli nga ana e tij nuk e sheh të arsyeshme të shpenzojë aq shumë për një lojtar 28-vjeçar. Sigurisht Tripier është në kulmin e karrierës së tij, por nuk do të vazhdojë për shumë sezone kështu. Presidenti De Laurentis dëshiron një lojtar, që premton për të ardhmen dhe nuk ka një çmim aq të kripur.

Deri para pak ditësh Kieran ishte shumë pranë zbarkimit në Itali. Gruaja e tij kishte ardhur të shikojë për një shtëpi në Napoli. Megjithatë, anglezit do i duhet të kërkojë për një ekip tjetër për t’u transferuar, ose do zgjedhë të qëndrojë. Ai nuk është thirrur në kombëtare nga trajneri Garet Sauthgejt, i cili ka preferuar Aleksander-Arnold dhe Kajli Uoker në krahun e djathtë të difensivës.

Klauzola e tij është 100 milionë euro. Totenhem nuk e nis ofensivën aq lart, megjithatë nga Anglia raportohet se londinezët kanë ofruar 64 milionë euro për 23-vjeçarin. Një shifër mjaft e lartë që me siguri do e vërë në mendime klubin e Betisit.

Argjentinasi është një lojtar tepër i talentuar dhe ka treguar një nivel tepër të lartë me Real Betisin.  Mesfushori ka shënuar 16 gola dhe 6 asiste në 45 ndeshje për klubin spanjoll. Është pjesë e kombëtares argjentinase në “Copa Libertadores”.

19-vjeçari ka shënuar 6 gola dhe ka asistuar dy herë këtë sezon në Serie A dhe ka treguar një potencial të jashtëzakonshëm. Vetë italiani ka dëshirë të luajë në kampionatin anglez të futbollit dhe Totenhemi shihet një dëstinacion ideal për të.

Roma është në një dilemë të madhe, pasi nuk duan ta lënë të lirë mesfushorin, por ofertat faraonike po tundojnë jo pak drejtuesit verdhekuq. Vetë Zaniolo nuk ka nënshkruar ende një kontratë të re, pasi kushtet e tij nuk po plotësohen nga skuadra e Romës.

Siç është raportuar disa ditë më parë nga mediat britanike, Napoli është interesuar për mbrojtësin e djathtë të Totenhemi, Kieran Tripier. “Gjelat” e Londrës janë gati ta shesin anglezin, por vetëm nëse Hysaj përfshihet në ofertën e Napolit. “The Sun” shkroi pak ditë më parë se bashkëshortja e Tripier është interesuar për disa shkolla në Napoli, gjë që tregon se mbrojtësi anglez me shumë gjasa do të veshë fanellën napolitane.

Vetë Hysaj është pro një kalimi në Premier League dhe në rast se ribashkimi me Sarrin te Çelsi nuk është i mundur, kalimi te skuadra tjetër londineze e Totenhemit shihet si një alternativë shumë e mirë për mbrojtësin e kombëtares.

Në 68 mijë vende që ka stadiumi i Atletikos, për tifozët e të dyja skuadrave janë vënë vetëm 33 mijë bileta në dispozicion. Që do të thotë se të dyja skuadrat do të kenë vetëm nga 16,5 mijë tifozë në stadium aq të madh.

UEFA një pjesë të madhe të biletave të finales e ka shpërndarë për sponsorët, si të ishte finalja e tyre dhe jo e fansave. Lajmin e bën të ditur “BBC News” nëpërmjet gazetarit Den Roan. Ky i fundit shprehet se grupimet e tifozëve të Liverpulit dhe Totenhemit kanë kërkuar bileta nga disa sponsorë për të shtuar numrin e tifozëve të skuadrave në Madrid.

“Ne kërkojmë nga Nissan, Playstation, Gazprom, PepsiCo, Banco Santander, Mastercard, Heineken & Expedia Group të na ndihmojnë në balancimin e numrit të tifozëve në stadium”, kanë treguar tifozë për Den Roan.

Për të interesohen shumë gjigantë të Evropës. Totenhem e dëshiron si zëvendësues të Eriksen në rast largimi te Reali i Madridit. Borusia Dortmund dhe Bajerni i Mynihut janë gati të paguajnë mbi 60 milionë euro për ta bërë të tyrin. Së fundmi edhe Barcelona është vënë në sulm për yllin holandez. Katalanasit duan ta bashkojnë me De Jong për të formuar një dyshe që kombinohen me sy mbyllur për të kthyer “Tiki-Taka-n” e famshme.

Sfida mes Totenhemit dhe Liverpulit do të gjykohet pikërisht nga Skomina, një emër që nuk preferohet aspak nga të kuqtë e drejtuar nga Jurgen Klop. Skomina e ka drejtuar 5 herë Liverpulin që nga viti 2009 dhe rekordi i të kuqve, është për t’u harruar.

Humbje kundër Fiorentinës në “Anfield” në vitin 2009, 2 humbje kundër Beshiktashit dhe Vijarealit në 2015-ën, humbje kundër Romës sezonin e shkuar, 4-2. Këto shifra, flasin në favor të Totenhemit, që do të synojë ta shfrytëzojë këtë fakt, për t’i shtuar edhe një humbje Liverpulit me gjyqtar Skominën.

Kur e mendon se në verë dhe janar drejtuesit e klubit nuk ndërhynë në merkato, atëherë mund të themi që Poçetino ka realizuar një kryevepër. Nën gjurmët e tij është vënë Juventusi, që do të ndahet pas 5 vitesh me Maks Alegrin.

Sipas raportimeve të mediave italiane, negociatat kanë nisur, por trajneri ka kërkesa të larta. Poçetino kërkon një rrogë prej 20 milionë eurosh në sezon, ndërsa presidenti Anjeli po mendohet.

Gjithçka do të zbardhet në vijim, ndërsa vetë trajneri latin lajmëroi pas kualifikimit drithërues kundër Ajaksit se do të largohet me shumë mundësi nga ekipi londinez në fund të sezonit.

Krenari dhe emocione të papërshkrueshëm kanë përjetuar edhe familjarët e futbollistit. Babai i tij ka folur për “Radio Marte”. Ai tregon festën e çmendur dhe zbulon fjalët që Lukas i kishte thënë para ndeshjes.

“Ndodhi diçka e jashtëzakonshme. Të gjithë ramë për të fjetur rreth orës 4 të mëngjesit, nuk bëhej më fjalë për gjumë. Akoma nuk po e besonim se çfarë kishte ndodhur. Ishim plot adrenalinë dhe te goli i tretë e kthyem shtëpinë përmbys. Dikush qante, një tjetër falënderonte Zotin, e të tjerë qeshnin dhe ulërinin nga gëzimi. Dukej si një shtëpi të çmendurish. Lukas besonte shumë përpara ndeshjes. ‘Baba, do e shikosh që do bëj një ndeshje të madhe’, më tha.

Finalja? Nuk e di nëse do të luajë si titullar apo do ta nisë nga stoli. Di të them që do të jetë gati dhe deçiziv. Jemi shumë besimtarë dhe të shohim se çfarë na ka rezervuar Zoti për ndeshjen e Madridit”, përfundon i ati i heroit të Totenhemit.

“Nuk dua të bëj deklarata të bujshme. Gjithsesi kthimi tek Ajaks është 100% në mendjen time. Kam përjetuar momente shumë të mira këtu. Familja ndihej shumë e lumtur gjithashtu. Totenhemi në finale? Të shohësh si e nisëm këtë kompeticion dhe si shkoi kjo ndeshje, kjo tingullon si diçka e çmendur.”

“Nuk jam tej mase i gëzuar, pasi më lëndon fakti që Ajaksi është eliminuar. Është një ndjenjë e çuditshme, e dyfishtë. Këtu tifozët na kanë pritur në mënyrë të jashtëzakonshme. U jam mirënjohës. Ishte një situatë tërësisht e kundërt nga ajo çka pamë me Luis Suarez në Liverpul”, përfundoi 30-vjeçari.

Pas ndeshjes, mbrojtësi Kiran Tripier zbulon se Herri Kejn ishte një ndër protagonistët e përmbysjes. Kapiteni i “Gjelave” është i dëmtuar aktualisht dhe e ndoqi sfidën nga tribuna, por në pushimim mes pjesëve, nxitoi për të zbritur në dhomat e zhveshjes.
Sipas asaj që rrëfen Tripier, Kejn ishte i tërbuar dhe u mundua të motivonte të gjithë lojtarët, duke i bërë të besonin se asgjë nuk kishte përfunduar dhe se kishte akoma lojë për të luajtur. Fjalët e kapitenit duket se kanë bërë efekt dhe Totenhemi tashmë do të luajë në finale ndaj Liverpulit.

Hera e dytë që ndodh diçka e tillë, pas asaj mes Çelsit dhe Mançester Junajtid. Ishte 21 maji i vitit 2008 dhe trofeu ngrihej lart në qiellin moskovit nga “Djajtë e Kuq” të Aleks Ferguson.

Liverpuli do të kërkojë të fitojë trofeun më të rëndësishëm për klube për herë të gjashtë në histori, ndërsa Spurs po shkruajnë historinë. Hera e parë për ta në finale dhe djemtë e Poçetinos do luftojnë fort për t’i dhuruar tifozëve të tyre një mbrëmje të paharrueshme.

Përveç tifozëve të The Reds dhe Totenhemit, finalja e madhe do të shihet me emocione edhe nga ata të Sauthemptonit. Mauricio Poçetino drejtoi një sezon “Shenjtorët” përpara se të merrte drejtimin e Totenhemit.

Trajneri nuk është i vetmi, pasi me Sauthemptonin kanë luajtur Tobi Alderveireld, Viktor Uaniama dhe Paulo Gazinaga. Lojtarë që kanë një të kaluar te ky ekip ka edhe Liverpuli, madje plot 5 të tillë: Virxhil Van Dijk, Sadio Mane, Adam Lalana, Dejan Lovren dhe Aleks Oksleid Çambërlejn.

 

View this post on Instagram

 

The Southampton reunion in the Champions League final. Mauricio Pochettino Virgil van Dijk Toby Alderweireld Sadio Mané Victor Wanyama Paulo Gazzaniga Adam Lallana Dejan Lovren Alex Oxlade-Chamberlain ———————————————————————————— #Football #Futbol #Soccer #? #saintsfc #southampton #ucl #championsleague #uefachampionsleague #uefa #pochettino #vandijk

A post shared by Football Tweet (@footballtweet) on May 9, 2019 at 12:44am PDT