Golat janë shënuar të dy në pjesën e parë. Lukas Moura ka hapur sfidën vetëm pas tre minutash, ndërsa Sensi ka barazuar në minutën e 36-të. Pjesa tjetër e ndeshjes është zhvilluar e qetë. Te penalltitë fati ka qenë me zikaltrit. Kristian Eriksen vazhdon të humbë nga pika e bardhë. I riu Xhorxh Pushkash gaboi për Interin, ndërsa gabimi i Oliver Skip për londinezët vulosi humbjen e tyre.

Miqësore

Totenhem-Inter 1-1 (4-5)

Lukas Moura ‘3, Stefano Sensi ‘36

Totenhem ka propozon 56 milionë paundë. Sportingu pretendon më shumë, por merkatoja po vjen drejt fundit dhe mund të ketë një negocim për shumën e ofruar nga nënkampionët e Evropës. 24-vjeçari kërkon largimin drejt një klubi të madh evropian për të bërë kapërcimin e karrierës.

Nuk janë të pakta klubet, që e duan yllin latin, me Totenhem që ka shprehur “dashurinë” më të madhe. Mediet angleze raportojnë se Dibalas i është mbushur mendja për t’u larguar dhe ka pranuar ta bëjë këtë te Totenhemi.

Londinezët kanë një skuadër që mund të luftojë për gjithçka dhe “La Joya” është gati për t’iu bashkuar një sfide të tillë. Marrëdhëniet e mira trajnerin Poçetino kanë gjithashtu një ndikim të madh. Transferimi sulmuesit në Premier Ligë pritet të kushtojë rreth 100 milionë euro.

Ndeshja u zhbllokua në minutën e 21-të. Pereira dhuroi një asist për Antoni Marsial, i cili goditi diagonalisht dhe përfitoi edhe nga një pasiguri e argjentinasit Gazaniga për të shënuar.

Pjesa e parë nuk dhuroi më gola. E dyta nisi më mirë për Spurs, të cilët barazuan në minutën e 65-të me anë të Lukas Moura. Braziliani veproi bukur në vijën e 16-të metrave, goditi drejt portës dhe u ndihmua nga një devijim për të gjetur barazimin.

“Djajtë e kuq” nuk e kishin thënë fjalën e fundit dhe e kishin ruajtur për në minutën e fundit. Angel Gomes kombinoi bukur me Huan Matën dhe shënoi një gol fantastik, duke i dhuruar fitoren ekipit të tij.

Pavarësisht kësaj klubi anglez arriti për herë të parë në histori në finalen e Champions Ligës, duke “flirtuar” me kupën me veshë të mëdhenj.

Ndryshon situata këtë verë. Drejtuesit e Spurs janë tepër aktivë dhe po synojnë t’i plotësojnë çdo dëshirë Mauricio Poçetinos. Fiksimi i fundit i trajnerit quhet Paulo Dibala.

E ardhmja e argjentinasit me Juventusin është në dyshim dhe anglezët janë gati të përfitojnë. Daily Mail raporton se Totenhemi ka përgatitur një ofertë prej 90 milionë eurosh për shërbimet e 25-vjeçarit.

Një shumë që i tundon bardhezinjtë. Dibala do të takohet me trajnerin Sarri pasi të kthehet nga pushimet për të kuptuar më mirë nëse është në planet e tij, por oferta e fundit mund ta transferojë atë menjëherë drejt Londrës.

Daily Mail raporton se bardhezinjtë janë vënë pas Deni Rouz, 29-vjeçarit të Totenhemit. Sarri i ka kërkuar Fabio Paratiçit të nisë negociatat dhe të arrijë sa më shpejt një marrëveshje me finalistët e Champions Ligës.

Për lojtarin e kombëtares angleze (numëron 27 ndeshje të zhvilluara) interesohen edhe PSG me Shalke 04. Rouz është pjesë e Totenhemit që prej 2013, vit kur la Sandërlendin për t’u transferuar te Spurs.

2-3 përfundoi ndeshje në favor të Totenhemit, që triumfoi falë një goli të shënuar në shtesa. Erik Lamela zhbllokoi shifrat pas një gjysmë ore lojë dhe skuadrat shkuan në pushim me këtë rezultat.

E dytë nisi plot ritëm, emocione dhe gola. Tre të tillë u shënuan brenda nëntë minutash. Juventusi përmbysi gjithçka shumë shpejt. Higuain barazoi shifrat, ndërsa Kristiano Ronaldo kaloi kampionët e Italisë në avantazh pasi një topi të marrë nga De Shiljo.

Festa bardhezi zgjati pak, pasi Lukas Moura barazoi ndeshjen pas një asisti të Ndombele. Sarri vendosi t;i dhuronte disa minuta edhe Matijs De Ligt, i cili debutoi me ekipin e ri. Kur u mendua se gjithçka po mbyllej në një barazim 2-2, Herri Kejn shënoi një gol kryevepër. Goditje nga mesi i fushës, duke turpëruar Sheznin.

Juventus-Totenhem 2-3
(Higuain 56’, Ronaldo 60’ / Lamela 30’, Lukas 65’, Kejn 90+3’)

Barazimi ka ardhur me anë të Gonzalo Higuain. Argjentinasit i kanë mjaftuar 11 minuta për të gjetur golin e rikthimit.

Lëvizje e bukur brenda zonës pas pasimit të marrë nga Bernardeski dhe goditje e saktë me të djathtën. Sinjal i qartë i Pipitës, i cili dëshiron të qëndrojë në Torino, edhe pse Juventusi po bën të pamundurën për ta shitur.

Vetëm katër minuta më vonë ka ardhur goli i dytë. Lëvizje e mirë e De Shiljos në krahun e majtë dhe asist për Kristiano Ronaldon, i cili nuk fal dhe kalon Juventusin në avantazh, që ka zgjatur vetëm pesë minuta.

Lukas Moura ka shfrytëzuar një asist të bukur të Ndombele, duke gjetur golin dhe barazuar sfidën. Dueli vazhdon të luhet.

Juventus-Totenhem 2-2
(Higuain 56’, Ronaldo 60’ / Lamela 30’, Lukas 65’)

Matuidi ka gabuar me një pasim mbrapa dhe finalistët e Champions Ligës kanë shfrytëzuar rastin për t’u nisur rrufeshëm drejt portës së Juventusit.

Kundërsulmi i shpejtë është konkretizuar me golin e argjentinasit, i cili nuk e ka patur të vështirë të shënojë me portën bosh.

Kontingjenti është i plotësuar me cilësi dhe sasi, ndërsa tifozët janë entuziastë dhe besojnë se ky do të jetë sezoni kur Juventusi do t’i rikthehet dominimit në Europë. Për pak minuta (13:30) nis ndeshja kundër Totenhemit dhe Sarri ka zgjedhur këtë formacion

4-3-3 është skema. Bufon do ta nisë si titullar, ndërsa qendra e mbrojtjes do të formohet nga dyshja Bonuçi-Rugani. Kanselo dhe De Shiljo do të operojnë nga krahët. Pjaniç-Emre Çan dhe Matuidi janë treshja e zgjedhur për mesin e fushës.

Ronaldo e nis si titullar në sulm, por do të pozicionohet në krahun e majtë. Në qendër do luajë Mario Manxhukiç, ndërsa Bernardeski do të pozicionohet në krahun e djathtë të sulmit.

4-2-3-1 ka vendosur ta rreshtojë ekipin e tij Mauricio Poçetino. Trajneri i Totenhemit ka zgjedhur një formacion me lojtarëve të rinj, ndërsa nuk mungojnë emra si Dele Ali, Lamela dhe Son. Surpriza mban emrin Troi Parrot. 17-vjeçari irlandez është zgjedhur sulmues i parë dhe do të tentojë t’i shënojë portierit kundërshtar, i cili është 24 vite më i madh.

Juventus (4-3-3): Bufon; Kanselo, Rugani, Bonuçi, De Shiljo; Emre Çan, Pjaniç, Matuidi; Bernardeski, Manxhukiç, Ronaldo.

Totenhem (4-2-3-1): Gazaniga; Georgiou, Tanganga, Alderueireld, Uolker Peters; Uinks, Skip; Lamela, Dele Ali, Son; Parott.

Revolucion i klubit madrilen, që tani synon një emër të madh për mesfushën. Ideja e fundit quhet Kristian Eriksen. “Mendoj se jam në një pikë të karrierës, ku më duhet të provoj diçka të re. Shpresoj që do të vendoset për diçka këtë verë. Ky është plani. Në futboll kurrë nuk e di se kur mund të merret një vendim i tillë”, u shpreh organizatori danez gjatë ditëve të para të qershorit.

Kontrata me Spurs i përfundon verën e ardhshme. Për rinovim nuk bëhet fjalë, kështu që klubi anglez është i detyruar ta shesë. As raporton se mes drejtuesve të klubeve ka patur një takim, duke konfirmuar nisjen e negociatave.

Totenhemi kërkon 60-70 milionë euro për kartonin e 27-vjeçarit, shumë që Atletiko nuk e ka shumë problem. Për lojtarin viking u interesua edhe Reali. E ardhmja e tij mund të jetë Madridi dhe Eriksen është pranë transferimit tek Atletiko e Diego Simeones.

Zhgënjim dhe dhimbje e madhe për Spurs, por kapiteni beson se ata mund të rikthehen sërish aty. Herri Kejn nuk ishte në formën e tij më të mirë, shtrëngoi dhëmbët dhe luftoi fort, por nuk arriti që të ndihmonte ekipin e tij.

Sulmuesi i Totenhemit i është rikthyer edhe njëherë finales së Madridit në një prononcim për The Sun. Kejn nuk e ka parë akoma në video ndeshjen dhe vështirë që diçka e tillë do të ndodhë në të ardhmen.

“Për ne futbollistët, finalja e Champions Ligës është, me shumë mundësi, një nga ndeshjet më të rëndësishme të karrierës. Është shumë e vështirë ta lësh pas krahëve atë humbje. Kur arrin në një ndeshje kaq të rëndësishme dhe nuk jep gjithë potencialin që ke, bëhet akoma dhe më tepër e rëndë.

Gjithsesi, jemi të vetëdijshëm se mund t’i përjetojmë përsëri ato emocione. Jemi në gjendje të rikthehemi sërish dhe të bëjmë gjëra të mëdha. Humbja e finales është e rëndë, por të jep stimuj për të tentuar ta rilash përsëri. Nuk e kam parë ndeshjen në video dhe besoj se nuk do ta shoh kurrë”, përfundon Herri Kejn.

Shitja e lojtarit të kombëtares angleze detyron Totenhemin të kërkojë një mbrojtës të djathtë. Dy janë objektivat sipas Sportmediaset: Elseid Hysaj dhe Alesandro Florenci.

Shkodrani është drejt largimit nga Napoli, por nuk po arrin akordin me klubin e ri, pavarësisht interesimit të madh. Hysaj u përfol gjatë edhe për një kalim te Çelsi gjatë sezonit të kaluar, ndërsa tani mund të luajë me finalistët e Champions Ligës.

Nëse nuk arrihet akordi me Napolin, Poçetino do të niste sulmin për lojtarin romanist. Fonseka dëshiron ta mbajë Florencin në ekip, por një ofertë tunduese nga Totenhemi do ta transferonte atë në Premier Ligë.

Dy janë objektivat e përbashkët dhe në të dy rastet po triumfon Arsenali. Të paktën për momentin. Dani Sebajos është i preferuari i madh. Arsenali e kërkon në huazim, ndërsa Spurs janë gati t’i blejnë kartonin.

Real Madrid preferonte versionin e dytë deri para pak ditësh, por paraqitjet pozitive të mesfushorit ofensiv në Europianin U21 kanë stopuar spanjollët. 22-vjeçari ka potencial dhe mund të shërbejë për të ardhmen.

Sebajos preferon Arsenalin për dy arsye. E para ka të bëjë me faktin që Unai Emeri i premton një vend titullari, ndërsa te Totenhemi do luftojë fort për ta fituar. E dyta ka të bëjë me dëshirën e madhe. Një sezon pozitiv me “topçinjtë” e rikthen në Madrid. Sebajos beson fort se do vijë momenti kur do të rikthehet titullar i Realit.

Sky Sport News raporton se akordi final është drejt konkretizimit. Ka mbetur për t’u dhënë vetëm miratimi i Zinedin Zidan që Sebajos të transferohet tek Arsenali. Aty ku mund të mbërrijë edhe Uilliam Saliba.

I lindur në Francë dhe me origjinë nga Kameruni, vetëm 18 vjeç, aktivizohet si qendërmbrojtës dhe sezonin e kaluar është aktivizuar në 19 ndeshje me St Etienin. Saliba ishte pranë kalimit te Totenhemi, por oferta prej 27 milionë sterlinash e Arsenalit ka bindur lojtarin dhe klubin francez.

Sërish diferencën po e bën dëshira e lojtarit. Si Sebajos dhe Saliba preferojnë kalimin tek ekipi i Unai Emeri përpara transferimit te finalistët e Champions Ligës.

Drejtori sportiv i Romës, Petraki e nxjerr djaloshin nga merkato. Ai shprehet se nuk e ka nxjerrë në treg Zaniolon, dhe si rrejdhojë nuk do të shitet. Kështu, klubet gjigante të Evropës duhet të presin për 22-vjeçarin.

“Është thënë se unë e kam nxjerrë Zaniolon në treg. Është e gabuar. Unë nuk e kam nxjerrë atë asnjëherë në shitje. Merkato është plot me kurthe, por Zaniolo nuk është merkato. Kam folur me të dhe kam vazhdimisht komunikim me çdo lojtar, jam i dretpërdrejtë me të gjithë”, u shpreh Petraki.

Liverpuli i Klopit shënoi dy herë dhe dërgoi kupën me veshë për herë të gjashtë në Anfield. Një humbje të cilën trajneri argjentinas nuk do e harrojë kurrë. Poçetino tregohet i sinqertë në prononcimin e dhënë për “Sky Sports News”.

“Mendoj se është normale të jesh i zhgënjyer kur nuk arrin të fitosh, gjithsesi mendoj se zhvilluam një sezon të jashtëzakonshëm. E uroj Liverpulin për fitimin e Champions Ligës, por do të mbetem gjithmonë i zhgënjyer. Duhet të mësosh nga dhimbja kur nuk je në gjendje për të fituar.

Liverpuli dhe Mançester Siti kanë sfidë për të qëndruar në nivele të larta, ndërsa ne duhet të zvogëlojmë diferencat me ta. Nuk do e kemi aspak të thjeshtë, janë skuadra të forta dhe me kualitet. Premier Liga është një kampionat shumë kompetitiv”, thekson mes të tjerash Mauricio Poçetino.

Mbrojtësi belg kështë i preferuari i trajnerit Fonseka për të zëvendësuar grekun Manolas, i cili u largua drejt Napolit. Franko Baldini do të takohet me homologët e Spurs ditën e hënë për të diskutuar akordin me klubin anglez, që ka gati një ofertë 6-vjeçare dhe një rrogë super për Zaniolon.

Nga ana tjetër është edhe Juventus, dëshira e madhe e lojtarit. Fabio Paratiçi i ka premtuar se do ta transferojë në Torino. Mesfushori nuk dëshiron të nxitohet dhe po pret drejtorin sportiv të “Zonjës”.

Bardhezinjtë kanë gati një ofertë 5-vjeçare për lojtarin dhe po tentojnë që të përfshijnë Gonzalo Higuain në operacion e madh. Vetë Zaniolo dëshiron që të luajë me Kristiano Ronaldon te Juventusi dhe po pret që kampionët e Italisë të arrijnë marrëveshjen me Romën.

Anglezi nuk është objektivi i vetëm i gjermanëve në këtë pozicion. Benxhamin Henriks i Monako ka mrekulluar klubin nga Mynihu me aftësitë e tij. Një anë pozitive e 22-vjeçarit është se arrin të mbulojë edhe krahun e majtë. Mark Roka i Espanjol është një tjetë emër në listë.

Mediat italiane raportojnë se për gardianin shqiptar ka interesim nga Premier Liga. Plot katër klube e pëlqejnë Strakoshën. Njukasëlli e kërkon me çdo kusht dhe pritet të formulojë ofertën zyrtare për Lacion.

Presidenti Lotito e vlerëson 50 milionë euro kartonin e portierit. Përveç “qymyrxhinjve”, Strakosha po monitorohet edhe nga Arsenali, Totenhemi dhe Uest Hemi.

Manuel Pelegrini, i cili mban postin e trajnerin të “çekiçëve”, e pëlqen shumë portierin shqiptar dhe ju ka kërkuar drejtuesve t’ia sjellin në Londër.

Për ta bërë diçka të tillë duhet bindur Lotito dhe duhen plotësuar kërkesat e tij, përndryshe Strakosha do të vazhdonte me Lacion deri në vitin 2022, vit kur i mbaron kontrata me bardhekaltrit.

22-vjeçari kërkon largimin nga Real Madrid dhe dëshiron një klub ku të jetë një titullar fiks. Për të interesohet edhe Liverpuli i Klopit, por e ardhmja e spanjollit pritet të jetë Totenhemi.

“As” raporton se tratativa është zhbllokuar nga Mauricio Poçetino. Trajneri ka telefonuar Sebajos, duke i konfirmuar dëshirën e madhe për ta patur në ekip dhe rolin e protagonistit që do të ketë ai.

Mesfushori ofensiv është bindur dhe i ka dhënë fjalën trajnerit argjentinas. Tani duhet arritur akordi me “Los Blancos”, të cilët kërkojnë 50 milionë euro për kartonin e lojtarit të kombëtares iberike.

“L’Equipe” raporton se akordi mes Totenhemit dhe Lionit është arritur mbi bazën e 72 milionë eurove, nga të cilat 62 do të paguhen menjëherë dhe 10 të tjera në formë bonusesh.

Tani ka mbetur për t’u përcaktuar vetëm rroga e 22-vjeçarit dhe drejtuesit e Spurs po negociojnë me agjentin e mesfushorit francez. Ndombele ishte një ndër emrat më të kërkuar në merkato, por Mauricio Poçetino e kërkoi me ngulm dhe arriti të bindë klubin e Lionit.

18-vjeçari ka debutuar si profesionist në tetor të vitit të kaluar dhe që atëherë ka pësuar një rritje të jashtëzakonshme. Nën drejtimin e Marselo Bielsës djaloshi numëron plot 25 ndeshje. Aktivizohet në të dy krahët e sulmit.

Sipas medieve ishullore, Totenhem ka gjetur dakortësinë me Lidsin për të transferuar adoleshentin. Shifra e shpenzuar për të do të jetë rreth 10 milionë paund plus bonuset, që varen nga paraqitjet e djaloshit.

Kanselo pritet të largohet drejt Mançester Sitit dhe trajneri i ri ka piketuar anësorin e Totenhemit si zëvendësues të portugezit. Tripier kushton 25 milionë sterlina për Spurs, të cilët janë dakord për shitjen e 28-vjeçarit.

Pas tij qëndron edhe Napoli. Karlo Ançeloti ka nisur negociatat me klubin anglez dhe është gati t’i ofrojë një kontratë. Rivaliteti do të vazhdojë, ndërsa e sigurt është që lojtari i kombëtares angleze do të vijojë karrierën në Serie A.

Për rinovim nuk bëhet fjalë, kështu që organizatori pritet të largohet, pasi Totenhemi nuk mund ta humbasë me parametra zero. Megjithatë, drejtuesit e finalistëve të Champions Ligës kërkojnë plot 110 milionë euro për Eriksen.

Sipas raportimeve të “Daily Mirror”, Juventusi dhe Mançester Junajtid janë dy klubet që kanë mbetur në garë për shërbimet e 27-vjeçarit. Shuma që kërkojnë anglezët është e madhe, por bardhezinjtë dhe “djajtë e kuq” do të tentojnë deri në fund për të bindur lojtarin dhe për të arritur akordin me Totenhemin.

Dje, u raportua nga Turqia se Totenhemi është i gatshëm të ofrojë 19 milionë euro plus Vinsent Jansen për të nënshkruar mesfushorin e shumëkërkuar, Eljif Elmas, por oferta është refuzuar. Sipas “Fanatik”, ka edhe tre ekipe kineze të interesuara pas Jansen.

Pasi kaloi sezonin 2017/18 në huazim te gjigantët e Super Lig, Jansen u rikthye te Totenhemi verën e kaluar, por për shkak të dëmtimeve, minutat për të ishin me pikatore. Me shumë gjasa, bomberi do të rikthehet te Fenerbaçe përfundimsiht. Ish-sulmuesi i AZ Alkmar është nën kontratë me “Gjelat” e Londrës deri në qershor 2020.

Sipas raportimeve të “Mirror”, anglezët janë gati ta shesin danezin te Reali. Por, me një kusht. Totenhemi dëshiron një lojtar të Realit pjesë të tratativës. Dëshira e madhe quhet Marko Asensio.

23-vjeçari bën rolin e mesfushorit ofensiv dhe luan mirë edhe në krahët e sulmit. Poçetino i pëlqen shumë cilësitë e Asensios dhe e kërkon me çdo kusht në Londër. Fjalën e fundit e thotë Florentino Perez…

Kontrata e Eriksen me Spurs përfundon në verën e ardhshme dhe rinovimi vështirë që të vijë. Diçka e tillë i detyron nënkampionët e Europës ta shesin vikingun drejt Realit, i cili është gati për të “sakrifikuar” një lojtar me potencial të madh si 22-vjeçari Sebajos.

Ky i fundit ka mbetur i pakënaqur nga minutat e përfituara dhe kërkon të provojë një aventurë të re. Për shërbimet e tij interesohet edhe Milani, që ka nisur ofensivën me anë të Paolo Maldinit.

Mauricio Poçetino nuk dëshiron të mbetet i papërgatitur dhe ka piketuar pasardhësin e tij. Ai është Julian Draksler, gjermani i PSG. 25-vjeçari dëshiron largimin nga kampionët e Francës dhe trajneri argjentinas pëlqen shumë karakteristikat e tij.

Draksler aktivizohet në rolin e qendërmesfushorit, mesfushorit të avancuar dhe bën mirë edhe rolin e sulmuesit të majtë. Ai numëron 49 ndeshje të zhvilluara me kombëtaren gjermane, në të cilat ka shënuar 6 gola.

Talenti i datëlindjes 1997 është i grumbulluar me kombëtaren belge për eleminatoret e “Euro 2020”. Ai ka thënë diçka rreth të ardhmes së tij. Nuk përmend asnjë emër klubi, por siguron se do të lëvizë këtë verë dhe ka disa oferta.

“Do të shohim se në cilin klub do të luaj. E vetmja gjë që mund t’ju them tani është se gjërat po lëvizin. Shumë klube kanë treguar interes, por do i shqyrtojmë dhe do vendosim. Junajtid dhe Totenhem janë skuadra shumë të mëdha. Është ngacmuese teksa dëgjon që ato emra interesohen për ty. Më krijon shumë besim në vetvete. Gjithsesi, unë mendoj vetëm të jap maksimumin në ndeshjen e radhës”, u shpreh Tielemans.

Kieran Tripier është lojtari që mendohet se do marrë përgjegjësinë e krahut të djathtë të mbrojtjes bardhezi. Napoli ishte mjaft pranë tij, pot të kaltrit hoqën dorë në momentin e fundit. Drejtuesit e nënkampionëve zgjodhën të marrin dikë që kushton më pak dhe bënë pazar te Empoli për Xhovani Di Lorenzon.

Kjo lëvizje i hap rrugën drejtorit Paratiçi të prezantojë ofertën e tij te klubi londinez për të sjellë në Torino 28-vjeçarin anglez. Tripier ja ka bërë të qartë Totenhemit se dëshiron të largohet në fund të sezonit dhe Juventusi do të ishte destinacioni perfekt. Ndërkohë te skuadra bardhezi as Manxhukiç nuk e ka vendin të sigurt. Sulmuesi mund të largohet drejt Dortmundit, edhe pse së fundmi rinovoi deri në 2021.

Madridi është i blinduar nga forca policore dhe sigurie, por sherret nuk janë evituar dot. Disa përplasje janë regjistruar mes tifozëve të dy ekipeve. Një polic është plagosur dhe pesë tifozë anglezë janë arrestuar, ndërsa ka patur edhe tifozë

Rreth 5 mijë policë janë angazhuar për mbarëvajtjen e finales së madhe, ndërsa po përdoret edhe sistemi anti-dron rreth zonës së stadiumit “Wanda Metropolitana”.

Dueli anglez po pritet me padurim që të ndiqet nga të gjithë. Ronaldo Fenomeni ka vendosur të rrisë adrenalinën e tifozëve të… Liverpulit. Braziliani i famshëm ka bërë një parashikim për finalen e madhe, madje ka guxuar të gjejë rezultatin në kokë!

3-1 për ekipin e Klopit mendon Ronaldo se përfundon ndeshja. Postimi i tij në faqen zyrtare të UEFA-s ka sjellë reagime të shumta. The Reds urojnë që ish-sulmuesi legjendar të qëllojë në kokë, ndërsa tifozët e Spurs shpresojnë të kundërtën.

??? @Ronaldo is backing @liverpoolfc ?

Agree? ???#UCLfinal pic.twitter.com/4jGZA6DRiz

— UEFA Champions League (@ChampionsLeague) May 30, 2019

Trajneri është ndalur te finalja dhe tenton të shpjegojë emocionet dhe ndjesitë e provuara. Gjithsesi, siç e thotë edhe vetë, gjithçka do të qartësohet më mirë në momentin kur të nisë ndeshja.

E ardhmja e tij nuk ka rëndësi, të paktën për momentin. Gjithçka do të zbardhet pas finales. Trajneri jep dhe lajmin e mirë për Herri Kejn. Bomberi dhe kapiteni i ekipit ka nisur stërvitjen dhe ndihet mirë. Ai do bëjë të pamundurën për të mos e humbur ndeshjen e jetës dhe Poçetino duket entuziast, pavarësisht se luan me fjalët.

“Të jesh në finalen e Champions Ligës, do të thotë të jesh në majën e futbollit botëror, më saktë në një pozitë që shumë pak e kanë provuar. Jemi njerëz të thjeshtë. Edhe pse kemi bërë shumë sakrifica, kemi shijuar gjithçka. Kështu jemi gatuar. Ky është një moment historik, që nënkupton shumë për ne.

Është e vështirë të përshkruash me pak fjalë ose në pak minuta. Nuk kemi realizuar akoma gjithçka, mungon ngritja e trofeut. Deri tani mund ta kuptojmë pak se çfarë kemi arritur dhe çfarë na pret, por kur të jemi në Madrid dhe të nisë ndeshja, do e kuptojmë më mirë. Ndjesia e gjithë stafit teknik është mirënjohja kundrejt futbollit, klubit dhe lojtarëve.”

“E ardhmja? Unë nuk jam i rëndësishëm, ka gjëra edhe më të mëdha. Mund të shkruajmë historinë dhe t’iu dhurojmë tifozëve tanë gëzimin më të madh që mund të përjetojnë. Është gjynah të merremi me një person të vetëm. Tani jemi të përqendruar 200% te finalja, do të kemi kohë të flasim për të ardhmen time. Po shijoj momentin dhe po përgatitemi për të zhvilluar një finale të madhe.”

FORMACIONI – “E kam të vështirë të zgjedh vetëm 11 lojtarë, por jemi të sigurt se do të marrim vendimet e sakta. Këtë javë do të kalojmë nga 12 orë me lojtarët dhe askush më mirë se ne nuk mund ta dije se kë të zgjedhë. Kejn është rikthyer të stërvitet me grupin të premten e kaluar dhe situata është pozitive. Të shohim se si do të ndihet, por nuk mund ta them me siguri të plotë, nëse do jetë titullar apo do e nisë nga stoli.”

“Nuk do të jetë një betejë taktike ose Poçetino kundër Klop. Do të jetë një finale e bazuar tek emocionet”, përfundon trajneri i Spurs.

Pavarësisht kësaj, ai dhe djemtë e tij ia kanë dalë të dërgojnë Totenhemin për herë të parë në histori në një finale Champions Lige. Dueli i madh do të luhet me 1 qershor në Madrid dhe përballë Spurs do të vihet ushtria e kuqe e Jurgen Klop.

Poçetino është ndalur tek e ardhmja e tij, duke theksuar vetëm diçka: vendimin do e marrë pas finales. Nga fjalët e tij kuptohet se dëshira për të qëndruar është e madhe, por trajneri latin ka një mesazh për drejtuesit e klubit.

“Nuk do të marr asnjë vendim përpara finales kundër Liverpulit. Është shumë e rëndësishme të njoh planet që ka klubi për të ardhmen. Nëse duam të rikthehemi përsëri në finalen e Championsit vitin tjetër dhe duam të rivalizojmë me Sitin dhe Liverpulin për titull, atëherë duhet të përforcohemi në merkato”, thekson Mauricio Poçetino.

Diçka e tillë ka shqetësuar klubin spanjoll, që ka reaguar me anë të një deklarate të shkruar. Reali vë në pah marrëveshjen me UEFA-n dhe Atletikon e Madridit, në stadiumin e së cilës do të zhvillohet finalja e Champions Ligës me datë 1 maj.

Ata dhe Atletiko kanë vënë në shërbim qendrat e tyre stërvitore për dy klubet angleze, por deri tani nuk ka ardhur asnjë kërkesë për përdorim më të shumtë.

“Jemi të befasuar nga deklarata e trajnerit të Totenhemit. Reali dëshiron të bëjë të qartë se kërkesa e bërë nga Totenhemi është plotësisht e rreme. Kemi treguar gjithmonë gatishmërinë për të përmbushur gjithë kërkesat e UEFA-s, Atletikos, Liverpulit dhe Totenhemit. Liverpuli ka planifikuar të stërvitet mëngjesin e 1 qershorit në qendrën tonë, ndërsa Totenhemi do e bëjë të enjten e 30 majit dhe të premten e 31 majit.

Real Madrid gjithashtu dëshiron të theksojë se akomodimi i skuadrave finaliste të Champions League është caktuar nga UEFA sipas kritereve të organizimit dhe sigurisë. Dhe se në asnjë kohë nuk është kërkuar klubi ynë që këto skuadra të mund të vendosen në objektet e qendrës stërvitore të Real Madridit“, përfundon reagimi i Real Madrid.

? OFICIAL | El @realmadrid desmiente que los @SpursOfficial pidieran alojarse en Valdebebas, tal y como dijo Mauricio Pochettino en el @partidazocope

? Remarca que han atendido a las peticiones, que los 2 equipos entrenarán en Valdebebas y que los alojamientos los asigna UEFA pic.twitter.com/64KmcGX5fS

— El Partidazo de COPE (@partidazocope) May 24, 2019

Finalja e tretë për Jurgen Klop dhe e para për Mauricio Poçetinon. Gjermani i The Reds ka dështuar kundër Bajernit në vitin 2013 (drejtonte Dortmundin) dhe me Real Madridin vitin e kaluar. E trete e vërteta i thonë, por do të ishte shumë e rëndë një tjetër disfatë.

Zhoze Murinjo e di mirë, luan bukur me fjalët dhe shton presionin ndaj Klop. Edhe finalja e Ligës së Europës do të jetë e gjitha angleze. Arsenali do të luajë kundër Çelsit në Baku dhe kjo është diçka fantastike për futbollin ishullor.

KLOP – “Nëse Jurgen fiton, do të ishte një arritje e madhe për të. Ndryshon puna nëse nuk ia del. Të humbësh finalen e tretë të Champions Ligës, do të ishte shumë, shumë e rëndë. Ai është një djalë shumë pozitiv për momentin dhe mendon vetëm për ta fituar trofeun”. shprehet portugezi.

FINALET ANGLEZE – “Është diçka speciale. Do të kemi dy klube angleze fituese të trofeut dhe një finale Superkupe e gjitha angleze. Kur je trajner dhe po përgatitësh për një finale Championsi ka gjithmonë një aspekt negativ, që është mundësia e humbjes së finales,”, përfundon Murinjo.

Raporti mes lojtarit dhe trajnerit është krisur totalisht dhe 29-vjeçari mund të rikthehet në Premier Ligë, pavarësisht se dëshiron të qëndrojë dhe të tregojë vlerat e tij. Në ndihmë i ka dalë Piter Krauç, ish-shoku i ekipit te Totenhemi.

“Pozitat e Bejl te Reali më trishtojnë. Është qesharake të heqësh dorë nga një lojtar me kualitetin e tij. Kemi të njëjtin agjent dhe ai më ka treguar se Garet dëshiron të qëndrojë në Spanjë. Është i lumtur te Reali dhe dëshiron të fitojë postin e titullarit. Nëse nuk do të luante rregullisht edhe sezonin e ardhshëm, do dëshiroja shumë që të rikthehej te Totenhemi”, përfundon Piter Krauç.

Xho Gomez, mbrojtësi i Liverpulit mendon se të kuqtë kanë më shumë mundësi të mundin Totenhemin se ç’kishin vjet me Realin. Ai është kthyer i fortë nga ai dëmtim i rëndë në dhjetor, ku theu këmbën. 21-vjeçari shprehet se ekipi i Klop është forcuar shumë dhe ka fituar shumë personalitet. Gjermani ua përsërit shpesh këtë fakt.

“Është një finale e madhe dhe duhet të kemi mentalitet të lartë. Mendoj se ky vit ka qenë shumë pozitiv dhe jemi rritur shumë si skuadër. Trajneri Klop na thekson faktin se ne jemi më të fortë dhe nuk mun të mendojmë se jemi të njëjtit që ishim vjet. Kemi më shumë besim dhe më shumë dëshirë për të fituar Championsin e gjashtë në historinë e klubit.”

”Mund të duket se jemi të ‘plagosur’ nga humbja e titullit, por nuk është ashtu. Ky ka qenë një vit historik për klubin. Kemi pasur luhatje gjatë vitit, por ato situata na kanë bërë të mësojmë. Na ka mbetur vetëm një ndeshje e madhe dhe vendimtare”, përfundoi talenti anglez.

Siç raporton “Daily Mail”, madrilenët e kanë gjetur një zgjidhje për Bejl. Ai është pranë një rikthimi në Angli, pikërisht atje prej nga erdhi në “Santiago Bernabeu”, Totetnhemi. Reali i Madridit i ka ofruar “Spurs” mundësinë e huazimit në këmbim të shifrës prej 10 milionë paund në sezon.

Një ofertë tunduese kjo për skuadrën e Poçetinos, ku Bejl bashkë me Son dhe Kejn do të formonin një treshe të frikshme sulmi. Gjithsesi, kjo mbetet akoma në kuadrin e një propozimi dhe në ditët në vijim do të ketë diçka konkrete mbi atë se çfarë do të ndodhë.

Uellsiani mbetet akoma blerja më e shtrenjtë e Realit me 86 milionë paundët e shpenzuar në vitin 2013. Ai kurrë nuk arriti të vendosë figurën e tij mbi të tjerët dhe gjithmonë mbeti nën petkun e një lojtari normal. Ky vit ka qenë më i vështiri për të. Ka luajtur shumë pak, është dëmtuar shpesh dhe golat kanë qenë me pikatore.

Totenhem, Mançester Junajtid dhe Liverpul janë tre ekipet, që kanë shprehur interes konkret për talentin 20-vjeçar. Junajtid dhe Liverpul e kanë shprehur edhe më parë pëlqimin e tyre për mesfushorin, megjithatë “Spurs” e kanë më seriozisht dhe kanë ndërmarrë një operacion për ta blerë Gedson Fernandesin.

Sipas “Daily Mirror”, londinezët janë gati të paguajnë 35 milionë paund për mesfushorin. Kjo pritet të jetë vetëm shifra hapëse e ankandit për talentin, me Junajtid dhe Liverpul që do të futen më seriozisht në luftë për të. Gjithsesi edhe Totenhem ka plot para për të bërë merkato, pasi në dy të kaluarat nuk ka transferuar asnjë lojtar