Torreira

Shkëmbimi Kesi-Torreira, “çelësi” është Granit Xhaka

Sport Ekspres — Tue, 25 Jun 2019 20:50:54 +0000

Po flitet prej disa ditësh për një shkëmbim të bujshëm mes Arsenalit de Milanit për dy mesfushorët, Frenk Kesi dhe Lukas Torreira. Të dy futbollistët janë të ngjashëm me njëri-tjetrin dhe kanë bërë sezone shumë të mira. Si pasojë, ka lindur dhe ideja e shkëmbimit të dy futbollistëve.

Megjithatë, ky shkëmbim po shtyhet çdo ditë e më shumë dhe duket se gjithçka po e mban pezull Granit Xhaka. Mesfushori shqiptar është i lidhur me një kalim te skuadra e Atletiko Madridit si zëvendësues i Rodrit dhe Arsenali nuk do që t’i humbasë të dy mesfushorët difensiv.

Mendohet se “Topçinjtë” janë të prirur drejt shitjes së Xhakës, por futbollisti i Zvicrës duket i pavendosur, pasi e tërheq dhe ideja e kalimit te Interi. Deri sa Xhaka të vendosë për të ardhmen e tij, shkëmbimi Kesi-Torreira duket shumë larg.

Merkatoja e Milanit “zjarr”, Maldini ka gati 3 goditje!

Sport Ekspres — Tue, 25 Jun 2019 12:51:58 +0000

Milani duket se do të jetë një ndër ekipet më aktive këtë merkato, me kuqezinjtë që janë përfolur për të nënshkruar me disa lojtarë. Posti i drejtorit sportiv, duket se i ka dhënë edhe më shumë liri Paolo Maldinit, me këtë të fundit që po punon intensivisht.

Sipas raportimeve në mediat italiane, Milani po përgatitet që të firmosë me 3 lojtarë deri në javën e ardhshme. Ozan Kabak është emri i parë, me turkun që ende nuk ka vendosur se kë do të zgjedhë mes kuqezinjve dhe Bajernit të Mynihut.

Gjithsesi, thuhet se Milani i ka premtuar mbrojtësit që do të ketë një rol të rëndësishëm në ekip, ndaj besohet se turku të vendosë për të kaluar në Itali. Emri i dytë është Lukas Torreira. Padyshim, uruguajani ka qenë më i përfoluri, pasi dihet që është i preferuari i trajnerit Xhampaolo.

Pikërisht ky i fundit duket se ka folur me vetë mesfushorin, i cili e ka vendosur që do të largohet nga Londra. I vetmi problem mbetet të bindet Arsenali, me “Topçinjtë” që nuk duan ta lëshojnë lehtë Torreiran.

Emri i tretë dhe i fundit është Daniele De Rosi. Përsëri dëshirë e Xhampaolos, pasi eksperienca e 35-vjeçarit do të ishte mjaft e rëndësishme në mesin e fushës. Riki Masara ka biseduar me De Rosin dhe thuhet se e ka bindur për kalimin në “San Siro”.

Milani sakrifikon Kutronen, kërkon me çdo kusht mesfushorin!

Sport Ekspres — Sun, 16 Jun 2019 08:34:56 +0000

Mesfusha është reparti kryesor ku do të fokusohet merkato e Milanit gjatë kësaj merkatos së kësaj vere. Drejtuesit e “djallit” ëndërrojnë transferimin e uruguaianit të Arsenalit, Lukas Torreira, por gjasat që mesfushori shtatshkurtër të rikthehet në Serie A janë të pakta.

Plani B i Milanit është futbollisti i Sasuolos Stefano Sensi. Mesfushori italian ndiqet prej vitesh nga Milani. Kartoni i 23-vjeçarit është i përballueshëm për financat e lëkundura të Milanit, por te Sasuolo nuk kërkojnë vetëm para “cash”.

Sipas “Gazzeta Dello Sport”, drejtuesit e klubit emilian janë të interesuar për shërbimet e sulmuesit Patrik Kutrone. Për momentin kërkesat specifike të Sasuolos, por palët do të diskutojnë me përfaqësuesit e lojtarit pasi ky i fundit të rikthehet nga grumbullimi i përfaqësueses U21 të Italisë, që ditën e sotme fillon rrugëtimin në Europianin U21.

Torreira edhe më pranë Milanit, shkak është… e dashura!

Sport Ekspres — Sat, 15 Jun 2019 12:07:08 +0000

Milani pritet që të nisë një epokë të re sezonin e ardhshëm, teksa përveç emërimit të Paolo Maldinit si drejtor teknik dhe rikthimit në klub të Boban, pritet që të zyrtarizohet edhe trajneri i ri, i cili do të jetë Marko Xhampaolo.

Pikërisht për këtë të fundit, Maldini po përgatit një dhuratë. Bëhet fjalë për Lukas Torreirën, emër i cili është përmendur shumë në ambjentin kuqezi së fundmi. Uruguajani duket se nuk është dhe fort i lumtur në Londër, teksa këtë gjë e konfirmojnë edhe mediat.

Arsyeja kryesore duket se është e dashura e mesfushorit, e cila nuk ndihet mirë me jetesën në Angli dhe se i mungon Italia. Ky mund të jetë një avantazh i madh për “Djallin”, që shpejt pritet të bëjë edhe ofertën e parë zyrtare.

VIDEO: Napoli thyhet në 10 minuta, Arsenali është mbret në Londër

Sport Ekspres — Thu, 11 Apr 2019 20:41:50 +0000

Arsenali ka marrë një fitore të pastër 2-0 kundër Napolit në “Emirates Stadium”, në një sfidë ku dominuan për 90 minuta. Të besuarit e Unai Emeri e nisën shumë mirë takimin, duke shënuar që në minutën e 15’, me anë të mesfushorit Aron Ramsej.

Edhe pse në fund të sezonit do të jetë lojtar i Juventusit, uellsiani po jep gjithçka për Arsenalin dhe ishte më i miri në fushën e lojës. Vetëm 10 minuta më vonë, Lukas Torreira shënoi dhe golin e dytë për londinezët.

Pasi vjedh një top në mesfushë, mesfushori marshon drejt zonës, shmang bukur një kundërshtar dhe gjuan me të majtën, duke gjetur devijimin e Kulibali dhe më pas rrjetën. 2-0 për Arsenalin, që arriti të ruante rrjetën e paprekur dhe shkon drejt Napolit me një rezultat të favorshëm.

Europa League

Arsenal – Napoli 2-0
Ramsej 15′, Torreira 25′

25′- Lukas Torreira

15? – Aron Ramsej

FA nuk tregon mëshirë, dënon ashpër yllin e Arsenalit

Sport Ekspres — Wed, 06 Mar 2019 18:34:28 +0000

Federata Angleze e Futbollit ka lënë në fuqi dënimin për lojtarin e Arsenalit, Lukas Torreira me tri ndeshje pezullim, pavarësisht se “Topçinjtë” apeluan disa ditë më parë. Torreira i ndëshkua me karton të kuq në ndeshjen derbi kundër Totenhemit, për një ndërhyrje të ashpër kundër Deni Rouz.

Mesfushori uruguaian ka qenë një nga lojtarët më të rëndësishëm për trajnerin Emeri dhe mungesa e tij pritet të ndihet. 22-vjeçari do të mungojë në sfidat kundër Mançester Junajtid, Njukasëllit dhe Evertonit, tri ndeshje shumë të rëndësishme për sezonin e Arsenalit, skuadër që synon me doemos rikthimin në Ligën e Kampionëve.

Dy vite pa “Champions”, Torreira i bindur për rikthimin e Arsenalit

Sport Ekspres — Wed, 06 Feb 2019 19:17:19 +0000

Lukas Torreira erdhi si një transferim me shumë bujë te Arsenali këtë verë, pasi bëri një sezon fantastik me Sampdorian në Serie A, ku u shpall dhe mesfushori më i mirë i kampionatit. 22-vjeçari është ambientuar menjëherë te “Topçinjtë” e Londrës dhe deri më tani, ka qenë lojtari më i rëndësishëm i trajnerit Unai Emeri.

Sot, mesfushori nga Uruguai ka folur për “Sky Sport”, ku më shumë është ndaluar te objektivat e klubit, me londinezët që synojnë të rikthehen në “Champions” pas dy vitesh mungesë.

“Është e vërtetë, synojmë me doemos të rikthehemi në Ligën e Kampionëve. Është një kompeticion që i mungon skuadrës së Arsenalit dhe ky është objektivi ynë primar. Duhet të mos humbasim ndeshje dhe të ruajmë ritmin e kundërshtarëve, që po bëjnë një sezon shumë të mirë.

Do të jetë diçka e vështirë të renditemi në katër vendet e para, por dhe “Europa League” është një mundësi e mirë. Arsenali i takon Ligës së Kampionëve dhe është detyra jonë të rikthehemi në atë kompeticion”,- u shpreh Torreira.

Sampdoria e zyrtarizon, Torreira tek Arsenali për 30 milionë €

Sport Ekspres — Tue, 10 Jul 2018 14:27:31 +0000

Unai Emerit po i shtohet javë mbas jave kontingjenti te skuadra e “topçinjve” të Londrës. Pas afrimeve të Lenos, Lishtajner dhe Sokratis, vjen edhe blerja e uruguaianit Lukas Torreira nga radhës e Sampdorias, një operacion ky që ka kushtuar 30 milionë euro.

Mesfushori bëhet blerja më e shtrenjtë e Arsenalit gjatë kësaj merkatoje dhe pritet që Torreira të jetë një titullar i padiskutueshëm në mesfushën e londinezëve përkrah Granit Xhakës dhe Aron Ramsejt.

Objektivi parësor i Arsenalit për sezonin 2018/19 është renditja në katërshen vendeve të para e si rrjedhojë kualifikimi në Champions League, kompeticion ky që i mungon “topçinjve” prej dy sezonesh.

? #Torreira passa all’@Arsenal, il ringraziamento e il saluto del presidente #Ferrero e della #Sampdoria ? https://t.co/tUGwTXFzNd pic.twitter.com/FIUfnaQMUW

— U.C. Sampdoria (@sampdoria) July 10, 2018