FORMACIONI – Porta i është besuar Faton Malokut. Portieri Stivi Frashëri nuk është grumbulluar dhe në klub shprehen se ka një dëmtim në gju. Në pankinë do të jetë portieri Jetmir Basha. Në mbrojtje ka lëvizje.

Edis Maliki ka marrë vendin e tij në krahun e djathtë të mbrojtjes. Rustem Hoxha do ta nisë nga stoli, ashtu si Harallamb Qaqi. Krah Shametit rikthehet Albi Alla, i cili ishte i pezulluar në ndeshjen e parë. Në të majtë Rrumbullaku është titullar.

Mesfusha ka një ndryshim. Çyrbja nuk luan nga fillimi dhe në vend të tij është përzgjedhur Etthemi. Uilliam gjithashtu luan në krah, kurse Musolli dhe Dzaria në qendër. Rexhinaldo është preferenca e parë në sulm. Pranë tij do të luajë Haris Harba.

Takimi i parë në Gjeorgji është mbyllur me rezultatin 5-2 në favor të Torpedo Kuitasi, por te Kukësi shpresojnë shumë që do ta përmbysin atë rezultat dhe të kualifikohen në “play-off” të Europa League. Sigurisht që është një mision shumë i vështirë.

https://www.facebook.com/356896164486027/photos/a.356912544484389.1073741826.356896164486027/1090238861151750/?type=3&theater

THIRRJA E KUKËSIT – Ndërkohë klubi verilindor ka bërë thirrje që tifozët ta mbështesin ekipin, por edhe të mos krijojnë momente tensioni: “Nesër në orën 19:00, në qytetin e Elbasanit tek stadiumi ‘Elbasan Arena’, zhvillohet ndeshja e madhe FK Kukësi vs Torpedo Kutaisi. Tani më shumë se kurrë kemi nevojë për përkrahjen tuaj. Ju lutemi, tifozëve që të mos krijojnë momente tensioni, sepse në të kundërt penalizohet ekipi jonë. Faleminderit për bashkëpunimin”.

“Torpedo ka fluturuar për në Tiranë, kryeqytetin e Shqipërisë, dhe do të qëndrojë në hotelin “Mac Albania”. Ekipi do vazhdojë përgatitjet për ndeshjen e kthimit kundër Kukësit në Shqipëri”, njoftojnë gjeorgjianët përmes faqes së tyre në “Facebook”.

Gjatë këtyre ditëve ata do të stërviten në kryeqytet dhe “Sport Ekspres” mëson se Torpedo do të përgatitet në stadiumin “Selman Stërmasi”. Ndeshja e parë mes Kukësit dhe Torpedos ka përfunduar me rezultatin 5-2 në favor të gjeorgjianëve.

Ndeshja e djeshme nisi në mënyrë skandaloze, pasi verilindorët kishin pësuar 3 gola në 15 minuta, çka nuk ishte aspak diçka normale, për një skuadër që gjithnjë ka pasur mbrojtjen si pikën më të fortë. Ishte me fat Kukësi, pasi mund të kishin pësuar më shumë gola, pasi duhet kujtuar që Tporpedo goditi dhe traversën në një rast.

Normalisht, që në një pikë të tillë nuk vlejnë shumë statistikat, por Kukësi ka shënuar një statistikë të errët. Asnjë skuadër, në të paktën 10 vitet e fundit nuk i kishte shënuar kuksianëve 5 gola në një ndeshje zyrtare, në Kupë, Kampionat dhe arenën ndërkombëtare. Një statistikë shumë negative, por dy golat e shënuar në fund e lënë një mundësi shprese për Kukësin që ta shumojë këtë statistikë të zezë, nëse merr atë fitoren 3-0, që kuksianët e duan aq shumë.

Është shumë e vështirë për të gjetur ndeshjen e fundit zyrtare të Kukësit që ka pësuar 5 gola në një ndeshje, por e sigurt që nga viti 2008 askush nuk ka mundur që të festojë aq shumë në portën e verilindorëve në një ndeshje të vetme.

“Nuk na kanë pritur si miq, por si armiq. Kjo është e pafalshme. Nuk e di ku ndodh tjetër kjo përveç se këtu në Gjeorgji. Na merrnin dhe na gënjenin, na thoshin do t’i bëjmë sot, do t’i bëjmë nesër vizat. Ekipi ynë kundërshtar ka qenë nxitësi për të na penguar. Kjo nuk është ‘fair-play’. Kjo është mënyra për të fituar ndeshjen me forma që nuk janë parë dhe nuk janë dëgjuar”.

“Ne kemi bërë hapat tona me FSHF-në e UEFA-n, si dhe me delegatin e ndeshjes. Do presim si do procedojmë më vonë. Me takimin që do të kemi me këtë të fundit do të paraqiten të gjitha provat dhe faktet, që ky klub nuk është i aftë të organizojë ndeshjen këtu”.

“Malokun e kanë mbajtur plot 7 orë duke u tallur, do të fusim sot, nesër, pas një ore, por dhe mund të kthehesh i thoshin. Ekipi ka udhëtuar në katër të mëngjesit pa asnjë eskortë policie dhe i kanë torturuar edhe në aeroport, duke i larguar autobusin që ne e kishim marrë nga një kompani private”.

“Lojtarët kanë qëndruar për 20 minuta me çanta në krah. Janë tallur. Unë kam marrë një vendim që me klubin e Torpedos të mos kemi asnjë kontakt. Jashtë fushe ne duhet të pritemi si miq dhe të përcillemi si të tillë. Këta nuk e kanë bërë dhe ne nuk do të shkojmë në drekën zyrtare. Janë sjellë shumë keq me ne, nuk mund të fitosh në rrugë të tilla”.

“Them se kjo gjë është bërë me dashje të nxitur nga klubi i Torpedos, pasi ky klub nuk ka nxjerrë asnjë person të na presë, as nuk ka njoftuar policinë e shtetit për të na shoqëruar. Nga kjo pikëpamje ndeshja nuk ka siguri për t’u zhvilluar. Ne kemi ardhur për të luajtur, nuk duam që ta anulojmë ndeshjen apo ta shtymë, por ne nuk jemi të barabartë, pasi na kanë hequr 3 lojtarë të rëndësishëm, cilësorë dhe që luajnë në formacion. E kanë sajuar këtë situatë për të penguar lojtarët më të mirë që ta kenë më të lehtë fitoren këtu”.

“E njeh apo jo Kosovën Gjeorgjia nuk kemi ardhur për këtë gjë. Ata nuk po na lënë të luajmë futboll. Na kanë nxjerr pa fund problem. Besoj se UEFA do të reagojë dhe është në dijeni të të gjitha veprimeve që ka marrë ky klub.

“Ju kam thënë djemve dhe stafit se kjo është një plus për t’u karikuar dhe për të marrë një rezultat pozitiv. Nuk e di sa çunat do e vënë sedrën në punë për ta kthyer këtë situatë në një rezultat pozitiv për ne”.

Gjithsesi, mësohet se vetëm 1 nga katër futbollistët që patën probleme kanë mundur që të marrin vizën. Portieri Faton Maloku do të udhëtojë me skuadrën drejt Gjeorgjisë dhe do të jetë i gatshëm për ndeshjen e parë. Një lajm i mirë duke ditur se edhe Frashëri kishte pasur shqetësime.

Situata mbetet e njëjtë me Edis Malikin, Valon Ethemin, të cilët kanë udhëtuar drejt Maqedonisë, si dhe e sulmuesit Rexhinaldo që do të qëndrojë në Tiranë. Një situatë aspak pozitive, pasi Kukësi luan një ndeshje shumë të rëndësishme.

-Si e prisni këtë përballje, duke qenë që luani ndaj një skuadre nga Gjeorgjia?
Është hera e parë që unë do të jem kundërshtar në arenën europiane ndaj një skuadre të vendit tim. Do të ishte më mirë sikur të luanim në fazën “play-off” të Championsit bashkë.

-Si e shikoni Torpedon në këtë përballje?
Torpedo është një ekip shumë i mirë, me lojtarë cilësor. Skuadra është fuqizuar ndjeshëm për Kupat e Europës. Ata kanë një trajner shumë të mirë. Do të jetë një ndeshje shumë e vështirë dhe e tensionuar.

-Si i shikoni shanset në këtë përballje?
Shanset them se janë 50 me 50. Por, çdo gjë do të vendoset në ndeshjen e dytë në Shqipëri.

– Keni pasur një problem fizik, do jeni gati për ndeshjen?
Në minutat e fundit me Karabakun pata disa shqetësime dhe jam shkëputur pak nga përgatitjet. Tani do të filloj trajnimin dhe do të jem gati për ndeshjen e radhës.

– Kukësi nuk është paraqitur mirë në Europë, çfarë nuk shkon në skuadër?
Nga skuadra është larguar shënuesi më i mirë, por dhe disa lojtarë të tjerë, çka nuk ishte diçka shumë e mirë. Ata ishin një forcë e madhe për ekipin. Ne kemi bërë shumë afrime, por problemi i vetëm është se duhet kohë që të përshtaten me ekipin.

-Kemi parë shumë pak tifozë në stadiumin tuaj…
Ne nuk luajmë në qytetin tonë dhe një pjesë e tyre jetojnë dhe në Tiranë. Në të tilla kushte, ata duhet të udhëtojnë për të ardhur në Shkodër. Do i kishim tribunat plot nëse do të luanim në stadiumin tonë. Uroj që të na mbështesin në këtë ndeshje.

-Mund të na e krahasoni futbollin gjeorgjian me atë shqiptar?
Sipas meje në Gjeorgji luhet më shumë futboll teknik, ndërsa na Shqipëri luftohet fort për gjatë 90 minutave. Këtu nuk do jetë e lehtë për ju që të fitoni.