Stijepoviç iu bashkua Kastriotit gjatë merkatos së verës nga ekipi kampion i kampionatit Malazez, Sutjestka.  Futbollisti 25-vjeçar ishte një ndër lojtarët kyç të skuadrës krutane, duke u aktivizuar në 17 takime, 16 prej të cilave si pjesë e formacionit titullar.

FORMACIONI – Porta i është besuar Faton Malokut. Portieri Stivi Frashëri nuk është grumbulluar dhe në klub shprehen se ka një dëmtim në gju. Në pankinë do të jetë portieri Jetmir Basha. Në mbrojtje ka lëvizje.

Edis Maliki ka marrë vendin e tij në krahun e djathtë të mbrojtjes. Rustem Hoxha do ta nisë nga stoli, ashtu si Harallamb Qaqi. Krah Shametit rikthehet Albi Alla, i cili ishte i pezulluar në ndeshjen e parë. Në të majtë Rrumbullaku është titullar.

Mesfusha ka një ndryshim. Çyrbja nuk luan nga fillimi dhe në vend të tij është përzgjedhur Etthemi. Uilliam gjithashtu luan në krah, kurse Musolli dhe Dzaria në qendër. Rexhinaldo është preferenca e parë në sulm. Pranë tij do të luajë Haris Harba.

“Sa u përket problemeve të vizave, mund të veçojmë rastin e Malokut, i cili ka pasaportë kosovare dhe siç dihet Kosova nuk njihet nga Gjeorgjia. Pas ndërhyrjes së klubit dhe kjo situatë u zgjidh. Një problem i tillë ekziston dhe për lojtarin nga Mozambiku”.

“Sa për lojtarët me pasaportë maqedonase, nuk ishin në listën origjinale dhe u informuam rreth kësaj situate vetëm një ditë para se merreshin vizat. Për këtë arsye Maliki, Rexhinaldo dhe Ethemi nuk u pajisen dot me vizë”.

“Për këtë arsye pala shqiptare donte të shtynte ndeshjen, por u refuzua kategorikisht nga UEFA. Torpedo nuk është e kërcënuar aspak, sepse i ka përmbushur të gjitha kërkesat e UEFA-s”.

“Klubi ynë i ka marrë ë gjitha vizat dhe do të udhëtojë i plotë për në Shqipëri”.

Klubi menjëherë ka njoftuar UEFA-n për këtë skandal dhe është kërkuar mundësia për të shtyrë këtë takim, deri në momentin që të zgjidhet ky problem. Ka marrë përmasa akoma dhe më të mëdha kjo situatë, pasi nënkampionët e Shqipërisë i kanë kërkuar Ministrisë së Jashtme dhe konsullatës shqiptare në Stamboll (Turqi), të ndërhyjnë dhe ta zgjidhur këtë problem. Mësohet se dhe FSHF është angazhuar për të zgjidhur këtë situatë, e cila nuk është aspak e zakontë dhe pozitive.

Drejtuesit e Kukësit e konsiderojnë si diçka skandaloze këtë rast, por duhet përmendur se është hera e dytë, pasi për portierin Maloku ishte Azerbajxhani shteti që nuk e lejoi të futej në territorin e saj.

Verilindorët bënë shumë pak ndaj Karabakut në Champions, por ndaj skuadrës gjeorgjiane skuadra pritet që të ketë tjetër fytyrë. Nëse me Karabakun u pa një ekip që gjatë gjithë kohës u mbronte dhe rriskonte shumë pak, ndaj skuadrës së Torpedos, tekniku Cungu me shumë gjasa do të bëjë ndryshime në modul, pasi tani duhet më shumë vëmendje në fazën sulmuese, ku kanë qenë dhe më evidente problemet e Kukësit.

Torpedo nuk e ka cilësinë  Karabakut në sulm dhe me shumë mundësi do të kemi një skemë me dy mbrojtës qendre, çka do krijonte hapësirë për të shtuar numrin e forcës sulmuese. Gjithsesi, ndeshja është të enjten dhe tekniku shkodran ka kohën e mjaftueshme në dispozicion për të provuar disa opsione. Synimi kryesor është që të merret një rezultat sa më pozitiv në Gjeorgji, që një javë më pas Kukësi të ketë mundësin  të marrë një kualifikim të madh në sytë e tifozëve të tij.

Edhe pse situata nuk është shumë e mirë pas mbylljes së aventurës në Champions drejtuesit e dinë mirë se llogaritë duhet të bëhen në fund, pasi në objektivi i grupeve të Europa League-s është ende i arritshëm, pavarësisht se është një mision shumë i vështirë.

Në portalet gjeorgjiane shihet qartë interesimi i madh që kanë për Kukësin, ku nuk kanë nguruar që të bëjnë një profil të plotë të skuadrës verilindore, duke treguar historikun e nënkampionëve.

Veç vlerësimit që kanë për blutë, në Gjeorgji e theksojnë shumë se “ylli” i Kukësit është pikërisht një nga lojtarët e vendit të tyre, Irakli Dzaria, duke kujtuar se ishte pikërisht goli i mesfushorit që i dha kualifikimin skuadrës kuksiane në përballjen me Valetën e Maltës.

Një rival në dukje i kalueshëm për Kukësin, që si objektiv ka arritjen e grupeve të Europa League-s. Torpedo doli për të katërtën herë kampione në vendin e saj, por në Champions u eliminua që në raundin  parë nga skuadra e Sherif Tiraspol.

Edhe pse gjeorgjianët triumfuan në shtëpi 2-1 u mundën pastër 3-0 në transfertë. Në raundin e dytë të Europa League-s ata sfiduan skuadrën modeste të Vikingur-it dhe e “masakruan” me rezultatin  përgjithshëm 7-0. Ndeshjen e parë Kukësi do ta luajë në transfertë më datën 9 gusht dhe një javë më vonë do të luajë ndeshjen e  kthimit në Loro Boriçi.

Torpedo Kutais është një skuadër që nuk ka shkëlqyer asnjëherë në arenën ndërkombëtare, pasi në Europa League është hera e parë që kalon një tur, ndërsa në Champions ka arritur që dy dekada më parë të kalojë vetëm dy herë turin paraeliminator.