Vetë lojtari ka folur për “Supersport” duke treguar se prononcimi i tij nuk kishte qenë i saktë dhe nuk ishte e vërtetë që ai kishte deklaruar se te Laçi nuk është paguar. Me zë e figurë, ai pranon se gjithçka ka shkuar mirë dhe se do të jetë pjesë e Laçit edhe në vazhdimësi.

Dokumenti i publikuar tregon se lojtari ka marrë të gjitha pagat, me përjashtim të një shume prej 400 eurosh, në muajin dhjetor, për faktin se e gjithë skuadra ishte gjobitur me vlerën e sipërpërmendur.

“Është e vërtetë që kam folur për mediat kiliane, por jo çdo gjë që shkruhet aty është ajo që unë kam thënë. Ju i keni dokumentet dhe unë i kam në bankë të gjitha pagat, për çdo muaj dhe çdo gjë është në mënyrë korrekte që nga dita e parë deri më tani”.

“Kur unë kalova një moment të vështirë shëndetësor dhe gjendesha i shtruar në një spital, presidenti dhe drejtori qëndruan me mua gjatë gjithë kohës. Kështu, nuk mund të them se nuk trajtohem mirë apo si të gjithë të tjerët. Unë flas për veten time dhe si i huaj që jam trajtohem më mirë seç të tjerët mendojnë”.

Emri i parë është ai i Fatjon Jusufit, që u afrua te Partizani vetëm në këtë merkato janari. Mesfushori ofensiv nuk ka bindur teknikun Gega dhe me shumë gjasa, do të kalojë në kampionatin maqedonas të futbollit, pasi ofertat për të nuk mungojnë. E ardhmja e 23-vjeçarit mund të jetë te Rabotniçki, por deri më tani, nuk ka asjgë zyrtare.

Një tjetër largim nga Superiorja do të jetë Sebastian Toro nga Laçi. Mbrojtësi nga Kili me shumë gjasa do të largohet nga kurbinasit, të cilëve iu bashkua këtë merkato vere. Këto gjashtë muaj me fanellën e Laçit nuk kanë qenë shumë pozitivë për 28-vjeçarin, i cili duket se ka bërë gati valixhet.

Ndeshja e radhës për bardhezinjtë është takimi me Kamzën. Trajneri Migen Memelli do të ketë dy përforcime për takimin me skuadrën nga periferia e kryeqytetit. Elvi Berisha dhe Taulant Sefgjini do të jenë nën urdhrat e trajnerit për ndeshjen e cila është programuar për t’u luajtur të dielën në mesditë.

Berisha u ndëshkua me karton të kuq në takimin me Partizanin, ndërsa Sefgjini plotësoi numrin e kartonëve të verdhë. të dy munguan në takimin me krutanët dhe për javën e 15-të do kenë mundësinë që të japin kontributin e tyre, gjithnjë nëse trajneri do u japë minuta.

Vëmendja tani është te Sebastian Toro. Kiliani ka shfaqur një problem të vogël fizik dhe ka qenë nën kujdesin e mjekëve për gjatë gjithë kohës. Gjatë javës do të shihet gjendja e tij dhe më pas do të mësohet nëse do të jetë i gatshëm për takimin e radhës apo do të qëndrojë dhe një javë pushim.