Shakter Soligorsk i Bakajt do të udhëtojë më datë 8 gusht drejt Torinos ku do të ndeshet me ekipin “granata”, që eliminoi në raundin e dytë hungarezët e Debrecen me rezultatin e përgjishëm 7 – 1.

Zhvendosemi në Armeni ku qendërmbrojtësi Kristi Marku duhet të bëjë një udhëtim të gjatë prej 3000 kilometrash me armenët e Pjunik. Kundërshtari i radhës i klubit armen janë anglezët e Ulvërhempton.

Ofertat e shumta drejt tij kanë bërë që 27-vjeçarit t’i zgjatet kontrata dhe të rritet ndjeshëm paga. Ditën e sotme Izo ka firmosur marrëveshjen e re. Ai do vazhdojë të veshë fanellën e Torinos për pesë vitet e ardhshme, deri në 2024-ën. Sezonin e kaluar ai shënoi 4 gola dhe dhuroi një asist në 39 paraqitje.

Niveli i alkoolit në gjakun e francezit e kishte tejkaluar në mënyrë të frikshme limitin lejuar sipas ligjeve italiane me një rezultat prej 1.7 gram alkool për litër. Ndër të tjera mësohet se Trezëge ka bërë rezistencë për të shmangur testimin e alkoolit, por në fund është detyruar t’u bindet urdhrave të policisë italiane.

Shtyrë nga alkooli i tepërt që kishte konsumuar, ish-futbollisti ka filluar të shajë policit duke iu thënë: “Jeni një tufë lypësish të mbaruar, nuk fitoni as 2000 euro në muaj“. Së fundmi mësohet te Trezëge ka lënë qelitë e paraburgimit, por për të marrë mbrapsht patentën do i duhet të presë me muaj.

Golfi është një ndër hobit e preferuara të trajneri katalanas dhe në Torino ai do të ketë mundësinë të marrë pjesë në një turne të organizuar në mënyrë të përvitshme nga ish-futbollistët italianë Xhanluka Viali dhe Masimo Muaro.

Gjatë turneut pjesëmarrësit “vip” do të bëjnë donacione mbi kërkimin shkencor për kancerin dhe sklerozën amitrofike laterale, kjo e fundit një sëmundje shumë e radhë, por që në Itali është çuditërisht e shpeshtë në komunitetin e ish-futbollistëve.

Siç raportojnë mediet italiane, Laksalt ka ndërprerë pushimet dhe është paraqitur në zyrat e “Casa Milan”. Arsyeja ka qenë një takim me Ariel Krasouski, drejtor i jashtëm sportiv në klubin kuqezi. Gjatë bisedës është diskutuar e ardhmja e lojtarit. Zyrtari i Milanit i ka shpjeguar se është në shitje.

Laksalt është dakort me këtë ide dhe në konsensus me klubin do të zgjedhë ekipin e ri, ku do vazhdojë karrierën. Largimi i tij do të gjeneronte të ardhura në këto ditë të errëta financiare për Milanin. Lojtari vlerësohet rreth 14 milionë euro në merkato.

Verdhekuqtë do e nisnin nga turi i dytë, ndërkohë që shorti i kishte rezervuar si kundërshtar fituesin e çiftit Debrecen-Kukësi. Në kampin verilindor ishin motivuara maksimalisht për t’i kaluar hungarezët dhe për t’u përballur me klubin italian.

Gjithsesi te Kukësi i Ernest Gjokës duhet të presin një tjetër rast të luajnë me Romën. Gjithsesi, nëse e kalojnë turin, atëherë do të përballen me një tjetër klub italian, Torinon që zë vendin e verdhekuqve.

Drejtuesit e Inter po punojnë edhe për shitjen e Ikardit te Juventus. Konte nuk e dëshiron qëndrimin e kësaj dysheje me justifikimin se prishin harmoninë e grupit. Lukaku pritet të zëvendësojë Ikardin dhe Barela do të vijë për të mbuluar hapësirën e lënë bosh nga Naingolan.

Torino dhe Fiorentina janë dy ekipet e interesuara për Kutronen. Klubi granata ka gati 25 milionë eurot që kërkojnë kuqezinjtë për kartonin e 21-vjeçarit, ndërsa klubi nga Firence ka një armë tjetër: Vinçenco Montelën.

Ishte trajneri i Fiorentinës ai, i cili filloi ta aktivizonte Kutronen me ekipin e parë të Milanit. Merkato është e gjatë dhe gjithçka mund të ndodhë. Në fund do të ndikojë dëshira e vetë lojtarit, gjithmonë nëse Milani nuk ndryshon mendje dhe vendos ta heqë nga merkato.

Ky i fundit, së bashku me portierin Sirigu, ishin dy pikat kyçe të  një mbrojtjeje shumë të fortë të Torinos sezonin e kaluar, gjë që i ndihmoi ata të përfundojnë në vendin e shtatë në Serie A, vetëm 3 pikë pas Romës në vendin e fundit të Europa League.

Skuadra e Mazarrit pësoi vetëm 37 gola, 2 më shumë se Juventusi dhe Napoli. Cilësitë e 27-vjeçarit Izo janë ato që “Topçinjtë” po kërkojnë në këtë merkato, pasi italiani ofron siguri në prapavijë.

Fituesi i Kupës së Botës me Gjermaninë, Mustafi, pritet të largohet nga klubi, si dhe kapiteni i skuadrës, Koshienli. Duke u zhvendosur në Angli, Izo jo vetëm që do të duhet të përshtatet në një vend të ri, por gjithashtu një kulturë të futbollit krejtësisht të ndryshme.

Nëse Izo do të nënshkruajë për klubin londinezt, ai do të ishte një blerje e rëndësishme për Arsenalin. Nuk është një lojtarë 100 milionë eurosh, por një qendërmbrojtës i cili ka të gjitha aftësitë për t’u përshtatur me Premier Ligën dhe një lider në prapavijë.

Aina ishte një ndër lojtarët më të mirë të Torinos në sezonin që lamë pas. Futbollisti i lindur në Londër ishte një ndër futbollistët e preferuar të Ualter Mazarrit për shkak të aftësisë së tij për të luajtur në çdo pozicion të repartit mbrojtës.

Thanks @Aina2Ola, and good luck for the future!

— Chelsea FC (@ChelseaFC) June 11, 2019

Pjesa e parë nuk dhuroi emocione, ndërsa në të dytën u shënuan katër gola. Iago Falke zhbllokoi shifrat me anë të një gjuajtje të bukur në zonë, ndërsa Lukiç dyfishoi pas dy minutash.

Kundërsulm perfekt i ekipit granata, që u konkretizua nga mesfushori. Lacio reagoi dhe shkurtoi diferencat me anë të Imobiles. Sulmuesi shënoi një gol të bukur pas asistit të marrë nga Parolo, ndërsa De Silvestri vulosi triumfin vendas me golin e shënuar 10 minuta para fundit të ndeshjes.

Kjo ishte ndeshja e fundit për Emiliano Moretin. Mbrojtësi 37-vjeçar i dha fund karrierës pas mbi 600 ndeshjeve si profesionist. Fitorja ishte për të, ndërsa tifozët i dhuruan emocione të forta.

Torino-Lacio 3-1
(Iago Falke 51’, Lukiç 53’, De Silvestri 80’ / Imobile 66’)

Një pikë mban ekipin viola në Serie A, ndërsa humbja mund të qëllojë fatale. Në ndeshje tjetër, Empoli mbajti gjallë shpresat për mbijetesë. Ekipi i Veselit mposhti 4-1 në shtëpi Torinon, duke u ngjitur në kuotën e 38 pikëve, një më shumë se Xhenoa.

Ndeshja e radhës për Empolin është në San Siro kundër Interit. Vështirësia është e madhe, por ekipi toskan nuk ka çfarë të humbasë dhe do të tentojë surprizën e madhe. Nëse Fiorentina fiton kundër Xhenoas, Empoli do të shpëtonte edhe nëse humbet kundër ekipit zikaltër.

Empoli-Torino 4-1
(Akuah 27’, Brigi 65’, Di Lorenco 70’, Kaputo 88’ / Iago Falke 56’)

Parma-Fiorentina 1-0
(Gerson (aut) 80’)

Sfida nisi më mirë për Torinon, që në minutën e 17-të pati një mundësi të shkëlqyer për të kaluar në avantazh, por Andrea Beloti u tregua i pasaktë nga pika e bardhë e penalltisë.

Dhjetë minuta më vonë, ishin miqtë nga Sasuolo, të cilët kaluan në avantazh me anë të Burabias. Ky i fundit shënoi me një goditje të bukur nga jashtë zone, duke mposhtur portierin Sirigu.

Gjithsesi, autori i golit, Mehdi Burabia bëri një gafë të madhe, teksa në festën e golit hoqi fanellën, duke u ndëshkuar me kartonin e dytë të verdhë dhe duke lënë ekipin e tij në inferioritet numerik.

Torino arriti të përfitonte vetëm në pjesën e dytë, më saktë në minutën e 56-të, kur De Silvestri asistoi për Belotin, i cili këtë herë nuk gaboi duke vënë baraspeshën.

Vendasit e shtuan presionin, por ata që shënuan ishin miqtë. Sasuolo befasoi torinezët në minutën e 71-të, ku ishte Pol Lirola, i cili realizoi një gol të mrekullueshëm me finte.

Spektakli nuk u mbyll me aq, pasi dhjetë minuta më vonë, “Demat” reaguan përsëri me anë të Simone Zazas. Sulmuesi u lirua bukur në zonë dhe i vetëm përballë Konsilit e ndali topin në rrjetë.

Dy minuta më vonë ishte Andrea Beloti, i cili dhuroi spektakël, duke shënuar me roveshatë një gol të pabesueshëm. Tri pikë për Torinon, që tashmë kalon Romën në renditje, si për të konfirmuar një sezon fantastik.

Një video e publikuar orët e fundit, filmuar nga një ballkon pranë stadiumit stërvitor Filadelfia, ka kapur një moment nervozizmi të paparë në kampin torinez, aq sa plasi grushti.

Portieri Sirigu, shumë i zemëruar, kishte diçka për t’i thënë mbrojtësit Rinkon dhe iu afrua duke i bërtitur.

Të dy nisën përleshjen, ndërsa ndërhynë Izzo, Moretti e De Silvestri, veteranët e tjerë të ekipit. Më pas portieri braktisi stërvitjen, ndërsa trajneri Valter Maxarri ndiqte skenën i shastisur.

Historia thuajse u përsërit sot, sepse Juve ka kohë që është me pushime dhe Lukiç e ndëshkoi në minutën e 18-të.

Një pjesë e parë e bukur, me një Torino që shkëlqeu, ndërsa në të dytën ritmi i lojës ra disi. Kur dukej se Torino po hidhte një tjetër hap drejt Champions, Cristiano Ronaldo vendosi të barazonte gjithçka me një kërcim të pabesueshëm dhe golin e 100-të me kokë në karrierë.

57 pikë dhe Torino kalon Milanin, rekord pikësh që kur në lojë janë fitoret me 3 pikë!

Bonuçi bashkë me gruan dhe dy djemtë ishin në stadium për t’i plotësuar dëshirën birit të madh të familjes. Mbrojtësi bardhezi postoi një foto në rrjetet sociale. Prania e tyre duket se e bekoi skuadrën e drejtuar nga Valter Maxarri dhe Belotin.

Sulmuesi dhe kapiteni i ekipit granata është lojtari i preferuar i Lorenzos dhe falë babait të tij ai ka pasur nderin ta takojë. Djaloshi stërvitet me moshat e Torinos. Ai e merr babain shumë shpesh për ta ndjekur në stërvitje, por edhe për të parë ndeshje në “Olimpico”.

Humbja 2 – 0 ndaj ekipit “granata” shoqërohet dhe me ndëshkimin me të kuqe të kapitenit Romanjoli, i cili e teproi me një gjest ndaj arbitrit Guida.

“Djalli” e nisi më mirë takimin, por penalltia e shkaktuar nga Kesi rezultoi fatale. Skuadra e Gatuzos u përpoq të kundërpërgjigjej, por nuk shkoi më shumë se një traversë, ndërsa pak sekonda më vonë erdhi dhe goli i “nokautit”.

Torino 2 – 0 Milan
Shënues: Beloti 58′ (pen), Berenger 69′

Një shtyrje e Kesit ndaj argjentinasit Berenger u bë shkak që arbitri Guida të akordonte 11-metërshin për ekipin “Granata”. Konsulta me sistemin “VAR” nuk la asnjë vend për dyshim. Pak minuta më vonë Berenger bëhet sërish protagonist duke shënuar golin e dytë për vendasit

Sulmuesi polak Kristof Piatek është ulur në stol dhe “çelësat” e sulmit janë besuar Patrik Kutrones, i cili mbështet nga të përhershmit Suso dhe Çalhanoglu.

Në krahun tjetër skuadra e Maxarrit qëndron e njëjta pa ndryshime dhe skemën e përhershme të ekipit granata: 3-4-3.

Milan: Donaruma,  Konti, Romanjoli, Musakio, Rodrigez, Bakajoko, Kesie, Paketa, Çalhanoglu,  Suso, Kutrone

Torino: Sirigu, De Silvestri, Izo, Nkulu, Moreti, Ansaldi, Aina, Rinkon, Meite, Lukiç, Beloti, Berenger, Beloti

TORINO – “Nesër do të luajmë për fanellë, karrierën e lojtarëve dhe gjithë universin e Milanit. Vijmë nga një periudhë e keqe dhe kritikat janë të drejta. Nesër do të përballemi me një skuadër, që na kujton Atalantën. Kanë karakteristika të ngjashme. Kemi nevojë për forcë fizike dhe qartësi. Mbi të gjithë kemi nevojë për diçka që e kemi pasur gjithmonë, por që sot na mungon. Duhet të japim shpirtin në fushën e blertë.”

KARIKIMI– “Nuk i gjuaj askujt me grushte, thjesht duhet të kuptojmë që duhet të jemi të bashkuar dhe të japim edhe më shumë. Le të logjikojmë të gjithë njësoj. Dëgjoj shumë fjalë për të ardhmen time dhe të lojtarëve, por boll. Le të mendojmë vetëm për të ardhmen e Milanit. Në këtë moment jemi shuar të gjithë. Nevojiten fakte dhe rezultate. Diferencën do e bëjë dëshira për të sakrifikuar.”

KRITIKAT – “Po vuajmë në rikuperimin e topit. Nuk po luajmë si skuadër. Nuk jemi të rrezikshëm në sulm dhe as të kujdesshëm në mbrojtje. Po i bëjmë gjerat përgjysmë. Unë i marr përsipër përgjegjësitë e mia. Futbollisti ndryshon nga trajneri. Nuk e them kot që jam përgjegjësi i parë për këtë situatë. Disa lojtarë nuk gjenden në formë të mirë, ndërsa të tjerë harxhojnë kohë duke menduar. Po e paguajmë diçka të tillë, por duhet të tregohemi të afte për t’i marrë maksimumin skuadrës. Dëgjoj fjalë kafenesh sikur lojtarët nuk e ndjejnë fanellën e Milanit, apo sikur nuk e vrasim mendjen fare për objektivat tonë. Është e vërtetë që kemik probleme dhe defekte, por duhet treguar respekt për këta djem.”

PAKETA – “Nuk mund të zgjidhë gjithçka i vetëm ka nevojë për ndihmën e skuadrës. Lukas na ka dhënë një dorë të madhe, por ka nevojë për të gjithë kolektivin.”

ZHGËNJIMI – “Unë jam i zhgënjyer nga vetja ime. Nuk po arrij t’i ndryshoj gjërat dhe të futem në kokat e lojtarëve. Jam i zhgënjyer sepse një trajner duhet t’i transmetojë gjithçka ekipit të tij. Mund të gabojmë teknikisht, por është problem i madh kur mungon dëshira për të vuajtur. Jam më shumë i zhgënjyer nga vetja sesa nga lojtarët. Një jetë rresht më kemi thënë që nuk bëj për Milanin si lojtar, por lidershipi nuk mund të blihet me para. Nuk mund të shkosh në supermarket dhe t’i thuash shitësit: ‘Të lutem, dua 10 euro lidership’.”

BAKAJOKO – ‘Timuenë e kam parë mirë. Ajo që ndodhi në Kupë është e dokumentuar me foto dhe video. Po e dëgjoj nga ju gazetarët që lojtari dëshiron të largohet. Ai ka bërë një sezon të rëndësishëm dhe ndihet mirë në Itali. Jam dakord me Reinën, jemi akoma në vitet 1800, por jo të gjithë tifozët e pranishëm në stadium logjikojnë njësoj.”

Torini e Ualter Maxarrit është rikthyer te fitoret pas dy barazimeve radhazi. Ekip “granada” mundi Xhenoan në transfertë falë golit të Ansaldit. Torinezët tani janë vetëm tre pikë larg Milanit të vendit të katërt, të cilët i presin në fundjavë në stadiumin e tyre. Champions-i tanimë nuk është thjesht një imagjinatë e shfrenuar.

Në ndeshjet e tjera të Serie A, Bolonja dhe SPAL-i hodhën një hap të sigurt drejt mbijetesës me fitoret ndaj Sampdorias dhe Empolit, ndërsa Udineze mbetet në ujëra të trazuar pas barazimit të sotëm me Sasuolon.

Bolonja 3 – 0 Sampdoria
Shënues: Toneli 55’ (aug), Pulgar 69’, Orsolini 83’

Kaljari 1 – 0 Frozinone
Shënues: Zhoao Pedro 27’

Empoli 2 – 4 SPAL
Shënues: Kaputo 22’, Traore 47; / Petanja 38’ (pen), 61’, Flokari 44’, Antenuçi 88’

Xhenoa 0 – 1 Torino
Shënues: Ansaldi 58’

Lacio 1 – 2 Kievo
Shënues: Kaisedo 67’ / Vinjato 49’, Hetemaj 51

Udineze 1 – 1 Sasuolo
Shënues: Lirola 80’ (aug) / Sensi 31’

]]> https://sportekspres.com/video-vetevrasje-e-lacios-torino-fillon-te-enderroje-champions-in/feed/ 0 https://sportekspres.com/pelqehet-nga-dy-klube-dermaku-drejt-serie-a/ https://sportekspres.com/pelqehet-nga-dy-klube-dermaku-drejt-serie-a/#respond Thu, 18 Apr 2019 09:39:18 +0000 http://sportekspres.com/?p=257053 Kastriot Dermaku po zhvillon një sezon shumë të mirë me Kozencën në Serie B. Paraqitjet e qendërmbrojtësit të kombëtares kuqezi janë vënë re nga klube të Serie A. Bolonja dhe Torino interesohen për shërbimet e tij, por të parët janë në avantazh.

Kontrata e Dermakut me Kozencën përfundon në verë dhe ai do të dalë lojtar i lirë në fund të sezonit. Sipas lajmeve që vijnë nga vendi fqinj, Bolonja është bindur për cilësitë e tij dhe do t’i ofrojë së shpejti një kontratë të rëndësishme.

27-vjeçari numëron 30 ndeshje të zhvilluara këtë sezon me Kozencën, ndërsa me kombëtaren kuqezi është aktivizuar në dy ndeshje.

Në intervistën e dhënë fill pas ndeshjes për televizionin holandez “Veroninca”, Ten Hag ndau me gazetarët arsyen e problemeve që skuadra e tij ndryshoi krejt fytyrë gjatë pjesë së dytë.

SUKSESI – “Jam shumë krenarë për këta djem dhe sigurisht për stafin tim. Kjo nuk erdhi falë meje, por falë skuadrës. Jam duke harruar shumë emra, por këtë po arrijmë së bashku”.

PJESA E PARË – “E patëm të vështirë të përballonim presionin e ushtruar nga ata gjatë pjesës së parë. Po vraponin shumë ishte një futboll tejet luftarak, por ne ishim të mirëorganizuar dhe nuk u lamë të na dëmtonin, por në krahun tjetër nuk është se po u bënim ndonjë dëm atyre”.

DOMINIMI NË TË DYTËN – “Në pjesën e dytë pashë që mund të përmirësoheshim në disa gjëra. Filluam të luanim me dy mesfushorë para mbrojtjes dhe më pas po luanim më shumë futboll dhe e vumë Juventusin në presion të madh, ata s’po dinin si të reagonin dhe na linin shumë hapësira. Patëm tre ose katër raste të pastra për shënim, por ishte bukur që golin e gjetëm me një goditja standarde”.

GOLI I DE LIGT – “Ishte një plan i mirëmenduar pas atij goli. Gjithçka shkoi në mënyrë perfekte ashtu siç e kishim menduar. Lase Shëne ishte perfekt me ekzekutimin. Kësaj radhe ishte një ndeshje krejt tjetër krahasuar me Realin. Në Madrid kundërshtari kërkonte të luante më shumë futboll në fazën sulmuese në krahasim me Juventusin dhe na erdhën shumë shpesh afër portës sonë. Reali nuk ushtronte presion në mënyrë kaq agresive, kjo na lehtësonte lojën”.

SITI APO TOTENHEM – “Si fillim duhet ta shijojmë këtë moment. Kemi treguar se mund të përballojmë stile të ndryshme loje. Jemi duke kaluar limitet vazhdimisht, loja e këtij grupi sa vjen e rritet. Një sfidë tjetër do të na dali përpara dhe mezi po e presim”, përfundoi Ten Hag.

Pjesa e parë u mbyll ashtu siç nisi, ndërsa e dyta nisi me gol. Simone Zaza devijoji një pasim të Izos dhe kaloi vendasit në avantazh. Sulmuesi i njohur la Torinon me një lojtar më pak në minutën e 74’.

Një faull i pa dhënë solli acarimin e Zazës, i cili reagoi kundër arbitrit, me këtë të fundit që nuk përtoi t’i nxirrte kartonin e kuq. Ekipi sard përfitoi dhe barazoi me anë të Leonardo Pavoletit.

30-vjeçari shfrytëzoi një asist të bukur të Cigarinit dhe me kokë mposhti Sirigunë. Lojtari i Kaljarit ishte në pozicion të dyshimtë, por VAR-i qartësoi gjithçka dhe e konfirmoi golin si të rregullt. Ishte minuta e 78-të, ndërsa numri i lojtarëve u barazua në fund.

Pelegrini kreu një ndërhyrje të ashpër në minutën e 82’ dhe karton i kuq për të. Torino tentoi deri në fund të shënonte golin e fitores, por nuk ia doli në shtatë minutat shtesë. Në fund pati një tjetër karton të kuq.

Barela i miqve u ndëshkua në minutën e 96′ dhe la ekipin me 9 lojtarë. Ekipi i Maxarrit qëndron në vend të shtatë me 50 pikë, pesë më pak se Milani i vendit të katërt, ndërsa Kaljari pozicionohet në mesin e qetë me 37 pikë.

Torino-Kaljari 1-1
(Zaza 52’ / Pavoleti 78’)

Klaudio Ranieri e rreshtoi Romën me skemën 4-2-3-1. Në majë të sulmit Xheko, ndërsa pas tij Peroti, Kristante dhe Shik. Zaniolo përsëri në stol, ndërsa De Rosi e N’Zonzi formonin “digën” përpara mbrojtjes.

Roma rezistoi vetëm tre minuta, pasi Milik kaloi miqtë në avantazh me anë të një goli të fantastik. Roma u hodh në sulm dhe arriti të barazonte ndeshjen në minutën e katërt shtesë të pjesës së parë.

Penallti për Romën dhe përsipër e mori i pagabueshmi Peroti. Argjentinasi tundi rrjetën, në stadium shpërtheu festa dhe ekipet shkuan në barazim në dhomat e zhveshjes. E dyta nuk kishte histori dhe nisi me furinë e Napolit.

Mertens dhe Verdi shënuan dy herë brenda pesë minutash, ndërsa në fund pati festë edhe për gjermanin Junes. Kjo fitore e ngjit Napolin në kuotën e 63 pikëve, ndërsa verdhekuqtë mbeten në vendin e gjashtë me 47 pikë, katër më pak se Milani i vendi të katërt.

Nuk pati fitues ndeshja midis Fiorentinës dhe Torinos. Vendasit nuk arritën të mposhtin Torinon për t’ia dedikuar fitoren idhullit të qytetit, Gabriel Omar Batistutës, i cili festonte 50-vjetorin e lindjes. Të dy golat u shënuan në pjesën e parë. Xhovani Simeone kaloi vendasit në avantazh në minutën e shtatë, ndërsa ekipi “granata” barazoi nëpërmjet një goli shumë të bukur të Baselit.

Një gol i qendërmbrojtësit Vikari i dha tre pikë të arta Spalit në transfertën e Frozinones. Vendasit e kishin këtë ndeshje “jetë a vdekje”, por dolën pa pikë dhe mbijetesa vazhdon të jetë 8 pikë larg. Fitore qetësie për Spalin që siguron fitoren e dytë rresht pas asaj në shtëpi kundër Romës.

Roma-Napoli 1-4
(Peroti (pen) 45+4’ / Milik 2’, Mertens 50’, Verdi 55’, Junes 81’)

Fiorentina-Torino 1-1
(Simeone 7’ / Baseli 34’)

Frozinone-Spal 0-1
(Vikari 13’)

]]> https://sportekspres.com/video-napoli-shume-i-forte-per-romen-fiorentina-nuk-e-nderon-batistuten/feed/ 0 https://sportekspres.com/video-torino-shperthen-ne-fund-fundos-kievon-dhe-sheh-europen/ https://sportekspres.com/video-torino-shperthen-ne-fund-fundos-kievon-dhe-sheh-europen/#respond Sun, 03 Mar 2019 13:26:27 +0000 http://sportekspres.com/?p=243842 Torino nuk u ndal as kundër Kievos dhe arriti. fitoren e dytë rresht në shtëpi. Ekipin “granata” mposhti Kievon me rezultatin 3-0 dhe ky trepikësh që tashmë është ngjitur në vendin e shtatë me 41 pikë.

Një ndeshje e fortë, plot duele të ashpra, por pa shumë raste për shënim. Pjesa e parë ishte e vakët, ndërsa Torino u fut me një marsh më shumë në 45 minutat e dyta. Për të zhbllokuar sfidën mendoi Andrea Beloti, i cili shënoi golin e fitores në minutën e 76-të.

Kapiteni mori një top nga Zaza dhe lëshoi një të djathtë të pakapshme për Sorrentinon. Gol shumë i bukur i Belotit dhe Torino në avantazh. Ky ishte goli i tetë në kampionat për 25-vjeçarin, ndërsa Torino shënoi dhe dy herë të tjera në minutat shtesë.

Rinkon dyfishoi shifrat në minutën e dytë shtesë, ndërsa pati momente feste dhe për Simone Zazën, i cili gjeti golin dy minuta më vonë. Ekipi i Maxarrit po kalon një formë shumë të mirë dhe Interi i vendit të katërt është vetëm 6 pikë larg. Nga ana tjetër Kievo vazhdon të renditet në vendin e fundit me 10 pikë dhe është shumë afër rrëzimit nga kategoria.

Torino-Kievo 3-0
(Beloti 76’, Rinkon 90+2′, Zaza 90+4′)

Berisha dhe Gjimshiti e nisën ndeshjen si titullarë, por pa arritur të shmangin humbjen e ekipit të tyre. Ndeshja u zhbllokua tre minuta përpara fundit të pjesës së parë. Izo kaloi Torinon në avantazh pas një rrëmuje në zonën e Atalantës, ndërsa me gol nisi dhe pjesa e dytë.

Iago Falke shënoi menjëherë sapo nisi e dyta. Spanjolli mori një pasim nga Meite dhe lëshoi një goditje të pakapshme për Etrit Berishën, duke shënuar përsëri përballë “viktimës” së preferuar. Goli i gjashtë në shtatë ndeshje të zhvilluara kundër Atalantës për sulmuesin. Atalanta tentoi deri në fund të hapte ndeshjen, por djemtë e Maxarrit mbajtën portën të paprekur, siguruan ndeshjen e pestë në kampionat pa humbje dhe tashmë hedhin sytë nga Europa.

Torino-Atalanta 2-0
(Izo 42’, Iago Falke 46’)

Një tjetër e veçantë e kësaj ndeshje ishte dhe numri i lartë i kartonëve të verdhë, plot tetë të tillë, njërin prej të cilëve e mori mbrojtësi i kombëtares sonë Elseid Hysaj.

Në këtë takim futbollisti shkodran u aktivizua si mbrojtësi i krahut të majtë dhe luajti gjatë të gjithë 90 minutave.

NAPOLI 0 – 0 TORINO

Sot 24-vjeçari aktivizohet në Francë me skuadrën e Renesë, ku ndodhet i huazuar nga Torino. Rikthimi në vendlindje duket se i ka bërë mirë sulmuesit, i cili ka tërhequr vëmendjen e ekipeve kineze, merkato e të cilave është ende e hapur.

Shangai Shenhua është skuadra e interesuar për Niang. Sipas “footmercato”, klubi kinez ka gjetur akordin me Torinon, por mbeten për t’u bindur drejtuesit e Renesë, pasi huazimi i lojtarit përfundon në qershor dhe marrëveshja nuk mund të pritet në mënyrë të njëanshme.

Milan nuk arriti të mbyllte me sukses asnjë nga tratativat për Sant-Maksim apo Ferreira Karrasko. Një lëvizje u tentua në momentet e fundit për të afruar Simone Verdin e Napolit, por përsëri nuk u arrit marrëveshja.

Empoli ka qenë një ndër ekipet më aktiv, i cili ka afruar tre lojtarë dhe ka larguar një. Kevin Diks, Diego Farias dhe Marko Pajac janë lojtarët më të rinj të klubit, ku aktivizohet dhe Frederik Veseli. Ndërkohë, Rasmusen ka zgjedhur të largohet, teksa është lojtari më i ri i Fiorentinës.

Lacio, gjithashtu ka bërë një përforcim, teksa ka afruar Romulon nga Xhenoa. Torino, nga ana tjetër ka larguar dy lojtarë drejt Bolonjës dhe ka marrë në huazim, 18-vjeçarin Alehandro Markos nga Barcelona.

Jo vetëm kaq, por Torino i vuri jo pak në vështirësi zikaltrit, të cilët nuk fitojnë as në ndeshjen e dytë të vitit. Ashtu si në të shkuarën janari nuk është muaj i Interit, që edhe në takimin me Sasuolën nuk shkoi më shumë se një barazim pa gola.

Interi mbetet në kuotën e 40 pikëve dhe ndjen presionin e Milanit që ka vetëm 5 pikë më shumë, por sheh që vendet e para të largohen gjithnjë e më shumë. Në anën tjetër, Torino merr një fitore që e ngjit në vendin e 10-të në klasifikim me plot 30 pikë.

Megjithatë, “djalli” ka ndërmend të bëjë dhe një sforco të fundit me qëllim që në fund të sezonit të arrijë objektivin madhor e të kthyerit në Champions League. Bëhet fjalë për një sulmues krahu të djathtë, vend ku kuqezinjtë po studiojnë disa lojtarë.

Sipas medieve italiane një emër në tavolinë ishte dhe Hese Rodrigez, ish-lojtari i Real Madrid, që tani është pjesë e PSG-së. Interesant është fakti që spanjolli iu vetëofrua Milanit me anë të agjentit të tij, por drejtuesi i lartë i “djallit”, Leonardo, e refuzoi menjëherë, duke qenë se 25-vjeçari ka gati një vit pa luajtur dhe ndër të tjera, ai shquhet për karakterin e tij problematik në stërvitje.

Pas refuzimit të klubit milanez, agjenti i Hese po negocion me një tjetër klub italian. Sipas “Corriere Dello Sport”, Torino është shumë pranë firmës me spanjollin, i cili pritet t’i bashkohet skuadrës së Ualter Maxarrit me anë të një marrëveshje huazimi me afat 6-mujor.

Pjesa e parë foli për Romën, që shënoi dy gola me anë të Zaniolos dhe Kolarov. Talenti italian hapi serinë e golave në 15’, ndërsa serbi dyfishoi shifrat me anë të një penalltie të fituar nga El Sharaui.

U duk se djemtë e Di Françeskos e siguruan lehtësisht fitoren, por ekipi granata reagoi në pjesën e dytë. Rinkon shkurtoi shifrat me anë të një goditje të bukur në 51’, ndërsa Ansaldi shënoi një gol shumë të bukur në 67’, duke vendosur heshtjen në stadium.

Megjithatë, Roma gjeti forca për të reaguar dhe El Sharaui shënoi golin e fitores në 73’, duke u ngjitur përkohësisht në vendin e katërt. Ndeshja nuk pati më gola, ndërsa Ynder Xhengiz u largua nga fusha i dëmtuar.

Roma-Torino 3-2
(Zaniolo 15’, Kolarov (pen) 34’, El Sharaui 73’ / Rinkon 51’, Ansaldi 67’)

Federiko Kieza ishte vendimtar për vjollcët, duke shënuar dy herë në fundin e takimit. Përballja ishte e ekuilibruar, ku të dyja ekipet krijuan volum, por pa konkretizuar në pjesën e parë. Në fraksionin e dytë, Fiorentina duket se erdhi me një marsh më shumë, ku në fundin e takimit zgjidhi gjithçka me anë të Federiko Kiezës.

Fillimisht në minutën e 87-të mesfushori i avancuar shënoi golin e avantazhit, ndërsa në minutën e dytë shtesë hipotekoi gjithçka për ekipin e tij, duke mbyllur sfidën në 0-2. Vlen për t’u përmendur që për Fioren debutoi edhe blerja më e re, Luis Muriel, i cili bëri një ndeshje të kënaqshme deri në minutën e 64-të, kohë kur u zëvendësua me Simeonen.

Ata kanë ndaluar në një autogril afër Firences, ndërsa kanë mbërritur dhe disa ultras të Bolonjës. Këta të fundit ishin nisur drejt Napolit për të ndjekur ekipin e tyre. Siç raporton “Corriere di Torino”, tifozët e Bolonjës kanë sulmuar ata torinezë, duke goditur autobusin dhe thyer xhamat e tij.

Bolonjezët janë “zhdukur” përpara ardhjes së policisë, ndërsa tifozët granata kanë vazhduar udhëtimin, duke përdorur kartonë në vend të xhamave të thyer.

Për episodin e ndodhur ka reaguar dhe Mateo Salvini, ministri i brendshëm. “Le të fillojmë t’i mbajmë në burg këta idiotë, të cilët nuk duhet të shkelin më kurrë në stadiume, derisa të zhduken. Një tifoz i vërtetë nuk gjuan me gurë, ose përdor thika, zero tolerancë”, shkruan i irrituar Salvini në faqen e tij në rrjetet sociale.

Cominciamo col tenere in galera questi deficienti, che non dovranno mai più mettere piede in uno stadio finché campano.
Un vero tifoso non lancia sassi né usa coltelli, tolleranza zero!https://t.co/7XCUPQ7M4l

— Matteo Salvini (@matteosalvinimi) December 29, 2018

Torino protestoi për mungesën e një penalltie të pastër, ndërsa Kristiano Ronaldo i dha fitoren Juventusit nga pika e penalltisë. Një episod interesant ka ndodhur përpara fillimit të ndeshjes.

Është bërë zakon të shohim tifozët e njërës palë të sulmojnë autobusin e ekipit tjetër. Tifozët e Torinos kanë parë autobusin e Juves dhe janë turrur ta sulmojnë. Ofendime në kor dhe sharje pafund, por… stop!

Autobusi nuk ishte i Juventusit, por i Torinos. Tifozët nuk kishin dalluar gjë. Urrejtja kthehet menjëherë në dashuri dhe tifozët nisin koret e tyre për ekipin e zemrës. Pak ilaritet mes tifozëve granata, ndërsa për pak ishin gati për të “shpërthyer” ndaj… autobusit të gabuar.

Loja e dobët e skuadrës në ndeshjen e djeshme, nuk e shqetëson aspak mesfushorin boshnjak, i cili me anë të një postimi në rrjetin social “Twitter” shpjegoi se në derbi ndryshon nga ndeshjet e tjera të kampionatit.

“Kampionatit e fiton më i forti. Derbin e fiton ai që ka më shumë zemër”, shkroi mesfushori i kampionëve të Italisë.

I campionati li vinci se sei il più forte. I derby li vinci se hai più cuore ???#ForzaJuve #FinoAllaFine #ToroJuve pic.twitter.com/cRWfWP87SF

— Miralem Pjanic (@Miralem_Pjanic) December 15, 2018

Torino-Juventus u mbyll si zakonisht me fitoren e ekipit të Alegrit. Goli i Kristiano Ronaldos nga pika e penalltisë ngjyrosi me ngjyrat bardhezi qytetin e Torinos, por nuk kanë munguar përplasjet mes tifozërive.

Siç raporton “Juvenews.eu”, përpara ndeshjes ka ndodhur një përplasje e fortë midis dy tifozërive. Dy grupime të Juves dhe Torinos nuk janë kursyer kundrejt njëri-tjetrit dhe janë përleshur mes tyre. Përplasja ka qenë e fortë, ndërsa policia ka ndërhyrë duke arrestuar 9 persona.

Siç bëhet e ditur, 8 prej tyre janë francezë, tifozë të Juventusit dhe pjesë e tifogrupit “Drughi”. I nënti është një juventin italian 19-vjeçar, i cili ka sulmuar tifozët e Torinos me objekte të forta.

Në një stadium të tejmbushur, me 26.588 bileta të shitura, Juve shënoi golin numër 5000 në Serinë A.

Në fakt, Torino tentoi me çdo mënyrë, edhe për faktin se në lojë është krenaria e pjesës “granata” të qytetit, por sërish nuk ishte e mundur dhe skuadra e drejtuar nga Mazzarri e ka edhe me arbitrin Guida, pasi në minutën e 54-t ish-sulmuesi i Juves Simone Zaza u ndal me faull në zonë, por jo vetëm arbitri, por as VAR nuk denjuan të mendoheshin dy herë.

Ho visto gente pronta a scendere in piazza e chiedere interrogazioni parlamentari per molto meno.#Var #TorinoJuve pic.twitter.com/D4ghcYZT7b

— John Fox (@JohnFoxFPA) December 15, 2018

Pikërisht Zaza bëri gafën që vendosi ndeshjen, sepse sulmuesi ktheu pas te portieri një top të diskutueshëm, tek i cili vërshoi Mandzukic, më i shpejtë se Ikazo (Sirigu ishte dëmtuar në pjesën e parë dhe u zëvendësua) dhe portieri shkaktoi penallti.

Nga pika e bardhë Ronaldo nuk gaboi, edhe pse rrezikoi shumë, sepse Ichazo e preku topin. Kaq mjaftoi, Torino nuk pati forcë të reagonte dhe Juve arkëton edhe 3 pikë, në një ndeshje ku nuk është se bëri gjëra të paharrueshme, përkundrazi, një barazim do të ishte rezultati më i drejtë.

Cristiano Ronaldo breaks the deadlock with a PK goal. 1 nil Juve in the #DerbyDellaMole. #tlnsoccer #ToroJuve #TorinoJuve #SerieA pic.twitter.com/fJfxqzZhdP

— TLNTV (@TLNTV) December 15, 2018

Debutues në këtë derbi është pikërisht Kristiano Ronaldo. Portugezi ka folur në kuadër të sfidës për “Tuttosport” dhe ka theksuar që është një sfidë që kërkon impenjim dhe fitorja është i vetmi objektiv. Gjithashtu, ylli i Juventusit ka zbuluar dhe dy sfidat që tifozët e “zonjës së vjetër” nuk duan kurrë t’i humbasin.

“Kam mësuar se tifozët e Juventusit refuzojnë të humbasin dy ndeshje: ndaj Interit dhe ndaj Torinos. Humbja është gjithmonë diçka e keqe dhe nuk e pëlqej aspak. Derbi është gjithmonë një rast i madh, kështu që na duhet të fitojmë. Jam i qetë, sepse e di potencialin e kësaj skuadre. Në ndeshje në vijim, kemi disa sfida të rëndësishme”.